راكوبة المجادعات

المشاركة الأصلية كتبت بواسطة صديق قوزالرهيد

هاكم دي كدي حاولو جاروها

لهيجك حالي ياست البنات أسكرنا
فاق عجوالمحس ومسختي لي سُكرنا
وخمرة هواك ياسمحة ياها سَكرنا

فاتحين باب الغرام ياحلوة ماسكْرنا

نظمك يا صديق والله جد أسكرنا
كل ما نجيب كلام نلقاك إنت بدرنا
يا صاحب الحرف من فيضو نحنا سِكِرنا

المشاركة الأصلية كتبت بواسطة صديق قوزالرهيد

استاذي ابوذر والله غنمايتكم راقية جدا والله البتعملو غنمايتكم دة عندنا بنات كتار مابيعملنو واما بخصوص انك انت مابتقدر تجادع دي انا مابصدقك فيها وهاك دي عربون صداقة

ابوذر اخوي انت سيد الحروف والقافية
نفسك طيبة سيرتك فايحة نيتك صافية
ولي كرم الضيوف دايما كراعك حافية

ولي العدو والخصيم بتكون ضرِبتك شافية

العزيز صديق قوزالرهيد وخريفها وسيلها الذي يحمل ماينفع الناس منه
حقيقه لا استطيع ان اجاريك فانت بحر شوطئك ترمي بشعر كالقصر
وشاكر لك الاطراء والمديح ولا اظن اني استحقه فهذا اكبر مني
لك الشكر مثني وثلاث ورباع
ودامت معرفتك وخوتك وجمالك
وشكرن شكرن شكرن

الرسول كان يقيف ليكم او يقطع ليكم قلم
قولو وزيدو خلو حروف العجم
ما انتو اسياد الرايه والعلم والفهم
انت اتجادعو وخلوني لرعايه البهم


اها ياناس رايكم شنو اواصل ولا اتفرج بس

المشاركة الأصلية كتبت بواسطة الطيب ابوكرنة

نظمك يا صديق والله جد أسكرنا

كل ما نجيب كلام نلقاك إنت بدرنا

يا صاحب الحرف من فيضو نحنا سِكِرنا

مشكور ياحبيبنا وطبيبنا شيخ ابوكرنة
مرورك زي فراش يرشف رحيقو زهرنا
وبنقول السماح لو في حقكم قصرنا
وشان سمح الصفات فيكم اتكسرنا

المشاركة الأصلية كتبت بواسطة ابوذر حسن طه

الرسول كان يقيف ليكم او يقطع ليكم قلم
قولو وزيدو خلو حروف العجم
ما انتو اسياد الرايه والعلم والفهم
انت اتجادعو وخلوني لرعايه البهم


اها ياناس رايكم شنو اواصل ولا اتفرج بس

ابو ذر ود حسن اقدل وجر النم
دوبايك سمح بفرج ويزيل الهم
وبي قول العوازل ياحبيبنا ماتهتم
وبي عشرة حلاتكم نحن الكسبنا فهم

المشاركة الأصلية كتبت بواسطة صديق قوزالرهيد

هاكم دي كدي حاولو جاروها

لهيجك حالي ياست البنات أسكرنا
فاق عجوالمحس ومسختي لي سُكرنا
وخمرة هواك ياسمحة ياها سَكرنا
فاتحين باب الغرام ياحلوة ماسكْرنا

يــــا السمحة أم لهيج حبك والله جننـــــــا

عددنــــــا المحــاسن ومن حســـابن فترنا

يا بت عزاز الناس نحن بقربك جد طربنــا

تستأهلي النظم ونحن للكريم بحبك أتعبدنا

المشاركة الأصلية كتبت بواسطة محمد المنصورى

يــــا السمحة أم لهيج حبك والله جننـــــــا

عددنــــــا المحــاسن ومن حســـابن فترنا

يا بت عزاز الناس نحن بقربك جد طربنــا

تستأهلي النظم ونحن للكريم بحبك أتعبدنا

براق سنون الحلوة نورو بهرنا
عايشين في ظلام وهي ياها قمرنا
بت عز بت اكابر وليها نهدي عمرنا
وبي تنظيم حرفك يالمنصوري إطامانا

الشكر لاتحده حدود للاخوة:- الصديق ياسر تمساح ؛؛ والاستاذ ابوذر حسن طه؛؛ والحبيب محمد المنصوري؛؛ والرائع ابو همام؛؛ والشيخ الطيب ابوكرنة الذين تركوا بصماتهم علي هذا البوست مما اضفي عليه سمة من سمات الجمال والتميز فلهم مني الشكر بقدر مقاماتهم السامية؛؛؛؛

[quote=صديق قوزالرهيد;216703]

الشكر لاتحده حدود للاخوة:- الصديق ياسر تمساح ؛؛ والاستاذ ابوذر حسن طه؛؛ والحبيب محمد المنصوري؛؛ والرائع ابو همام؛؛ والشيخ الطيب ابوكرنة الذين تركوا بصماتهم علي هذا البوست مما اضفي عليه سمة من سمات الجمال والتميز فلهم مني الشكر بقدر مقاماتهم السامية؛؛؛؛




ونيابة عن الأخوان بقول ليك :-

بمجادعاتك يا الحبيب كلنا أتفاخرنا

يا ود قوز الرهيد كرمك والله غمرنا

نتشارك في السعادة والكرم هو أصلنا

سأل الكريم أن يجعل الجنة مجمعنا

هاكم دي

هذه أول كلمات انظمها في أم مصطفي حفظها الله

أدب في الزمــن مــــا بتلقي وتهذيب مــزدان بوعــي

اتجسدت فيني معاني ما بتتمحي كلمات طيبة محال تتنسي

عزة واصالة وتقي ومنك يا أم مصطفي الاخلاق تستحي

بأسلامك بعد الله الضّال أهتدي وبخصالك الاعجاب ما بنتهي .

نتابع نستمتع
محاولة ساكت
يا ود قوز الرهيد عزيتنا خيرك سابق
يا ترب الفوارس فى النم بريقـك شابك
قطـعت اللسـان البى المـلام متحــازق
تنظــم فى الحـرف خليتنا نحن نساسق

المشاركة الأصلية كتبت بواسطة محمد المنصورى

هاكم دي

هذه أول كلمات انظمها في أم مصطفي حفظها الله

أدب في الزمــن مــــا بتلقي وتهذيب مــزدان بوعــي

اتجسدت فيني معاني ما بتتمحي كلمات طيبة محال تتنسي

عزة واصالة وتقي ومنك يا أم مصطفي الاخلاق تستحي

بأسلامك بعد الله الضّال أهتدي وبخصالك الاعجاب ما بنتهي .

ربنا يديمها عليك نعمة
ويحفظ زريتكم ويبارك
آمييين

المشاركة الأصلية كتبت بواسطة صديق قوزالرهيد

الشكر لاتحده حدود للاخوة:- الصديق ياسر تمساح ؛؛ والاستاذ ابوذر حسن طه؛؛ والحبيب محمد المنصوري؛؛ والرائع ابو همام؛؛ والشيخ الطيب ابوكرنة الذين تركوا بصماتهم علي هذا البوست مما اضفي عليه سمة من سمات الجمال والتميز فلهم مني الشكر بقدر مقاماتهم السامية؛؛؛؛

المنصورى اناب وخت فى الانابة هواده
سبـاق للكـرم بى انابتـه زدنـــــا ســعادة
ياصـاحب النضـم حرفك بقـالنا وسـادة
ان جبـت البحـر بندورلو نحـــن زيادة

المشاركة الأصلية كتبت بواسطة محمد المنصورى

هاكم دي

هذه أول كلمات انظمها في أم مصطفي حفظها الله

أدب في الزمــن مــــا بتلقي وتهذيب مــزدان بوعــي

اتجسدت فيني معاني ما بتتمحي كلمات طيبة محال تتنسي

عزة واصالة وتقي ومنك يا أم مصطفي الاخلاق تستحي

بأسلامك بعد الله الضّال أهتدي وبخصالك الاعجاب ما بنتهي .

قال الله تعالي (( الطيبون للطيبات )) صدق الله العظيم وهذا لم يأتي من فراغ انه من لدن عزيز جبار فهنيئا لك بها حبيبنا المنصوري وحفظكم الله اينما كنتم والف بين قلوبكم واقر الله اعينكما بابنائكم

المشاركة الأصلية كتبت بواسطة ياسر تمساح

نتابع نستمتع

محاولة ساكت
يا ود قوز الرهيد عزيتنا خيرك سابق
يا ترب الفوارس فى النم بريقـك شابك
قطـعت اللسـان البى المـلام متحــازق
تنظــم فى الحـرف خليتنا نحن نساسق

تمساح اخوي العزة إت اياك سيدة
ياود القوارح ماك داب حروف وقصيدة
نفسك طيبه وفي وقت القواسي شديدة
وليك في الضمير شوقنا ومعزة وريدة

المشاركة الأصلية كتبت بواسطة ياسر تمساح

المنصورى اناب وخت فى الانابة هواده

سبـاق للكـرم بى انابتـه زدنـــــا ســعادة
ياصـاحب النضـم حرفك بقـالنا وسـادة
ان جبـت البحـر بندورلو نحـــن زيادة

كلامكم در منظم البسو في جيدي قلادة
نحن في الصفوف جنود وانتو لينا القادة
انتو اهل الشهامة والكرم عندكم صار عادة
وفي وكت الدواس عدوكم تبيدو ابادة

المشاركة الأصلية كتبت بواسطة صديق قوزالرهيد

الشكر لاتحده حدود للاخوة:- الصديق ياسر تمساح ؛؛ والاستاذ ابوذر حسن طه؛؛ والحبيب محمد المنصوري؛؛ والرائع ابو همام؛؛ والشيخ الطيب ابوكرنة الذين تركوا بصماتهم علي هذا البوست مما اضفي عليه سمة من سمات الجمال والتميز فلهم مني الشكر بقدر مقاماتهم السامية؛؛؛؛

بشكرنا ودقوز الرهيد الولد التمام
ودتمساح و أبوذر ود حسن و أبوهمام
وود المنصوري القال النم قالو تااااااااااام
و ودأبكرنة في شان جاريناهو في الكلام
القلنهو في راكوبة المجاديع البقت زحام
الشكر لي الزول البناها و سقانا جبنتا و قام

الصديق اخوى مالك عزيمتك خفت
طولت الغياب خليتنا جــت نتلفــت
نرجوك ياحبيب تكرمنــا بى بيتين
فى كلام المحنة البجمـــــع الاتنين

المشاركة الأصلية كتبت بواسطة ياسر تمساح

الصديق اخوى مالك عزيمتك خفت

طولت الغياب خليتنا جــت نتلفت

ابشر ياحبيب العزيمة زادت قوة واصلو تب ماخفت
مشاكل الدنيا بس في جوفي وعضاي اصطفت
وبي فرق الحبيب دموعي يوت ماجفت
واهديهو سنين شبابي وامكن تكون ماكفت

المشاركة الأصلية كتبت بواسطة ياسر تمساح

نرجوك ياحبيب تكرمنــا بى بيتين
فى كلام المحنة البجمـــــع الاتنين

رحل محبوبي السيرتو لي بتسلي
رحل الفي الخلوق باين قمر متجلي
في ترحالي أحلم بي وصالو وحلي
لعلي أفوز وأسعد بي لقاهو لعلي

ناس الراكوبة سلام مني يغشاكم
و في الخير و الترف دوام القاكم
و تمام الصحة موفورين عافية تالاكم
أها فتكم عافية منتظر رد السلام الجاكم

المشاركة الأصلية كتبت بواسطة أبوهمام

ناس الراكوبة سلام مني يغشاكم
و في الخير و الترف دوام القاكم
و تمام الصحة موفورين عافية تالاكم
أها فتكم عافية منتظر رد السلام الجاكم

مرحب حباب ريحة عبيرو شذاكم
عطرتو المكان بي مرور محياكم
شاحد الله الكريم بي لطفو يتولاكم
وفي الفردوس هناك جمعا يكون سكناكم

ابوهمام اخوى رد السلام راجينو
من سيد الفهم الدايماً مبرقة سنــو
الصديق كريم وجودو سابق حنـو
متلهف ضيوف راكوبته تشهد عنو

صدقت القول وقلت فى النظم ما خضتت
وغير قولت ياست مابزيدكم ان اتقطعت
الا سحر كلامكم خلانى تهـت سرحـــت
حرك للدواخل فى رحابكـــم اتجادعــت

المشاركة الأصلية كتبت بواسطة ياسر تمساح

صدقت القول وقلت فى النظم ما خضتت
وغير قولت ياست مابزيدكم ان اتقطعت
الا سحر كلامكم خلانى تهـت سرحـــت
حرك للدواخل فى رحابكـــم اتجادعــت

الراكوبه همبريبا يخلي الزول اجر النم
حلاوه الأخوان لا فيها لينا خال و لا عم
خوه في الله و عليه دوام نتلم
و ان حسبت لامن حسبت ما بتعرف عددتم كم

المشاركة الأصلية كتبت بواسطة ياسر تمساح

ابوهمام اخوى رد السلام راجينو
من سيد الفهم الدايماً مبرقة سنــو
الصديق كريم وجودو سابق حنـو
متلهف ضيوف راكوبته تشهد عنو

قلت النسالم الناس كان لينا مره يحنو
الليهم دوام في القلب كل المكان مالينو
و ان شافتهم العين تحلف تقول رادنو
ما ديل ناس المجاديع في العين ملوها و سكنو

والله ماشاء الله اخونا ود تمساح وحبيبنا ابو همام قد نثرتم الدر بين صفحات المنتدي وقد نظمتم احرفا تخلب الانظار من روعتها فلله دركم وما زلنا ننتظر المزيد
واليكم تلك المحاولة

بكتب فيكي يا الدر المكدس في خزاين الدولة
وكل يوم هيمان وسارح وفي هواك ماخد جولة
حبك بس كتلني عديل ومن حالي لاحولة
تقول مرضان سنين وسنين اصبحت زي الشولة

بكتب فيكي يا الدرة الاصيلة فريدة
دة السبب الخلاني اكتب فيكي الف قصيدة
كل يوم في هواكي تظهر لي حاجة جديدة
وفي شان هواك اتوشحت بيها الريدة

ريدة صادقة والعفة جد مالكاها
يا الدرة الاصيلة الكاتلني ديمة هواها
دي الجوهر بحالو وانا قلبي ديمة معاها
دي الربنا خلقه ومن كل شين نقاها

حبيـت الوحيدة وفيـها قلـت كلامــــــــى
من دخـلت قليـبى اتوحـدت احلامــــــى
لحـظ عينـيها نـار زعزعت لمنامــــــى
شاحد الله الكريم كل يوم اشوفها امامى

المشاركة الأصلية كتبت بواسطة ياسر تمساح

حبيـت الوحيدة وفيـها قلـت كلامــــــــى

من دخـلت قليـبى اتوحـدت احلامــــــى
لحـظ عينـيها نـار زعزعت لمنامــــــى
شاحد الله الكريم كل يوم اشوفها امامى

حبيت البنية السكنت جوفي وكلاي وعضامـــــــــي
وكل يوماً يجيبو السيرة انا جرحي بصبح دامـــــــي
ولو ما حظي شوم انا ديمة وتعيسة ايامـــــــــــــــــــي
ما لاقيلي زولاً اوصيهو يغري سلامـــــــــــــــــــــــــــــــي

المشاركة الأصلية كتبت بواسطة صديق قوزالرهيد

حبيت البنية السكنت في جوفي كلاي وعضامي
وكل يوما يجيبو السيرة انا جرحي بصبح دامي
ولو ما حظي شوم انا ديمة وتعيسة ايامي
ما لاقيلي زولا اوصيهو يغري سلامي

المشاركة الأصلية كتبت بواسطة ياسر تمساح

حبيـت الوحيدة وفيـها قلـت كلامــــــــى
من دخـلت قليـبى اتوحـدت احلامــــــى
لحـظ عينـيها نـار زعزعت لمنامــــــى
شاحد الله الكريم كل يوم اشوفها امامى

عشقت البنية القلت تبقالي شفاء آلامي
طبيت في الما بترحم و للعشق عدامي
أنا كان ما ساي ناس تمساح و ودالرهيد قدامي
شنو الخلاني للعشق و الريد أصير علامي