كشك تيه وماحلى فتت تيه

اكيد بتعرفو كشك تيه غايتو انا كنت بتعشى وبعد مرات بدفع ومرات كتيرها بندبر طريقه لمخارجه مره هربا ومره حنكا والذى كتار وبعد ماناكل قاعدين نفلق بيوت الناس ونزعجم عشان نهضم موش غاوين مشا كل عشان ماعندنا حق الببسى وفى احدى الاجازات فكرتا اعمله لكن نسبه للوزن الزائد اقلعت عن الفكره وبقينا مابنقدر على الجرى وكان فكرت تتخارج ظاهر الزول السمين عاد بندس وفى سبب تالت خلانى ادفع شفع انا بعرفم جراين شديد مشو دفعو والله غاظونى جنس قيظه عشان كده حاسبتا كدى بصراحه الجرو كتير هناك منو بس فى مره قبضونى وبحكى ليكم الحصل لى شنو

المشاركة الأصلية كتبت بواسطة صداح حسن عبدالرحيم

اكيد بتعرفو كشك تيه غايتو انا كنت بتعشى وبعد مرات بدفع ومرات كتيرها بندبر طريقه لمخارجه مره هربا ومره حنكا والذى كتار وبعد ماناكل قاعدين نفلق بيوت الناس ونزعجم عشان نهضم موش غاوين مشا كل عشان ماعندنا حق الببسى وفى احدى الاجازات فكرتا اعمله لكن نسبه للوزن الزائد اقلعت عن الفكره وبقينا مابنقدر على الجرى وكان فكرت تتخارج ظاهر الزول السمين عاد بندس وفى سبب تالت خلانى ادفع شفع انا بعرفم جراين شديد مشو دفعو والله غاظونى جنس قيظه عشان كده حاسبتا كدى بصراحه الجرو كتير هناك منو بس فى مره قبضونى وبحكى ليكم الحصل لى شنو

صداح ,,, ياخي يا حليلك وحليل محمد قسم السيد (تيه ) والله دي ايام لها ايقاع ، بالمناسبة هيثم الضي صاحبك انا سميتو الضي من خلال مطعم تيه ، والضي شخصية كانت رايعة تعمل مع تيه في المطعم وفي يوم من الايام بعد العشاء رجعنا انا وصاحبي خضر ولقينا هيثم جالس نفس جلست الضي وكانت الملامح ياها زاتها ، وديك يا عيك علطول اطلقت عليهو اللقب ولسه صاحبك هيثم اسمو الضي ، ده كلو من مطعم تيه وحاجات كتيرة ،،، بس خلي ناس حلاوي امرو بجاي حتكون عملت ليك سيرة وانفتحت ،، حبابكم الف انت ومحمد لكم كل الحب ـ،، تسلم يا وجيه

تحية يا صداح
والله طلعت بتاع محن والغريبة زمان كنا شايفنك زول رايق ولا شنو ؟؟؟؟
تسلم يا غالى ,,,,

......
تية ، دليل ، دهب ، آدم فور ، بابكر عقرب ، ياخي والله عذبتونا عديل
اسا الواحد يلقي ليه فتة وين ، كان تصوروا لينا علي الاقل كده طشت بوش نجتر بيه الزكريات
احييكم اخوتي صداح وهيثم بندي
.......

هيثم
ودوذنا
وعارف
لكم التحيه من واحد لمئه واسعدتونى بالمرور الراقى وكدى النكمل القصه بتاعت المسكه جبنا لى كشك تيه مسكوكين من واحد اسمو حرامى الجداد لمن اكون ماعندنا موضوع بنكورك لى حرامى الجداد وبناخد لينا سكه سمحه كده واليوم داك ماكان فى حسابنا نمشىالفته وقد حصل وقلنا كدى ومشينا وظبطنا الفته الماخمج (خمج)واحد زيت وجبنه وماكان عندنا قروش ولمن جات طريقه المخارجه لقينا نفسنا برانا قاعدين وبدت الكبكبه لانو مافى تلفون تدق لى منغذ وكده واتوكلنا فتحنا لكن صاحبنا حرامى الجداد قبيل تعبنا والقى القبض علينا متلبسين باالجرم المشهود وفى ناس غسلو جنس غسيل وكان تمن الفته غسيل كل الصحانه والطرابيز واهى نفعتنا فى العزوبيه واتخيلى من ديك وعيك وحقو نسوانا تشكر تيه الذى علمنا يعنى ايه العده هى عده رايحه وعده جايه وعزرن اذا طرف الصوت هبش واحد من الجراريه او من تم القاء القبض عليه والمره الجايه سنقادر (ذو القلب الطيب)محمد قسم السيد(تيه) الى مكان ليه مكان؟