( أحلى البنات)

( أحلى البنات)
الشاعر: عثمان خالد
و الله يا أحلى البنات لو كان لقيت سر الغنا
كان طرت عانقت الخيال و حلقت عبر الأزمنة
و قلت الخيال يصبح حقيقة و نهدي ليك خاتم المنى
شان تسرحي و تتخيلي
و تتوهي في بحور الخيال تتمني فيها و تسألي
و يتم ليك كل المنى
تستاهلي العرش البشيل حسنك يطوف بيك العصور تستاهلي
و يمر بيك عبر الزمان شان تمرحي و تتخيلي
كيفن عليك ليلى بتغير و يبين عليها و ينجلي
و كيفن تجيك بلقيس ترش دربك ورود لو تقبلي
و يطل جميل و كثير يقولوا بيوت شعر مرهف طلي
و تمري بي عهد الرشيد و يغني ليك الموصلي
تستاهلي لو درت من قلب القمر باقات أساور أو حلي
أو حتى من كل النجوم عنقود مبهرج و منطلي
كان خف للقاك القمر منصاع و قال ليك أسألي
كان حفوا دنياك النجوم و إتباكوا ليك شان تنزلي

و أنا في هواك يا ست هواي لي الليلة دايب في الغنا
شفتيني كيف حاضن هواك غيران عليك من كم سنة
شفتيني كيف ساعة الوداع أنا كنت دمعة محننة
و لليلة يا نعمة حياتي بذوب حنان بذوب منى
الليلة عايش أمنيات يا حليلة لو كانت ممكنة
أحكيك حروف أشواقي ليك و أسمع حروفك و أحضنة