وزير المالية يرجع الأزمة إلى زيادة أعداد السودانيين

المشاركة الأصلية كتبت بواسطة د. احمد الطيب الماحي

النظريات الاقتصادية هي التي حركت العالم المتقدم للامام يا ياسر وهي التي بنى عليها كل اقتصاديات العالم المتقدم. ولا بد من الوصول لهذا الفهم والعمل بطريقة علمية والا فعلى الدنيا السلام.
لم اتغاضى عن ترحيل البشر ولكن - بدون مغالطة - اذا افترضنا ان ترحيل الشخص داخل الخرطوم في البصات والركشات والحافلات يكلف واحد جنيه وزاد جالون البنزين 10% يعني حوالي خمسين قرش - الركشة أو البص او الحافلة بيكب كم جالون في اليوم ؟؟؟ خمسة عشرة اضرب في خمسين قرش.......يعني لو بيكب عشرة جالون حيزيد خمسة جنيه في اليوم....خمسة جنيه دي راكب واحد بيدفعها ياياسر.....طيب افترض انو مسافر برة الخرطوم .....حيكب كم جالون للحصاحيصا مثلا 10 جالون للفردة برضو يعني الزيادة خمسة جنيه......راكب واحد بس هسع بيدفع أكثر من 10 جنيه ....يا جماعة عليكم الله خلوا المغالطة وخلونا نركز على المفيد وخلو الحكومة تركز لينا على الميكرو-فاينانس وتدعم الاسر المنتجة لانو دة اللي بيحل مشكلة الاقتصاد....صحفيين زي بتاع الانتباهة ديل بيتكلمو كلام عاطفي ما ليه اي سند علمي....ولا اقول ليكم جيبو لينا اي حكومة ترفع الدعم وتشجع التمويل الاصغر وتزيد الانتاج ووالله نحن معاها في الشارع.....الموضوع ما سياسة اقتصاااااااد.

اخي دكتور أحمد لماذا تحب ان تصغر كوم وتكبر الكوم التاني أولا حساب تعرفة المواصلات مابتحسب كدا لان المواطن المسكين السايق العربية دي ماوقفت مصروفاتو علي زيادة البنزين فقط كل مصروفات العربية حاتزيد هل زيادة المحروقات لاتؤثر علي زيادة الزيوت مثلا وهل هي لاتؤثر علي قطع الغيار الحسبة تصبح زيادة في كل شيء ربطة الجرجير في السوق حاتزيد وياريت الحكومة تطبق نظام الميكرو فينانس بشكل عام اونظام الميكروكريدت بشكل خاص وتعتبر مبادرة تجارية إجتماعية تنتهجها الكثير من الدول ولكن لايكون القصد منها جني الأرباح بل هو تمكين المواطنين من تحسين اوضاعهم الاجتماعية وياريت تعملها الحكومة وتدعم الأسر بدل زيادة المحروقات دي.

الاخوان المنصوري والبرنس
اولا اذا اتفقنا يا منصوري على جدوى رفع الدعم فإنني متفق معاك على كل الباقي ولكن دعونا نقول ان الصاح صاح عشان ناس الحكومة يبقوا عارفين نحن بنعارض في شنو ولي شنو ---مش بس من أجل المعارضة.
البرنس الكلام الكتبته ده عين الصاح والحقيقة والحكومة مضطرة تراضي كل الناس ديل عشان قاعدين ليها نحن نعارضا في الصح وفي الخطا ولو كانت مالية يدها مننا ما كانت حتخاف من ناس زعيط ومعيط وتحاول ترضيهم. بعدين ياخ والله طمنتني انو رفع الدعم حيكون 20% يعني حيتوفر يوميا 2 مليون دولار - بتصدق - 2 مليون دولار مطلع شمس يعني بي حساباتك انت 4 مليار وما عارفك بتقصد في الشهر ولا في السنة لكن دي اكثر من 4 مليار ويوميا...أقول ليك اكثر من 4 مليار في اليوم يا برنس تقول 4 في الشهر؟.....لكن بالله ممكن تكون قاصد ان مرتبات الوزراء 4 مليار في اليوم؟؟؟ لو كدة الواحد يخلي الغربة دي ويشوف ليهو طريقة وزارة......عليكم الله زول يشوف لينا الناس ديل يقول ليهم احمد دة والله قاعد يدافع عن سياساتكم العجيبة دي دفاع مستميت يمكن يبقونا وزير ولا حاجة.....4 مليار يعني لو في 200 وزير في البلد الواحد بيطلع ليهو بي 20 مليون يوميا!!!!!....البرنس عليك الله شوف لي واسطة ولا اقول ليك كلم لي المنصوري وبالعدم الرشيد ...أوعك تكلم الهمباتي انا عارفو قاعد يعرض ساي لا زمن لا رزم وعمرو ما حيستفيد .....سلمتم

المشاركة الأصلية كتبت بواسطة د. احمد الطيب الماحي

الاخوان المنصوري والبرنس
ا...عليكم الله زول يشوف لينا الناس ديل يقول ليهم احمد دة والله قاعد يدافع عن سياساتكم العجيبة دي دفاع مستميت يمكن يبقونا وزير ولا حاجة.....4 مليار يعني لو في 200 وزير في البلد الواحد بيطلع ليهو بي 20 مليون يوميا!!!!!....البرنس عليك الله شوف لي واسطة ولا اقول ليك كلم لي المنصوري

آها يا دكتور البرنس كلمني وأنا كلمت ليك ناس الحكومة بس منتظر الرد


دقيقة


دقيقة



الجوال بضرب


الو


اهلآ يا رئيس


كيفك يا منصوري


والله الحمدالله في نعمة كبيرة


زولك الرسلت لينا ورقه ده ما شاءالله كفاءة بس في بعض الاسئلة لو تكرمت ترد لينا عليها


اتفضل يارئيس


زولك ده حركة إسلامية ؟


والله يبدو لي كده بس المتأكد منه تمامآ إنه بدافع عن الحكومة دفاع مستميت وأظن اكتر من نافع ذاتو


طيب يا منصوري معليش سؤال محرج شوية


لا ما في إحراج اتفضل يا خي


زولك ده نزيه ؟


أكيد لو ما زول أنا واثق فيه ما برشحه ليكم المسألة مسألة أمانه


لا ما فهمتني يا منصوري أنا قاصد نزيه شديد


أكيد أكيد


يا منصوري أنا بعتذر منك زولك ده ما بلزمنا


طاااااااخ قفل السماعة في وشي


معليش يا دكتور نشوف ليك فرصة في الحكومة الجاية


الناس ديل قالوا ما بتلزمهم ....


وكمان لحنوها لي


زولك نزيه ما بلزمنا


زولك نزيه ما بلزمنا


جيب حرامي وكلمنا


جيب حرامي وكلمنا

تررم تررررم ترررررررم .

ألحق يامنصوري
دي حالتو زيادة د/أحمد والهمباتي مادخلت في القائمة
أعلنت غرفه البصات السفريه تطبيق زيادة التذاكر بنسبة (25%) اعتبارا من امس، وكشفت عن تسلمها منشورا رسميا أمس الاول من وزارة النقل بالزيادة، وأكد رئيس غرفة البصات السفرية أحمد علي لـ(الأحداث) تسلمهم منشورا للزيادة، التي سيبدأ تنفيذها اليوم. وكانت غرفة البصات طالبت بزيادة التعريفة التي وصفتها بالضعيفة مقارنة مع ارتفاع تكاليف التشغيل التي اعتبرتها محررة، مما أدى إلى اختلال الميزان وظهور السوق الحرة بجانب عجز عدد من الشركات عن تسيير رحلاتها بنسبة (40%)، وكشف عن تكوين لجنة طارئة لتعديل وإعادة النظر في التعريفة واستيعاب المستجدات بعد أن قررت الزيادة بنسبة (25%) لكافة ولايات السودان.
.
.
الأحداث

المشاركة الأصلية كتبت بواسطة البرنس

ألحق يامنصوري
دي حالتو زيادة د/أحمد والهمباتي مادخلت في القائمة
أعلنت غرفه البصات السفريه تطبيق زيادة التذاكر بنسبة (25%) اعتبارا من امس، وكشفت عن تسلمها منشورا رسميا أمس الاول من وزارة النقل بالزيادة، وأكد رئيس غرفة البصات السفرية أحمد علي لـ(الأحداث) تسلمهم منشورا للزيادة، التي سيبدأ تنفيذها اليوم. وكانت غرفة البصات طالبت بزيادة التعريفة التي وصفتها بالضعيفة مقارنة مع ارتفاع تكاليف التشغيل التي اعتبرتها محررة، مما أدى إلى اختلال الميزان وظهور السوق الحرة بجانب عجز عدد من الشركات عن تسيير رحلاتها بنسبة (40%)، وكشف عن تكوين لجنة طارئة لتعديل وإعادة النظر في التعريفة واستيعاب المستجدات بعد أن قررت الزيادة بنسبة (25%) لكافة ولايات السودان.
.
.
الأحداث

تعرف يا برنس
السبب الاساسى فى ازمة المواصلات السفريه و الشاحنات
القرار الخاطئ و غير المدروس بايقاف استيراد قطع الغيار (السكند هاند) المستعمله .
و كما هو معروف ان فطع الغيار الجديده و علاقتها مع الاخ الدولار و الذى يسوق الدلال
هذه الايام تجعل من اسعارها ( نار الله الموقده ) و هذا هو السبب الاساسى فى زيادة
سعر التذاكر السفريه ( قبل الذياده المتوقعه ) و خروج عدد من الشركات من الخدمه.
سعر التذكره للقضارف و حسب افادات الصحف
قفز من 48 الى 70 جنيه ( بس ) .....

ياأبومجد والله البحصل دا حرام والله
عاين دا
ارتفعت أسعار الخضر واللحوم البيضاء ومنتجاتها، وعزا التجار أسباب الارتفاع الى قلة الإنتاج ودخول فصل الصيف وتأثير الأتربة على (النوار).
وقال صاحب محل توزيع فراخ بسوق بحري عمر محمد لـ(السوداني) إن أسعار اللحوم البيضاء ومنتجاتها ارتفعت بسبب قلة الإنتاج وارتفاع أسعار اللحوم الحمراء حيث وصل سعر الفراخ "21"جنيها وارتفاع سعر طبق البيض من "14"جنيها الى "17"جنيها وسعر طبق البيض الحجم الصغير "15"جنيها ويتراوح سعر سجوك لولي بين "38 ـ36" جنيها، وقال إن القوة الشرائية ضعيفة وتكاد تكون معدومة بسبب الغلاء المتواصل للأسعار.
وقال صاحب ملحمة بسوق بحري سيف الدين علي إن أسعار اللحوم الحمراء مستقرة في ارتفاعها، متوقعا ارتفاع الأسعار في شهر رمضان، وقال إن سعر الضأن في السوق بلغ "34" جنيها ويبلغ سعره في الملاحم الراقية والبقالات "40"جنيها ويتراوح سعر العجالي "28ـ26"جنيها.
وفى السياق أشار بائع الخضروات إدريس محمد إلى ارتفاع سعر صفيحة الطماطم من "30"جنيها الى "60"جنيها، وسعر كيس الخيار من "35"جنيها الى "60"جنيها وغير متوفر في السوق ، وسعر جوال العجور"110"جنيها، وثبات في أسعار الفلفل الأخضر "60"جنيها وسعر جوال البطاطس "125"جنيها والأسود "50"جنيها والبامية "60"جنيها وسعر صفيحة الكوسا "40"جنيها، وانخفاض سعر جوال الليمون من "90" جنيها الى "80"جنيها وربطة الخدرة الكبيرة "15"جنيها والرجلة "5"جنيهات وربطة الجزر "10"جنيهات. وأكد إدريس توقف حركة البيع والشراء بالسوق وقال إن حركة الشراء من المزارعين أكثر من الحركة في السوق "البيع بالقطاعي".
وقال صاحب فاكهة بالسوق إن أسعار الفاكهة مرتفعة وأضاف: "كل يوم السوق بسعر جديد مما أثر في القوة الشرائية المعدوم أصلا"، حيث ارتفع العنب من "20"جنيها الى"24"جنيها والموز من "2,5"جنيه الى "3"جنيهات، مؤكدا أن ارتفاع أسعار الموز تؤثر علي حركة الشراء لأنه فاكهة الغلابة وأرخص شيء، واستقرار سعر القريب فروت "36"جنيها ويبلغ سعر دستة المنقة البلدية "25"جنيها والنوع الثاني "15"جنيها، الجوافة "6" جنيهات وسعر دستة البرتقال "9 ـ12"جنيها وبرتقال جبل مرة "20"جنيها والتفاح "16"جنيها وقال: "عموما القوة الشرائية ضعيفة".
السوداني
لاحول ولاقوة الا بالله
أنا جيت من هناك لي شهرين وشوية يادكتور أحمد طبق البيض كان بي 13 جنيه والآن 17جنيه وكيلوا البقر بي 20 جنيه والآن 28 جنية باقي الحاجات خليها لادايرين جوافة لامنقة يعني نسبة الزيادة تقريبا30%في شهرين ربنا ياخدهم ويريح الشعب منهم

المشاركة الأصلية كتبت بواسطة البرنس

ياأبومجد والله البحصل دا حرام والله
عاين دا
ارتفعت أسعار الخضر واللحوم البيضاء ومنتجاتها، وعزا التجار أسباب الارتفاع الى قلة الإنتاج ودخول فصل الصيف وتأثير الأتربة على (النوار).
وقال صاحب محل توزيع فراخ بسوق بحري عمر محمد لـ(السوداني) إن أسعار اللحوم البيضاء ومنتجاتها ارتفعت بسبب قلة الإنتاج

البرنس تحياتي

الحمدلله انك دعمت حديثنا بنفسك واهو زي ما شايف التجار قالوا انو السبب قلة الانتاج وليس رفع الدعم المرتقب عن المحروقات ..

الخرطوم فى 6-6-2012م ( سونا ) اكد الاستاذ على محمود وزير المالية والاقتصاد الوطنى
ان تنفيذ الاجراءات الاقتصادية المقترحة لمعالجة الازمة الراهنة تبدأ بالاعلان من السيد رئيس الجمهورية بإعادة هيكلة الحكومة مركزيا وولائيا ، وزيادة الايرادات .
واشار الوزير فى هذا الصدد وفقا لمصادر من داخل اللقاء التنويرى الذى تم للآلاف من قيادات
وهياكل المؤتمر الوطنى بولاية الخرطوم بحضور الدكتور نافع على نافع نائب رئيس الحزب مساعد رئيس الجمهورية ، الدكتور عبد الرحمن الخضر والى الولاية رئيس المؤتمر الوطنى والدكتور صابر محمد الحسن رئيس القطاع الاقتصادى بالمؤتمر الوطنى ، الى ان وقف الصرف الحكومى يشمل عدم تخصيص اى مبالغ للمبانى الحكومية دون استثناء ووقف استيراد العربات الحكومية بجانب تقليل
الصرف على العربات الحكومية .
وابان سيادته ان الاجراءات تشمل تحرير اسعار المواد البترولية وزيادة الضرائب والجمارك على السلع
الكمالية والاتصالات ورسوم السفر والتذاكر مع استثناء السلع الاستهلاكيه ومدخلات الانتاج .
واضاف الوزير ان الاجراءات تهدف لدعم سياسة الدولة فى التوجه نحو الدعم المباشر للشرائح الضعيفة فى المجتمع عبر زيادة المرتبات وتنشيط عمل صناديق الضمان الاجتماعى الذى يستهدف دعم ثلاثة ملايين اسرة .
وابان وزير المالية ان سياسة الحكومة المتمثلة فى دعم الاسعار تحول دون وصول ( 19 جنيها من كل 20 جنيها لمستحقيها المستهدفين .

واشار الوزير الى ان الاجراءات تشمل بجانب وقف الصرف على حج الدستوريين تخصيص عربة واحدة فقط للوزراء على مستوى الولايات ، مع تحجيم وتقليص السفر الى الخارج .
وبعث على محمود بتطمينات بتأمين الوزارة لاحتياجات البلاد من السلع الاساسية والخدمات التى لن
تطالها اى زيادات فى الاسعار بما فى ذلك الكهرباء وغاز الطبخ وامن على توفر المرتبات حتى نهاية العام الجارى .
واوضح سيادته ان الاجراءات المذكورة تهدف الى ايجاد سعر موحد للدولار لجذب مدخرات المغتربين وعائدات الصادر ومعالجة شراء البنك المركزى للذهب من المعدنيين والتجار مشيرا الى ان عائدات الذهب المتوقعة بنهاية هذا العام تصل الى مليارين ونصف المليار دولار .
واشار الى ان هذا المبلغ يعادل اكثر من 60% من حجم عائدات النفط التى فقدتها البلاد بانفصال دولة الجنوب .
ودعا وزير المالية حكومة ولاية الخرطوم للتوجه لسد احتياجاتها من الذرة من المخزون الاستراتيجى الذى تتوفر لديه ملايين الجوالات بسعر لا يتجاوز المائة وعشر جنيهات للجوال .
وابدى سيادته استعداد الحكومة لشراء اى كميات من القمح المنتج محليا وفقا لسعر السوق دعما للمنتجين .

واعلن وزيرالمالية ان العام 2013م سيمثل عام اكتفاء البلاد ذاتيا من النفط ويدخل السودان مجال التصدير للنفط فى العام 2014 م وهو ذات العام الذى سيحقق فيه الاكتفاء الذاتى من السكر .
واشار الى ترتيبات جارية للتوسع فى انتاج الزيوت بغرض الاستهلاك المحلى والصادر .
واستعرض سيادته الجهود الجارية لخفض اسعار اللحوم وغيرها من المنتجات الحيوانية بتذليل عمليات الترحيل وتوفير المياه مشيدا بجهود ولاية الخرطوم فى انتاج اللحوم البيضاء وقال ان هذا سيساعد على زيادة صادر اللحوم الحمراء .
وطالب وزير المالية اللجان الشعبية بالاضطلاع بدورها الرقابي فى توزيع السلع الاساسية ومحاربة التهريب والاحتكار وزيادة الاسعار .
واكد وزير المالية ان انفاذ هذا الاصلاحات بنجاح سيمكن الاقتصاد السودانى من التعافى التام خلال عام او اقل ليتحقق الاستقرار والوفرة منوها الى ان التراخى فى انفاذها بصورة كليه سيدخل البلاد فى مرحلة اقتصاد الندرة وعودة الصفوف والغلاء وقال لن ندع البلاد لهذا المصير .

المشاركة الأصلية كتبت بواسطة محمد المنصورى

آها يا دكتور البرنس كلمني وأنا كلمت ليك ناس الحكومة بس منتظر الرد

لا ما فهمتني يا منصوري أنا قاصد نزيه شديد

أكيد أكيد

يا منصوري أنا بعتذر منك زولك ده ما بلزمنا

طاااااااخ قفل السماعة في وشي

معليش يا دكتور نشوف ليك فرصة في الحكومة الجاية

زولك نزيه ما بلزمنا

جيب حرامي وكلمنا

والله يا منص ياخوي مهما كنت نزيه تخش الحكومة دي بكرة يطلع ليك ستين واحد يقول ليك دة حرامي شايفو بي عيني ديل بيسرق........انا يخيل لي عشان كدة ناس الحكومة ديل بقت كلمة حرامي ما بتهمهم. لكن عليك الله شفت اسعار البرنس الفوق دي حلوة كيف ......انت يا برنس اشتغلت في السوق على بال ما ترجع ولا شنو.....اتصلت قبل شوية على المدام في البيت وناقشتها في كشف الاسعار بتاعك دة على اساس انو مرتفع........فلم تبد دهشة ولا تخوف .....فلما استغربت انا قالت ياخ انت ما عارف الاسعار هنا بقت كيف؟؟؟؟؟ وهنا دي خلوها مستورة!!!!
بجنيهنا الضعيف سعر كيلو اللحمة الحمراء عندنا (هناك) ما بيتعدى 20 ريال للبقري و 26 ريال للضأن عندنا (هنا) يا حبيب وانت سيد العارفين الكيلو الضان الليلة بي 33 ريال في الجزارة اما في التميمي 40 ريال بالتمام والكمال والموز الكيلو في السودان بريالين هنا الكيلو عندنا بي 3ريال ونصف ياحبيب. والطماطم والبصل وكل الحاجات اللي ذكرتها دي سبحان الله الا الدجاج الكيلو في السودان ب16 ريال عنا الكيلو بي 10 ريال. يعني لو وريت الاسعار دي لواحد من اهل البلد هنا يمكن يقرر يمشي يغترب في السودان. بعدين نحن كنا بنتناقش في انو رفع الدعم سيؤدي لزيادة الأسعار والدعم ما اترفع والأسعار زادت يعني ما دام اصلها كدة كدة زايدة أحسن يرفعوا الدعم ويوفروا لينا قرشين يسرقوا نصها والنص الباقي يودوه للتعليم والصحة........

المشاركة الأصلية كتبت بواسطة احمد الهمباتى

البرنس تحياتي

الحمدلله انك دعمت حديثنا بنفسك واهو زي ما شايف التجار قالوا انو السبب قلة الانتاج وليس رفع الدعم المرتقب عن المحروقات ..

الهمباتي تحياتي
خليت التانية مالك
التجار قالوا قلة الانتاج وارتفاع اسعار اللحوم الحمراء والحكومة السبب في كل زيادة كل حاجة ليها تسعيرة ولكن الحكومة ماقادرة تتحكم في اقتصادها عشان كدا كل حاجة بتزيد ومابتقدر تقول لي زول ماتزيد عشان كل صاحب منتج بيلقي مدخلات الانتاج زادت فلابد يزيد منتجو نحنا جينا نوريك سياسة حكومتك وين مودية الناس لسه زيادة رفع الدعم ماجات وحتي حكومتك متخوفة تنفذها موش قالوا مافي حل غيرها منتظرين شنو . في سوعال سعلتك ليهو فوق مالك مارديت عليهو .

المكابرة من قبل الحكومة والمواصلة في انهيار الاقتصاد دا شيء لابد ان تجد الحكومة له حلا فشلها في ادارة الاقتصاد لايخفي علي احد وجب علي وزير المالية وكل الذين فشلوا تقديم استقالاتهم فورا لماذا لايعترفون بأخطائهم وراعي الضان في الخلا يعلمها كل الوجاهات دي والمخصصات التي تأخذونها وتقودونا الي الجحيم ارتفاع الدولار كل يوم بسبب السياسات المغلوطة وارتفاع الدولار لن يتوقف لان سبب الارتفاع معلوم ووجب تنفيذه وهي زيادة موارد الدولة لجلب النقد الاجنبي وليس الضغط علي المواطنين ورفع ايه ماعارف وتعويم الدولار دا كلو حلول وقتيه لاتتعدي الاسبوع ثم يعاود الارتفاع مرة اخري ومنذ قرابة السنة والدولار ماشي بي نمرة خمسة يقيف في المحطة ينزل ليهو نفر ولانفرين لما وزير المالية يقح ليهو قحة قحتين وتاني يبقي ماشي لما وزير المالية دا جاتو ازمة في صدروا نحن منتظرين وقاعدين نشوف سياسة حكومة الهمباتي ووزير ماليته لسنا في عجلة ترانا متوهطين الواطة دي وقاعدين وحبل الكذب قصير .

المشاركة الأصلية كتبت بواسطة البرنس

المكابرة من قبل الحكومة والمواصلة في انهيار الاقتصاد دا شيء لابد ان تجد الحكومة له حلا فشلها في ادارة الاقتصاد لايخفي علي احد وجب علي وزير المالية وكل الذين فشلوا تقديم استقالاتهم فورا لماذا لايعترفون بأخطائهم وراعي الضان في الخلا يعلمها كل الوجاهات دي والمخصصات التي تأخذونها وتقودونا الي الجحيم ارتفاع الدولار كل يوم بسبب السياسات المغلوطة وارتفاع الدولار لن يتوقف لان سبب الارتفاع معلوم ووجب تنفيذه وهي زيادة موارد الدولة لجلب النقد الاجنبي وليس الضغط علي المواطنين ورفع ايه ماعارف وتعويم الدولار دا كلو حلول وقتيه لاتتعدي الاسبوع ثم يعاود الارتفاع مرة اخري ومنذ قرابة السنة والدولار ماشي بي نمرة خمسة يقيف في المحطة ينزل ليهو نفر ولانفرين لما وزير المالية يقح ليهو قحة قحتين وتاني يبقي ماشي لما وزير المالية دا جاتو ازمة في صدروا نحن منتظرين وقاعدين نشوف سياسة حكومة الهمباتي ووزير ماليته لسنا في عجلة ترانا متوهطين الواطة دي وقاعدين وحبل الكذب قصير .

البرنس تحياتي
اللي شايفو انت فشل في رايي انو انجاز يجب ان يجد التقدير واعني هنا مجرد الاستمرارية في وجود القليل المتيسر لنا بفضل الله .. لانو يا عزيزي الدولار ده نحن من سنة 98 والامريكان مقاطعننا فوقو ونحن داقين صدرنا وعايشين خارج مظلتو وبكل المقاييس كون السودان في ظل المقاطعة الاقتصادية الامريكية قدر انو يمر وينفذ بجلدو من دون ان ينهار تماما فده انجاز بكل المقاييس .. ده طبعا يا برنس اذا عرفنا انو 85% من مؤسسات الاقتصاد الدولى سواء مؤسسات عامة او خاصه نحن ممنعوين من التعامل معها بقصد اسقاط الحكومه ... بالنسبه لسؤالك فانا يا عزيزي مواطن سوداني يحب بلدو جدا جدا و بيعجبني الصح اياً كان مصدرو

المشاركة الأصلية كتبت بواسطة احمد الهمباتى

البرنس تحياتي
اللي شايفو انت فشل في رايي انو انجاز يجب ان يجد التقدير واعني هنا مجرد الاستمرارية في وجود القليل المتيسر لنا بفضل الله .. لانو يا عزيزي الدولار ده نحن من سنة 98 والامريكان مقاطعننا فوقو ونحن داقين صدرنا وعايشين خارج مظلتو وبكل المقاييس كون السودان في ظل المقاطعة الاقتصادية الامريكية قدر انو يمر وينفذ بجلدو من دون ان ينهار تماما فده انجاز بكل المقاييس .. ده طبعا يا برنس اذا عرفنا انو 85% من مؤسسات الاقتصاد الدولى سواء مؤسسات عامة او خاصه نحن ممنعوين من التعامل معها بقصد اسقاط الحكومه ... بالنسبه لسؤالك فانا يا عزيزي مواطن سوداني يحب بلدو جدا جدا و بيعجبني الصح اياً كان مصدرو

ليس العيب ان تسقط علي الارض ياهمباتي ولكن العيب ان تظل ساقطا واذا انت من سنة 98 ماشي بي نفس السياسة وماداير تغيرها وجب تغيرها واللي انت شايفو انجاز انا بشوفوا فشل زريع والشغلة مادق صدور لانو تدق صدرك لمن تكون قائد نفسك لكن انتا قائد ليك شعب فيجب عليك ان تراعي ليهو وليس ان تدق صدرك ولم يأتي المنع الا لسياسات الدولة الخاطئة وهذا ماننادي به 23 سنة موش كفاية انك تعرف نفسك فاشل .وليس امريكا فقط هي التي تنادي بإسقاط الحكومة حتي نحن ننادي باسقاطها وأنت بالأمس كنت تنادي بسقوطها ولكن لاأدري ياصديقي ماذا أصابك وشكلها هي حمي بشار التي اصابت الجميع .حتي ان كانت الحكومة صاح برضوا تبقي 23 سنة كافية لتغيرها 23 سنة دي الولدوهو في سنة 98 بقي راجل بي شنباتو وعندك لسه كراسي الوزراء لم تتغير منذ ذاك الوقت اليس هذا كافيا لهم

تحياتى
ما داير ارجعكم كتير ...
دكتور أحمد تعرف مقارناتك دى زى لما الاعلام الرياضى يقعد يقارن لينا لاعب سودانى بى ميسى ولا دروغبا ..
قلت لى 5 ج الزيادة راكب واحد بدفعه ...
ابشرك تذكرة الحصاحيصا الخرطوم سياحى من 13ج لـ 17ج مع ان الزيادة المعلنة 25% لكن لاحظ الزيادة الفعلية
30 % الـ 5% دى تكون رسوم عبور لقرار الزيادة ...
اها رايك شنو ...
تخريمة **
حيرتونا

المشاركة الأصلية كتبت بواسطة ياسر تمساح

تحياتى

ما داير ارجعكم كتير ...
دكتور أحمد تعرف مقارناتك دى زى لما الاعلام الرياضى يقعد يقارن لينا لاعب سودانى بى ميسى ولا دروغبا ..
قلت لى 5 ج الزيادة راكب واحد بدفعه ...
ابشرك تذكرة الحصاحيصا الخرطوم سياحى من 13ج لـ 17ج مع ان الزيادة المعلنة 25% لكن لاحظ الزيادة الفعلية
30 % الـ 5% دى تكون رسوم عبور لقرار الزيادة ...
اها رايك شنو ...
تخريمة **
حيرتونا

ما هي %5 يا ياسر بل خمسة جنيه ..أنا قارنت ارقام ياسيدي وليست نسب.......وطبعا مش ممكن يكون رونالدو ودروغبا بسعر العجب - بالرغم من انو زي العجب وما فيه كلام - فكونوا سعرهم يكون واحد دي مش مدعاة للاستغراب....بالله اتخيل انو مهند ولا بلة جابر بنفس سعر نيمار ولا افيلاي مش حتستغرب ....وبنفس المنطق دة كانت مقارناتي بين اقتصادين واحد بيقولوا اليومين دي في القمة والتاني قالوا في الحضيض فكيف اسعارهم تكون واحدة مش غريبة دي........وكلام مهم ياياسر ولكل السودانيين .....عدم شكر النعم والجحود يؤدي الى زوال النعمة وحلول البلاوي والمصائب.....نسأل الله أن يكفينا شر البلاوي وأن يجعلنا شاكرين فمن لا يشكر الناس لا يشكر الله.......وانا بصراحة ملاحظ انو بعض السودانيين في الفترة الاخيرة اصبحوا كثيري الشكوى والتذمر وعدم شكر النعم والله سبحانه وتعالى حري بنا شكره على كل حال..........وندعو الله ان يولي علينا من يوفقه ليصلح حالنا........وكلو من الحكومة ......................

المشاركة الأصلية كتبت بواسطة د. احمد الطيب الماحي

ما هي %5 يا ياسر بل خمسة جنيه ..أنا قارنت ارقام ياسيدي وليست نسب.......وطبعا مش ممكن يكون رونالدو ودروغبا بسعر العجب - بالرغم من انو زي العجب وما فيه كلام - فكونوا سعرهم يكون واحد دي مش مدعاة للاستغراب....بالله اتخيل انو مهند ولا بلة جابر بنفس سعر نيمار ولا افيلاي مش حتستغرب ....وبنفس المنطق دة كانت مقارناتي بين اقتصادين واحد بيقولوا اليومين دي في القمة والتاني قالوا في الحضيض فكيف اسعارهم تكون واحدة مش غريبة دي........وكلام مهم ياياسر ولكل السودانيين .....عدم شكر النعم والجحود يؤدي الى زوال النعمة وحلول البلاوي والمصائب.....نسأل الله أن يكفينا شر البلاوي وأن يجعلنا شاكرين فمن لا يشكر الناس لا يشكر الله.......وانا بصراحة ملاحظ انو بعض السودانيين في الفترة الاخيرة اصبحوا كثيري الشكوى والتذمر وعدم شكر النعم والله سبحانه وتعالى حري بنا شكره على كل حال..........وندعو الله ان يولي علينا من يوفقه ليصلح حالنا........وكلو من الحكومة ......................

احترامى د. احمد الطيب الماحى
بتتحدث عن النعم فى الوقت اللى بنتحدث فيه عن الحقوق و الواجبات ...
ماتنسى ان ورزير المالية ملاء الدنيا تصريحات بان خروج بترول الجنوب لن يؤثر على الوضع الاقتصادى ...!!
استلم دى تعرفة المواصلات فى ولاية الخرطوم زادوها بى نسبة 25% لـ 30% وقد اعلن انها ستزاد حال زيادة الوقود ...
وفى بعض الصحف ورد انهم ما حا يزيدوها
رايك شنو ...؟