التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
|||||||
|
|||||||
أبو ذر حسن طه
يوم ما ،، منحتني الأرض ،، رائحة الطين ،، في البدء الأوّل ،، يوم ما ،، سأمنحها رائحة الروح ،، في البدء الاّخر ،، فالطين والروح ،، تمازج ،، عجين ،، صلصالة ،، أغتبست منها الحياة ،، ( إنسان ) ،، أبوزر حسن طه ،، كيفك يا زول ،، |
10-29-2014, 08:02 AM | #2 |
|
شايلك مقاديف طوف
بيمخر فى الدميره بلا شراع شايلك عيون فى الضلمه تتفتق شموس وتضوع شعاع حاضنك رضيع صاريك تميمه من العيون لابسك حجاب شايلك نديهه على الضريح عشمان بفتش لى جواب ياخي انت زول فقري كدة مالك فتشت الاطلس الشايلو ابليس حلف بخوط الطول والعرض ما شافك وكل تضاريس الارض البكر والثيب قالت ما شافك وتتمني شوفتك الا خبرن جابو الهدد مع جنود بلقيس قالو شافوك بتانس في النمله الغيرت مسار الجيش هيل سليمان وتتبسم معها .......... ياخي انت زول بقيت فقري فقارة غايتو المطر الفوق راسك ما اتبللت منو .... ولا البحر الدفر فوق الناس بتلعب بطينو غايتو انت فقري جنس فقوريه...... والفوراويه بتنده فوق ضريح الريح وبنيت ليك بيت قريب من العنقريب ومنتظرك ... توسر ... كرابو... وجد شوقنا اسكت يافقري |
كيف اللحاق بركب نعيك والشوامخ لا تطال
|
10-29-2014, 08:03 AM | #3 |
|
اسمع يوم الجمعه برجع الامارات
باذن الله وتلفوناتي في الخاص ومودتي الاكيدة لك ولمن معك |
كيف اللحاق بركب نعيك والشوامخ لا تطال
|
10-29-2014, 05:22 PM | #4 | |
|
اقتباس:
يا الله ربـّنا ،، من هكذا ،، كتاباتك ،، و ،، جداً ،، أنه زمان ،، أيام الإمارات ،، كان جداً ،، بلبس منـّك توب ،، ( أتكرفس ) علي نفسي ،، وأعطن نفسي بيك ،، يوم يقوم الشوق يلاحح ،، للديار ،، كـُنت يا حبيب زي تغريدة العودة ،، كـُنتا ،، أنت ،، العودة للديار ،، روحيـّة ،، بيك ،، ونحن في بلد ،، إغتراب ،، أشمـّك ،، أشـُم فيك الوطن ،، أسالمك ،، أسالم في التـُراب ،، لله درّك ،، أبوذز ،، مغتبس من جنـّة ،، ومن طين الصحاب ،، لله درّك ،، لا تنساني ،، يشغلني الرحيل مرّة أخـُري ،، ربـّما ،، من غير هذه الديار ،، ألتقيك ،، يا رب أشوف وشيشك ،، أبوذز ،، أماسـي :- |
|
|
10-29-2014, 06:40 PM | #5 |
|
مين يفـرّق بين حبايب نادا شوقـُم ،، نادا شوقـُم ،، والأمل زال المصاعب من طريقـُم ،، من طريـقـُم ،، والمحبـًة الزايدة راما ظلالا فوقـُم ،، مـُش الإغنية بتقول كدة ،، بلقاك يا حبيب ،، أصبـُر شويـّة ،، أماسـي :- |
|
11-02-2014, 08:02 AM | #6 | ||
|
نور ونار رأيتها.. قلت امكثوا..آنستها.. أقسمتُ أن لا عودة هذا المساءُ بدونها.. ورجعتُ أسرجُ صافنات الريح أعدو خلفها.. لكنها كانت سراب.. طلقتُها.. وشلت عصاي......... تؤكات عليها لاهش بها... وحشه المسافه ووطت قداماي .... واديك... ووجدت كثيرا من الجن .ينتظرونك......... بقوارريهم... وكاسات من ذهب وفضه فعلجت لك ..... اخي لترتضي.......... غيابي ساعه الغيابوياخي عايز اشوووووووووووووفك علي عجل او ترتار او..... او |
||
كيف اللحاق بركب نعيك والشوامخ لا تطال
|
11-02-2014, 04:55 PM | #7 |
|
ســاتواري خلف بابِ عتبي علي
صفاءكم خجلاً .. وبعضُ بعضٍ من صولجااااان ... ــــــــ لكنكم انتم ودميرة الضفيرة الفاترة لا هدوءاً بعد ( عطستها ) ولا صخباً قبل ( حكتها ) .. ـــــــــــــ اماسي .... يا فنجانَ قهوة ساجدْ .. وابا ذرٍ .. يا ترتيلةْ الغيهبِ الناجزْ .. ـــــــــــــــــ أنتمْ .. قمم ... ومسرحاً للدهشةْ ... |
<p align="center"><a href="http://vphonet.com/"><img src="images/up.gif" width="500" height="120"></a>
|
11-02-2014, 05:47 PM | #8 | ||
|
اقتباس:
كنت أنت تلك الصافنات من ريح ،، يا أبا ذر ،، علي طـُهرك حنان ،، و ،، علي طـُهرك البـُستان ،، كيف يداعب في المكان،، علي طـُهرك جنان ،، طـُهرك ،، يئن من حـُبـّي ليك ،، لا تترُك تلك الحقيبة ،، أجمل من ( رغيفة ) إنتا ،، و ،، أجمل من مـُلاح ،، فقط ،، لا تنساني يا حبيب ،، أماســي :- |
||
|
11-02-2014, 05:55 PM | #9 | |
|
اقتباس:
في أضابير الكتابة ،، إنموزج ،، و ،، في الترتيل ،، تجـلـّت مشيئة الخالق ،، أتدري يا سيـّدي الطالبابي ،، وإن حاولنا الصعود إليك ،، نتدحرج حتـّي أخمص قدميك ،، ونلثـُم جزورك ،، يا مـُنتهي الشجرة الظليلة ،، تسلم حبيبي وسيـّدي ،، الطالبابي ،، أمـاسـي :- |
|
|
11-02-2014, 06:14 PM | #10 | |||||||||
بيتحقق |
على جنس النضمى ده ...
لسه ... بذاكر و بتبع حروفكم شان اصل ... لكن ... فى كل مرة اقول ... خلاص درب السكة شارف للوصول ... يجى منعطف ... القى انى لسه ... ما فكيت الخط ... أماسي :- اباذر حسن طه الطالبابى
|
|||||||||
|
11-02-2014, 06:21 PM | #11 | ||||||||||
|
اقتباس:
نحن تلاتة ،، إنتا قاصد منو بالكلام الجميل دة ،، يا ياسـر تمساح ،، أحم أحم ،، دة أنا مـُش كدة ،، أبوذر والطالبابي ،، أعملوا رايحين ،، الأغنية دي لي أنا ،، أحم أحم ،، شـُكرن ليك ياسر تمساح ،، أماسـي :- |
||||||||||
|
11-02-2014, 09:23 PM | #12 | |||||||||
بيتحقق |
لا لا لا قصدتكم كلكم ما تلخبت الكيمان لكن ... انت عارف ... مكانك و ين ...
|
|||||||||
|
11-03-2014, 04:15 AM | #13 |
|
لا قدرة لنا على مجاراة شوقكم و حرفكم
سننتبذ مكاناً قصياً و نسترق النظر لنطالع حرفكم الملون و كلمكم المدوزن تدثروا بعباءة الود و الاخاء و كونوا كما نشتهى اماسى مساك الله بالخير |
|
11-03-2014, 06:33 PM | #14 |
|
أبو أمجد :- بت بتفلع في أسي الأمس القبيل ،، خلتـّنـي زي زولاً ،، بيفلع بي حجر ،، ويكوس شليل ،، بت أريتا ،، يصابح وجهها الغجري ،، صباح ،، ويفوتـا ليل ،، بت إنوسة ،، وصاهلة ،، زي ألف خيل ،، خيل تدوس أرض الغجر ،، وخيل بتفتح في ممر ،، وخيل ،، تعبـّي كاس ،، في ليل سمـر ،، بت عجيبة ومدهشة ،، معطونة بالترتيل ،، والتوراة ،، والإنجيل ،، معطونة بي عبق الشدر ،، و ،، بت لئيمة هي ،، لئيمة جداً ،، وبحبـّها ،، أماسـي :- |
|
11-03-2014, 06:47 PM | #15 | ||||||||||
|
اقتباس:
ياسر تمساح :- يا سلااااااام والله ،، دة كلام جميل ،، أريتك جبتوا من زمن ،، و ،، لكن ،، أقول ،، عايز أقول شنوا أنا يا ربـّي ،، ياخي ما عايز أقول حاجة ،، فك يا ياسر تمساح ،، فكـّني ،، ياخي ،، ماشي أنوم بس ،، لا لا ،، باكـُل أول حاجة ،، قبل أنوم ،، ببركت التلاجة ،، في البيت ،، وبعدين ،، ( العنقريب ) طـوّالي ،، مـُرهق أنا ،، مـُرهق ،، و ،، الليل يهـّود بيـّا ،، يهـوّد بيـّا ،، ويتركني جناح كسير ،، الليل الليل الليل الليل ،، الفنان الجابري ،، يا حليلوا ،، دة كـلـّوا منـّك يا أبوذر ،، شكيتك علي الشدرة ،، نحن ناس حـُنان وقاعدين نبكي ،، هـسـّة بقوم أبكي ،، بحبكم :- أماسـي :- |
||||||||||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اسرة ابوذر حسن طه تستقبل الفارس حسن | ابو امجد | «۩۞۩-المنتدي الاجتماعى-۩۞۩» | 7 | 12-16-2013 09:12 AM |
حمد لله على السلامة حسن قاسم حسن عبد اللطيف | عارف | «۩۞۩-المنتدي الاجتماعى-۩۞۩» | 5 | 06-12-2011 01:34 PM |
أبو ذر الغفاري | رانيا خضر | «۩۞۩-المنتدى الاسلامى-۩۞۩» | 4 | 05-15-2011 07:51 AM |
كأس لبن | رانيا خضر | ۩ﺴ ﺴ۩راكوبة الحصاحيصا۩ﺴ ﺴ۩ | 6 | 05-12-2010 04:08 AM |
أخوكم أبو جهاد | محمد عصام الدين | «۩۞۩-منتدى الحصاحيصا الحر-۩۞۩» | 4 | 06-27-2009 06:02 AM |