الصف السادس بالمدرسة الغربية العام الدراسي 72_ 1973

:34: احبائي ابنائي وبناتي اعضاء المنتدي
سلام الله عليكم
نسبة لتسارع الاحداث في الايام القليلة الماضية, كان لزاما علينا للامانة التاريخية, الاقرار وعلي ملأ من الناس بالاتي:
اولا : انا دفعتين قبل الاخ مدثر الجاهوري لكن الجاهوري وكما يعلم الجميع كان بعودوهوكتير...
وبعد داك ما فارقة.
هذه محاولة من الذاكرة للمرة الثانية لحصر دفعتي بالصف السادس بالحصاحيصا الغربية للعام الدراسي72
-1973.
محمد عاطف ابراهيم, احمد عبد البديع , احمد الطيب الماحي, عصمت نصر الدين , محمد الجزولي, حسن حاج الصديق{ اكبر من عبد الله}, كمال الدين حمد النيل, يس منصور,عاطف اسماعيل عبد الرازق, فضل جابر { دستر},عثمان المنصوري { سلك}, عمر بكري بابكر النوش, عادل {دعموش}, عاصم { حمريطي},عثمان علي حسن, الطيب خربشة, ادهم الطيب, احمد السيد, حسن عبيد, معتصم جعفر سر الختم, السر سيد احمد سر الختم, صديق سر الختم { هبوب} , ابراهيم محمد
عثمان{ عجوز}, سمير محمد علي { ابو الروس}, نصر الدين الشيخ{ ود الشيخ},حمزة عبد السلام, رحمة الله بشير رحمة الله, ياسر سيد احمد عبد الحفيظ, عبد العظيم عبد الله, صديق احمد حاج التوم,بابكر محي الدين{ الديبة} , عز الدين احيمر,صديق مساعد,جمال عثمان ابشر,صلاح الشيخ سلمان, عماد عبد الرحمن الشفيع, عبد الحكيم عبد الرحيم, ازهري صالح,صلاح عثمان فضيل, محمد التوم التيجاني,عادل ميرغني الطيب, عبد الماجد فضل عبد الماجد, امين محمد صالح { ستيف} ,طارق حسن عيسي, عز الدين حسين هريدي ومن الضقالة الاخوان : سيف الدين التوم سعدوالاخ عبد العزيز محجوب. واكيد نسيت بعض الاخوان فالذاكرة اهترأت
بفعل السنون.
اها بعد دا كل زول يحسب ويورينا ميلاده قبل الميلاد وبعد الميلاد... انا اشك انو في زول ..ق.م

وبرضه كامري
لكم الود.

تمام .... تمام يا عوض دكام ..... ظهرت الاعمار شفناها في الاقمار ..... لو شفت دفعتنا .... ديل احبتنا .... تمام يا عوض دكام ....... مدد يا سامي الماجدي مدد..... هل من مزيد!!!!!!!!!!!!!!!!!!!!

احاول اتذكر شويه شويه دفعتنا في الثانوي العام { سابقا} المتوسطة بعدها.
سمير محمد علي الماجدي, بكري تاج الدين{تلنجة},مأمون عبده....
وفي الثانوي : ياسر الخير محمد الخير, هاشم عثمان ابو شورة, هاشم الشوية, محجوب ترتورة, جيمس دومنيك,عوض علي....
وكل يوم حنديكم حبة...مادام الحكاية باظت... خلينا نطينها... نيشو كان قدامنا بي دفعتين في المدرسة الشرقية , الجنب الجامع.
لكم الود.

الاخوة الاعزاء
انا من الاول قلت ليكم عارف اعمار الناس دي كلها . اهو الناس خافت وبدأ المستور يبين.
الاول كان قيس والثاني الكييك.......والبقية تاتي,,,,,,,وبالمناسبة الدفعة الذكرا الكييك كلها صحيحة حتي الان . بس الخوف يلخبط قدام .
كومر شاهد علي العصر

دا الكلام ..... تم اجازة ما سطره يراع اخونا الكييك من شاهد العصر سامي الماجدي .... وهكذا بدأت معالم الطريق توضح ..... والكييك زول دوغري ..... الكلام في الباقيين العملوا فيها دفعة بدرالدين الهادي وقيس !!! ولا شنو ياالصغار والمتصوغرين

نحن قلنا دفعة سمير يا سامي ورينا فرقك من سمير عشان الناس تقيس....
أهم شرط في الردود كما اسلفت في الموضوع انك تحدد ... انت كم سنة بعد او قبل التاريخ... المذكور
يعني مثلا سامي الماجدي دا يكتب انا سامي -2 اي انه ورانا بي دفعتين وهكذا... زيد من الناس يكتب +3 يعني قدامنا بي 3 دفع...ثم يبدأ الرد علي الموضوع.
لكم الود والعمر المديد.

وروروووووووووووووووووووووك

تمام أحي فيك أخي الكييك مبادرتك الطيبة ....

وأنا شايف الموضوع زي تبرئة زمة ...............

بس سامي الماجدي حقيقي عمل قلق زي إبليس في عصره لاعب خطير ...

على العموم عقبال تطفئ الشمعة المائة .....

أبو رائد

وين الارقام يا ابو رائد... ما قلنا اكتب زائد ولا ناقص ... وشكلك كده بي الزائد... عشان كده عماتها لي وووووورووووك.... وواك واك...... ما بتحلك...

ابو رائد .. سامي .. مناع .. باقي الجماعة المنططين عيونهم.
شايف الموضوع من ما بقي فيهو ارقام لبدتو ... ما بخليكم .. وراكم وراكم.

تحياتي للكييك وجميع المعقبين علي موضوعه الرجولي / اما عنا نحن دفعت 1974/ 1975 الحصاحيصا الشمالية والتحقت بالحصاحيصا الشرقية وعلي ما اذكر نحن بالصف الثالث الثانوي العام وكان معي محمد خير كوري والمرحوم /حيدر الحاج محمد صالح / وسيف اليماني / وصديق عطا / وعماد بشير / وجمال علي (شل) وعمر جعفر عمر وجاء بالصف الاول مناع بدوي/ محمد عزالدين (الحته) وعبود ازيرق/ اما الاخ سامي الماجدي كان يدرس بالثانوي العام ولكنه كان غربا ولا ادري ان كان دفعتنا او بعدنا ولكن باي حال لم يكن قبلنا / وسنعود لكم لاحقا

أخي الكييك ، أخوك قيس -4 ، إي عندما كنتم في الصف السادس كنا في الصف الثاني و أذكر أخر حصة تأريخ لأستاذنا الماحي خضر و بعدها
حضر للسعودية
من دفعتي في المدرسة الغربية ، قاسم النوش ، عوض الكريم احمد الطيب ، محمود عبد البديع ، المرحوم محمد محجوب ، جلد ، فاروق مساعد ، هلالي عابدين ، معاذ سعيد ، الطيب عبد القادر تاج الدين ، أمير الطيب الحاج ، علي عمر ( طياره) ، عمر دياب ، طارق عكاشة ، بكري سيد فضل الله ، طارق سعد ، محمد عمر ، أحمد حبيب ، سراج أحمد ( عجوزه ) ، حسن فاروق ، مصطفي صابون و في المتوسطة أعلاه + عاطف الشين ، قطبي علي الطاهر ، حجاج ، سراج هاشم ، أحمد يوسف وزيري ، أسامة البحاري ( إلي ) ، فريد ميرغني ، مجدي جميل بن بيلا ، المرحوم عادل الشيخ ، المرحوم الطيب حمد النيل ، المرحوم عبد الحكيم الطاهر ، عاطف شبو ، معاذ محمد حمد النيل ( ود الهظ ) ، معاذ محمد طه ، فار ، حسين شبو ، و أسامي أخري كثيرة

مدد يا سامي الماجدي واخونا الكييك الفي بالي مش حا يكتب دفعتو .... لانو قيس كتب دفعتو ولم يذكروا فيها وكمال الجمل كتب دفعتو وبرضوا ما ذكروا فيها .... ايه رأيك نسأل عثمان عابدين ممكن نجيب دفعتوا ... وبا الكييك انا سبق وذكرت دفعتي وهم عبود ازيرق وعماد عبيد الرقعة ومتوكل الطيب ونصرالدين حسن خليل وعبود عطية وعصام كرانا ودخلنا مع بداية السلم التعليمي وتمتعنا في سنة اولى باطول اجازة مدرسية بسبب السلم التعليمي ..... كفى ولا نزيد امتحنا من الابتدائي للمتوسطة ( العام) سنة 1976م ومن العام للثانوي 1979م ومن الثانوي 82/1983م وتخرجت من الجامعة 1988م دور تاني .... والمعادلة 1990م وبقيت محامي 1992 وتزوجت 31/12/1992م واول مولود نوفمبر 1993م واغتربت في 18/2/1998م وفي انتظار البترول.... وانا - 2 ولا 3 اصلو قيس لخبط الحساب علينا ...

الكيك احيك والله علي الروح الجميلة دي وانا لاناقص لازائد عشان ماكنت
في سنة اولي حياة لسه ارتبطت امتحانات المتوسة اي من سادس لي المتوسطة
بابريل انذاك ولاني اتيت في اواخر يوليو اكون لسه بس بستمتع بحكاوي زمان
ودفعتي في الحصاحيصا المتوسط راشد الفاتح حمد النيل وليد صلاح الدين
اشرف عدوي ومجدي الامين وخالد محمود خليفة ابوحنفي وخضر محمد احمد ابشر
واحمد سليمان وعبدالوهاب يوسف البيطري وعثمان عبد الماجد ورضوان احمد علي
لؤي عثمان وايمن الشيخ والكثير الكثير طبعا الاسماء ليست مرتبة بالقري فمن كل قرية
وحي شخص وشخصان ولكم التحية

اها يالكيك ماتجي تقولي لي ركشة المرة دي

ودي واحترامي

الكييك . لك التحية :
انا بدر الدين - 8 ودفعتى في الجنوبية الابتدائية محمد عبد الله الحلاوي مصطفى مالك وعمر حمد النيل وشيخ ادريس الصول والفاتح منصور وفي المتوسطة صلاح كرومة وعبد الله على بابكر وعبد العظيم ابليس ومحمود علوب وعوضين وعثمان عبد اللطيف ووليد حبيب الله وصلاح تلودي ومحمد جميل اخو مجدي جميل و احمد سعيد العوض ومدثر الجاهوري طبعا

بدرالين ... انت الجاهوري دا ماسك عليك شنو ؟؟؟؟ سؤال بري .... اذا كان كمال الجمل نكروا انت ماسك فيهو لي شنو!!!!!!!!!!!!!!!!!!

يا مناع يا حاقد يا عجوز بدر الدين ده ذكر دفعته كلهم ومن ضمنهم أنا ليه ما إعترضت على أي واحد فيهم إلا أنا .. والحمد لله الكييك إعترف وعملني بعده بي سنتين ما مشكلة أدوها أسبوع بنزلنا أربعة سنوات ولمن أمشي الإجازة وأجي بلقي الفرق بيني وبينة عشرة أتناشر سنة خليها قمرية ما مشكلة ... عموماً أنا دفعتي ياسر جمال الدين .. الفاتح محمد أحمد خواجة ومحمد يعقوب ومالك جعفر سر الختم وعثمان خميس وقنديل عبد الرحيم وفضل الله سيد فضل الله والمرحوم مجدي الفاتح وأخرين لم تسعفنا الذاكرة على حصرهم

الدفعة كانت بتقرأ معاك بدون سنين يعني الوقت داك التقويم الميلادي ما عملوا وبعدين الكييك سهل الموضوع قال تكتب زائد او ناقص من( القويم الكييكي) انت الاتنين ما داير تعرف بيها نفسك ... وبصراحة كدا ورينا انت بدر الدين قابض عليهو شنو؟؟؟؟؟

شوف يا مناع هو قال دفعة ياسر جمال الدين و كدا بقت معروفة لأنو أنا و ياسر بينا 4 سنوات

الأخ/ العزيز كمال الجمل.{-2}
.. وأنا عارفك لن تخذلني...
لك التحية ولدفعتك.من ذكرت ولم تذكر
لك الود ثانية.

ألأخ/ قيس....{-3} أو { -4}
صعب التحديد لكن ما فرقت لأنو حسن النية موجود... انت سبق ان ذكرت عمرك صراحة فلا حرج.ما تلم نفسك مع حسين شبو دا {-2} أو {-3} علي أكثر تقدير.
لك التحية ولدفعتك
لك الود.

الأخ مناع..{-2}
انت عارف الموضوع دا علي طريقة علي وعلي اعدائي لانو اعدائي بيخسروا اكثر... وشكلو الموضوع بدأ يأتي أكله...
أحيي دفعتك
لك الود.

الأخ الغريب...{0}
يا أخي أنت غريب صحي صحي.... مورط نفسك مالك؟
براك قلت لا ناقص ولا زائد... انت اتورطت مالك علي ناس دفعتك
احييك وأحيي دفعتك
لك الود.

ألأخ / بدر الدين... {-8}
انا كتبت الرقم دا وانا ما مقتنع...مرة واحدة 8. نحن عارفنك اصغر مننا كتير لكن كمان ما 8 ياأخي .... انت عايز تجننا ولا شنو...
عبدالمنعم {-3} يحي{ +1}... احسب من هنا.
أحيي دفعتك.. وفيها منو من اولاد الزبيدي؟
لك الود.

الأخ/ مدثر... زغردن يا بنات... {-2}{-1} { 0}
الصقر قالوا كان وقع ... كترة البتابت عيب.
احييك... وكلو مكسب ...
اها يا جماعة افترضوها -2 ومادام صاحبنا صرح براهو... نحن قبلانيين بي -2 دي.
والي مفاجات اكثر.
لك الود مدثر.

في انتظار الاتية اسماؤهم:
1/ عماد الدين كج
2/ ابو رائد
3/ سامي الماجدي
4/ود الحصاحيصا
5/ حامد الزبيدى
لمقابلة اللجنة او الرد بصورة واضحة.
علي الاعضاء الاخرين الذين لم ترد اسمائهم المسارعة بالرد عاجلا
تشكر اللجنة الاعضاء الذين اتوا بردود واضحة لا لبس فيها مما يسهل عمل اللجنة.
ولكم الود.

يا الكييك بتاعت مدثر دي متوالية عددية ، و حدها +1 ، ودا تضليل و أنا عرفت ليكم خلاص موقعو ، هو دفعة ياسر يعني -1 ، و أفتكر دي خلاص لأنها براس مالها يا دووب

احيييك يا قيس وبدل ناقص واحد وناقص اتنين... انا انتظرت... حتي يكتب من في بالي العمر النسبي .. يعني -و+..
كويس الناس بعد دا تحسب وانا قبلان بعد الاعترافات دي انو تاخدو سنين الدراسة كمقياس للعمر.....
انا من مواليد 29/ 8/ 1960 شهادة ميلاد. ويلا احسبو....

انا مواليد 16/12/1962م بالميلاد وحرقتني الخمسة عشر يوم دي عملت شهادة تسنين 1/1/1963م وشنو ليك بالله !!!!!!!!!!!!!!!!!!!!!!!!!! ولعبت بالوبة ........

العجائز ديل جنوا ولا شنوا .. عموماً ما علينا أنا مواليد 18/4/1964م شهادة ميلاد من مديرية الشمالية وممكن نرسله ليكم بالمنتدي .. وبذلك الدفعة لا تحكم السن مناع أكبر مني لكن دفعة ورأي .. وبدر الدين أصغر مني ودفعتي والكييك أكبر مني بحمس سنوات وقدامي بسنتين .. وأنا درست روضة وناس درسوا خلوة والما عاجبوا أقع في الكنار .. يا قيس أنا دفعتي ياسر جمال الدين حقيقي لكن ما عارف إذا كان عمرنا قدر بعض ولا واحد فينا أكبر من الثاني بعدين فارق الكييك ومناع ديل بودوك التونج عموماً أنا ماشي السودان بكلم ليك الطيب جمال الدين وجعفر بشير وأحكي ليهم عن كتاباتك عن بنك هاوس أحليهم أشوفوا ليك طريقة

يجوز الواحد يعمل شهادة اخوه عبدالله ويقول حقتي ونحن شهادة الشمالية دي ذاتها عندنا فيها رأي ... قول انت مولود وين ؟؟؟ وبعدين انت ود عسكري يعني بسلطة ابوك ممكن تجيب عشرة شهادات ميلاد اصلية وقيس مولود في 1965م وانت دفعة ياسر واكيد ياسر دا ما مولود في 1964م ميلادية لانني قاعد في الحي الاوسط وياسر دا اكبر مني وحكايات الدفعات ودا صغير مع كبير او كبير مع صغير دي دفع في غير محلو؟؟؟ وممكن في السنوات مابعد السنة الرابعة لانها بعد داك متعلقة بالتحصيل الدراسي .... قول انت قريت مع منو وخلي الباقي على اللجنة ......