التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
|
أدوات الموضوع | انواع عرض الموضوع |
#1
|
||||||
|
||||||
مــــراراتـــــــ .
مـــراراتــــــ :
بعد ما توضيت بإقتصاد شديد وقفلت الحنفية ، لاحظت أنها مازالت ( بت نقط ) فناديت ابني وقلت ليهو : يا ابني الحنفية ( بت نقط ) ومحتاجة جِلدة " بكسر الجيم وليس بفتحها " عشان ما تقولوا لي الجلد من الحدود والحنفية ( بت أسكر! ) الموية دي نعمة من نِعم الله الغالية جداً والرسول صل الله عليه وسلم نادي بالإقتصاد في الماء وعدم الإسراف ولو كنت علي نهر . ومن الزمن العلينا ده فصاعدا الحروب في العالم ( كفانا الله شرورها ) حا تكون بسبب المياه يا إبني ! عشان كده بالله عليك قوم وصلح الحنفية ، عسي الله يصلح حالنا وحال الامة الإسلامية بإتّباع تعاليمه ، وقطِع شك الما بِتّبِع السهل من التكاليف ! ما بتّبِع الصعب منها ، مع أنو ليست تكاليف الله هي بالصعبة بل هي المتعة والانشراح والفلاح والرضا من الله . إبني قال لي حاضر يا ابوي بعد ما أخلص من الفي يدي أقوم اصلحها . بارك الله فيك يا ابني . مر زمن وعدت لي حنفيتي ذاتها لقيتا لسه ( بت نقط ) قلت لإبني : الحنفية ما صلحتها مالك ، بعد المحاضرة الأديتك ليها ؟ قال لي : والله يا أبوي صلحتها ، بس تاني باظت . قلت ليهو : الجلدة الإستخدمتها جنسها شنو ؟ قال لي : والله ما عارفها يا أبوي ! طيب فكها جيبا لي أشوفها . لما جابها لقيتها كرتونه ! وفي الشكل العام ما بتشك في أنها ما جِلد أبداً . قلت ليهو : الجِلده دي جبتها من وين وبي كم ؟ قال لي : من السوق والواحدة بي جنيه . هل تصدقوا ياناس إنو ممكن يكون في بني آدم يدخل نفسو في حسابات مع ربنا عشان جنيه سواء ان كان المُصنِع او البائع . والله يا أخوان الناس بتفتكر الجنيه ده بسيط جدا لدرجة إنو ما بيغضب ربنا ولا بيفرق في ميزانية أحد ولا بيدخِل النار . ونسوا " فمن يعمل مثقال ذرة خيراً يره * ومن يعمل مثقال ذرة شراً يره *" بقلم " المحجوب " |
04-25-2014, 08:47 AM | #2 |
|
الزمن ده يا المحجوب اخوى
الناس بقت بت عمل (دى على وزن) بت نقط بت عمل عمايل عجيبه خلاس الناس بقت بت نهب بت سرق بت لحس بت لفح بت نفح بت غش بت لهط بت بلع و بت حاجات عجيبه جداً ربنا يصلح الحال |
|
04-27-2014, 06:01 AM | #5 |
|
لا حوله ولا قوة الا بالله هل هنالك انسان عاقل يبيع اخرته بجنيه؟
استاذ محجوب تقبل اعجابى بقلمك الرائع اتمنى ان تكون دوما بخير |
لما الريد يفوت حدو
ببقي مصيرنا في يدو |
05-01-2014, 06:24 AM | #6 | |
|
اقتباس:
وما تنسي في النهاية برضو في ناس ( بت ورموا ) ودي المصيبة ،، بت صدّق ؟؟؟ |
|
|
05-01-2014, 06:28 AM | #7 |
|
اللهم آمين ،،،
يسمع منك ربنا يا إسراء . الله يخليك . |
|
05-01-2014, 06:38 AM | #8 | |
|
اقتباس:
بالرغم من تعدد أنواع المواسير ولكن النتيجة هي هي ،، النار تووووش ،، اللهم باعد بيننا وبين المواسير كما باعدت بين السماء والارض ،،، اللهم جنبنا المواسير ظاهرها و باطنها ،،، وجنب المواسير ما رزقتنا ،،، قول آمين ؟؟؟ |
|
|
05-01-2014, 06:48 AM | #9 | |
|
اقتباس:
شكرا علي الثناء ،،، من الناس من يبيع دينه بلحظة فسق ،،، من الناس من يبيع دنياه بلحظة صدق مع الله ،،، الدنيا هي سوق ،،، فيها البائع والمشتري ،،، والغانم من رجع برضا الله . لك الود أستاذة . |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|