هجوم شرس على السر قدور

هجوم جماعي شرس من إئمة المساجد على السر قدور

أفرد أئمة المساجد بولاية الخرطوم خلال خطبة الجمعة مساحات كبيرة للهجوم على الشاعر الغنائي السر قدور وبرنامجه الرمضاني أغاني وأغاني الذي يبث بقناة النيل الازرق وجاء الهجوم من قبل الإئمة بإعتبار أن البرنامج يدعو للهو واللعب في شهر يفترض أن يكون للعبادة والتقرب من الله بالذكر وتلاوة القرآن وقال إمام أحد المساجد أن السر قدور تساقط شعره بسبب تقدم السن وهو مشغولاً بجمع الصبية والفتيات للغناء إن موعده جهنم وإنه لبئس المصير..!!ويأتي هجوم أئمة المساجد على السر قدور وبرنامجه في الوقت الذي دافع فيه أهل الوسط الفني عن البرنامج وإعتبروه من البرامج المحبوبة التي توثق للأغنية السودانية وتحظى بمشاهدة عالية جداً.

الموسيقار ود الأمين: أغاني واغاني خلق مشكلة حقيقية

أكد الموسيقار محمد الأمين أن الخطأ الذي وقع فيه الشاعر السر قدور بنسبه لأغنية (أسمر) لفضل الله محمد وهي في الاصل للشاعر خليفة الصادق قد أوجد مشكلة حقيقية بين الشاعر والمؤرخ للتاريخ والمتمرس في هذا المجال الاستاذ السر قدور الذي قام بنسب أغنية أسمر في أحد حلقات برنامج أغاني واغاني خطأ للشاعر فضل الله محمد في حين إنها من كلمات الشاعر خليفة الصادق مشيرا الى أن هذا الخطأ قد خلق مشكلة بين قناة النيل الازرق واسرة الشاعر وقال أبوبكر نجل الشاعر خليفة الصادق أنهم بصدد مقاضاة قناة النيل الازرق ومطالبتها بالحق الادبي وهو تقديم الإعتذار للاسرة خلال برنامج أغاني وأغاني على لسان السر قدور أو أي مذيع في القناة بالاضافة الى ألتعويض المادي.

والله يابكور بس الناس دي دايره قروش
اما بالنسبه لموضوع الامه فمعاهم حق كبير
لانو ماعندنا مشكله علي توثيق الفن السوداني
والناس بتحب البرنامج جدا وانا منهم بس عندنا بعض التحفظات
اولا زمن البرنامج في فتره قصيرة مابين صلاة المغرب والتراويح
يعني اطلاقا مامناسب وبعدين في حدود السر قدور ده ذنب عليو هو
شخصيا انو الكبر لم ينهيه عن اللهو والغنا ولم يلجا الي التقرب لله حتي الان
والله ال : انك لن تهتدي من احببت ولكن الله يهدي من يشاء ولا شنو

موضوع السر قدور دا كلامو براهو :-
اولا ائمة المساجد يرون ان شهر رمضان هو شهر للطاعات وهي فرصة
للاكثار من الخيرات وان برنامج قدور هذا لايتناسب مع مثل هذا الشهر
وان رمضان ليس هو بشهر الرقص والطرب وان قدور هذا تجاوز الستين
ويستحسن في مثل هذه السن ان يتقرب الي الله
اما اهل الفن:-
يرون في السر قدور موسوعة ومؤرخ غنائي ويوثق للغناء في السودان
والطريف في الامر هناك كاتب صحفي عامل فيها ناقد فني يدعي هيثم كابو
هاجم ائمة المساجد في مقال ركيك جدا في جريدة تدعي فنون وناشد
وزير الارشاد بكبح جماح الائمة حتي لا تحدث فتنة (حاجة تمحن)
لكن المنطق تعديل زمن هذا البرنامج ليبث في الايام العادية كسهرة
اسبوعية او نصف شهريه او شهرية او اضعف الايمان ان يوفقو بين زمن
البرنامج والتراويح

سلام اخ بكري::
حقيقة البرامج شغل كل الشعب السوداني وتلقي الواحد يكون متيين يفطر عشان يمشي للبرامج...
قبل يومين عندي اخوي في الاساس قال لي الزول دا لو مسك ليهو سبحه ما احسن ليهو من الكلام دا...

هم ائمة السلطان ديل ما شايفين الاسعار الطارت فى السماء فى الشهر الكريم ده ، والله ما عارفين ظلم الحكام والناس بتموت من الجوع مقابل ناس بتموت من التخمه ن ووين هم من العمارات البتناطح السماء مقابل البيوت البشيلها السيل والفيضان . وين هم ائمة السلطان ديل من نهب المال العام والصرف البذخى على موائد الكبار وعدم صرف مرتبات المعاشيين والعاملين وظلم الاطباء وضربهم وسجنهم وتشريدهم من اعمالهم بسبب مطالبتهم بحقوقهم وتحسين بيئة العمل . يا ناس قالوا اعظم الجهاد كلمة حق عند سلطان جائر ، خلونا من السر قدور ومن الحاجات الانصرافيه دى.

.....
لو كان النقد لكل برامج الغناء في رمضان باعتبار احنا تلفزيوناتنا في رمضان غير برامج الغناء ما فيها حاجة

معليش

النقد يكون بناء و معاهم الف حق

بس الناس كلهم بغنوا كل القنوات السودانيه شغالة اغاني واغاني بس بمسميات تانية

يسيبوهم كلهم ويمسكوا في السر قدور .... دي ما راكبه عدلا

هو برامج من بين كم من برامج المنوعات في القنوات السودانيه بس الفرق انه برنامج ناجح قدر يستقطب الناس
.......

والله الشيوخ ديل ما عندهم موضوع بس
ياها مشاكل البلد الاتحلت وبقت في اغاني واغاني بس
ما يتكلموا عن الانفصال وعواقبه واحتكار السلع والهيمنه من قبل رؤوس المال عليها
ناس ما تختشي

فعلاً كل المشاكل محلولة بقت مشكلة السر قدور على كل حال المشكلة في التوقيت والأئمة غارفين في فنانين وفنانات وسهرات تقام يومياً ولم يتكلم أحد هي مخافة الله في رمضان وبس ؟ اللحمة مولعة والطماطم والخضار والرئيس نايم في العسل وأئمة المساجد كلهم تجار غايتو ربنا يكون في العون

يا عم السر قدور الله يهدينا ويهديك ياخى هسى فرفور ده براو ما ازمة عامل فرحان وبتهابل كده مالوا ياخى ده شهر عباده شهر قران مش شهر اغانى واغانى لا حولة ولا قوة الا بالله نسأل الله ان يهدى الجميع ناس كبار ما بتخجل

حسب علمي ان البرنامج تم تسجيله قبل رمضان
ولكنه يبث الان
وانتو عاوزننا امه وبدون فن
والله الحكايه شنو
كان ممكن جدا ان يكون النقد في موعد البث
او انو الناس اللي مش عاوزه ما تحضر

وعليهم بقناه اقراء
وبالعدم ساهور