كلمات مكسراني ...

ازيكم يااهلنا بالجد مشتاقين وزعلانة منكم بغييييييب وبرجع مابلاقي زووول فقدني فماعارفة ليه
يمكن مشاركاتي ماعاجباكم ولا الحاصل شنو ...زعلى العموم انا بحب المنتدى دا وبمشي وتشغلني الدنيا
وتاااااااني بجي راجعة ^_^
اها الليلة جيتكم بكلمات حقت اغاني والله لمن اقراها بحس انو الزول الكتبها شيء كدا براااهو والعجب لمن اسمعها أحي انا .
^_^




نقوم نبدا..باغنية للفنان .....محمد الامين ..
همس الشوق ..
يا ريتنى لو أقدر أقول
فيكِ الكلام الما انْكتب
واجلى المقاطع بالدهب
وافرد صباح حُسنِك وشاح
يمسح عذاب عمرى المسطرّ باللهب
بريدك
كلمه كان رفّت
يِهش ثغر النجوم ويسطعَ
ولما ينادى همس الشوق
يقيف كل الزمن ويسمع
عيونك ديل عيون أهلى
حُنان زى نغمة فى مقطع
وطُهرِك تاج جواهرهُ العزه
وانتى العزه ليك تركع
بحبِك يا صباح العيد
ويا فَرَح العريس السار
واحِسّك فى سما الأزمان
شمس بِتضَوى للمشوار
زمان يا حلوه ساقنى الليل
وغِبْتَ وضعتَ فى الأسفار
ولّما لقيت عيونك ديل
بديت اعشق عيون الدار
وَحَاة ريدى اللى شاف طيفِك
كتير قُباّل يلاقى ويشوف
جراح الماضى بيك نامت
وغابت كلُ رعشة خوف
بحبك ومافى غيرك نور
يهِل ويغمرُ طريق الشوف
وما فى بَلَاك نور بِسْطَع
ولا فرحاً يسوقنى يطوف


(زمان يا حلوه ساقنى الليل
وغِبْتَ وضعتَ فى الأسفار
ولّما لقيت عيونك ديل
بديت اعشق عيون الدار)


والله الزول دا لمن يصل المقطع دا احي انا ^_^

وياحوووتة والله عذبتنا ....الفات زمان ^_^

الكنت قايلو فات زمان

رجعتو بى طعم الغنا

احلام صباي والزكريات

هومت بي بالدندنة

اتارى فى جواي نغم

وهنا القليب بيدق هنا

ناسى الزمان اتغيرو

لكنى ما اتغيرت انا

اطياف هواي

الليلة جات تسأل

علي ملهوفة كيف

اجمل صور عبر الخيال

مرسومة فى خطوط الحروف

يا وجعة الزول اليتيم

ياحسرة القلب الرهيف

يا حليلة طلات الصباح

طى العوينات الشفيفة

الكنت قايلو فات زمان

مكتوب علي سفر الشجون

شوق الحنين ولوعة حزين

مكتومة فى اعماقى اناااا

محبوسة فى دموع العيون

لمتين ورااااااااااااااااااااك سفر الشقااااا

قولي متيين لى متين يكون

كأنى مديووووووون للعذاب

ودفع سنين من عمرى دين.....

سبنة يا رائعة اختيارات مميزة وتدل علي الذوق العالي يا ذوق ...
حمدا لله علي سلامة عودتك وان شاء الله آخر غياب دا ...

سلامات عوافي

الاخت سبنة


عودا حميدا للمنتدي ونتمني دوام مواصلتك
الاغاني الجميلة نجدها تلمس فينا عرق قديم يثير الشجون او الافراح ونحس كانها فصلت لنا وليس لسوانا


وواصلي باختيارك لدرر الغناء السوداني



مع ودي
واحترامي

المشاركة الأصلية كتبت بواسطة عارف مصطفي

سبنة يا رائعة اختيارات مميزة وتدل علي الذوق العالي يا ذوق ...
حمدا لله علي سلامة عودتك وان شاء الله آخر غياب دا ...

يسلموووووووووووووووو ان شاء الله لامين وتامين مشكور على المرور ^_^

المشاركة الأصلية كتبت بواسطة محمد عوض السيد

سلامات عوافي

الاخت سبنة


عودا حميدا للمنتدي ونتمني دوام مواصلتك
الاغاني الجميلة نجدها تلمس فينا عرق قديم يثير الشجون او الافراح ونحس كانها فصلت لنا وليس لسوانا


وواصلي باختيارك لدرر الغناء السوداني



مع ودي
واحترامي

اي والله بتهبش الوتر الجوانا تسلم ياغالي ...سمح نواصل ليش لا بس لو تشاركوني بكون مبسوطة ودمتم .^_^

المشاركة الأصلية كتبت بواسطة سبنة

اي والله بتهبش الوتر الجوانا تسلم ياغالي ...سمح نواصل ليش لا بس لو تشاركوني بكون مبسوطة ودمتم .^_^

الاخت سبنه
حمدلله على السلامه
اههه عشان تنبسطى
انا بديك كلمات لاغانى واحد من اجمل الفنانين السودانين
زول كلماته و اغنياته بتبشتنى عديل

اهلاً بيكم

غناء الرائع احمد شاويش

وعداً بالخير ودعا الطيبين
نكتب كلمات في ناس زينين
بنحسب خطوات في زماناً جاي
مرحب بي كل الموجودين


بتمضي الأيام ووراها سنين
والدنيا طريق فيهو الرايحين
فيهو الجايين
لكن تبقى الوقفات في الزمن الزين
روعة أنغام
نهديها كلام
ونرويها حنين



وعداً بالخير
نجماً يسطع
يهدي السايرين
في قلب الليل
وعداً بالخير
برقاً يشلع
ومطراً ينزل
نسامو عليل
بتسمع أصوات
رنة أوتار وإيقاع جميل
أهلاً باللقيا
ويا مرحبا
بي ناس سمحين

عن عيونك كلمونى

غناء احمد شاويش


وعن عيونك كلموني
قالوا جنّ في الصحارى
ليها بشتاق كل عاشق
وفيها برتاحوا الحيارى

في اغترابي وفي مآبي
في صدى الأحلام بشوفك
من شذى الياسمين حروفك
وزي عيون النيل بتكبر
فوق ظلال أشواقنا تكتر
لما تاخدنا الغناوي
ليكا بتجيبنا الحكاوي
ديمة نسرح في الغناوي
تلقى رسمك
ديمة يسحر والله فينا
في القليب يبهجنا أكتر

لما تجمعنا القوافي
القى زي عينيك مافي
القى ضل الغيمة انت
والقى سكة سعدي انت
وألقى أجمل كلمة إنت
لما يوم يا غالي غبت
رحت تايه في المرافي
وعايز اقول ليهن عوافي
وفجأة طليت في الأماسي
وفيك لقيت ريدي وخلاصي
وكل ناسي

كتاب الريد

غناء الفنان احمد شاويش

هديتك ليّ
كتاب يا غالي اسمو الريد
وصيتك ليّ
أقراه وأتعلم وريدي يزيد



إتمعنت في كتابك
لقيت ألوانو سحرية
ملوّن من خطوط الطيف
غلافو سحابة وردية
ولوحة تغازل الألوان
ومقطوعات موسيقية
ولما قريتو ارتحت
وشعرت بريدة وحنّية



كتابك بين سطورو كلام
مكتوب بحروف من نور
كلمات حلوة تتراقص
على نغمات حنان طمبور
جمل ريّانة وابداعات
مدوّنة في إطار بلّور
أعاين فيها وأتأمّل
واشوف الدنيا زي مسحور

كفاية عليّ حضورك فيني



غناء الفنان احمد عجاج


كفاية عليّ حضورك فيني
يا الفرح ساكن جوّة عيوني
دا ما معناه رويت العطشى
وعمرو في يوم ما روت الرشّة



الاحساس العايشو تجاهك
عمرو في يوم أبداً ما قلّ
كل مشاعري تقول أهواك
وتصرّ تهواك وحياة الله
حتى عينيّ عديل بتابعك
بي إحساس وكايسة الطلّة
وانت بعيد خت في بالك
متعالي الحب لازم يتدلّى


الخفقة العندي تجاهك رعشة
بحسّو حنان في حلاوة الهمسة
كلما شفت قوافل عادت
شبعت شوفا وحضنت شوقا
وشافت منك رفقة ووحشة


بحس آلام ووجع الأنّة
وخد مليان غالباهومحنّة
صادت جفنو دمع أماني
وردد إنك راجع تاني
تلوّن ليلو بي لون النور
وتسعد روحو بأحلى شعور

عطر الصندل

غناء الفنان احمد شاويش

ست العينين عطر الصندل
لو شفتها يوم عمرك يطول
يمتدّ سنين

*****

خطوات فنان إيقاع موزون
همسات شاعر دايب في فنون
رقة وإحساس كيف ليها أخون
اية فالك كم ليها أصون
من عين الناس



لو شفتها عاد كيف تتصبّر
لون القمرة وفايتا بأكتر
زهرة ياسمين وأنفاس عنبر
زفة روعة وربك يستر
من عين الناس



يا نغم فنان حاسي في جواي
يا أحلى كلام اتقال في غناي
يا عيد العيد الحاسي براي
يا أجمل طيف شفتو في دنياي
الله يخليك من عين الناس

عادى جداً

غناء الفنان احمد شاويش


عادي جداً نحن ننسى
وعادي جداً انت تقسا
أصلو ريدك فينا قيّل
فينا أمسى



لو بتشتاق زيي انت
ما أظن بتجافي مرّة
تمشي تخلف لي وعودك
ولعهودك تاني مرّة
ورغم خوفك من ظروفك
انا عندي حبك شكلو تاني
وتاني بعدك ما في تاني
يا الهواك فيني استقرّ


الخطاوي الراسية ترسم
في الدروب روعة جمالك
والقلوب الحايمة واقفة
وعايزة تعرف إيه في بالك
وكل عصفور ليك بغرد
اصلو صوتك سر دلالك
فينا آسر كل رعشة
وبينا سارح في خيالك

المشاركة الأصلية كتبت بواسطة ابو امجد

الاخت سبنه
حمدلله على السلامه
اههه عشان تنبسطى
انا بديك كلمات لاغانى واحد من اجمل الفنانين السودانين
زول كلماته و اغنياته بتبشتنى عديل

ياسلاااااااااااااااام عليك يارائع بس ماكنت خابراك بتتبشتن من الغنا
الا شكلو مكتوبة فيك ولا شنو .....^_*
كن قريب ...^_^

اما الزول دا احساس كدا براااهو نوع فريد الفنان الرائع المبدع ابراهيم خوجلي
من اوصاف عديدة ظهرت لي قوافى
وفنون جديدة افكارى تايهة
تطربنى القمارى فى غصنك نشيدة
يا الحزت المحاسن يا المنية الوحيدة
انا يانور عيونى محبتى ليك اكيدة
يا الصاين جمالك حسادك تكيدة



قربك لى سعادة وشوفتك لى مفيدة
بشكى ليك حظوظى وظروفى العنيدة
يا الناعسات عيونك لى عينا سهيدة
بى حالى وسهادى نجوم الليل شهيدة



يا حبيب انت جافى نيرانى بتزيدة
شايل قلبى عندك والروح انت سيدة
يا عقد الجواهر يا معنى القصيدة
تضرب بى سهامك ارواحنا وتصيدة

احي انا من الجفاء :(

يا نغم فنان حاسي في جواي
يا أحلى كلام اتقال في غناي
يا عيد العيد الحاسي براي
يا أجمل طيف شفتو في دنياي
الله يخليك من عين الناس


كيفتني شديد

سبنة يابتنا
حمدا لله علي سلامتك
وبركة الشفناك طيبة
أكيد منورة المنتدي بطلتك
وببوستك الجميل
والإختيارات الأنيقه
أكيد متابعين
وماتطولي الغيبة تاني

المشاركة الأصلية كتبت بواسطة ود الحصاحيصا

سبنة يابتنا
حمدا لله علي سلامتك
وبركة الشفناك طيبة
أكيد منورة المنتدي بطلتك
وببوستك الجميل
والإختيارات الأنيقه
أكيد متابعين
وماتطولي الغيبة تاني

يقبل حمدك ود الحصاحيصا ومنكم نقتبس قليلا من السناء
فكن بخير ...

كم يطربني حين يتغنى محمد عبده ابو نووورة ...بأغنية الأماكن ....

الأماكن كلها مشتاقه لك ..
والعيون اللي إنرسم فيها خيالك
والحنين اللي سرى بروحي وجالك ..
ما هو بس أنا حبيبي
الاماكن كلها مشتاقه لك

كل شي حولي يذكرني بشي
حتى صوتي وضحكتي لك فيها شيء
لو تغيب الدنيا .. عمرك ما تغيب
شوف حالي آه من تطري علي
الأماكن كلها مشتاقه لك

المشاعر .. في غيابك ذاب فيها كل صوت
والليالي .. من عذابك عذبت فيني السكوت
وصرت خايف .. لتجيني
لحظة يذبل فيها قلبي وكل أوراقي تموت

وآآآآآآآآآآآه آآه لوتدري .. حبيبي
كيف أيامي بدونك .. تسرق العمر وتفوت
الأمان وين الأمان .. وأنا قلبي من رحلت
آآآآآآآآآآآه آآه ما عرف طعم الأمان

ليه كل ماجيت أسال ها المكان .. أسمع الماضي يقول
ماهو بس أنا حبيبي .. الأماكن كلها مشتاقه لك

الاماكن اللي مريت انت فيها ..
عايشه بروحي وبيها .. بس لكن مالقيتك
جيت قبل العطر يبرد ..
قبل حتى يذوب في صمت الكلام واحتريتك
كنت أظن الريح جابت .. عطرك يسلم علي
كنت أظن الشوق جابك .. تجلس بجنبي شوي
كنت أظن وكنت أظن لكن مالقيتك
كنت أظن وكنت أظن وخاب ظني
ومابقى العمر شيء واحتريتك

المشاركة الأصلية كتبت بواسطة سبنة

تطربنى القمارى فى غصنك نشيدة
يا الحزت المحاسن يا المنية الوحيدة
انا يانور عيونى محبتى ليك اكيدة
يا الصاين جمالك حسادك تكيدة

:(

بنتنا سبنة تحياتى النواضر
ياسلام وحزتى والله كل المحاسن بإختياراتك الجميلة
تسلمى

سبنة سلامات
ويطيبن ايامك
اظنى مرة جابنى الطريق ليكم ...
لقيت النضمى البنبش فى عواتق الزمن الحلو ...
قلت اكيد البوست ده حايكون البرك (دى بالانجليزى) ..
اها ما دام ابو امجد انداح قلت انا البحمينى شنو ...
بس ان شاء الله المبشتنى يسعدكم ...
امتنانى

	الرائع المرحوم محمد احمد عوض ... "نغيم فاهك يا أم زين دواي" ***** نغيم فاهك يا أم زين دواي... شفاي البجبر قواي... يا أم حبا ردف تواي... كمل صبري وزود هواي.. رقي رقي جودي بدواي.. ظمأي بعدك وقربك رواي... أقيم ليلي وأحسب سهاي... يغيب عقلي وأفقد نهاي... وفي جسمي ظاهر وهاي... أسعفيني دنا انتهاي... ***** ذكرت البين ليه ياغراب... صياحك يافراق يا خراب... ديار أم زين كانت قراب... غبن بانن في السراب... ***** البدر محيك وشعرك كليل... يميل خصرك منه العليل... تقل ردفك لأعضاك قليل... قتيل حبك ودمعي الدليل... ***** رق جسمي وصابه انتحال... على حبك حمل الرحال... ومن بعدك أنا حالي حال... يالقمرة وصالك محال... ***** أنا أعيد الحب من جداد... أنا الحافظ حق الوداد... أنا الهائم والناس شداد ... أنا اللابس توب الحداد... ***** أنا الكاتم السر ما حكى... أنا الحاضن البلا ما أشتكى... أنا الحجة بحل مشبكا ... أنا المساح دمع البكا...

	"يا راحل بدون انذار" ***** يا راحل بدون انذار سليتني وأبيتني ولا مالك ولا دي الأقدار... ***** مشينا وليهو ما غشينا وعارفين حبو ما لينا.. ده سادة وقلبو مابينا نسانا ونحنا ما نسينا... ***** مساهر الليل وما نايم خيالك ديمة لي حايم.. وبي نار الغرام هايم ياريت السادة لي دايم... ***** لطيف لكن نفور جافي وظلوم لي حبي ما وافي.. أحبك من ضمير صافي عليك تعذيبي ما خافي... ***** ده هاجر ومن هواي نافر وسادة وفي الجمال نادر.. هويتك وتبقى لي جاير حليل يوم كنت لي زاير... ***** جميل يا فرحة أحلامي وديع يا بهجة أيامي.. جفيتنا وكترت آلامي وناسي للهوى السامي... ***** صفارك زاد لهيب ناري ودلالك حير أفكاري.. أحبك وانت ما داري يا ريت لو تفهم الجاري...

لى عودة
لك الود

حبيبنا ياسر صاحب النضمى الجميل طالما الموضوع فى مجال النضمى البنبش فى عواتق الزمن الحلو أهدى لك ولسبنة رائعة الشاعر المرهف الذى لم يحظى بأى إهتمام او نقد الأستاذ / مسعد حنفى وهى من درر الحقيبة القلائل
وجه القمر سافر
وجه القمر سافر يضوى شعاع ونور وافر
يا بدر ساءلك جاوب ليش أخوك نافر
********
من حيو السباع تنتر ومن رمشو السهم طافر
ريم يسحبلى سيف لحظو وآخر بالسلاح غافر
يادمع ادفق ودع ياقلب سافر
شوقي لي ضامر
هل بى نظرتك اظفر يا من بى القلوب ظافر
*********
كاحل طرفك الناعس والجيد بالاسيس غامر
مجدولات اديك صدرك رجح طبق الضامر
زيدنى من تيهك طائع ليك يا آمر
زهرة السامر
رفقا بمجنونك يا ليلة بنى عامر
*********
اعلم لولا ما طرفك للبيض الرقاق شاهر
إنسان عيني كاد يغرق في ماء خدك الزاهر
ونورك يتوقد لي عيون الخلوق جاهر
ظلمي شئ ظاهر
وإشراق الفجر يشهد على طرفي العليل ساهر
************
في دولة صباك تايه يا الفى عشقي ماك فاكر
أصبح مسكنك قلبي الفى كل ثانيه ليك ذاكر
لو رأيت محيك يا البى نظرتك ماكر
ليك أكون شاكر
وأم الأفق بيك تقنع لا تولد شمس باكر
*********
تنظر بانه تتمايل في ثياب لو قدم خاتر
وتنظر كيف صدير يقلع تفاحو وردف ناتر
وبين ناعساتو يضوى الصارم الباتر
اللحاظ فاتر
لامعه سيوفو تتبارق من كسراتو يا ساتر
*********
عاشق محيك الضاوى وعاشق حسنك النادر
تقبل لحظك يمرضني وانت على شفاى قادر
في هواك قابل تنفيذ أمرك الصادر
لي ليه غادر
حلمك جود وأتعطف سارع بى لقاي بادر
*********
وحيات طرفك الناعس وحيات حاجبك الداير
وحيات خدك المجلى ومنظوم ثغرك الناير
بى لقاك تسمح لو كان في المنام زائر
فكرى فيك حاير
كل ساعة جيش حبك يهجم في الصدر غاير

المشاركة الأصلية كتبت بواسطة الطيب ابوكرنة

حبيبنا ياسر صاحب النضمى الجميل طالما الموضوع فى مجال النضمى البنبش فى عواتق الزمن الحلو أهدى لك ولسبنة رائعة الشاعر المرهف الذى لم يحظى بأى إهتمام او نقد الأستاذ / مسعد حنفى وهى من درر الحقيبة القلائل

شكراً الغالية سبنة
التى اهدتنا هذه المساحة
تسلم استاذى الطيب ابوكرنة
هدية اكثر من رايعة ...
دائماً انتقاءكم بخلينا نقيف نراجع فى حروفنا ...
لك كل الود
تعرف من الاغانى الحبيبة الى نفسى اغنية المبدع حد الطرب حمد الريح ...
دى مش بتكسرنى ...
خليها ساكت ...
امتنانى

	شال هم فرقتك قلبي معاك أريتو كان يرحل و جنبك ومشتهيك يا عيون وكيف لما الفراق يحصل إن شاء الله ما يحصل ***** بريدك يا شقا الأيام كان بيك الحبيب يسعد وأسهر نجمي عز الليل بعد روح صباحك جد وابكي معاي عيون احباب عشان اسف الدموع يشهد ماكان الفراق منيه ولافرقة عيونك وعد وكيف لما الفراق يحصل إن شاء الله ما يحصل ***** مجبور قلبي يتعلم بعد ولف عليك يقسى عشان لو لحظه تنساك عيون ماتعلمت تنسى انا الفارقت مرساك قبل اشواقي ماترسى وأصابح بكره كيف العيد وعايش فرقتك هسى معقول قلبي بس يقسى وكيف لما الفراق يحصل إن شاء الله ما يحصل

العزيزة سبنة ..تحية واحترام.
مساء الخير ..الطيب ابوكرنه وياسر تمساح.
انتو بتفتشوا بعيد مالكم الكلام السمح ده ماداير تفتيش ... عايز حرفنه.
شوفوا الصبر ده..
وعلى فكره الغريب الفى الاغنية دى هو الغريب بتاعنا زاتو بتاع المنتدى.

كلمات اغنية صابر معاك
صابر معاك صبرا طويل كاتم العلى
واصلوا العلى ما مرّ يوم بخيال بشر
لو قلتى قيس والله قيس بالنسبة لى
ما شاف عذاب لا ضاق ألم
لا قاسى مر
من كم سنة يا ستنا من كم سنة
عايش براى زى الغريب
وايامى فيها الضنا
من كم سنة قلبى الحزين
زى اليتيم
لا شاف حنان لا ضاق هناء
من كم سنة ما قلتى لى
اخبارك آيه مالك مشيت من حينا
ولا جيتى مارة علينا يوم
زرتينا يا جارة الهناء
ولا قلتى يوم أسأل عليه
الزول قريبنا ومننا
السمحة يا ست البنات
يا ست عذابنا وكلنا
مخلوقة انتى تعيشى فوق
وتكونى فوق ما جنبنا
ما ست سماحة وست جمال
ما زى بناتنا وزينا
تعبانه ليه ؟ ما تسألى
مجبور عليك أسأل أنا
صابر معاك صبرا طويل كاتم العلى

المشاركة الأصلية كتبت بواسطة د/منصور

العزيزة سبنة ..تحية واحترام.
مساء الخير ..الطيب ابوكرنه وياسر تمساح.
انتو بتفتشوا بعيد مالكم الكلام السمح ده ماداير تفتيش ... عايز حرفنه.
شوفوا الصبر ده..
وعلى فكره الغريب الفى الاغنية دى هو الغريب بتاعنا زاتو بتاع المنتدى.
من كم سنة يا ستنا من كم سنة
عايش براى زى الغريب
وايامى فيها الضنا
***
السمحة يا ست البنات
يا ست عذابنا وكلنا

د/ منصور
احترامى
أها الغريب عرفناه بس السمحة دى ماتكون ياها سمحتنا ...
تشكر يا عزيز
لكن بالجد الاختيار لما يجئى بعد انتقاؤكم بكون امتحان عسير علينا ...
امتنانى
شوف ياسلام المبدع هلاوى

	لو مني مستني الملام ياسلام عليك يا سلام ياحلو دا السكوت مرات كلام وعدم الكلام هو كمان ملام يا سلام عليك يا سلام انا يا غرامي وصلت بيك في الدنيا لي حد الغرام ولقيت ملامي في عينيك يا سيدي زي الما ملام يا سلام عليك يا سلام الوردة لو فاتها الفراش ما أظن تلومو مع الندى ما بتجرح احساسو الجميل والريدة يا حنين كده يا سلام عليك يا سلام

[quote=ياسر تمساح;238160]...... سلامات يا كابتن

د/ منصور

احترامى
أها الغريب ( الغريب انا متأكد الياهوصاحبنا ده ومافى غيره) عرفناه بس السمحة دى ماتكون ياها سمحتنا( بتنا السمحة .. سمحة بأخلاقها وزوقها ....بدليل وجودها بيننا وهى زينا ونحن زيها وعايشه معانا وما عايشه فوق..وهى إسم على مسمى) .
تشكر يا عزيز(مشكور ياحبيب)
لكن بالجد الاختيار لما يجئى بعد انتقاؤكم بكون امتحان عسير علينا ...
امتنانى
شوف ياسلام المبدع هلاوى

	لو مني مستني الملام ياسلام عليك يا سلام ياحلو دا السكوت مرات كلام وعدم الكلام هو كمان ملام يا سلام عليك يا سلام انا يا غرامي وصلت بيك في الدنيا لي حد الغرام ولقيت ملامي في عينيك يا سيدي زي الما ملام يا سلام عليك يا سلام الوردة لو فاتها الفراش ما أظن تلومو مع الندى ما بتجرح احساسو الجميل والريدة يا حنين كده يا سلام عليك يا سلام

تخريمة؛؛
هلاوى عرفنا القاصد منو ... بس أنت الكلام ده قاصد بيه منو.؟؟؟
أنا يا غرامي وصلت بيك
في الدنيا لي حد الغرام
ولقيت ملامي في عينيك

المشاركة الأصلية كتبت بواسطة [size=5

السمحة دى ماتكون ياها سمحتنا( بتنا السمحة .. سمحة بأخلاقها وزوقها ....بدليل وجودها بيننا وهى زينا ونحن زيها وعايشه معانا وما عايشه فوق..وهى إسم على مسمى) . [/size]

تسلم دكتور علي حلو كلماتك فهي تعني لي الكثير ولامست خاطرى
و لكن ما عرفت اشكرك كيف لكني متاكدة أنه وصلك
إعذرني فانا لا أتقن الإمساك بالحروف,,
ولاكنى اتشبث بها عندما يسطرها من ينتمون ,,,,
الي درك النجوم وكبرياء الشموس,,,

أخى لا شئ يكتب بعدك .. ولا نص يطول تلك القامة..
شكرأ جزيلا ......
كن بخير دوما........

ونقول مع الحوت

الحنين البي ليه ما قدرو

العمر من وين بيشترو

ضوق وقاسي الوحدة ياقلبي الرهيف

ياوليف الشوق بقيت فاقد الوليف

أن نساني وباع خلاص حبي الشريف

الكلام البينا كيفن ينكرو

الحنين البي من قلبي الأمين

من مشاعرو السامية و الريد الدفين

الحنين البي لو طالت سنين

ما بتمر بي لحظة تودرو

ويا زمان العشرة وين طيبة القلوب و

وين أماني عمرنا والريد الطروب

المحبة البينا لو كانت ذنوب

الذنب في الريدة ليه ما يغفرو