مسدار الهمباته لسيد الحيشان التلاته

مسدار الهمباته لسيد الحيشان التلاته
ازهرى محمد علي





‏اب احمد ولادك استوعبوه كلامك
متحرى الصدق مولاى يعلى مقامك
ابواب الكريم واسعه بتنفتح قدامك
خليه الحسود كان شكرك كان لامك

ابواب القيم نحن بنعلى مسيده
بكل احترام نختار اداره رشيده
فى كل اتجاه نحن بنجيد تسديده
وين بتقبلوا من سيدا سيد ابوسيدا

الليله الهلال هلا وسطع فى العالى
واصلنا الحساب فى حسبة المتوالى
اسفين ياوصيف والله خاطرك غالى
كان ممكن نزيد خفنا استقالة الوالى

كم كانت دروس فى المقبره اتخطاها
وكم خضعت رؤوس فى حضرتو وطاطاها
نيران المجوس اقدامو تتوطاها
والبدخل يكوس بنلحقوا امات طه

وياخوانا البلد بسيدا تحمد سيدا
حرسوها الرجال ديمبا وحموده وديده
فرسان النزال فى الحوبه اخوان سيدا
والبين الهلال والنجمه حاجه بعييييده

مزقته الشباك تسلم خطاك يامعلم
وليك تعظيم سلام كل البلد بتسلم
انت سليل رجال من الكبار متعلم
العرضه انتشت لكن جنوبها مضلم

باريتو الظنون وهم الامانى الهشه
لا اتحقق حلم لا مغس الهلال انفشه
الممطوره كيف تتبالا من الرشه
ما قصمت زمان ضهر البعير القشه

تلعبوا فى عمود كبت الحقيقه وزورا
لملمتوا الشيوخ وعملتوا مجلس شوره
مسكين القعد فى ضلها المقصوره
كترتوا الغلاط ونسيتوا لعب الكوره

ومادرنالك الكنبه وقعاد الشاشه
والكوره التطير منعول كمان ابو خاشه
ايفوسا الفجع الصفوه وهرد فشفاشه
قوم سخن عديل ادخل مكان الباشا

ياخوانا الوصيف فضح البلد بعكو
يدوه الورق لايفتحو ولا يدكو
كاس افريقيا وين القلته قاطع شكو
شان طولة اللسان طبقنا حكم اب تكو

مابتصل الشباك فى استادو لو كان بتا
والروح يوم تروح واجب سترة الجته
جيب ورقك تعال نبدا الحساب بالحته
نفطر بالهلال والرويه سته فسته

بوظتوا النظام كسرتوا باب الشرده
وبطلتوا الكلام وحرتو ديك يا الحرده
ياخى حرام عليك ماكان بالمقاس يا ورده
دى الصفوه انزوت عملت شتات يافرده

ادمنتوا الغلب لمن بقالكم طبعه
افريقيا وعرب واللبعه فوق اللبعه
محمولات شنو بعد اللغلب بسبعه
والياكلو الاسد احسنلو من الضبعه

بارين الشكاوى اصبحتو وزن الريشه
قايلين الهلال ونسه ومجالس شيشه
ذى سيرة الهلال بين الامم مافيشه
ماتقنع تقول منعول ابوها دى عيشه

كدى احسب معاى (نص) وارغو
ناقص مازدا فى بجريشه
كم بتساوى فى حسبة حساب الكيشه
ذى شكل الديوك فى الفا رغه تنفش ريشه
ما عاشت بلد فى يوم تشجع طيشه

ياطاير بعيد سلم على حووصه
قول ليهو الشكاوى الفى ادينك موصه
سادومبا الخطير رسم الحدود بالبوصه
وامبيلى انطلق خلط الشغيل بموسى

لو تصبح صفر نحن بنجيبك سالب
ومانصبت شباك تلقانا نحن الغالب
ارفع فى بناك تلقانا تحته عقارب
مانحن القدر والحصوه فوق الحالب

فرسان النزال دايما بسدو الفرقه
فى صدر الهلال باقين حصانه ودرقه
يلعبو بالخصوم لعب العصار بالورقه
واموال الوصيف راحت شمار فى مرقه

يسلم لسانك ايها الهلالى المبدع ....

أبو الزهور يا حبيب صح لسانك وكفيت ووفيت ومبروك النصر شفته العظمه دي كيف وبسم الله ماشاء الله

استاذنا الرائع ازهري .............

تسلم علي الحروف الجميلة ...........

مبروووووووووووووووك لكل من عشق الازرق

استاذنا الراقي ابو الزهور تسلم حروفك الجميله والف مبروك وعقبال الكاس
ودام الازرق الوهاج في قلوبنا

أبو الزهور والله كلام وكلام ... ونزيدك من الشعر بيت سرقنا القصيدة ونزلناها في منتديات الهلال ... أبشر دايرين تجهز قصيدة للكأس وعى مسئوليتي (الكأس كاسنا ونحن أهلوا ونستاهلوا) ...

اب احمد مبروكين عليك حكامك
قدر ما تدفع لا حد صدك ولا لامك
فوز بلا طعم وناس الكاف خدامك
المشوار طويل ومازبمي قدامك
وزي ما طار بكرة يرجع ليك حمامك

المبدع دوماً ازهرى

يسلم لسانك

اوفيت وماقصرته فى حقهم

المبدع ازهرى محمد على...سعيد جدا بهذا الانتصار المستحق وبالتلاته،وكذلك الطيش طلق البطوله بالتلاته،وبرصيد نقطتين،وبينى وبينك التلاته ما غريبه عليهم....اللهم لا شماته...
مبروك لكل هلالابى النصر المستحق وهاردلك لكل مريخابى ونتلاقى فى الرمله الدقاقه يا مريخاب..وموعدنا الممتاز باذن الله فى الدرس الثانى وطبعا ليس الاخير...
واسمح لى استاذ ازهرى المشاركه بهذه الابيات:

ياحليل الوصيفاب القالوا زى ما طرنا بنطيركم
نسوا الكوره البقولوا بى وارغو بس نغلبكم
ياحليل وارغو يا حليل مزمل الضيعكم
تكفيكم تلاته وفى الممتاز كمان بنزيدكم

الليله الهلال فى ام در سطع زى عهدو
درس للوصيفاب فهم البطوله وفرضو
فرتق لى صفوفهم وزى العجب انقرضوا

ده هلال البلد ما زى جماعه اشاعه
ودايما لم يلزم تلقاهو زى الصاقعه
ده الدفن الوصيفاب وقالوا الحكم شماعه
وكل الداير ازور بلقى الشواهد لامعه
تلاته بدل اتنين (والتالته) تب ما واقعه

أبشر بالخير ياأزهري
ياهم اولادك محل ماتمشي رافعين راسك
ربنا يعدلها عليك شقيش ماتقبل
أطربتنا والله و نقزت من الكرسي داير اطير طيرت الوصيف

لا حوله ولا قوة إلا بالله
إنا لله وإنا إليه راجعون





الدمعه لو غلبا النزول حرمانه مابتنزل عليك يازعيم

تخريمه:
يا شماتة ابله ظاظا فييييييييييييييينا

ارجو التثبييييييييييييييييييييييييت

شيخ اذهري نهنيكم والله علي النصر وربنا اثبت اقدامكم

ونحنا ناس لا يصيبنا من الحرج شي حيث نمتلك من الماضي والحاضر

القريب مايشفع لنا تلك الخسائر وهكذا حال كرة القدم .......... فقبل هذا

علي حد علمي الضعيف قد حدث ما حدث في فريق الهلال من تفكك ورداءة

في مستوي اللعب وهاهو الان في مصاف الفرق الافريقيه

والعربيه في امان الله ...

دحين الصلح حال الهلال بصلح حالنا ولا شنو

نحنا اولاد بلد نقعد نقوم علي كيفنا وفوق رقاب الناس مجرب سيفنا ( اولاد بلد ما اسياد بلد )

ودمتم

الاستاذ الكبير ابو الزهور
مبروك عليكم الفوز علي المريخ ومن حقكم الفرح لان سقف احلامكم لا يختطي الفوز علي المريخ

بت القوز
والله انتي تعبانة مع الناس ديل تعب شديدة
يا سيدة انتي ملكة وتاج فوق رؤسهم الاينعت وحان وقت قطافها
مالك ماشة معاهم كده .
خليهم يفرحوا انت بهمك الفوز علي الفرق القوية وبهمك كاس يدخل السودان بس اسمك
وهم بهمهم الفوز علي المريخ فقط
وبهمهم المريخ ما يجيب كاس خارجي
وما تنسي عقدة الصفر الدولي الكبييييييييييييييييييييييييييييييييييير

الاستاذ الرايع ابو الزهور تحياااااااااااتى

ابدعت بكلماتك وزاد النصر نصرين من عذب كلامك والتلاتة الحارقة مازدا وربنا يديك العافية ابو الزهور ومليون مبروك لسيد البلد ابو الهل وعقبال عروسة افريقيا باذن الله وتقبل مرورى


عاشق سيد البلد / وهيب احمد

المشاركة الأصلية كتبت بواسطة عارف مصطفي السيد

رؤسهم الاينعت وحان وقت قطافها

بي شنو بالطيشنة
هديك زهرة الممتاز مينعة كدي حاول مجرد المحاولة لقطافها
ماتبقي فصاحة ساي
ننادي ليكم الامل ولا الأهلي مدني
ولنا نجيب ليكم شبل الهلال من كادقلي
قررررررقررررررقرررررر

ياطاير بعيد سلم على حووصه
وقول ليهو الشكاوى الفى ادينك موصه
سادومبا الخطير رسم الحدود بالبوصه
وامبيلى انطلق خلط الشغيل فى موسى

اخى ازهرى والله ا لكلام جميل و يكفى انه جاى من شاعر كبير مجيد و مرهف --- فلك التحية


و التجلة -- و لكن أخى أزهرى أسمح لى أن أقول لك بالغت فى وصف الهلال و الحال --- كأنك تعنى


مناسبة اخرى فى يوم غير ذلك اليوم فالهلال الشفناه ما قدر دا لا فى الشوط الاول و لا الثانى و جتى


الدقيقة 76 -- اليقرأ قصيدتك يصدق و اليشوف المباراة يد ى ربه العجب و ما ادراك ما العجب ---- عموما


ألف مبروك و كل عام و أنتم بخير ----

ابواب القيم نحن بنعلى مسيده
بكل احترام نختار اداره رشيده
فى كل اتجاه نحن بنجيد تسديده
وين بتقبلوا من سيدا سيد ابوسيدا

ابواب القيم نحن امها وابوها
وذكري الادب والاحترام اخير تخلوها
في اتجاه الناس ما بنكروها
ومحل ما تقبلوا النجمه بتلقوها

الليله الهلال هلا وسطع فى العالى
واصلنا الحساب فى حسبة المتوالى
اسفين ياوصيف والله خاطرك غالى
كان ممكن نزيد خفنا استقالة الوالى

كم وكم هلا الهلال وظهر زي عريس
وكم لخبط حسابات ناس وصابهم التفليس
الوصيفات تاريخهم ناصع ولبنهم ما بلحقو كديس
دحين الوالي ريئس الزعيم بتشبهو بود ادريس

كم كانت دروس فى المقبره اتخطاها
وكم خضعت رؤوس فى حضرتو وطاطاها
نيران المجوس اقدامو تتوطاها
والبدخل يكوس بنلحقوا امات طه

حقيقه مقبره ومن شكلها ظاهره
وخندقنا داك فيهو النفوس الطاهره
ليكم الحق تفرحوا ما نحن السيوف الناحره
ما مصدقين الفوز وهزيمة اللعيبه الماهره

وياخوانا البلد بسيدا تحمد سيدا
حرسوها الرجال ديمبا وحموده وديده
فرسان النزال فى الحوبه اخوان سيدا
والبين الهلال والنجمه حاجه بعييييده

البلد شن قدمتوا ليها يا بني صهيون
البلد عزاها الزعيم بي كاسات دهب بني شيبون
فرسان الاحمر الوهاج اصحاب خبره وفنون
وحقيقة بين النجمه والهلال شاسع البون

مزقته الشباك تسلم خطاك يامعلم
وليك تعظيم سلام كل البلد بتسلم
انت سليل رجال من الكبار متعلم
العرضه انتشت لكن جنوبها مضلم

قالو الزغاريد كتيره علي راعي البقر
ونحن معلمين معلم فنون الكفر
ونحن البسطنا الناس لي وقت السحر
وين كانوا الناس وقت الجنوب فيهو الدود نتر

باريتو الظنون وهم الامانى الهشه
لا اتحقق حلم لا مغس الهلال انفشه
الممطوره كيف تتبالا من الرشه
ما قصمت زمان ضهر البعير القشه

قالوا الناقصاك تم باقيها كلام
واتوسد الواطه وعيش مع الاوهام
والواقع مرير بس جميله الاحلام
وكان حققتوا الكاس بعدين لينا كلام

تلعبوا فى عمود كبت الحقيقه وزورا
لملمتوا الشيوخ وعملتوا مجلس شوره
مسكين القعد فى ضلها المقصوره
كترتوا الغلاط ونسيتوا لعب الكوره
الحقيقه الضائعه بين الفهم الخاطي
الفيك بدربو واشكي للكريم العاطي
يغفر كل ذنوبكم ويرسيكم علي شاطي
تحققوا حلم زعيط الفي كل شئ احتياطي

ومادرنالك الكنبه وقعاد الشاشه
والكوره التطير منعول كمان ابو خاشه
ايفوسا الفجع الصفوه وهرد فشفاشه
قوم سخن عديل ادخل مكان الباشا

نحن اولاد بلد نقعد محل نرتاح
ومعروفين تمام بنملا كل براح
والفاجعه بنتلقاها زي نسيم الصباح
بجيك يوم وتسكت عن الكلام المباح

ياخوانا الوصيف فضح البلد بعكو
يدوه الورق لايفتحو ولا يدكو
كاس افريقيا وين القلته قاطع شكو
شان طولة اللسان طبقنا حكم اب تكو

ياها البتضحك والله يا اخوان
انتم مالكم ومال عزة السودان
نحن البنعرف نجيب الكاسات من زمااان
ونحن البنقطع كلام كل لسان

مابتصل الشباك فى استادو لو كان بتا
والروح يوم تروح واجب سترة الجته
جيب ورقك تعال نبدا الحساب بالحته
نفطر بالهلال والرويه سته فسته

كم وكم وصلنا وقدينا شباك
وكم وكم شطبنا ليكم باك
لو داير الحساب ارجع بي وراك
يوم عتمة الروية النجمه تتلقاك

بوظتوا النظام كسرتوا باب الشرده
وبطلتوا الكلام وحرتو ديك يا الحرده
ياخى حرام عليك ماكان بالمقاس يا ورده
دى الصفوه انزوت عملت شتات يافرده

نحن النظام درسناهو للعميان
ونحن رجال والحرده للنسوان
جيب العندك ونصب الميزان
تلقي كفوف الزعيم ظاهره عيان

ادمنتوا الغلب لمن بقالكم طبعه
افريقيا وعرب واللبعه فوق اللبعه
محمولات شنو بعد اللغلب بسبعه
والياكلو الاسد احسنلو من الضبعه

قول الحقيقة المره الما بتدوره
افريقيا وعرب عارفانا زعماء كوره
والمحمولات حقيقه صوت وصوره
ولموا لسانكم قبل ندخلكم الماسوره

بارين الشكاوى اصبحتو وزن الريشه
قايلين الهلال ونسه ومجالس شيشه
ذى سيرة الهلال بين الامم مافيشه
ماتقنع تقول منعول ابوها دى عيشه

نحن ناس قانون ما همج ورعاع
والنجمه فوق قلب السماء باقيه شعاع
وسيرة الزعيم طويلة الباع
ونحن نبع الفرحه ومأمن الملتاع

كدى احسب معاى (نص) وارغو
ناقص مازدا فى بجريشه
كم بتساوى فى حسبة حساب الكيشه
ذى شكل الديوك فى الفا رغه تنفش ريشه
ما عاشت بلد فى يوم تشجع طيشه

التاريخ كل شارده و و ارده سجله
وتواريخ الزعيم معروفه وين مثل مثله
الكديس قال الكاسات عفنه وقت ما وصله
نحن البلد اصل اصل اصله

ياطاير بعيد سلم على حووصه
قول ليهو الشكاوى الفى ادينك موصه
سادومبا الخطير رسم الحدود بالبوصه
وامبيلى انطلق خلط الشغيل بموسى

لو تصبح صفر نحن بنجيبك سالب
ومانصبت شباك تلقانا نحن الغالب
ارفع فى بناك تلقانا تحته عقارب
مانحن القدر والحصوه فوق الحالب

مهما تمشوا نحن الاساتذه وانتوا الطالب
ومهما تعملوا تبقوا الطوبه ونحن القالب
لو جبتوا الكاس ودي فيها حلاقة شارب
نبقي نحن الصفوة وانتم روث الثعالب

فرسان النزال دايما بسدو الفرقه
فى صدر الهلال باقين حصانه ودرقه
يلعبو بالخصوم لعب العصار بالورقه
واموال الوصيف راحت شمار فى مرقه

والله بضحك كتير لمن تقول فرسان
وحصانة لبني الما مرقتها من القضبان
خلوها لي زعماها النشروها في كل مكان
والخير عندنا رااقد ما هو شيك بي ضمان

ابوسفيان انا كتبته في البوست ده لكن

اقول ليك كلام

ابدعته عدييييييييييييييييييييييييل كده

وكل يوم يذيد اصرارنا علي هذا الانتماء

وتاني ليك تحيه

ربنا يديم عليك نعمة حب الشعار
الازرق و الابيض اجمل الانهار
للسودان رواء وللشعب استئثار
كلماتك قوية اقوي من التتار
لحقت الجماعة ناس قندهار

المشاركة الأصلية كتبت بواسطة حبوبه

ربنا يديم عليك نعمة حب الشعار
الازرق و الابيض اجمل الانهار
للسودان رواء وللشعب استئثار
كلماتك قوية اقوي من التتار
لحقت الجماعة ناس قندهار

حبوبه
كل عام وانت وشعارك بالف خير

ربنا يديم علينا الاحمر والاصفر الوان الانبهار
شعار زعيم الاندية المريخ المارد الحاسم البتار
رافع علم السودان في احراش افريقيا البطل الجبار
جالب الدهب من احفاد فرعون في وضح النهار
حقيقة كلماتها قوية لانها ادمنت حب هذا الشعار
لانه حقيقة زعيم البلد وابن شعب السودان البار

وين وين وين تلقوا زي ده

المشاركة الأصلية كتبت بواسطة ابوسفيان ابراهيم احمد

وين وين وين تلقوا زي ده

ابو سفيان ياخى الناس لو بتعيش على تاريخه ما ح تتقدم
بعدين المثل بقول
ليس الفتى من يكون كان ابى
ان الفتى من يقول ها انذا
يعنى لو عندك منطق اتكلم عن مريخ اليوم مريخ السبعات والتلاتات
ويا حليلك تلاته بطولات ضايعه فى سنه احده
سيكافا
وممتاز
وابطال افريقيا

وتلاته اجانب مواسييييير

وتلاته مدربين مواسييييير

اها كدى قول لى
تلاته فى تلاته على تلاته بى كم؟

تعرف صورتك دى زكرتنى واحد صاحبى عندو صلعه وهو ما مقتنع بيها وعايش على ماضيو
اها كل ما زول يعلق ليو يقوم يطلع لى صوره قديمه من قبل عشرين سنه ويقول لى شوف الشعر ده كان شعرى زمان؟؟؟
ويا حليلكم ويا حليل الغشوكم بياعين الكلام والاوهام
اصحوا يا عالم
وتعالوا ما تخجوا تعالوا فى حمى سيد البلد والبيت بيتكم

المشاركة الأصلية كتبت بواسطة ود الحصاحيصا

ابو سفيان ياخى الناس لو بتعيش على تاريخه ما ح تتقدم
بعدين المثل بقول
ليس الفتى من يكون كان ابى
ان الفتى من يقول ها انذا
يعنى لو عندك منطق اتكلم عن مريخ اليوم مريخ السبعات والتلاتات
ويا حليلك تلاته بطولات ضايعه فى سنه احده
سيكافا
وممتاز
وابطال افريقيا

وتلاته اجانب مواسييييير

وتلاته مدربين مواسييييير

اها كدى قول لى
تلاته فى تلاته على تلاته بى كم؟

تعرف صورتك دى زكرتنى واحد صاحبى عندو صلعه وهو ما مقتنع بيها وعايش على ماضيو
اها كل ما زول يعلق ليو يقوم يطلع لى صوره قديمه من قبل عشرين سنه ويقول لى شوف الشعر ده كان شعرى زمان؟؟؟
ويا حليلكم ويا حليل الغشوكم بياعين الكلام والاوهام
اصحوا يا عالم
وتعالوا ما تخجوا تعالوا فى حمى سيد البلد والبيت بيتكم

ودالحصاجيصا
كل عام وانت بالف خير
قالوا الما عندو قديم ما عندو جديد
يعني الما عندو تاريخ ما عندو اساس
ونحن ساس وراس وعزه للناس
والتاريخ حافظ لكل زول مكانتو واصلو
ونحن بنعيش علي تاريخنا المشرف جدا جدا
وحاضرنا المؤلم جدا جدا ومستقبلنا الزاهر وباهر
لكن المشكلة فيكم لا تاريخ ولا حاضر و مشتقبل مظلم
ونحن مهما حصل مريخااااااااااااااااااااااااااااااااااااااب
حتي الممات ومبروك عليكم حماكم اقعدوا فيه براكم
وبعدين انت خجلان ليه بتقول صاحبي ابوصلعه
انت ما تقول انا القصة ما قصتك انت يا ابوشاكوش

أبو زرياب
المبدع
الفنان
عيد سعيد
وكلامك ما بنزاد .
وموعدنا منصات التتويج إن شاء الله .

الاستاذ ازهري سلامي
يا اخي ممكن تكتب قصيدة مسدار الهمباته لسيد الحيشان الخمسة
يعني تجاري فيها د/ عمر محمود خالد في قصيدته ( خمسة اهداف) اقصد خمسة سنين