التضامن مع الإدارة ضد الهكر

والله يا شبب الهكر دا جننا وما عارفين عاوز شنو من المنتدى دا

كل يوم المنتدى قاطع وأخونا في الإدارة في معالجات لإرجاع المنتدى.

كدي نتناقش ونتضافر كلنا لحل المشكلة لانها الظاهر ما مشكلة عابرة ولكن مشكلة متكررة واظن المنتدى وقف أكتر من أربعة مرات في الفترة الفاتت

وما أظن كل المنتديات بتعاني من نفس المشكلة ونخاف أخونا ناس البرنس يزهجوا وتلاقوا المنتدى ماموجود في لحظات.

وبعدين الصداع والخرمة بتجي وما ينفع معاها لا شاي ولا سفة ولا بندول !!!!!

.. ,والله ياخونا محمد بدون زعل اذا شلنا التضامن الفووووق راس المنتدى دا ... تانى الهكر مابجونا بجاى تب ........حقيقة المسالة تكررت طيلة الفترة الفائتة وهذا سيؤدى الى بعد الاعضاء عن المنتدى ..

والله يا راشد يا أخوي ما عارف غايتو في حاجات كدا ما تقدر تفهما؟؟؟؟

ولتضامن ياتو ما عرفتوا الفوق دا ؟؟؟؟

بعدين نفسي أسأل الموضوع دا لغاية دلوقتي دخلو عاينو فيهو 9 أعضاء زي ما واضح من رقم المشاهدات لكن ولا واحد غيرك كتب حرف الناس ديل مالهم؟؟؟؟

مكجننا ولا مع الهكر؟؟؟؟

طيب أكان مكجننا مالهم بيدخلوا يقروا ويطلعوا ؟؟؟؟

وكان مع الهكر ما يقولوا مع الهكر عديل

بعدين هو الموضوع دا دلوقتي أهم من أي موضوع تاني لانو دا مؤشر لي إنو المنتدى في خطر مفروض أي زول مهتم بالمنتدى يقول رأيو ويتضامن مع الإدارة علشان الهكر ما ينفرد بالإدارة براها ويدالله مع الجماعة.

المشاركة الأصلية كتبت بواسطة محمد يوسف

وكان مع الهكر ما يقولوا مع الهكر عديل

.

مع الهكر عديل

هههههه

تحياتي يامحمد

يوم أمس الإحد الساعة الثانية عشر بعد منتصف الليل توقف المنتدى كالمعتاد بعد كتابة هذا الموضوع وما عارف سبب تجاهل هذه الظاهرة هل من الحكمة ان نتناسى هذا الموضوع؟

	الأخ محمد يوسف عشان ما تقول دخلت و ما عبرتك أنا ما مع الهكرز و ضدهم للنهاية لكن ما بعرف كيف نحاربهم بس إنت قول و نحن جاهزين و لا تذعل رايك شنو؟؟؟

والله يا شباب انا موجود في الطرف الأخر من الدنيا (بلدا ما فيها زول بيتكلم عربي ذاتو) وأول امبارح قلت أدخل اتونس شوية مع الحبايب لقيت الموقع طافش. أنتوا الهكرز ديل دايرين شنو في منتدانا دة قايلنو وزارة الداخليةالأمريكية ولا البنتاعون ولا يا ربي تكون لمة ناس الحصاحيصا دي ما عاجباهم، بمكن يكونو مدينة قريبة وغيرانين لكن قول ليهم والله لو المنتدى بيشتغل دقيقة واحدة في اليوم نصبر عليه ونفتشه وندخله ونتونس ونتلم والحصاحيصا تفضل زينة البلد وأهلها مثال الود والتضامن.

أخونا العزيز/ محمد يوسف
معليش بس كنا دايرين نفك الخرمه أول وانت أكيد عارف خرمه المنتدى
بعدين دايرنا ندين ونشجب ولا نطلع مظاهره ولا نعمل شنو
المهم نحن نؤيدكم ونشد من أزركم لمحاربة الهكرز و00000
أها تانى فى حاجه؟ بس ماتزعل
فتك بعافيه

--------------------------------------------------------------------------------

والله يا راشد يا أخوي ما عارف غايتو في حاجات كدا ما تقدر تفهما؟؟؟؟

ولتضامن ياتو ما عرفتوا الفوق دا ؟؟؟؟

محمد مبروك العودة والانتصار على الهكرز ... بس اظن كلامى مشى وجا والتضامن الفوق راس المنتدى شالو ... هزمنا اوكامبو .... اقصد الهكرز .... مبروك مرة تانية العودة والاطلالة الجميلة

والله يا الغالين الموضوع جد كان مهم للغاية وما عارف سبب تجاهلو شنو لانو أنا كنت حاسس أنو في مشكلة حقيقية ودا كان واضح من تكرر التوقف

وأكيد ما ح نعمل مظاهرة يا أخوي حمدي ويا أخوي ياسر بس ممكن الناس تتفاكر في المشكلة لو عاوزة راي نتفاكر ولو عاوزة قروش نتشايل لكن نسكت وما نجيب سيرة للموضوع زي الداسين راسنا في الرمال والمنتدى كل ساعة واقف؟؟؟؟

وأنا شخصياً مساهمة مني أبديت رأي في السيرفر قبل عدة أيام وأخيرأ أقتنع الإخوة في الإدارة وغيروا السيرفر (من صوت مصر الى مجموعة أسمر السودانية ولا ما كدا يا البرنس؟؟؟)

وإن شاء الله تاني ما تكون في مشكلة.

والتضامن هو وقفة صغيرة مع أخونا في الإدارة الي بيبزلوا من جهدهم ومالهم ووقتهم علشان المنتدى يكون بي شكلو الحالي.

وأكيد لو عاوزين مساعدة من دكتور أحمد الطيب حتى ولو كانت إستشارة خبير أمريكي في الشبكات كان دكتور أحمد إستشار ليهم خبير امريكي ولا ما كدا يا دكتور؟؟

وأخونا راشد قال رأيو إنو التضامن كان هو السبب والبرنس قام شال التضامن ههههههههههههه.

- ودا زاتو تضامن مفيد لانو بالعمل مش بالمظاهرات والقماشات الملونة.

السلام عليكم ورحمة الله وبركاته

تحية طيبة .. أريد أن أوضح بعض الأمور التقنية للموقع ..

في البداية استلمت ادارة الموقع من الاخ دفع الله .. وتم تغيير جميع البيانات

وتم نقل الموقع الى سيرفراتنا الخاصة .. واسم شركتنا الالكترونية هي (أسمر للإستضافة والتصميم Asmer4Host )

وكان السيرفر الذي نقل اليه الموقع في البداية تابع لنا .. ولكن كان يحمل اسم صوت مصر .. ولكنه في الحقيقة تابع لنا ..

وكان فيه عدة مواقع عانت من التوقف المتكرر للسيرفر .. لا لسوء السيرفر .. وللعلم ان السيرفر كان من اقوى واحدث السيرفرات .. ولكن السبب كان في برمجة السيرفر وحمايته ..

وكان سبب التوقف المستمر كالاتي .. حيث ان السيرفر يقوم بحظر الاي بي للشخص لأي محاولة اختراق .. سأعطيكم مثال .. انا مثلا داخل من السودان ومعروف اي بي السودان يبدا بالرقم ( 41) وقمت بمحاولة اختراق فاشلة لأي موقع من مواقع السيرفر ومن ضمنا الحصاحيصا .. سيقوم السيرفر اوتوماتيك بحظر جميع ايبيات السودان .. ولهذا السبب لا يستطيع احد الدخول للموقع من السودان ويمكن لشخص اخر ان يدخله من السعودية مثلا .. وبعد ان يتم الحظر يقوم احد موظفي ادارة السيرفر بمسح الايبيات المحظورة بعد 10 دقائق او ربع ساعة .. ولهذا يتوقف الموقع متكرر .. وذلك للحماية المبالغة للسيرفر .. وارجو ان يكون قد اتضح لكم الامر

عموما .. بعد ذلك طالبني عدد من الاخوة لنقلهم لسيرفر اخر .. وفعلا الان قمت بنقلكم لسيرفر اخر بإداراة أمريكية .. وفيه مستوى الحماية معقول .. حيث انه يمكن ان يحظر الاي بي للشخص المخترق لوحده وليس البلد بأكملها .. وايضا السيرفر تابع لـ (أسمر للإستضافة والتصميم السودانية )

اما بخصوص الهكرز .. فالموقع ليس له دخل بالهكرز .. الهكرز يقوم بالاختراق فقط ولا يمكنه ايقاف تشغيل الموقع ..


والله الموفق ..


تحياتيـ،، :)
ـأسمر ..

	تحية خاصة للإدارة بمناسبة الإنتصار على الهكرز مع التمنيات بمزيد من التقدم بوووووووووووووووووركتـــــــــــم جميعـــــاً

المشاركة الأصلية كتبت بواسطة أسمر

السلام عليكم ورحمة الله وبركاته

تحية طيبة .. أريد أن أوضح بعض الأمور التقنية للموقع ..

في البداية استلمت ادارة الموقع من الاخ دفع الله .. وتم تغيير جميع البيانات

وتم نقل الموقع الى سيرفراتنا الخاصة .. واسم شركتنا الالكترونية هي (أسمر للإستضافة والتصميم asmer4host )

وكان السيرفر الذي نقل اليه الموقع في البداية تابع لنا .. ولكن كان يحمل اسم صوت مصر .. ولكنه في الحقيقة تابع لنا ..

وكان فيه عدة مواقع عانت من التوقف المتكرر للسيرفر .. لا لسوء السيرفر .. وللعلم ان السيرفر كان من اقوى واحدث السيرفرات .. ولكن السبب كان في برمجة السيرفر وحمايته ..

وكان سبب التوقف المستمر كالاتي .. حيث ان السيرفر يقوم بحظر الاي بي للشخص لأي محاولة اختراق .. سأعطيكم مثال .. انا مثلا داخل من السودان ومعروف اي بي السودان يبدا بالرقم ( 41) وقمت بمحاولة اختراق فاشلة لأي موقع من مواقع السيرفر ومن ضمنا الحصاحيصا .. سيقوم السيرفر اوتوماتيك بحظر جميع ايبيات السودان .. ولهذا السبب لا يستطيع احد الدخول للموقع من السودان ويمكن لشخص اخر ان يدخله من السعودية مثلا .. وبعد ان يتم الحظر يقوم احد موظفي ادارة السيرفر بمسح الايبيات المحظورة بعد 10 دقائق او ربع ساعة .. ولهذا يتوقف الموقع متكرر .. وذلك للحماية المبالغة للسيرفر .. وارجو ان يكون قد اتضح لكم الامر

عموما .. بعد ذلك طالبني عدد من الاخوة لنقلهم لسيرفر اخر .. وفعلا الان قمت بنقلكم لسيرفر اخر بإداراة أمريكية .. وفيه مستوى الحماية معقول .. حيث انه يمكن ان يحظر الاي بي للشخص المخترق لوحده وليس البلد بأكملها .. وايضا السيرفر تابع لـ (أسمر للإستضافة والتصميم السودانية )

اما بخصوص الهكرز .. فالموقع ليس له دخل بالهكرز .. الهكرز يقوم بالاختراق فقط ولا يمكنه ايقاف تشغيل الموقع ..


والله الموفق ..


تحياتيـ،، :)
ـأسمر ..

نشكر الادارة الفنية الجديدة على التوضيح ونتمنى لهم ان يرتقو بالمنتدى اكثر واكثر .. فقط هنالك نقطة نريد توضيحها حيث ان المنتدى توقف على حسب علمى لكل الدول وليس فقط كما ذكرت ... وجيد ان ما تم حاليا بحظر الاى بى للشخص المخترق فقط .. تسلم

المشاركة الأصلية كتبت بواسطة راشد محمد الجاك

نشكر الادارة الفنية الجديدة على التوضيح ونتمنى لهم ان يرتقو بالمنتدى اكثر واكثر .. فقط هنالك نقطة نريد توضيحها حيث ان المنتدى توقف على حسب علمى لكل الدول وليس فقط كما ذكرت ... وجيد ان ما تم حاليا بحظر الاى بى للشخص المخترق فقط .. تسلم

توجد بعد التوقفات تكون عامة وذلك بغرض تحديثات في السيرفر .. أو إعادة تشغيل السيرفر لكن عادة ماتكون قليلة.. مرة في الاسبوع او مرتين

لكن التوقفات المستمرة نتيجة للجدار الناري .. وذلك لان بعض الدول العربية تمتلك ايبييات مشتركة لذلك يشمل التوقف أكثر من دولة ..

وشكرا" ..

المشاركة الأصلية كتبت بواسطة أسمر

السلام عليكم ورحمة الله وبركاته

تحية طيبة .. أريد أن أوضح بعض الأمور التقنية للموقع ..

في البداية استلمت ادارة الموقع من الاخ دفع الله .. وتم تغيير جميع البيانات

وتم نقل الموقع الى سيرفراتنا الخاصة .. واسم شركتنا الالكترونية هي (أسمر للإستضافة والتصميم asmer4host )

وكان السيرفر الذي نقل اليه الموقع في البداية تابع لنا .. ولكن كان يحمل اسم صوت مصر .. ولكنه في الحقيقة تابع لنا ..

وكان فيه عدة مواقع عانت من التوقف المتكرر للسيرفر .. لا لسوء السيرفر .. وللعلم ان السيرفر كان من اقوى واحدث السيرفرات .. ولكن السبب كان في برمجة السيرفر وحمايته ..

وكان سبب التوقف المستمر كالاتي .. حيث ان السيرفر يقوم بحظر الاي بي للشخص لأي محاولة اختراق .. سأعطيكم مثال .. انا مثلا داخل من السودان ومعروف اي بي السودان يبدا بالرقم ( 41) وقمت بمحاولة اختراق فاشلة لأي موقع من مواقع السيرفر ومن ضمنا الحصاحيصا .. سيقوم السيرفر اوتوماتيك بحظر جميع ايبيات السودان .. ولهذا السبب لا يستطيع احد الدخول للموقع من السودان ويمكن لشخص اخر ان يدخله من السعودية مثلا .. وبعد ان يتم الحظر يقوم احد موظفي ادارة السيرفر بمسح الايبيات المحظورة بعد 10 دقائق او ربع ساعة .. ولهذا يتوقف الموقع متكرر .. وذلك للحماية المبالغة للسيرفر .. وارجو ان يكون قد اتضح لكم الامر

عموما .. بعد ذلك طالبني عدد من الاخوة لنقلهم لسيرفر اخر .. وفعلا الان قمت بنقلكم لسيرفر اخر بإداراة أمريكية .. وفيه مستوى الحماية معقول .. حيث انه يمكن ان يحظر الاي بي للشخص المخترق لوحده وليس البلد بأكملها .. وايضا السيرفر تابع لـ (أسمر للإستضافة والتصميم السودانية )

اما بخصوص الهكرز .. فالموقع ليس له دخل بالهكرز .. الهكرز يقوم بالاختراق فقط ولا يمكنه ايقاف تشغيل الموقع ..


والله الموفق ..


تحياتيـ،، :)
ـأسمر ..

المشاركة الأصلية كتبت بواسطة أسمر

توجد بعد التوقفات تكون عامة وذلك بغرض تحديثات في السيرفر .. أو إعادة تشغيل السيرفر لكن عادة ماتكون قليلة.. مرة في الاسبوع او مرتين

لكن التوقفات المستمرة نتيجة للجدار الناري .. وذلك لان بعض الدول العربية تمتلك ايبييات مشتركة لذلك يشمل التوقف أكثر من دولة ..

وشكرا" ..

لك الشكر الجزيل عزيزى اسمر ونتمنى ان نراك دائما قريبا ......

حمد لله على السلامة ... ومزيداً من التقدم واىستقرار ... يا اسمر ، بالمناسبة ، لقد فشلت
المداخلة الاولى ، ودى الثانية !!!

مشكور أخونا أسمر للتوضيح

بس ملاحظة بسيطة : أصلاً هدف الهكر إيقاف الموقع وبرامج الحماية دورها مقاومة هذه المحاولات

طيب لمن يقوم الهكر بي محاولة فاشلة ويقوم برنامج الحماية بقفل السيرفر من دولة ولا إتنين طيب ما كدا تحقق للهكر هدفوا وأصبحت المحاولة بدل فاشلة ناجحة وإنت تمسح الأي بي وهو يكرر المحاولة والسيرفر يقفل وكدا ما تصفي ساعتين شغل في اليوم !!!!! علشان كدا لابد من تغيير السيرفر وعلى فكرة مرات بيكون في مشاكل بالشبكة أو المنتدى بتخلي محاولات التصفح العادية تتصنغ على أنها محاولة إختراق وبيكون السبب مشكلة في الخط أو في المنتدى (زي ما قال عمنا عاطف أنو حاول مرتين ح نجح الإرسال).

بعدين السودان فيهو أيبيهات كتيرة مش 41 بس
يعني 212 ودا مشترك مع السعودية وإسرائيل
و 192 ودا أضيف جديد
وقفل الي بي للشخص المخترق غير مجدية لانو كل الدول حالياً بتستخدم الداينمك أي بي مش الإستاتتيك أي بي (يعني الأي بي هسا عند أسمر وبعد ساعة عند محمد لو كانو في دولة واحدة وشركة إنترنت واحدة)
والمنتدى كان بيقفل من السودان ومروراً بالسعودية وأمريكا (مش بقصد عملية تغيير ال dns البتوقف الموقع حوالي 72 ساعة)

أكيد كان السيرفر غير مريح علشان كدا كان تغييروا حل صحيح.

شكرا للجميع ومداخلاتك يامحمد خلتنا غيرنا حاجات كتيرة والحمد لله غيرنا الاستايل والسيرفر وقاعدة البيانات عشان مانسيب حاجة للظروف وان شاء الله آخر توقف ويارب مانتحرم منك ومن افكارك ونتمنى الجيد ودائما الافضل وللامام دمتم طيبين

المشاركة الأصلية كتبت بواسطة محمد يوسف

مشكور أخونا أسمر للتوضيح

بس ملاحظة بسيطة : أصلاً هدف الهكر إيقاف الموقع وبرامج الحماية دورها مقاومة هذه المحاولات

طيب لمن يقوم الهكر بي محاولة فاشلة ويقوم برنامج الحماية بقفل السيرفر من دولة ولا إتنين طيب ما كدا تحقق للهكر هدفوا وأصبحت المحاولة بدل فاشلة ناجحة وإنت تمسح الأي بي وهو يكرر المحاولة والسيرفر يقفل وكدا ما تصفي ساعتين شغل في اليوم !!!!! علشان كدا لابد من تغيير السيرفر وعلى فكرة مرات بيكون في مشاكل بالشبكة أو المنتدى بتخلي محاولات التصفح العادية تتصنغ على أنها محاولة إختراق وبيكون السبب مشكلة في الخط أو في المنتدى (زي ما قال عمنا عاطف أنو حاول مرتين ح نجح الإرسال).

بعدين السودان فيهو أيبيهات كتيرة مش 41 بس
يعني 212 ودا مشترك مع السعودية وإسرائيل
و 192 ودا أضيف جديد
وقفل الي بي للشخص المخترق غير مجدية لانو كل الدول حالياً بتستخدم الداينمك أي بي مش الإستاتتيك أي بي (يعني الأي بي هسا عند أسمر وبعد ساعة عند محمد لو كانو في دولة واحدة وشركة إنترنت واحدة)
والمنتدى كان بيقفل من السودان ومروراً بالسعودية وأمريكا (مش بقصد عملية تغيير ال dns البتوقف الموقع حوالي 72 ساعة)

أكيد كان السيرفر غير مريح علشان كدا كان تغييروا حل صحيح.

اهلا بيك يا عزيزي .. اتفق معك في معظم حديثك ..

ولكن الهكرز هدفهم الافتخار امام الهكر الاخرين .. انا اعلم كمية كبيرة من الهاكرز واعلم طريقة عملهم ..

يعني مثلا ممكن يختو موقع الحصاحيصا مستهدف.. يشوفوا اي شلة بتخترقه اول .. وهم مقسمين شلل ..

والاختراق بيتم عبر سرقة باسووردات الموقع ووضع صفحة يكتب عليها تم الاختراق من قبل كذا ..

هذا عمل الهكرز السودانيين او العرب كلهم واحد .. غير الاجانب طبعا"

ارجو ان يكون قد اتضح لك وشكرا

وعليكم السلام ورحمة الله وبركاته تحياتى للجميع
وشكراً لكل من سأل عن توقف المنتدى فى الفترة السابقة, وحقيقة التوقف كان بعد
مشاورات مع الاخ اسمر المدير الفنى للموقع والذى اقترح بعض الحلول وافقنا عليها
على الفور والحمد لله تم اتخاذ بعض التدابير وان شاء الله تكون حلول جذرية لكل
المشاكل التى لازمت المنتدى الفترة السابقة ,,,,
نكرر الاعتذار للجميع وندعو جميع الاخوة الكرام للوقوف خلف المنتدى وان شاء الله
بوقفة الجميع سنحافظ على هذا الصرح الذى جمعنا بالاحباب والاصدقاء والاهل
وبالحصاحيصا الحبيبة , شكراً للجميع وشكر خاص للاخوة البرنس ومحمد يوسف
ولى قداااااااااااااااام ,,,

الاخوه في الاداره يظهر انو الموضوع مستفحل من فتره بخلاف اختراق الامس ياريت لو الاداره تتخذ بعض الاجراءات الاحترازيه كايقاف وحزف العضويات الساكنه ومطالبة الاخوه الاعضاء الفاعلين بتقوية الباسوورد فهي اجراءات وان لم تمنع الاختراق اقله ستصعب محاولة من يحاول الاختراق لان في ظننا ان كل الحاولات التي تمت تتم بواسطة عرب او سودانيين يتعاملو مع الاختراق بنوع من الهوايه ليس الا ....

الأعزاء ود الحصاحيصا وكل من عقب على البوست أعتذر عن عدم مروري مرة ثانية لكثرة المشغوليات وأمراض الكهولة التي داهمتني في الفترة السابقة عموماً نحن نثق في الإدارة وفي إتخاذهم القرار السليم وهم يثقون في إدارتهم الفنية ولا مانع أن نقف جمعنا خلفهم صفاً واحداً فإيقاف المنتدى وضربة هو ضربة لكل عضو وتحدي لنا وتهديد بضياع هذا الكم الهائل من المساهمات والكلمات الجميلة.

وعموماً الأمور تمضى الى الأفضل فهذه المرة لم تحدث خسائر وتم إستعادة المنتدى بسرعة.

يعني كمان تكة ومافي هكر يلقى سكة

وأتفق معك أخي أحمد في أن تسد كل الثغرات طالما ان المنتدى أصبح مستهدف والمعروف أن نسخ vb مستهدفة من الهكر ودائماً يتم فتح ثغرات بها لهذا تقوم الشركة بتحديث المنتج كلما ظهرت به ثغرات وإصدار إصدارات جديدة تسد فيها الثغرات وتكون أكثر أماناً من النسخة القديمة.

عموماً الإدارة الفنية أدرى بهذه الأمور.

لكن لابد من التضييق كما ذكرت أخي في الصلاحيات ورفع المرفقات ومراجعة العضوية.

والجميع جاهزين لتقديم كل ما يحقق الإستقرار الدائم لأحلى منتدى وأحلى ناس.

شكرا اخونا محمد يوسف وشكرا لكل الاخوه المتداخلين
ودايما لي قدام ونرجو من ناس اسمر انو يوفرو لينا اقصي
انواع الحمايه عشان ما نترحم من طلتكم البهيه

تحياتى محمد يوسف وكل الاخوان..
حقيقة حكاية الهكرز مزعجه جدا وبتكلف كتير..وطبعا هم اما يقصدوا موقع بعينو او يقصدوا موقع طبقا لاحصائيات يعنى مثلا بشوفوا اكتر المنتديات زيارة من الاعضاء وبصضربوا وممكن زواحد يتلح الناس ساااكت ويروح كل مره ضاربهم..
قبل فترة واحد سعودى قصد المنتدى وواتصل بالادارة وطلب الناس تدفع ليو،وقدر اخونا الغريب يتحصل على تلفونو ومن ديك تانى ما حاول..
اما حكاية الهكرز مع المنتدى فاغلب المنتديات السودانية اليويمن ديل بتنضرب ومن هاكرز سودانيين للاسف الشديد،عشان كده يامحمد انا بضم صوتى لصوتك ومهما كان مستوى الحماية المتوفر يالسيرفر ممكن اى موقع اتضرب وطبعا ده حال الدنيا كل ما القوانين تتطور الجريمة برضو بتتطور..
عموما سعداء جدا برجوع المنتدى وسعداء جدا بالانتقال لسيرفر جديد نتمنى انو سكون اكثر امانا..والحية للاخ البرنس وفرقتو على مجهوداتهم وتمسكم براية الحصاحيصا وانشاء الله سنحاول ان نجرى اقصى وسائل الامن المتاحة من اجل الحفاظ على المنتدى وموضوعات اللاعضاء..ولا انسى ان الادارة الفنية على محافظتهم على موضوعات الاعضاء من خلال اجراء النسخ الاحتياطية والاحترازية اللازمة ..وتطويرهم للمنتدى يوما بعد يوم..
كل الامنيات باجتماع شمل الحصاحيصا دائما وابدا كفانا الله شر الكرز ودمتم بالف خير..

تحياتى محمد يوسف وكل الاخوان..
حقيقة حكاية الهكرز مزعجه جدا وبتكلف كتير..وطبعا هم اما يقصدوا موقع بعينو او يقصدوا موقع طبقا لاحصائيات يعنى مثلا بشوفوا اكتر المنتديات زيارة من الاعضاء وبصضربوا وممكن زواحد يتلح الناس ساااكت ويروح كل مره ضاربهم..
قبل فترة واحد سعودى قصد المنتدى وواتصل بالادارة وطلب الناس تدفع ليو،وقدر اخونا الغريب يتحصل على تلفونو ومن ديك تانى ما حاول..
اما حكاية الهكرز مع المنتدى فاغلب المنتديات السودانية اليويمن ديل بتنضرب ومن هاكرز سودانيين للاسف الشديد،عشان كده يامحمد انا بضم صوتى لصوتك ومهما كان مستوى الحماية المتوفر يالسيرفر ممكن اى موقع اتضرب وطبعا ده حال الدنيا كل ما القوانين تتطور الجريمة برضو بتتطور..
عموما سعداء جدا برجوع المنتدى وسعداء جدا بالانتقال لسيرفر جديد نتمنى انو سكون اكثر امانا..والحية للاخ البرنس وفرقتو على مجهوداتهم وتمسكم براية الحصاحيصا وانشاء الله سنحاول ان نجرى اقصى وسائل الامن المتاحة من اجل الحفاظ على المنتدى وموضوعات اللاعضاء..ولا انسى ان الادارة الفنية على محافظتهم على موضوعات الاعضاء من خلال اجراء النسخ الاحتياطية والاحترازية اللازمة ..وتطويرهم للمنتدى يوما بعد يوم..
كل الامنيات باجتماع شمل الحصاحيصا دائما وابدا كفانا الله شر الهاكرز ودمتم بالف خير..

الشكر والتحيه لك أخي / ود يوسف
والتحايا عبرك موصوله لكل الاخوة القائمين علي امر جمع الشمل هنا
والشكر ممتد لكل من ظل يسهم و يسهر لتظل هذه الواحة وارفه الظلال مخضره
ولوحة علي السايبر وقلادة شرف تذين صدر المدينة العشق
جمعنا الله وأياكم تحت ظل عرشه يوم لا ظل إلا ظله
سلمتم ودمتم