هنـدي بالهـاء!!

* عن أبي هريرة رضي الله عنه قال: قال رسول الله صلى الله عليه وسلم: ((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))، قيل وما الرويبضة يا رسول الله ؟ .. قال: «الرجل التافه يتكلم في أمر العامة» .
* والرويبضة ملوا البلد ..
* بقوا كتار خلاص ..
* واحد يقول (أراذل القوم) ، وتاني يقول (شذاذ آفاق) ، وتالت يقول ماعارف شنو داك .. يتكلموا ساااااااااااااي ..
* هو الكلام بفلوس ؟! ..
* أهـا في رويبضي كده شترا جنس شترا ..
* ياخ ده في الشتارة فات موسى الزومة ..
* زول كده أهبل بطريقة غريبة ..
* زمااااااااااان أهلنا قالوا الما بتلقى في أبوك بخلعك ..
* وفاقد الشيء لا يعطيه ..
* الهندي عز الدين (مستر أشتر) ..
* إزيّك يااااخ ..
* قلت لي (***65165;***65271;***65251;***65172; ***65165;***65247;***65176;***65266; ***65175;***65240;***65194;***65249; ***65203;***65174; ***65165;***65247;***65208;***65166;***65265; ***65227;***65248;***65264; ***65261;***65199;***65267;***65198; ***65165;***65247;***65212;***65188;***65172; ***65247;***65254; ***65175;***65176;***65240;***65194;***65249;
***65155;***65169;***65194;***65165;ً ) !!! ..
* طيب ماوريتنا رايك في صبي النفايات لمن يبقى صحفي ورئيس تحرير ..
* طبعاً مع إحترامي الشديد الشديد لصبي النفايات المكافح الشريف ..
* الهندي إزيك تاني ياخ ..
* وهنـاية ديك بتسلم عليك ..
* هناية ياخ .. ماتعمل رايح يا فردة ..
* يعني إلا أقول إسمها قدام الناس ديل ؟!
* طيب ريري ..
* ايوااااااااااا ريري البشتنتك وخلتك قدر السمسة .. ريري ياخ .. مُصر تعمل رايح صاح .. طيييييب ..
* رفيدة يا سين ..
* المهم نرجع لي موضوعنا عشان ما يجيك وجع بطن يا هندي ..
* ست الشاي البتتكلم عنها دي زولة مكافحة وشريفة ..
* زولة ما استسلمت للفقر والحاجة ومدت يدها للبسوا والما بسوا ..
* زولة قديسة شديد ..
* ست الخير يا هندي الحققتو لو نحتا الصخر باضافرك ما بتقدر تحققو ..
* ياخ هسه في داعي تخليني أهزأك قدام الناس كده ؟ ..
* تعال طيب قرب علي جاي ..
* الهندي آخوي انت ماعارف انو الدول بتتقدم بي شعبها ؟ ..
* الدول الكبرى ما بقت كبرى الا بعد ما احترمت الغفير قبل الوزير ، والبايع المتجول قبل أصحاب المولات ، والأمي قبل المتعلم ..
* دحين يا الهندي القلم ما بزيل بلم ..
* وأم قسمة أحسن منك ومن أولي نعمتك ..
* بالمناسبة ..
* انت كنت عايز منو يجي يفتتح غرفة الانعاش دي ؟
* إنت ولا وزير نعمتك ..
* تتذكر يا الهندي أخوي لما ابنتك ربنا يديها الصحة والعافية مرضت وديتا وين ؟
* وديتا ألمانيا مش ..
* ودفعتا عشرات الالاف ..
* شوف أنا ما حاسد والله ..
* بس عندي سوعال كده واقف لي ليهو زمن ..
* من أين لك هذا ؟؟؟؟؟
* من صبي نفايات لرئيس تحرير ..
* يحررنا الله نحن من أمثالك ديل ..
* رويبضي ..

#نقاط_كده
* شباب شارع الحوادث .. لله دركــم ! .
* شباب واعي ومثقف ومحترم ، وبعرف قيمة الإنسان ..
* شباب ضرب أقوى مثال للوفــاء ..
* أم قسمة القديسة سلامي واحترامي ليك ..
* ست الخير أم قسمة حملت هموم وطن على أكتافها ..
* ست الخير إنتي وكل الخير كمان ..

#كسـرة :
* شباب شارع الحوادث وأم قسمة حققوا ما لم تحققه الحكومة منذ توليها الحكم ..

#كسـرة_إضافية :
* ***65165;***65271;***65251;***65172; ***65165;***65247;***65176;***65266; يكتب لها الرويبضة أمثال الهندي ***65247;***65254; ***65175;***65176;***65240;***65194;***65249; ***65155;***65169;***65194;***65165;ً ..

#كسـرة_حارقاني:
* بعت قلمك بي كم يا صبي النفايات ؟

#كسـرة_أخيرة :
* الزول البقول انو الشعب السوداني مفروض يحمد ربو لأنو رئيسو البشير يبقى زول هندي .. وهندي خاين لي وطنو كمان ..

#حاجة_أخـيـرة :
* هندي بالها ؟؟!! ... أديك كده ..

وللحديث بقية ...

المشكله الكبيره مش في الشخص المدعو الهندي ده لانو بالعملو اثبت نفسو للاسف زيو زي القلم البنكتب بيو على قدر ماسطر وكتب بس اداة لاعقل ولا عندها حق التصرف وده ربنا يعينو .....
بس الوراهو والاشترو قلمو والهدف شنو والناس الاتحرحت ولسه بتنجرح والله نحن بقينا زي الجسد الهداهو مرض لعين جوه جسمو مش لابد بعد كده نتحرك ونتخلص من المرض الجوانا واكل من احشائنا وشرب من دمنا .....
نحن شعب الصفات الفينا نتحدى بيها شعوب الدنيا كلها وانا بعتز بي سودانيتي ورجولة كل سوداني ....ههههه حتى الهندي الكتب ده والله فيو شجاعه كويسه انو يواجهه عزاب الضمير وفقد احساس الصحفي والكاتب الحر ....ربنا يعينك...

الفاتح جبرا
( الأمة التي تقدم ست الشاي على وزير الصحة لن تتقدم أبداً ) من أقوال الصحفي العبقري الهندي عز الدين !!!!!!
________________________________________________ز_ _________
وضع شعبنا قدمه على عتبات سلم الرقي والتقدم يوم أن قدم السيدة الفاضلة أم قسمة بائعة الشاي لافتتاح غرفة العناية المركزة للأطفال واحتفى بها كأعظم ما يكون الإحتفاء ، فانعشت تلك البادرة كل مرضى الأطفال كما أنعشت كل مرضى الأمراض الإجتماعية الا الهندي عز الدين الذي تشبث في مقاله بدعوى ( التراتبية المحترمة ) التي بنى عليها قاعدته للبناء والتقدم بأن أُمَّةً تقدم ست الشاي على وزير الصحة لن تتقدم أبداً !!!
ليعلم الهندي عز الدين أن أمتنا حين قدمت أم قسمة بائعة الشاي على وزيري الصحة الولائي والقومي وعلى رئيس الجمهورية نفسه فقد قدمت الحق على الباطل ، وقدمت الطهر على الفساد ، وقدمت المروءة على الخنوع ، وقدمت التواضع على الإستعلاء ، وقدمت حب الحياة على الموت ، وقدمت الصدق على الكذب ، وقدمت الوفاء على الخيانة …
لماذا يقدم شعبنا وزيراً فاسداً يباع الدواء الفاسد أمام عينيه في جميع صيدليات البلاد ؟ لماذا يقدم شعبنا وزيراً فاسداً يعمل في مستشفياته مئات الأطباء المزورين الذين لا علاقة لهم بالمجال الطبي ؟ لماذا يقدم شعبنا وزيراً فاسداً عجز عن توفير الأكسجين والمحاليل الوريدية وشاش القطن ؟ لماذا يقدم شعبنا وزيراً فاسداً كان بإمكانه أن يبني المئات من غرف العناية المركزة مثل هذه التي بناها شباب شارع الحوادث ، لكنه مشغول ببناء عماراته ومستشفياته الخاصة التي تدر عليه دخلاً لو أنفق ثلثه في عمل الخير لكفى الوطن كله مؤونة العناية المركزة ؟
إنّ شعبنا يعرف تماماً من يقدم ومن يؤخر ويوم قال كلمته في هذا النظام بمقاطعة انتخاباته المزيفة كان الهندي عز الدين يدبج مقالاته مزيناً للتزييف .
إنّ أمة مثل اليابان على قمة هرم الرقي الإجتماعي تقدم في ترتيبها عامل النظافة على الطبيب والمهندس تقديراً لما يؤديه من مهام جليلة وعظيمة يصاب المجتمع بالشلل ان لم يكن فيه من يؤديها .
الأمم التي لا تتقدم أبداً هي الأمم التي تنفق حكوماتها ثلثي ميزانيتها على الأمن والدفاع لا لمواجهة عدو خارجي ولكن لقمع المعارضين من أبناء الشعب ، ثم يموت أطفالها بسبب عجز الميزانيات وقصور الأداء داخل مستشفيات خربة ونخرة ليس بها غرف عناية مركزة ولا حاضنات للأطفال الخدج ، ثم يشيد صحفيوها بوزير صحتها ويريدون أن يقدموه ليفتتح غرفة عناية مركزة لم يبذل في سبيل إقامتها أي جهد ، وربما كان حجر عثرة في التصديق بقيامها !!!
لقد كان بإمكان مامون حميدة و أبو قردة أن يفتتحا كل يوم صرحاً طبياً جديداً لو وجها فقط رسوم دخول المستشفيات الوجهة الصحيحة ولكنه الفشل والقصور وعجز الخيال والفساد يقعد بهما عن كل إنجاز ليأتي الهندي عز الدين باحثاً لهما عن ترتيب محترم يمنحهما حق الإفتتاح لصرح بناه شباب شارع الحوادث وشكلت بنابر أم قسمة قاعة نقاش تبلورت فيها الفكرة !!!
إنّ أمتنا أمة راقية يتقدمها أقزام ويرأس تحرير صحفها هنود أفلام !!!