احلى مساطيل

واحد مسطول اختو ضربت ليهو تلفون

قام قال ليها اها اجيب ليكي عريس ولاموبايل؟

قالت ليو والله الايام دي الشبكه ذي الذفت







مسطول بيشرب سجاره قوية اغمي عليه

ودخلو المستشفى اول م صحي

الدكتور قال للمسطول خد نفس عميق اتكيف

رد قال للدكتور بالله هي لسه مولعة




مسطول زهجان من مرتو شديد

قام نص الليل علي صوت الجيران بيصرخوا

قالو في تسمم في خزانات الموية

رجع البيت وسألته زوجتو قالت ليهو:؟! الحآصل شنو

قال ليها ماف حاجه ... أشربي ليك موية ونومي

نوارة المنتدى
يا نبيل يا لذيذ
تعرف تانى لو غبت حا نجيبك بالانتربول عشان نكون واضحين اسكت انا صديقك ياسر
بالجد روعة
امتنانى

ههههه تسلم يا غالى وانشاء الله الظروف ما تبعدنا منكم
ومن طلتكم
وعما قريب انا فى السودان انشاء اللة

وبمناسبة الانتربول يا تمساح مسطول مشى

لصحبو امريكي شاف الكلاب بتوزع

الجرايد فى البيوت الامريكىة قال ليه

رايك شنو فى العلم دا

المسطول راجع السودان وصحبو معاهو جو

ماشيين جنب عربيه مكسره المسطول

شال حجر جدعو فى العربيه جا طالع

من تحتها كلب وسخان ومسخن شديد

المسطول قال للامريكى شايف الكلب دة

قال اى .. قال ليه دا ميكانيكي

في اثنين مساطيل الاول سال الثانى:

أها يافرده شنو الحصل في شكلة امبارح المع مرتك؟

يازول جات وركعت قدامي،

يازول ركعت عديييييل كده؟

آي والله، أها قالت ليك شنو؟ قالت لى أبقى راجل

واطلع من تحت السرير ..

............

راجل فقير لقي مسطول في الشارع قال لي اعطيني مما اعطاك الله قال لية الله اداني عضلات اديك بنيا



تلاتة مساطيل أشرو لى تكسي! وقف لما ركبهم معاه عرفهم مساطيل،،، قام دور العربية وبطلها وقاليهم وصلنا،،،،
الأول أعطاه فلوس،،،،
التاني قالي شكرآ،،!!
الثالث نزل من العربية ومشى أعطى السواق كف،،،
السواق إفتكره واعي! المسطول قالي،،، وأنت سايق لاتسرع تاني !!

بتاع دكان رباطابي جاهو طفل جاري قال ليهو ابوي قال ليك اديني جبنه بي خمسه قروش
سيد الدكان قال للولد امش قول لي ابوك يجي يلحس السكين

نكات مساطيل
مسطول ما بصلي
أهلوا شغالين فيهو نقة ياولد صلي ياولد أمشي المسجد احسن ليك تصلي قبال تموت.... قام زهج منهم مشي ليك الجامع عشان يصلي...
لقي جماعة التبليغ معسكرين في الجامع، ومغسلين ملابسهم، وشادين حلة جوه حوش الجامع....
رجع البيت لأهله وقاليهم: تنقو تنقو آها الجامع ذااتو أجروه لعزابة!!!
**************

مذيعه عامله حوار مع مسطول عندو مزرعة...
عنده بقرتين، واحدة بيضا والتانية سودا
فبتسأله: بتأكلهم شنو ؟
قال ليها: البيضا وللا السودا ؟
قالت ليهو: البيضا
قال ليها: برسيم
قالت ليه: والسودا ؟
قال ليها: برضو برسيم
قالت ليه: وبنوموا وين ؟
قال ليها: البيضا وللا السودا ؟
قالت ليهو: البيضا
قال ليها: في المزرعة
قالت ليه: والسودا ؟
قال ليها: برضو في المزرعة.
المذيعة اتحيرت، قامت قالت ليه:
إنت ليه بتسألنى البيضا وللا السودا، مادام إجابتك هي نفس الاجابة ؟
قال ليها : لا الحقيقة البيضا دي بتاعتي!
قالت ليه: طيب والسودا ؟
قال ليها: برضو بتاعتي!!!
**************

مسطول داير يغسل عربيته بدا يغسل من النمره قالو ليه بديت بي النمره ليه ؟؟
قاليهم مره بديت من السقف لما تميت الغسيل لقيت دي ما عربيتي!!!
**************

مسطول قاعد بشرب في سجارة لحدي ما أغمي عليه..
قاموا ودوه المستشفى..
أول ما دخلوه على الدكتور،
قام الدكتور قال ليه: جر نفس
االمسطول قال: بالله هي لسه مولعة ؟؟!
**************

مسطول شاحن بهائم الضابط وقفو قال ليهو اخوانك ديل موديهم وين ؟؟؟؟
المسطول قال ليهو ماشي اقدم ليهم في كلية الشرطة
**************

مسطول قالو ليهو انتقد البلد زي ما انت عايز
قال ليهم:
وين حرية الرأي ؟
.......وين المساواة ؟
.........وين قروش الشعب ؟
.........وين ا لشغل ؟
......وين موديني ؟
... وين أنا ؟
وااااااااااااااااااااي !!!
**************

مسطول إشترى طبق بتاع قنوات فضائيه من ورا أهلو
وقال ليهم: أنا إشتريت كلب كبير
متوحش وخطير خليتو فوق في السطوح،
مافي واحد يطلع فوق ح ياكلكم
عنده أخوهو مسطول كبير، قام طلع فوق يستكشف!
...بعد شوية نزل يرجف!!
سألوهو: آها شفت الكلب؟؟؟؟
قال ليهم : لا شفت الصحن البياكل فيهو !!!

**************

مسطول منحوس عمل المستحيل و سافر السعودية
اول ما وصل لقي مسابقة اشترك فيها
فاز بالجائزة ..
الجائزة طلعت....
رحلة الي السودان !!!
**************

مسطول بالمستشفى ركبو ليهو درب
بقى يغمض ويفتح عيونه؟؟
الجماعه قالو الزول داير يموت... فسألوه: مالك بتغمض و تفتح ؟
قال ليهم: جاري الشحن..!

خلال استطلاع في برنامج رياضي لاقوا مسطول قالوا لي: في رأيك ما هو افضل فريق? قاليهم:برشلونه ... طيب, ما هو اسوأ فريق? قال ليهم: عبد الرحيم محمد حسين...

بجد بوست جميل ودمو خفيف وانا كنته عملته بوست اسمو حلة المساطيل وصراحة انا اول مره اخش قسم النكات ده لانى اصلا ما كنته منتبهه ليو الا بعد ما الحكومة رحلتنى بى جاى ههههه،وانا بقراء فى العناوين عترته بالعنوان ده اللى هو احلى مساطيل،طبعا علاقة وثيقة بين حلة المساطيل واحلى مساطيل،يعنى كلو سطل فى سطل هههه
اسفه حبيبة ما انتبهته لموضوعك صراحة واسفه شديييييييد وبينى وبينك اصلو حلتى دى مجهجهه من قسم لى قسم فبالنسبة للادارة لو رأت تحذف بوست حلة المساطيل او تضموا مع البوست ده انا ما عندى مانع.
مره تانية اسفه i so sorryi so sorry

المشاركة الأصلية كتبت بواسطة يوليسا

:emot36113: بجد بوست جميل ودمو خفيف وانا كنته عملته بوست اسمو حلة المساطيل وصراحة انا اول مره اخش قسم النكات ده لانى اصلا ما كنته منتبهه ليو الا بعد ما الحكومة رحلتنى بى جاى ههههه،وانا بقراء فى العناوين عترته بالعنوان ده اللى هو احلى مساطيل،طبعا علاقة وثيقة بين حلة المساطيل واحلى مساطيل،يعنى كلو سطل فى سطل هههه
اسفه حبيبة ما انتبهته لموضوعك صراحة واسفه شديييييييد وبينى وبينك اصلو حلتى دى مجهجهه من قسم لى قسم فبالنسبة للادارة لو رأت تحذف بوست حلة المساطيل او تضموا مع البوست ده انا ما عندى مانع.
مره تانية اسفه i so sorryi so sorry:rodill1:

يكفيني مرورك من هنا يوليسا
هههههههههههههههههه لالا عادي مامشكله حصل خير مافي داعي للاسف الموضوع ما بتساهل يابت
دا وداك واحد وانا كمان ماعندي اي مانع
وتسلمي كتير

مسطول ما بصلي
أهلوا شغالين فيهو نقة ياولد صلي ياولد أمشي المسجد احسن ليك تصلي قبال تموت....
قام زهج منهم مشي ليك الجامع عشان يصلي...
لقي جماعة التبليغ معسكرين في الجامع، ومغسلين ملابسهم، وشادين حلة جوه حوش الجامع....
رجع البيت لأهله وقاليهم: تنقو تنقو آها الجامع ذااتو أجروه لعزابة!!!
===============
حلوة ............. وانا اعطيك نكتة حقيقية ومش لمسطول حول جماعة التبليغ كوني احبهم واخرج معهم
مصرية قالوا لها الحقي ولدك بيتغداء مع جماعة التبليغ في مسجد القرية !!!!
المرأة طاحت ودوخت يعني اغمي عليها !!!
رشوها بالماء ولما فاقت فالوا لها ليه دختي يا وليه ؟
قالت: اصلوه زوجي شرب شاي معاهم وما رجع البيت الا بعد 4 اشهور
ودة غداء مش شاي ،،، دة يرجع بعد سنة!!!!!!!!!!!!!!!!!!!!!
ما رايكم

مسطول قال لسيد الكنتين بالله حاجة باردة
سيد الدكان برضوه مسطول فتح الثلاجة واداهو قالب ثلج
قال ل سيد الدكان : بالله سيحها لينا وحطها في قزازة.
سيد الدكان نزل قدرة الفول من فوق الفحم وحط القالب فوق الجمر
الدكان امتلا دخان
قام صاحبنا قال ليه :،،، حرقتها ليه هي عملت ليك شنو!!!!!!!!!!!!!!!!!!