التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
♬ ♪♩♭قسم اغاني الحقيبة وكبار الفنانين ♬ ♪♩♭ قسم أغنيات فنانى الحقيبة السودانيين بالإضافة إلى أغنيات كبار الفنانين السودانيين. |
|
أدوات الموضوع | انواع عرض الموضوع |
#1
|
||||||||||
|
||||||||||
كلمات اغاني االفنان محمد احمد عوض
ملك الأغنية الشعبية الراحل " محمد أحمد عوض "
*محمد أحمد عوض أو ملك الأغنية الشعبية كما يحلو للبعض تسميته بذلك، عرفه الناس في بداية الستينات وهو الذي أدخل تعريف «الأغنية الشعبية» ، وكان من ضمن أربعة مطربين أقاموا اتحاد فن الغناء الشعبي. أجمل روائعه : رغم بعدي برسل سلامي وليك مدة ما بنت وملكة الطرحة غيّرت بالتّوب وأبوي يا يابا وغيرها. عندما قدم الفنان محمد أحمد عوض أول أغنية له وهي أغنية " توبة يا أحباب " إلى الإذاعة السودانية مطلع الستينات من القرن الماضي قال له مشرفو التسجيل ماذا تسمي هذه اللونية من الغناء؟ فردّ قائلاً: أسميها اللون الشعبي.. ومنذ ذلك اليوم صارت أغانيه وأغاني زملائه أمثال عوض الكريم عبدالله، محمود علي الحاج وبادي محمد الطيب، أغانيات يطلق عليها مجازاً أغنيات شعبية. والأغنية الشعبية هي الأغنية مجهولة المؤلف والملحن وقد تطرأ عليها إضافات في كلماتها على مر الدهور، أما ما قدمه هو وزملاؤه فهو لشعراء وملحنين معروفين. قد يكون لطبيعة الزي البلدي الذي يلبسونه وطبيعة الآلات الشعبية من رق وطبل وبنقز سبب في هذه التسمية.. إنه الفنان الراحل محمد أحمد عوض ولد ونشأ وترعرع في مدينة أم درمان ، قرأ الخلوة والتعليم الأولي -آنذاك- وحينما أصبح صبياً بدأت موهبته وولعه بالغناء وبالذات أغنيات الحقيبة وأغنيات التراث، رحل هو وأسرته الى مدينة حي العرب بأم درمان وهناك اتصل فنياً بالشاعر الملحن الراحل عبدالرحمن الريح الذي أمده بأشعاره الأولى. يتميز محمد أحمد عوض بأن صوته من الأصوات القوية والنادرة والمعبرة وله مساحات تطريبية كبيرة قلما نجدها عند أي فنان شعبي. تعاون مع الشعراء عبدالرحمن الريح وسيف الدين الدسوقي، وأحمد باشري ، ماضي خضر، حسن الزبير، عبدالله السماني، عمر الشيخ، وغيرهم. وفي بداية حياته الفنية أهداه عبدالكريم الكابلي أغنية عشمتيني في حبك ليه؟ وهي من كلماته وألحانه وأهداه الكاتب والممثل الفكاهي الفاضل سعيد أغنية أبويا يا يابا ما تقول ليه لا.. كل أغنيات محمد أحمد عوض من ألحانه ما عدا القليل جداً منها اذ انها من ألحان عبدالرحمن الريح والملحن أحمد المبارك. من أغنياته : توبة يا أحباب، رغم بعدي ، ليلك مدة ما بنت, جافوني الأحباب ، عشان ألقاك ، عندي كلمة ، الصوت النادر ، سبب الخصام ، القلم، يا راحل بدون انذار ، كما غنى من كلماته هو مثل أغنية أخواني الجميع. غنى محمد أحمد عوض هذه الأغنيات الوطنية مثل أغنية القلم وأغنيته مبروك يا شعبي وألف تحية ويعد من الفنانين القليلين الذين غنوا للمعلمة. تأسس دار الغناء الشعبي الذي كان يتبع له محمد أحمد عوض عام 1964م وكان يضم المطربين عوض الكريم عبدالله، بادي محمد الطيب, اللذين مالا إلى ترديد أغنيات الحقيبة كثيراً، صديق الكحلاوي، حسن الأمين، عوض الجاك وغيرهم وبعد أعوام قليلة انضم اليه المطربون، محمود علي الحاج، عبدالله محمد، تيمان عطبرة وكمال ترباس الذي صقلت موهبته دار فلاح التي تأسست عام 1968م , ثم تحول إلى إتحاد دار الغناء الشعبي وحالياً انضم الى إتحاد الفنانين الحديثين هو والطيب مصطفى الشهير ببلبل فلاح.. ترأس المطرب الراحل حسن الأمين رئاسة إتحاد فن الغناء الشعبي لعدة دورات كما ترأسها محمد أحمد عوض لعدة دورات كذلك. غنى محمد أحمد عوض علي ايقاعات التُم تُم، عشرة بلدي، المامبو، الدلوكة وأدخل المطرب كمال ترباس ايقاع "الكراتش " الذي كان مستخدماً في الأغاني الحديثة كما في أغنية «طبيعة الدنيا». واستخدم في مرحلة لاحقة النور الجيلاني ايقاع " البايو " كما في أغنية " يا مسافر جوبا ".. لقد أحدث النور الجيلاني ومحجوب كبوشية تطويراً في الأغنية الشعبية وكذلك عبدالوهاب الصادق -شفاه الله- الذي يتمتع بصوت قوي ومعبر وذلك بإدخالهم للمندلين والجيتار وآلات كهربائية أخرى لهذه اللونية ولكن بدون أسس علمية معروفة لأهل الاختصاص وربما يأتي حين من الدهر تدخل الآلات الوترية مثل الكمنجات في هذه اللونية كما دخلت في المدائح النبوية.. من فناني دار فلاح، الراحل عبدالله الحاج صاحب أغنية زهرة السوسن وغيرها، محجوب كبوشية، النور الجيلاني، عبدالوهاب الصادق الذي لحن له كثيراً علي مكي والفاتح كسلاوي.. من أبرز ملحني وشعراء الأغنيات الشعبية الراحل عوض جبريل، محمود أبو العلا، محمود فلاح. أما الشاعر الراحل الذي توفى في حادثة غرق أحمد ابراهيم فلاح فله إسهامات في كلمات الأغنية الشعبية مثل أغنية يا نجوم الليل وكتب اول أغنية لأحمد المصطفى " عميد الفن السوداني " وهي أغنية عيوني هم السبب, وكان محمد أحمد عوض هو الوحيد الذي استخدم آلة الدومبا الجلدية وكان عازفها عبدالعزيز.. دعيني أجول بك في أغنيات محمد أحمد عوض لنعثر على ما فيها من صور بيانية وبديعية زاهية الاشراق.. ففي أغنيته ليك مدة من كلمات وألحان شاعرنا عبدالرحمن الريح - طيب الله ثراه- وفي قوله في أدائه "لاموني فيك الناس وانا عمري ما لُمتَ أو يوم لأحد الناس منك تظلمت" وما بين كلمتي لُمتَ وتظلّمت جناس غير تام وهو من المحسنات اللفظية وذلك لتشابه الكلمتين في الثلاثة حروف الأخيرة واختلافهما في الحروف الأولى ومعنى الكلمتين، ونفس هذا الجناس نجده في أغنية جافوني الأحباب وهو قوله في ادائه "من غير ذنب وأسباب جافوني الأحباب" فنجد هذا الجناس بين كلمتي أسباب والاحباب للسبب أعلاه حتى صور التشبيه البليغ في أغنية رغم بعدي لشاعرها سيف الدسوقي وهي من ألحان وأداء محمد أحمد عوض عند قوله في أدائه "انت فجري الماثل أمامي" وعبارة إنتِ فجري تشبيه بليغ فهو قد شبّه محبوبته بالفجر الماثل أمامه فهذا تطوير احدثه ود العوض قبل أي فنان شعبي وميزة ود العوض أنه اعتمد على انتاجه الخاص ولم يقلّد أو يتكسّب من أغنيات الآخرين الأحياء منهم والأموات، وهو صاحب أكبر انتاج غنائي في مسيرة الأغنية الشعبية مسجل بالاذاعة ولكن الاذاعة كعادتها -لا تبث له الا القليل جداً منها- أما في أغنية "عشان ألقاك" ففيها تطوير في الأغنية الشعبية من حيث كلماتها ولحنها وأدائها إذ نجد الكنايات وهي من فنون البيان عند قول شاعرها ود الدسوقي "لقيتك انت فوق البر أشد غرق من الغرقان" وقوله "تعبت من السفر في الموج داير أوصل الشطآن" وأدّى محمد أحمد عوض مطلعها بطريقة الموّال بصوته فقط بدون استعمال الايقاع وأداء الكورس, سافر ود العوض في رحلات فنية كل أرجاء البلاد وبعض الدول العربية والافريقية.. استضافته الإذاعة كثيراً واستضافه التلفاز في سهرة مطرب الجماهير وكان أن قدمها الراحل أحمد سليمان ضو البيت وغير ذلك كثير، توفي أوائل فترة التسعينات .. ألا رحم الله الفنان القامة محمد أحمد عوض بقدر ما قدم للفن الشعبي وأثرى الوجدان السوداني.. وانشـــاء الله الموضوع ينال اعجابكم |
04-06-2013, 12:47 AM | #2 |
ودشمو
|
مفــارق كيف ؟
مفــارق كيـــف تخليـــنــا لشوقنا و ذكــري ماضينا و كيف بعدك يكون الحـال و كيــف تصبـــح لياليـنــا فريقنا الكان مفرهد بـيك و عــاش روعـــة تلاقينــا صبح حزنان و ما مصـدق في يــوم ترحــل تخلينــا و ين بعدك نلاقي حنــان طيـبــة و رقــة يـا زينـــة مشيت خليتنــا للايـــام منـو الغيــرك بواسيـنــا و حاتك نحن ما بننسـاك و لا بعــــــدك بنسيـنــــا و مهمــا طالـت الايـــــام مصيرو الحي يعود لينـــا بنحسب بعدك اللحظات و ليل الشوق يطول بينا و ما بنتهنى يوم بعـــدك و لا الايـــــام تصافيـنـــــا تصور حالنا كيــف بعــدك و كيـف فاضــت ماقينـــا رحلت و شلت كل الكون منـو الغيــرك بواسيـنـــا |
|
04-06-2013, 12:53 AM | #3 |
ودشمو
|
الــقسمـة
ولا القسمة مامعروفة ليا وليكى كانت خافية يدوم سعدك مع غيرى تملاء شبابك العافية صحيح من قمنا ضم قلوبنا احلى غرام واجمل ريد كنا بنحكى عن الجنة كل الناس بتعرف ريدنا لكن قسمة مالي فيكى اصلو زمانى قاسى عنيد عارف قلبك ليا أمين فى فرقتنا ماليكى لأجلك انت كم قاسيت كنت بتبقى فى احزانى لكن القسمة شآت تبقى لى غيرى رغم عذاب بشوفو وراك مهما الفرقة ليا صعيبة لم اعيشها وانت بعيد اقول انا من قلبى ليك مبروك كل ايامك تصبح عيد ولا القسمة مامعروفة لليا وليكى كانت خافية يدوم سعدك مع غيرى تملاء شبابك العافية |
|
04-06-2013, 12:54 AM | #4 |
ودشمو
|
جافـوني الأحـباب
من غير ذنب واسباب جافونى الاحباب احكى البحور يادمعى الهاطل الكباب واذكر حبيبى الحائز فى الحسن اول باب ذكرنى ايام كنا انا والملاك احباب حبى الفريد فى حسنو ياربى زيدو شباب ظمآن دوام ياحبيبى لي من دموعى شراب لا حوله من نيرانو انا منها فى استغراب يا من تكون عامل عن المعشوق اضراب ادركنى وارحم قلبى يا شادن العمراب مع لوعتى واشواقى ياطاهر الأنساب فى الحب وهبتك روحى ولي ماعملت حساب يامن فتنة العالم بالمنظر الجذاب من قال نظر لجمالك فى العالمين كذاب من يوم فراقك دمعى على الخدود منساب سأموت شهيد فى حبك لا عذاب لا حساب |
|
04-06-2013, 12:56 AM | #5 |
ودشمو
|
رغــم بـعـدي
رغم بعدى برسل سلامى يحوى شوقى وكل إحترامى ** ** رغم إنى بعيد فى مقامى أنت برضه مثار إهتمامى أنت فجرى الماثل أمامى أنت ريدى وعشقى وغرامى ** ** السنين العامرة الطويلة والمشاعر السامية الـنبيلــة وباقة أشواقى الجميلة كلها بتكفيك عن كلامى ** ** لو أعيش فى الدنيا ساعة ليك أهديها بشجاعة غيرك اللحظات مضاعة والهموم توقظ منامى ** ** رغم بعدك وبعدى المخير البعاد ما ممكن يغير لى هوايا مشتول صغير من جهلتى وايام الفطام |
|
04-06-2013, 12:56 AM | #6 |
ودشمو
|
عندي كــلمة
عندي كلمة أحب أقولا عن مصيري وعن مصيرك إيه كسبتي بعد فراقي بالألم اتعذب ضميرك ما لقيتي بلاي سعادة وما قدرت أحن لغيرك انتي لو ضحيتي زيي في سبيل مبدأ وفكرة لو وقفتي تشدي أزري لما كانت عيشتي مرة كنا نتخطى المصاعب ننتصر في العمر مرة بس هجرتي تركتي قلبي بي جفاك بقيتو جمرة ما صبرتي معاي شوية ما رضيت أتخلى عنك كنت أقوى من الأعادي أقوى من شكك وظنك احتفظت بي وعدي ليكي ما التزمتي بكلمة منو دي النهاية بقت خصومة اشكي ظلمك واشكي همي |
|
04-06-2013, 12:57 AM | #7 |
ودشمو
|
يا حــمامــه
يا حمامه مع السلامه ظللت جوك الغمامه طيري في جوك المعطر وانشدي شعرك المسطر قولي للشادن المبطر زيد دلال وزيد وسامه انشدي شعري بين دورو علو يذكرني في خدورو اوعي يلعب عليكي دورو يا حمامه مع السلامه ظللت جوك الغمامه اسأليهو عن المحبه وعن فؤادي الذي احبا ليتو يسأل عن الاحبه مره في عمرو يا حمامه يا حمامه مع السلامه ظللت جوك الغمامه الغرام ناسي فيهو ذاتي فيهو خاطرتا بي حياتي اين حبي وذكرياتي اصبحت روحي مستهانه يا حمامه مع السلامه ظللت جوك الغمامه كلميني عن الموده كيف ضاعت وكيف صد بعد ذلك اذا استبدا قابل الجا بي ابتسامه الجمال يا حمامه فاتن فيه اروع من المفاتن كل من يعشق المحاسن قل ان يوجد السلامه |
|
04-06-2013, 12:58 AM | #8 |
ودشمو
|
الودعو أرتحلو
الودعو ارتحلو شالو الهنا ورحلو ليه يعنى خلونا مارسلو وسألو ان قلنا نطراهم تالمنا ذكراهم ان قلنا ننساهم كيفن بننساهم عارفين طبايعنا فى عيونا شلناهم ماعرفنا درب الشوق من يوم عرفناهم ترجع خطاباتهم مافيها ذكرانا ماحسو بى شوقنا واقدارنا ورانا نحنا ناس طيبه شعورنا انسانه ونضحى بالريده وقلوبنا علشانه ياحليل محبتنا حليله اياما مرت بدون ذكرى ماظلت غمامه ياما سعينالا مشينا قداما فتحنا ليها قلوبنا حفظنا الزاما الودعو ارتحلو شالو الهنا ورحلو ليه يعنى خلونا مارسلو وسألو ان قلنا نطراهم تالمنا ذكراهم ان قلنا ننساهم كيفن بننساهم الودعو ارتحلو شالو الهنا ورحلو ليه يعنى خلونا مارسلو وسألو |
|
04-06-2013, 12:58 AM | #9 |
ودشمو
|
عشان القاك لقيتك
قطعتا رمال بلا آخر عبرتا بحار ورغم ضراوة التيار بقيت اعصار وعشتا معاك يوم باكر عن الحاضر لأن الماضى سافر فى ركاب الليل وخلف جرح ماببرا ولاجبر خاطر .. عشان القاك لقيتك اريتو لقانا يوم ماكان تعبتا من السفر فى الموج داير اوصل الشطآن طلبتك قلتا خلصنى ومد ايدك وجود بحنان لقيتك انتا فوق البحر اشد غرق من الغرقان عجيبه حظونا فى الدنيا غريبه الدنيا فى الإحسان ضحك فى ناحيه يملى الكون وناس فى ناحيه بس احزان لكن للأسف ياسنين كملتى ونحن برضو كمان آيه تعمل حروف الشعر إذا جفت ينابيعو وصار الحب مجرد كلمه من كلمات وسوح وردوا فى البستان ومر عليهو لمحه وفات وهل نفطم قلوبنا على تعابيروا ونقنع إنو مافى صلات .. |
|
04-06-2013, 12:59 AM | #10 |
ودشمو
|
أنا فاكرك معايا
انا فاكرك معايا حبيبى فاكر ك معايا تسعد بسعادتى وتشقى عشان شقائى ************************ انا فاكرك معايا وانت مع المظاهر ماراعيت وفائى وظلمك لى ظاهر كنت فى يوم لقائى فرحتك التظاهر واليوم التصنع فنان فيه ماهر ********************* ديمه عشان رضاك انا باكى بشجونى ماراعيت ضنائى وبلوائى وشجونى سهرت الليالى سليتنى سلبت عودى باب غفرانى فاتح ليك لو عدت عود *********************** تسمع كل واشى قوله عليك اثر عاد فى زول صديقك اتوارى وتدثر بعد ماكنت لينا احساسك تبعثر نحن يانا نحن نخلص ليك واكتر ********************* عود لى عش هنانا عشنا اولى بيك كل الفى رحابك ابدا حانى ليك كل الناس بتخطى مابحمل عليك عود خلينى واصل ماتفارق عينى عينيك |
|
04-06-2013, 01:00 AM | #11 |
ودشمو
|
مع السلامة
وما تنسي لي ترسلي يسعدني إنك تذكريني وعني دايماً تسألي.. إتذكري الريدة الكتبنا حروفا بي أجمل وفا وأطري الحنان المني ليك ساعة جفا وساعة صفا وإتذكري الريدة الزمان بيناتنا أطري المعرفة .. بوصيك انا لو أنتبهتي في يوم لي ذاتك وسألتي عن الما أنقضي ولقيتي في جواي أوصافي وصفاتك أنا لسة ما سكت النغم في قلبي من فيض أغنياتك .. علي أي حال إنشاء الله ما آخر وداع عشم اللقاء بيك ما أنقضي لو مستطاع أصلو الحياة بين الأمل والشوق صراع .. لكني زورق حبي ليك يا غالية ما داير شراع مع السلامة.. |
|
04-06-2013, 04:56 PM | #13 |
|
غايتو يا نبيل يا اخوى
تعبتنا جد جد باعادتنا لزمن المفرده الانيقه و الغناء الجميل البدغدغ المشاعر و يحرك الاحاسيس محمد احمد عوض بلا شك رجل من الزمن الجميل |
|
04-06-2013, 05:08 PM | #14 |
|
الحبيب نبيل حامد 000 تحياتى النواضر
شكراً لهذا الإبداع وأنت تبحث عن الفن الجميل فى الزمن الجميل من فنان جميل محمد أحمد عوض أحد ملوك الأغنية الشعبية الرائدة فى غناء الحقيبة وهو رجل يختار الكلمة أما اللحن فهو كفيل به وكما أخبرنى صديقى الفنان عبد الله محمد بان محمد عوض لحن له أكثر من أغنية كما ذكر الشاعر سيف الدسوقى أنه كان جلوساً عند الفنان محمد أحمد عوض وهويلحن فى أغنية ليك مدة ما بنت وقال حينما سألته لمن هذه الكلمات أجابنى للشاعر عبد الرحمن الريح فيقول الشاعر سيف الدسوقى ومن هذا الوقت صرت معجب بالشاعر عبد الرحمن الريح الوريف نبيل حامد شكراً لهذه الذكرى شكراَ نبيل ومزيداً من الفن النبيل مودتى |
هم أُنسي وسلوتي هم أزاهرروضتي هم بوادر عاطفتي هم مرادي وبُغيتي تصطفيهم مُهجتي وفــؤادي الأسروه
|
04-07-2013, 10:51 PM | #15 |
ودشمو
|
لكم منى جزيل الشكر
فلو لا حبى لهذا المبدع لما كتبت ولو لا حبكم له لما كان مروركم فتقبلو مرورى انا |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-07-2013, 10:53 PM | #16 |
ودشمو
|
|
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-08-2013, 03:26 PM | #17 |
ودشمو
|
سالم الناس
سالم الناس إلا لي ما مدّ إيدو ماهو عارف ماهو حاس كيفن بريدو... ***** كنت بفتكر الظروف لو يوم تجيبو يطرا زولا شوقو ياريت كان يصيبو.. كنت عشمان قلبي ما يزود لهيبو إلا يظهر ناوي جمر الصبر يزيدو ***** ما ده حالو ما ده طبعو الكنت عارفو الغرام خلى القلب يهواه ويوالفو.. الغرام حكم منو البقدر يخالفو والقلب إخلاصو باين ما بفيدو... ***** يا حليلك يا الغناوي العنو كانت يا حليلك يا الأماني العندو بانت.. ما بقول دي القسمة أو أيامي خانت بس بقول انشالله يعرف كيف بريدو... |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-08-2013, 04:26 PM | #18 |
ودشمو
|
القلم طــاوعني تاني
القلم طاوعني تاني وقلت أرجع للكتابة أصلي مشتاق لي عيونك بلدي يا وطن الطلابة ***** انت ولدك كان بعانخي العلم الناس الحرابة انت تاريخنا المدون بدري من زمن الصحابة ***** أسألوا الخرطوم بتحكي لما قوردون احتمابا لما مهدي الله جاهو خلفو ناس شايلين حُرابة ***** كانوا لابسين المرقع وبالحراب سوها غابة شدة الموت ما بريدو التقول بينم قرابة...!! |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-08-2013, 04:30 PM | #19 |
ودشمو
|
لــيـكـ حــق
ليك حق ما تحني لي.. وانت في دنياك ديّ... ليك حق حاشاك ملامة.. ولو ألوم اللوم عليّ... ***** ليك حق ما دمت طاير.. كل يوم لي فيك جزاير.. والطيور ترحل تغني للربا أو لي الأزاهر.. انت لي قلوب تسلبيها لذة الريد والمشاعر... ***** هل صحيح حبك سحابة.. تكره السحب المواطر.. تأتي في الصيف ثم تفنى زي خيال أو حلم عابر.. أم صحيح راي أصدقاي انت بتحبي المظاهر... ***** ليك حق ما كنت لي.. في كتيري أو في شوية.. قلبي كان سلمتو ليك زي شعار.. أو زي هدية.. أصبح اليوم رمز غدرك قلبي أصبح ليك ضحية |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-08-2013, 04:33 PM | #20 |
ودشمو
|
تـــوبة يا احبـــاب
توبة يا أحباب لو غشيت داركم.. بس كفاي عذاب الضقتو من ناركم... مُش من الإنصاف تظلموا حبابكم.. الواهبين الروح وضحُّوا علشانكم... ليه كل يوم بسأل.. أنا كل يوم بسأل.. وأنشُد أخباركم.. والنسيم عارف.. حالي وأحوالكم ... بالله يا أحباب بي قلبي رحماكم قصدتوا نسيانو وهو ما نساكم... ما بحب في الدنيا إلا إيّاكم وريتو ايه الحب حبَّ فنياكم... ياريتنا يا أحباب ما هويناكم ما عرفنا الحب وما رأيناكم... يا أطبّاء الكون أشفوا مرضاكم ديل أحق الناس بي سجياكم... توبة يا أحباب لو غشيت داركم بس كفاي عذاب الضقتو من ناركم... |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-08-2013, 04:41 PM | #21 |
ودشمو
|
حسدوني في حبك
حسدوني في حبك عزالي من بدري لاموني غير خبر وجهلوني هل تدري ***** حسدوني في حبك وجهلو جليل قدري لكني ما بهتم ما دام رحب صدري يا جالب الأفراح.. زيد الوشوني جراح إن قالوا اسمك مين قول ليهم البدري ***** بُعدك نحل جسمي و قربك جبر كسري وشوفت ترد الروح وليمك يفك أسري يا من لقاه رباح.. أنا دمي ليك مباح بس قولي امتى تبين يا الحاذق العصري ***** مهما يطول بعدك ومهما يحل زجري شوفتك ترد الروح وليمك يفك أسري يا زهرة التفاح.. زاكي وعبيرك فاح.. زي نفحة الياسمين في طلعة الفجري ***** أملي وحياة روحي في خدك الزهري وبيك السعادة تتم وبيك يبتسم دهري يا من لقاه رباح.. ظاهر بغير ايضاح.. صحي انت نور العين ما أحلى فيك سهري |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-08-2013, 04:43 PM | #22 |
ودشمو
|
يامــراكــبي
يا مراكبي عدينا.. على توتي ودينا سوق معاك في الرحلة شادينا عدينا عدينا.. كان تهنا أهدينا .. النيل يروي صافينا.. والوادي وادينا قوم قرب المركب.. خلي الشباب يركب محبوبنا كالكوكب.. نوّر دياجينا عزلتنا مكتملة.. وننزل هناك جملة نتمشى في الرملة.. ونجلس في شاطينا جلستنا تحت أشجار.. متفتحة أزهار صوت السواقي نهار.. نغماتو تشجينا عدينا عدينا.. كان تهنا أهدينا النيل يروي صافينا.. والوادي وادينا |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-08-2013, 04:48 PM | #23 |
ودشمو
|
ايــام مــرت
أيام مرت وسنين راحت.. وكم ضلينا فيك يا ليل.. ما ارتاحت مشاعرنا.. من الشايلاه والفيها.. وما عارفين سبب ليها ... ***** لو الآهات بتتألم.. والكلمات بتتكلم .. وتحكي الشفنا فيك يا ليل.. بتتعلم بتتعلم.. بتتعلم مشاعرنا .. خطاوي الريد وتمشيها.. من الأيام معانيها... ***** ما قايلين نعيش ونشوف.. وننسى أيام زمان والخوف.. وننسى شقانا فيك يا ليل.. وتبالغ مشاعرنا.. لو تنسى البنسيها.. كل الدنيا والفيها... ***** يا ما ناس كتير أدت.. وبنفس القدر ناس شالت.. شالوا وختوا فيك يا ليل.. |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-08-2013, 04:49 PM | #24 |
ودشمو
|
ابـوي يا يابا
أبوي يا يابا ما تقول ليهو لا... وافق عليهو أنا راضية بيهو.. عليك الله ما تقول ليهو لا... ***** من زمان بحبو وهو لي حبيب.. ما خان عهودو وجا قالّي خطيب... قابلو بي حنية وبي صدر رحب.. قولّوا انشالله خير يبقى في النصيب... عليك الله ما تقول ليهو لا... ***** يابا أرع بتك وأفرح بي جديدها.. وريدن يابا سامي والدموع شهيدة... ما تحرم قلوب قصتهم قصيدة.. وقصة حبهم ياخي في الغرام فريدة... عليك الله ما تقول ليهو لا... ***** يابا ما تشك فوقو وتدور الشورة.. بتك يابا بيهو سعادتها وسرورها... ما تحرم فؤادها وما تجرح شعورها.. والخطاب لو بالغوا زادوا في مهورها.. عليك الله ما تقول ليهو لا... |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-08-2013, 04:50 PM | #25 |
ودشمو
|
يا راحل بـدون إنـذار
يا راحل بدون انذار سليتني وأبيتني ولا مالك ولا دي الأقدار... ***** مشينا وليهو ما غشينا وعارفين حبو ما لينا.. ده سادة وقلبو مابينا نسانا ونحنا ما نسينا... ***** مساهر الليل وما نايم خيالك ديمة لي حايم.. وبي نار الغرام هايم ياريت السادة لي دايم... ***** لطيف لكن نفور جافي وظلوم لي حبي ما وافي.. أحبك من ضمير صافي عليك تعذيبي ما خافي... ***** ده هاجر ومن هواي نافر وسادة وفي الجمال نادر.. هويتك وتبقى لي جاير حليل يوم كنت لي زاير... ***** جميل يا فرحة أحلامي وديع يا بهجة أيامي.. جفيتنا وكترت آلامي وناسي للهوى السامي... ***** صفارك زاد لهيب ناري ودلالك حير أفكاري.. أحبك وانت ما داري يا ريت لو تفهم الجاري... |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
04-08-2013, 04:53 PM | #26 |
ودشمو
|
يا ريت ياحـبيبي
ياريت يا حبيبي ياريت تبقى لي.. وتكون من نصيبي وأنسى المر بي... حبيت مرة جاير اتنكر علي .. وصادفت المحبة ياريت كان مال إليّ.. رضيت أبقى ليهو ما دام راضي بي.. لكن ضنّوا بيهو وأبوا يدوهوا لي... بكيت مرة تاني من دهري وزماني.. وبقيت في حياتي ما عارف مكاني.. لو أعشق غلطّ كان حبّاني جاني.. تتوالى الليالي وتشرب من حناني... في جنح الليالي وسابح بي خيالي.. لاقيتك منور ومتفتح حيالي.. بسماتك تضوي وجبينك يلالي.. أو شخيصتك عظيمة وانطبعت في بالي.. |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
05-02-2013, 07:16 AM | #27 |
ودشمو
|
نـغـيم فـاهكـ
نغيم فاهك يا أم زين دواي... شفاي البجبر قواي... يا أم حبا ردف تواي... كمل صبري وزود هواي.. رقي رقي جودي بدواي.. ظمأي بعدك وقربك رواي... أقيم ليلي وأحسب سهاي... يغيب عقلي وأفقد نهاي... وفي جسمي ظاهر وهاي... أسعفيني دنا انتهاي... ***** ذكرت البين ليه ياغراب... صياحك يافراق يا خراب... ديار أم زين كانت قراب... غبن بانن في السراب... ***** البدر محيك وشعرك كليل... يميل خصرك منه العليل... تقل ردفك لأعضاك قليل... قتيل حبك ودمعي الدليل... ***** رق جسمي وصابه انتحال... على حبك حمل الرحال... ومن بعدك أنا حالي حال... يالقمرة وصالك محال... ***** أنا أعيد الحب من جداد... أنا الحافظ حق الوداد... أنا الهائم والناس شداد ... أنا اللابس توب الحداد... ***** أنا الكاتم السر ما حكى... أنا الحاضن البلا ما أشتكى... أنا الحجة بحل مشبكا ... أنا المساح دمع البكا... |
الحَياةُ موضوعٌ وَ الأشخاص كُتب
فــاِفهَــــم مـــوضــوعَـــك جيـــــداً وَاقــــــــــــرأ كُـــــتبكَ بـــدقّـــــــةْ |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وفاة الفنان محمود محمد عبد العزيز | ايمن الباقر | «۩۞۩- أحزان الحصاحيصا -۩۞۩» | 4 | 02-15-2013 01:46 PM |
الفنان بادي محمد الطيب | ابوعمر | ♬ ♪♩♭قسم اغاني الحقيبة وكبار الفنانين ♬ ♪♩♭ | 1 | 01-01-2012 01:22 AM |
الفنان المسيقار محمد الامين | ابوعمر | ♬ ♪♩♭قسم اغاني الحقيبة وكبار الفنانين ♬ ♪♩♭ | 2 | 09-13-2011 07:21 AM |
الفنان محمد وردي - المستحيل- تسجيل قديم | ابوعمر | ♬ ♪♩♭قسم اغاني الحقيبة وكبار الفنانين ♬ ♪♩♭ | 4 | 03-21-2011 06:34 AM |
أدعو للأستاذ الفنان / محمد الأمين | أبو رائد | «۩۞۩-منتدى الحصاحيصا الحر-۩۞۩» | 2 | 12-24-2006 12:58 PM |