التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
الفقرا العزمو القطر (الكاتـب : - مشاركات : 0 - المشاهدات : 192 - الوقت: 06:16 AM - التاريخ: 01-18-2024)           »          إلى وطني .. لن تأتي العصافيرُ[ (الكاتـب : - مشاركات : 0 - المشاهدات : 615 - الوقت: 06:16 PM - التاريخ: 10-03-2023)           »          كل المواسم يا بلد إطاقَشَن (الكاتـب : - مشاركات : 0 - المشاهدات : 362 - الوقت: 06:11 PM - التاريخ: 10-03-2023)           »          الشوق غلب (الكاتـب : - مشاركات : 0 - المشاهدات : 838 - الوقت: 04:36 AM - التاريخ: 05-29-2023)           »          سلام ومحبة (الكاتـب : - مشاركات : 0 - المشاهدات : 7699 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 10309 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 10244 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 6033 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 6842 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 7251 - الوقت: 04:33 AM - التاريخ: 08-15-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الحصاحيصا الحر-۩۞۩»

«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 10-29-2007, 10:15 AM
مدثر عثمان الجاهوري غير متواجد حالياً
لوني المفضل Brown
 رقم العضوية : 236
 تاريخ التسجيل : Nov 2006
 فترة الأقامة : 6353 يوم
 أخر زيارة : 08-01-2021 (01:48 PM)
 المشاركات : 1,695 [ + ]
 معدل التقييم : مدثر عثمان الجاهوري
بيانات اضافيه [ + ]
افتراضي مواضيع لأحلي ناس



أي زول ما حلوا ما أدخل البوست ده .. عايزين حلوين الكلام ده مفهوم يعني في ناس ما اظهروا ولا إجوا علينا طبعاً ناس مناع مشوا السودان ، وقيس نقلوهوا الخرج ومنعهوا من النت والكييك زايغ يعني الجو جميل بعد أن فرق الله شملهم وشتت جمعهم ... بعدين عايزين أي واحد أحكي لينا أظرف موقف مر عليه في حياته سواء كان في الجامعة أو في الشغل أو في البيت أو في سفر .. وببدأ انا
والموضوع مرتبط بالبرلمه بتاعة الجامعة :
طبعاً أنا درست في جامعة النيلين (جامعة القاهرة سابقاً) أيام ناس مبارك محمد عثمان .. وكنت بدرس قانون واتخرجت سنة 2001م ... أول يوم أجي الجامعة لاقيت واحد صاحبي مافي داعي أذكر اسمه .. طبعاً جينا لقينا البنات حاجة كتيرة وأشكال وألوان واحدات لابسات بناطلين واسكيرتات وموضة وتياب قليلة جداً .. عموماً قلت لي صاحبي يأخوي ديل بنقرأ معاهن كيف .. قال لي ولا يهمك نحب ونقرأ .. دخلنا أول محاضرة المدرج مليان وأعداد كبيرة أنا قاعد أتفرج ما فاهم أي حاجة ... بعد شوية ضربتني واحدة في كتفي وأدتني ورقة صغيرة .. اتلفت لقيته واحدة جميلة جداً شلت الورقة ودخلتها في جيبي وحكيت لي صاحبي قلت ليه متين جينا طوالي حبونا .. المحاضرة كلها أفكر في الورقة البنت الأدتني الورقة وما فاهم في المحاضرة حاجة .. بعد المحاضرة أنتهت البنت الجميلة سألتني قالت لي ليه دخلت الورقة في جيبك ؟ رديت عليها قلت ليها بقراها بعدين في البيت وبرد ليك بكرة .. البنت ضحكت وقالت لي لازم تقرأها الآن ورد على ... قلت في سري يأخوانا بنات الزمن ده عينناً قوية خلاص .. سلمت أمرى لله وفتحت الورقة ولقيته عبارة عن سؤال من طالب للأستاذ ولانوا المدرج كبير والطلبة كتار يعني الواحد بكتب السؤال وبسلمه للقدامه والقدامه يسلمه للقدامه حتى يتم تسليم السؤال للأستاذ .. طبعاً إتحرجت جداً والبنت تضحك وتموت من الضحك ومن ذاك اليوم البنت ده كانت من أعزاء الصديقات حتى بعد ان تخرجنا ...



 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع

رد مع اقتباس
قديم 10-29-2007, 11:29 AM   #2
سيد نفسك من اسيادك


الصورة الرمزية ام أريج
ام أريج غير متواجد حالياً

بيانات اضافيه [ + ]
 رقم العضوية : 193
 تاريخ التسجيل :  Sep 2006
 أخر زيارة : 03-17-2013 (11:00 AM)
 المشاركات : 999 [ + ]
 الدولهـ
Sudan
 الجنس ~
Female
 MMS ~
MMS ~
لوني المفضل : Black
افتراضي



هههههههههههههههههههههههههه ياود ياحب والله موقف مبالغه....


 
 توقيع : ام أريج

Don't shut love out of your life by saying it's impossible to find


رد مع اقتباس
قديم 10-29-2007, 11:45 AM   #3


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة ام أريج مشاهدة المشاركة
هههههههههههههههههههههههههه ياود ياحب والله موقف مبالغه....
متشكرين يأم أريج على المرور ويديك العافية


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 10-29-2007, 02:59 PM   #4




ابوذر حسن طه غير متواجد حالياً

بيانات اضافيه [ + ]
 رقم العضوية : 915
 تاريخ التسجيل :  Jul 2007
 أخر زيارة : 04-01-2015 (03:12 PM)
 المشاركات : 2,974 [ + ]
 التقييم :  30
 الدولهـ
United Arab Emirates
 الجنس ~
Male
لوني المفضل : Blue
افتراضي



اخي الجاهوري متعك الله وامد في ايامك
دايما المواقف اي كانت في منزل جديد من منازل الحياء التي نلج اليها يوميا تظل عالقة بالازهان وخاصة الطريفة منها
ولك هذة الموقف
ازكر في نهاية 99 كنت مع ناس وزارة الري علي اطراف الحدود في مراقبة لنهر القاش الهادر ومتوقعين زيادة في منسوب المياة ومع واحد حلفاوي الجماعة بعد صلاة العشاء قطعو الحدود ومشو يجبو دواء الباعوضة وكان دواء ممتاز وفي عز حلاوة السهراء الدواء شطب وركبو الفورويل ومشو يعملو زيدان في تلك اللحظة اشتغل جهاز اللاسلكي من كسلا بيسالو عن زيادة المنسوب المائي صاحبنا مسك الجهاز وبدء في الرد
وهذا نص الحوار
كسلا تنادي في اي زيادة ياجماعة
الحدود حلفاوي ابدا مشو يجيبوها الزيادة
وكانت لحظة لم تتدارك اي شي غير الضحك واغلاق الجهاز وكانت طامة
وتقبل تحياتي


 
 توقيع : ابوذر حسن طه

كيف اللحاق بركب نعيك والشوامخ لا تطال


رد مع اقتباس
قديم 10-30-2007, 05:37 AM   #5


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة ابوذر حسن طه مشاهدة المشاركة
اخي الجاهوري متعك الله وامد في ايامك
دايما المواقف اي كانت في منزل جديد من منازل الحياء التي نلج اليها يوميا تظل عالقة بالازهان وخاصة الطريفة منها
ولك هذة الموقف
ازكر في نهاية 99 كنت مع ناس وزارة الري علي اطراف الحدود في مراقبة لنهر القاش الهادر ومتوقعين زيادة في منسوب المياة ومع واحد حلفاوي الجماعة بعد صلاة العشاء قطعو الحدود ومشو يجبو دواء الباعوضة وكان دواء ممتاز وفي عز حلاوة السهراء الدواء شطب وركبو الفورويل ومشو يعملو زيدان في تلك اللحظة اشتغل جهاز اللاسلكي من كسلا بيسالو عن زيادة المنسوب المائي صاحبنا مسك الجهاز وبدء في الرد
وهذا نص الحوار
كسلا تنادي في اي زيادة ياجماعة
الحدود حلفاوي ابدا مشو يجيبوها الزيادة
وكانت لحظة لم تتدارك اي شي غير الضحك واغلاق الجهاز وكانت طامة
وتقبل تحياتي
الأخ أبو ذر حسن طه لك تحياتنا وأشواقنا .. شكراً على المشاركة الجميلة وتحياتي للحلفاوي طبعاً أظرف ناس وأحلي ناس الحلفاويين ... قلت لي الحلفاوي قال ليهم الجماعة مشوا يجيبوا الزيادة والكلام ستة 99 والله قصة ... لك الشكر والتقدير ونتمني المزيد


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 10-31-2007, 10:19 AM   #6


الصورة الرمزية هاشم الريح حمدنالله
هاشم الريح حمدنالله غير متواجد حالياً

بيانات اضافيه [ + ]
 رقم العضوية : 1091
 تاريخ التسجيل :  Jul 2007
 أخر زيارة : 05-06-2013 (08:44 AM)
 المشاركات : 901 [ + ]
 التقييم :  16
لوني المفضل : Brown
افتراضي



صباحكم زين يا دفعة ..

العبدلله زولاً خواف جداً من الحقن والدواء والدكاترة ، قبل زمن بعيد كان عندنا كلب في البيت ، الكلب شرس جداً ، حاولت ألعب معاهو جريتو من شنباتو وأنا جالس أهاذر وأضحك ، كانت النتيجة عضة مفاجئة من النوع أبو حرقة شديدة في الرقبة ، العقل الباطني بسرعة أنتقل لحكاية الحقن الـ 14 في البطن ، بعد معاناة شديدة مع الدكتور قال لي ما في مشكلة قبل ما تبدأ الحقن حاول تراقب الكلب لمدة ثلاثة أيام لو ما مات أو ظهرت عليهو علامات السعر ما في مشكلة ممكن نلغي الحقن ، بدأت مرحلة المراقبة اللصيقة ليل نهار ، العبدلله دخل مع الكلب في جميع الأمكنة الممكن يدخل فيها ، بكون نائم وأنا صاحي جنبو ، أنقضت الأيام الثلاثة وكانت المفاجأة الكبرى في اليوم الأخير الكلب عضاني ثاني . وتأكدت الحقن وبقيت ضحكة للدكتور وناس البيت والفريق ..


 
 توقيع : هاشم الريح حمدنالله

الإنسان شخصان :
شخص نام في النور
شخص استيقظ في الظلام
hashem_ham1010@yahoo.com

التعديل الأخير تم بواسطة هاشم الريح حمدنالله ; 10-31-2007 الساعة 10:23 AM

رد مع اقتباس
قديم 10-31-2007, 10:53 AM   #7


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة هاشم الريح حمدنالله مشاهدة المشاركة
صباحكم زين يا دفعة ..

العبدلله زولاً خواف جداً من الحقن والدواء والدكاترة ، قبل زمن بعيد كان عندنا كلب في البيت ، الكلب شرس جداً ، حاولت ألعب معاهو جريتو من شنباتو وأنا جالس أهاذر وأضحك ، كانت النتيجة عضة مفاجئة من النوع أبو حرقة شديدة في الرقبة ، العقل الباطني بسرعة أنتقل لحكاية الحقن الـ 14 في البطن ، بعد معاناة شديدة مع الدكتور قال لي ما في مشكلة قبل ما تبدأ الحقن حاول تراقب الكلب لمدة ثلاثة أيام لو ما مات أو ظهرت عليهو علامات السعر ما في مشكلة ممكن نلغي الحقن ، بدأت مرحلة المراقبة اللصيقة ليل نهار ، العبدلله دخل مع الكلب في جميع الأمكنة الممكن يدخل فيها ، بكون نائم وأنا صاحي جنبو ، أنقضت الأيام الثلاثة وكانت المفاجأة الكبرى في اليوم الأخير الكلب عضاني ثاني . وتأكدت الحقن وبقيت ضحكة للدكتور وناس البيت والفريق ..
الأخ هاشم شكراً على المرور والمشاركة .. يأخي الكلاب ديل بلعبوا معاها .. ذكرتني بواحد صاحبنا مشي ليه حلة زيارة لناس عندهم كلب صعب .. يا زول الكلب من شاف صاحبنا قنب أهوهو فيه .. صاحبنا يكورك جر جر جر زول اشتغل بيه مافي الجماعة كانوا في الحواشات .. بعد معاناة الكلب عض صاحبنا ولا خرشوا هو ما عارف .. صاحبنا انتظر لحدى ما الزول الجاي ليه جاء من الحواشات وبعد ما قالبه وحكي ليه قال ليه ما تاخد الحقن بنراقب ليك الكلب لمدة أسبوع لو ما سعر ولا مات تاخد الحقن .. صاحبنا رجع لاهله بعد أربعة أيام الزول البراقب في الكلب مات في رقبته فجأة .. صاحبنا مشي الحلة للبكاء ويعاين عشان اشوف الكلب والكلب ما ظهر .. صاحبنا قعد تلاتة يوم في بيت الفراش وموضوع الكلب عامل ليه هم .. عموماً بعد رفع الفراش سأل أهل الميت قال ليهم يأخوانا المرحوم ما خلي ليه وصية


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 10-31-2007, 12:20 PM   #8


غيمة غير متواجد حالياً

بيانات اضافيه [ + ]
 رقم العضوية : 499
 تاريخ التسجيل :  Mar 2007
 أخر زيارة : 03-16-2009 (11:05 AM)
 المشاركات : 1,750 [ + ]
لوني المفضل : Brown
افتراضي



ههههههههههههههههههههههههههههه
امانه ماك غشيم ياوليد الجاهورى

قطعت مصارينى بالضحك

فيشان كدا ما اخير ندخل وليدانتا مدارس مختلطه فيشان ما ابقى البقى على ابوهم

ههههههههههههههههههههه


 
 توقيع : غيمة



رد مع اقتباس
قديم 10-31-2007, 05:02 PM   #9


الصورة الرمزية امجدالشيخ
امجدالشيخ غير متواجد حالياً

بيانات اضافيه [ + ]
 رقم العضوية : 447
 تاريخ التسجيل :  Feb 2007
 أخر زيارة : 03-25-2015 (01:58 PM)
 المشاركات : 815 [ + ]
لوني المفضل : Brown
افتراضي



ايام اكاديمية الاحمد للكمبيوتر في الحصاحيصا جاتنا وحده من القري الجوه (عروب) وقالت عاوزه تتعلم كمبيوتر وبديت معاها براها من الالف .....
وأثناء المحاضرة علي الكمبيوتر ظهر مربع حوار (هل تريد حفظ التغييرات التي اجريتها) وهنالك خيارين (نعم) أو (لا) مفروض تضغط علي إحداهما بالماؤس....
فسالتني اعمل شنو؟
قلت ليها قولي نعم...
فما كان منها الا وبأعلى صوتها قالت نععععععععععم
فمت من الضحك وماقدرته اكمل المحاضره ومن يومها سميناها ....... نعم.
سنعود .....


 
 توقيع : امجدالشيخ

إذا سمعت الرجل يقول فيك من الخير ما ليس فيك ... فلا تأمن أن يقول فيك من الشر ما ليس فيك ...


رد مع اقتباس
قديم 11-01-2007, 07:40 AM   #10


الصورة الرمزية السمحة
السمحة غير متواجد حالياً

بيانات اضافيه [ + ]
 رقم العضوية : 840
 تاريخ التسجيل :  Jun 2007
 أخر زيارة : 10-10-2019 (12:05 PM)
 المشاركات : 817 [ + ]
 التقييم :  16
لوني المفضل : Brown
افتراضي



سلام لأحلى زول ولأحلى موضوع
اكيد المواقف والمقالب كتير بالذات ايام الدراسة حصل لينا مقلب الدفعة كلها كان عندنا كورسى فى القاهرة لما فينا واحد سنير سودانى هناك وقال لينا علشان بكرة تقدروا تدخلوا الجامعة لازم الاولاد يلبسوا بدلة كاملة والبنات بنطلون جنيز مع مكياج كامل ونحن حسب شايفين فى المسلسلات صدقنا ليك الجماعة وحصلت جوطة شديدة واحتجاج القالوا يمشوا السوق والكوزات يعجبوك قالو نرجع بس السودان بكرة المهم قضينا ليلة هرج ومرج غايتو نحن مشينا السوق وماخلينا حاجة ونكتشف فى صباح اليوم التانى انها كانت مزحة لا اكتر لا اقل


 
 توقيع : السمحة

أن لم تكن قدرى .....فقد كنت اختيارى


رد مع اقتباس
قديم 11-01-2007, 08:12 AM   #11
سيد نفسك من اسيادك


الصورة الرمزية ام أريج
ام أريج غير متواجد حالياً

بيانات اضافيه [ + ]
 رقم العضوية : 193
 تاريخ التسجيل :  Sep 2006
 أخر زيارة : 03-17-2013 (11:00 AM)
 المشاركات : 999 [ + ]
 الدولهـ
Sudan
 الجنس ~
Female
 MMS ~
MMS ~
لوني المفضل : Black
افتراضي



سلام يالذيذين انا طبعا الموقف البضحكني علي نفسي لحدي اسي لمن اتزكروا... كان اول ايامي في الجامعه طبعا انا درست جامعة ام درمان الاسلاميه في العرضه جنب استاد الهلال بزلط ام درمان الماشي الشعبي واستاد المريخ بزلط ام درمان الماشي علي سوق ليبيا في الشارع دا كانو ناس استاد الهلال خاتين شعار الهلال من حديد لمن جيت المره الاولي للتسجيل وطبعا انا ماكنت بعرف امدرمان لانو ارتباطنا اكتر بالخرطوم لمن جيت المره التانيه جيت لقيت عربية طلعت من الزلط وشالت اللافته وناس الهلال ماجو صلحوها قامو ناس المريخ في نفس المكان اوقريب منو ختو لافته تحمل شعار المريخ وانا راكبه الحافله اتلخبطت وطبعا اتحرجت اسال وصلت لحدي شعبي وجيت راجعه تاني ....


 
 توقيع : ام أريج

Don't shut love out of your life by saying it's impossible to find


رد مع اقتباس
قديم 11-03-2007, 05:54 AM   #12


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة غيمة مشاهدة المشاركة
ههههههههههههههههههههههههههههه
امانه ماك غشيم ياوليد الجاهورى

قطعت مصارينى بالضحك

فيشان كدا ما اخير ندخل وليدانتا مدارس مختلطه فيشان ما ابقى البقى على ابوهم

ههههههههههههههههههههه
الأخت غيمة شكراً على المرور والمهم عندنا الضحك والإنبساطة ده بالدنيا .. مرة ثانية بنشكرك ومنتظرين مساهمتك ..


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 11-03-2007, 06:19 AM   #13


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة امجدالشيخ مشاهدة المشاركة
ايام اكاديمية الاحمد للكمبيوتر في الحصاحيصا جاتنا وحده من القري الجوه (عروب) وقالت عاوزه تتعلم كمبيوتر وبديت معاها براها من الالف .....
وأثناء المحاضرة علي الكمبيوتر ظهر مربع حوار (هل تريد حفظ التغييرات التي اجريتها) وهنالك خيارين (نعم) أو (لا) مفروض تضغط علي إحداهما بالماؤس....
فسالتني اعمل شنو؟
قلت ليها قولي نعم...
فما كان منها الا وبأعلى صوتها قالت نععععععععععم
فمت من الضحك وماقدرته اكمل المحاضره ومن يومها سميناها ....... نعم.
سنعود .....
ا
لأخ أبو أحمد سلام وشوق كتير .. شكراً على المشاركة الجميلة .. بنشارك مرة ثالثة .. أثناء ما كنت بالحصاحيصا وكان عندى مكتب محاماة في مأذون أسمه مدثر ولو موجود ربنا يديه الصحة والعافية ولو مات ربنا يرحمه ويغفر ليه لانوا الواحد ليه زمن من الحصاحيصا .. عموماً في المحكمة في شاب وشابه سالوا واحد زميلنا محامي قالوا ليه مدثر وين قال ليهم في مكتبوا ووصف ليهم المكتب .. الشاب والشابة جاوا المكتب وقابلوا السكرتيرة قالوا ليها مدثر وين قالت ليهم اتفضلوا افتكرت عندهم قضية او استشارة او توثيق او خلافه .. الشاب والشابة دخلوا المكتب ... بعد السلام والترحيب سألت الشاب والشابة وقلت ليهم خير عندكم قضية ولا توثيق ولا استشارة .. البنت تتبسم والولد قال لي (في الحقيقة أنا بحب البنت ده حب شديد وهي بتبادلني نفس الشعور [والبت تتبسم] .. ويواصل الولد بعدين جيت أطلب يد البت من اهله واهله رفضوا ونحن مصرين نتزوج .. مشينا المحكمة قالوا لينا امشوا لي مدثر يعقد ليكم .. سالنا منك ووصفوا لينا المكتب) وأنا قنبت أضحك وأموت في الضحك والبت والولد مندهشين من ضحكي فاكرين بضحك على قصة زواجهم .. بعد فترة قلت للشاب والشابة أنا محامي ومدثر القالوا ليكم ده مأذون وهو البعقد ليكم ووصفت ليهم بيت مدثر المأذون .. ولنا لقاء


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 11-03-2007, 06:40 AM   #14


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة السمحة مشاهدة المشاركة
سلام لأحلى زول ولأحلى موضوع
اكيد المواقف والمقالب كتير بالذات ايام الدراسة حصل لينا مقلب الدفعة كلها كان عندنا كورسى فى القاهرة لما فينا واحد سنير سودانى هناك وقال لينا علشان بكرة تقدروا تدخلوا الجامعة لازم الاولاد يلبسوا بدلة كاملة والبنات بنطلون جنيز مع مكياج كامل ونحن حسب شايفين فى المسلسلات صدقنا ليك الجماعة وحصلت جوطة شديدة واحتجاج القالوا يمشوا السوق والكوزات يعجبوك قالو نرجع بس السودان بكرة المهم قضينا ليلة هرج ومرج غايتو نحن مشينا السوق وماخلينا حاجة ونكتشف فى صباح اليوم التانى انها كانت مزحة لا اكتر لا اقل
الأخت السمحة شكراً على المشاركة والروعة .. ذكرتيني مزاح الطلاب .. أثناء دراستنا بالجامعة رابطة ابناء الحصاحيصا بالجامعة بتنظم كل سنة رحلة .. وفي دورة من الدورات أنا كنت سكرتير مالي اوكلوا لي مهمة تجهيز الرحلة وقبل شهر حجزت البص والمكان كان حديقة من حدائق أبو حليمة واشترينا الحاجات وأخر جري وشهلته يوم الرحلة الصباح باقي الزملاء أي واحد مشنط ومجكس ليه واحده واتونسوا وكل مرة اكتشفوا حاجة ناقصة يا مدثر التلج نسيتوا امشي اجيب التلج .. الرغيف نسيتوا امشي اجيب الرغيف وهكذا الساعة 9.30 صباحاً موعد التحرك الجماعة قالوا لي عايزين فرشات عندنا أهلنا قريبين من الجامعة مشيت أجيب الفرشات وأجي لقيت البص اتحرك الجماعة قاصدين افوتوني الرحلة وناسين أنا الحاجز الجنينة في أبو حليمة والخروف في الجنينة .. عموماً ما اشتغلت بيهم طبعاً المالية في يدي اجرت تاكسي من الجامعة لي أبو حليمة على حساب الرابطة بحجة ترحيل الفرشات وطيران لابو حليمة .. الجماعة لمن وصلوا لقوني قدامهم وضبحت الخروف وأخر ضحك وفرفشة ..


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 11-03-2007, 06:58 AM   #15


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة ام أريج مشاهدة المشاركة
سلام يالذيذين انا طبعا الموقف البضحكني علي نفسي لحدي اسي لمن اتزكروا... كان اول ايامي في الجامعه طبعا انا درست جامعة ام درمان الاسلاميه في العرضه جنب استاد الهلال بزلط ام درمان الماشي الشعبي واستاد المريخ بزلط ام درمان الماشي علي سوق ليبيا في الشارع دا كانو ناس استاد الهلال خاتين شعار الهلال من حديد لمن جيت المره الاولي للتسجيل وطبعا انا ماكنت بعرف امدرمان لانو ارتباطنا اكتر بالخرطوم لمن جيت المره التانيه جيت لقيت عربية طلعت من الزلط وشالت اللافته وناس الهلال ماجو صلحوها قامو ناس المريخ في نفس المكان اوقريب منو ختو لافته تحمل شعار المريخ وانا راكبه الحافله اتلخبطت وطبعا اتحرجت اسال وصلت لحدي شعبي وجيت راجعه تاني ....
الأخت أم أريج شكراً على المشاركة ولا يهمك الحصل ليك حصل لأخوانا اثنين جوا الجامعة جديدين .. وطبعاً في الحصاحيصا السينما بالليل .. وعند حضورهم للخرطوم قلت ليهم في سينما قاعة الصداقة بتشتغل بالنهار استغربوا كيف السينما بالنهار .. عموماً وفي أول أسبوع قالوا بدكوا المحاضرات وبمشوا القاعة يحضروا الفليم الهندي بالنهار وقلت ليهم امشوا تجوا تلقوني راجيكم في الجامعة عشان نمشي السكن سواء .. مشوا من الجامعة ركبوا الباصات الماشة من الخرطوم لأم درمان قالوا للكمساري نزلنا جنب سينما قاعة الصداقة الكمساري نزلهم جنب القاعة .. مشوا ودخلوا وانبسطوا وبعد الفلم انتهي جوا طالعين راسهم لف واحد اقول للتاني نركب الباصات الماشة كده التاني يقول ليه لا نركب العكس .. بعد فترة ركبوا الباصات المتجهة لام درمان ولمن جوا بالكبري واحد قال لي التاني يأخي نحن قبيل ما قطعنا بحر الكبري الجابه شنوا ، رد عليه قال ليه الخرطوم ده مدورة مرة في كبري ومرة مافي كبري خليك ساكت ما تفضحنا .. الجماعة قاعدين ومنتظرين البص اجي جنب الجامعة لحدي ما وصلوا أخر محطة سالوا الكمساري عن الجامعة قال ليهم انتوا في ام درمان قنبوا اضحكوا ورجعوا ركبوا البص المتجه للخرطوم


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 11-04-2007, 08:50 AM   #16


الصورة الرمزية هاشم الريح حمدنالله
هاشم الريح حمدنالله غير متواجد حالياً

بيانات اضافيه [ + ]
 رقم العضوية : 1091
 تاريخ التسجيل :  Jul 2007
 أخر زيارة : 05-06-2013 (08:44 AM)
 المشاركات : 901 [ + ]
 التقييم :  16
لوني المفضل : Brown
افتراضي



الحبيب المأذون قاضي الغرام وبقية الحبان :
سلام كتير ..
بعد خطوبة أم أحمد بأسبوع ، أهل الخطيبة (الزوجة حالياً ) عزمونا عشاء وأنا والأسرة والأصحاب لمزيد من ربط الشمل والتعارف ، بعد العشاء أتلمو جميع أهل الزوجة وجلسنا للتعارف ، الونسة جرت وطلبو مني أحكي ليهم أطرف موقف مر بي في حياتي ، بدأت أحكي ليهم : " أنا جائي اليوم من الخرطوم في الحافلة شفت واحد بعرفو حق المعرفة بس أسمو ناسينهو ، طوالي قمت على طولي وقدلتو وسلمت عليهو بالأحضان وجلسنا جنب بعض في الحافلة ودفعت ليهو الحساب وده كلو خجلة لأني ناسي الأسم ، بعد فترة من الونسة سألتو قلت ليهو والله يا الأخو أنا بعرفك بس الأسم راح علي ، رد علي وقال : " أنا عبدالله خياري ، بتكون شوفتني في النشرة الجوية في التلفزيون " ، كأني صبت فيني مطرة ، سبيت للتلفزيون وللنشرة الجوية ،ولعنت اليوم الخالاني أسلم عليهو وأدفع ليهو ، الناس كلها ما تكره إلا النشرة الجوية وناس النشرة الجوية أنا أتشلاقك وأدفع وأقلد ذنبي شنو !! حسيت أهل العروس ضحكو ضحك ما عادي بهستيريا للموقف ده وخاصة أم أحمد وفي نظري موقف عادي ، استغربت وقلت في نفسي أكيد في حاجة غلط ، بعد أن هدأو من الضحك قالو لي كدي ركز شويه في الزول ده ، بتعرف الزول القاعد جنبك بأولادو ده ، اتلفت عليهو لقيتو زولي ذاتو عبدالله خياري ، وطلع خال العروس ، وأنا خجلان حتى الأن .
أها رأيكم شنو ؟ في الشلاقة دي . .


 
 توقيع : هاشم الريح حمدنالله

الإنسان شخصان :
شخص نام في النور
شخص استيقظ في الظلام
hashem_ham1010@yahoo.com

التعديل الأخير تم بواسطة هاشم الريح حمدنالله ; 11-04-2007 الساعة 08:52 AM

رد مع اقتباس
قديم 11-04-2007, 09:28 AM   #17


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



[QUOTE=هاشم الريح حمدنالله;24297]الحبيب المأذون قاضي الغرام وبقية الحبان :
سلام كتير ..
بعد خطوبة أم أحمد بأسبوع ، أهل الخطيبة (الزوجة حالياً ) عزمونا عشاء وأنا والأسرة والأصحاب لمزيد من ربط الشمل والتعارف ، بعد العشاء أتلمو جميع أهل الزوجة وجلسنا للتعارف ، الونسة جرت وطلبو مني أحكي ليهم أطرف موقف مر بي في حياتي ، بدأت أحكي ليهم : " أنا جائي اليوم من الخرطوم في الحافلة شفت واحد بعرفو حق المعرفة بس أسمو ناسينهو ، طوالي قمت على طولي وقدلتو وسلمت عليهو بالأحضان وجلسنا جنب بعض في الحافلة ودفعت ليهو الحساب وده كلو خجلة لأني ناسي الأسم ، بعد فترة من الونسة سألتو قلت ليهو والله يا الأخو أنا بعرفك بس الأسم راح علي ، رد علي وقال : " أنا عبدالله خياري ، بتكون شوفتني في النشرة الجوية في التلفزيون " ، كأني صبت فيني مطرة ، سبيت للتلفزيون وللنشرة الجوية ،ولعنت اليوم الخالاني أسلم عليهو وأدفع ليهو ، الناس كلها ما تكره إلا النشرة الجوية وناس النشرة الجوية أنا أتشلاقك وأدفع وأقلد ذنبي شنو !! حسيت أهل العروس ضحكو ضحك ما عادي بهستيريا للموقف ده وخاصة أم أحمد وفي نظري موقف عادي ، استغربت وقلت في نفسي أكيد في حاجة غلط ، بعد أن هدأو من الضحك قالو لي كدي ركز شويه في الزول ده ، بتعرف الزول القاعد جنبك بأولادو ده ، اتلفت عليهو لقيتو زولي ذاتو عبدالله خياري ، وطلع خال العروس ، وأنا خجلان حتى الأن .
أها رأيكم شنو ؟ في الشلاقة دي . .
[/Q
الأخ الرائع بمواقفه أبو أحمد سلام وشوق كتير وبشكرك جزيل على المشاركات الحلوة وأمس استمتعت باتصال هاتفي جميل مع الأخ مناع من السودان .. الشلاقة كتيرة يأخوي .. ذكرتني يا هاشم مرة نحن مجموعة ماشين لعزاء قريب واحد زميلنا بالشرق قرية قريبة من رفاعة .. يازول قطعنا البنطون طبعاً أخوك بتولي أمر المجموعة مشيت للبكاسي الواقفه بالشرق جنب البنطون واتفقت مع السواق على سعر المشوار .. بعد داك قلت للجماعة اركبوا البوكس .. وكان معانا زميلات ركبن قدام ونحنا ركبنا وراء وأخر ونسة لحدي ما وصلنا بيت البكاء .. شلنا الفاتحة وقعدنا في الصيوان فجأة شفت واحد شكلوا ما غريب على قلت الزول ده بعرفوا والظاهر قريب زميلنا الجايين عشانوا مشيت ليهوا وأديته الفاتحة .. الجماعة المعاي شافوني شلت الفاتحة برضوا قاموا شالوا الفاتحة مع نفس الراجل .. وبقيت اتونس معاهوا ونسة بيت البكاء واساله المرحوم مات متين ؟ وكان عيان ؟ والراجل اجاوب ويتبسم .. بعد ما انتهينا شلت ليك معاهوا الفاتحة الأخيرة منها والناس بتقوم شفت ليك الزول بضحك استغربت وودعته ومشيت خليتوا .. وأنا ماشي على البوكس اشوف ليك الزول ماشي معانا واقول ليهوا جزاك الله خير خلاص ارجع الزول اضحك وما شغال بي وماشي معانا .. ياخونا كتر خيرك المقدم ما موصل ارجع لناس البكاء .. الراجل اموت من الضحك لحدي ما وصلنا البوكس زولك فتح باب العربية وقعد مكان السواق وقال لي يأخوانا أنا سواق العربية جاي معاكم تشيلوا معاي الفاتحة والجماعة ردوا عليه ما كلوا من المتشالق ده قاصدني أنا وأخر ضحك لحدي ما وصلنا ..


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 11-04-2007, 10:53 AM   #18


غيمة غير متواجد حالياً

بيانات اضافيه [ + ]
 رقم العضوية : 499
 تاريخ التسجيل :  Mar 2007
 أخر زيارة : 03-16-2009 (11:05 AM)
 المشاركات : 1,750 [ + ]
لوني المفضل : Brown
افتراضي





اعلم الله يا هاشم لمان اقرا اسمك بتسابق فيشان اسمع نضميك

و قلبى بتقطع من الضحك

واعلم الله بفرح فيشان بلقى لى نضمى جديد ولذيذ

بريدك وبريد نضميك ياخ



 
 توقيع : غيمة



رد مع اقتباس
قديم 11-04-2007, 11:08 AM   #19


الصورة الرمزية هاشم الريح حمدنالله
هاشم الريح حمدنالله غير متواجد حالياً

بيانات اضافيه [ + ]
 رقم العضوية : 1091
 تاريخ التسجيل :  Jul 2007
 أخر زيارة : 05-06-2013 (08:44 AM)
 المشاركات : 901 [ + ]
 التقييم :  16
لوني المفضل : Brown
افتراضي



العزيزة غيمة :
لك الشكر الجزيل .

الحبيب المأذون قلت لي شلت الفاتحة مع سيد البوكس ذاتو ، والله المرحوم كان عزيز عليك بالحييل خلاك تشيل الفاتحة مع كل الناس .
لك الود


 
 توقيع : هاشم الريح حمدنالله

الإنسان شخصان :
شخص نام في النور
شخص استيقظ في الظلام
hashem_ham1010@yahoo.com


رد مع اقتباس
قديم 11-04-2007, 11:14 AM   #20


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة غيمة مشاهدة المشاركة


اعلم الله يا هاشم لمان اقرا اسمك بتسابق فيشان اسمع نضميك

و قلبى بتقطع من الضحك

واعلم الله بفرح فيشان بلقى لى نضمى جديد ولذيذ

بريدك وبريد نضميك ياخ

الأخت غيمة شكراً على المرور وأهم حاجة عندنا فرحك .. الله يديم الأفراح والليالي الملاح لكن منتظرين مشاركاتك


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 11-04-2007, 11:21 AM   #21


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



الحبيب المأذون قلت لي شلت الفاتحة مع سيد البوكس ذاتو ، والله المرحوم كان عزيز عليك بالحييل خلاك تشيل الفاتحة مع كل الناس .
لك الود[/quote]

أخونا صاحب عبد الله خيار لك التحيات وعاوزين واحدة من بتاعات الرياض العاصمة .. بعدين يأخونا العزومة ده للسمحة ومبارك بس عموماً زعلانين وعلى الطلاق ما بجي .. السمحة كتر خيره رسلت لي عمود فيه قراصة وسلطة وشطة بليمون ومعاهوا ملاح بامية مفروكة عايزين نعزم مبارك لكن امكن اقول ما بياكل القراصة لانوا ما شافه :21_16:


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 11-04-2007, 08:25 PM   #22


الصورة الرمزية مبارك محمد عثمان
مبارك محمد عثمان غير متواجد حالياً

بيانات اضافيه [ + ]
 رقم العضوية : 378
 تاريخ التسجيل :  Jan 2007
 أخر زيارة : 10-08-2013 (08:07 PM)
 المشاركات : 6,515 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة مدثر عثمان الجاهوري مشاهدة المشاركة
أي زول ما حلوا ما أدخل البوست ده .. عايزين حلوين الكلام ده مفهوم يعني في ناس ما اظهروا ولا إجوا علينا طبعاً ناس مناع مشوا السودان ، وقيس نقلوهوا الخرج ومنعهوا من النت والكييك زايغ يعني الجو جميل بعد أن فرق الله شملهم وشتت جمعهم ... بعدين عايزين أي واحد أحكي لينا أظرف موقف مر عليه في حياته سواء كان في الجامعة أو في الشغل أو في البيت أو في سفر .. وببدأ انا
والموضوع مرتبط بالبرلمه بتاعة الجامعة :
طبعاً أنا درست في جامعة النيلين (جامعة القاهرة سابقاً) أيام ناس مبارك محمد عثمان .. وكنت بدرس قانون واتخرجت سنة 2001م ... أول يوم أجي الجامعة لاقيت واحد صاحبي مافي داعي أذكر اسمه .. طبعاً جينا لقينا البنات حاجة كتيرة وأشكال وألوان واحدات لابسات بناطلين واسكيرتات وموضة وتياب قليلة جداً .. عموماً قلت لي صاحبي يأخوي ديل بنقرأ معاهن كيف .. قال لي ولا يهمك نحب ونقرأ .. دخلنا أول محاضرة المدرج مليان وأعداد كبيرة أنا قاعد أتفرج ما فاهم أي حاجة ... بعد شوية ضربتني واحدة في كتفي وأدتني ورقة صغيرة .. اتلفت لقيته واحدة جميلة جداً شلت الورقة ودخلتها في جيبي وحكيت لي صاحبي قلت ليه متين جينا طوالي حبونا .. المحاضرة كلها أفكر في الورقة البنت الأدتني الورقة وما فاهم في المحاضرة حاجة .. بعد المحاضرة أنتهت البنت الجميلة سألتني قالت لي ليه دخلت الورقة في جيبك ؟ رديت عليها قلت ليها بقراها بعدين في البيت وبرد ليك بكرة .. البنت ضحكت وقالت لي لازم تقرأها الآن ورد على ... قلت في سري يأخوانا بنات الزمن ده عينناً قوية خلاص .. سلمت أمرى لله وفتحت الورقة ولقيته عبارة عن سؤال من طالب للأستاذ ولانوا المدرج كبير والطلبة كتار يعني الواحد بكتب السؤال وبسلمه للقدامه والقدامه يسلمه للقدامه حتى يتم تسليم السؤال للأستاذ .. طبعاً إتحرجت جداً والبنت تضحك وتموت من الضحك ومن ذاك اليوم البنت ده كانت من أعزاء الصديقات حتى بعد ان تخرجنا ...
مدثر - تحياتى - من يومك خفيف ولفيف - بعدين النيليين دى جامعه ولا سينما


 

رد مع اقتباس
قديم 11-05-2007, 05:17 AM   #23


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة مبارك محمد عثمان مشاهدة المشاركة
مدثر - تحياتى - من يومك خفيف ولفيف - بعدين النيليين دى جامعه ولا سينما
الأخ رب الوتر والكفر سلام وشوق .. يأخي نحن مش خفيفين ولفيفين لكن كنا في الوقت داك مستغربين الحاجات ده .. بعدين النيلين ده جامعة القاهرة بعد ما اتخرجتوا انتوا بعد سنوات طوال تمت سودنته من المصريين واصبحت جامعة النيلين ...سينما النيلين وكلزيوم والصافية والوطنية البشتغلن بالليل ده على أيامكم نحن بنعرف سينما القاعة وسينما قصر الشباب والأطفال تشتغل ليل ونهار (قلت لي ما بتعرف الويكاب) .. :21_16:


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 11-10-2007, 10:20 AM   #24


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 08-01-2021 (01:48 PM)
 المشاركات : 1,695 [ + ]
لوني المفضل : Brown
افتراضي



أخوانا المريخاب الأيام ده ساكتين وبقوا مساكين والضرب كتر عليهم مرة من الرجاء المغربي ومرة من الصفاقسي التونسي .. وطبعاً لمن وصلوا نهائي الكونفدرالية اتكبروا وإفتروا وقدوا اضنينا بالكاسات المحمولة جواً والحاجات إيها .. لكن نحن أهل الهلال عاشقي الأزرق ما اشتغلنا بيهم قلنا ليهم لمن تلعبوا مع ناس شمال إفريقيا بتعرفوا الله واحد .. ما اشتغلوا بينا عملوا نشيدهم واستلموا الإذاعة والتلفزيون الإعلام .. قاموا لعبوا مع الرجاء كانوا مغلوبين عادلوا سكتوا شوية من الطنين لكن ما انتهي .. بعد داك جاء يوم السبت الفات لموا فيهم ناس الصفاقسي غلبوهم في عقر دارهم 4/2 يا زول الجماعة طلعوا من الأستاد زعلانين شديد مبوذين في واحد مريخابي مسطول ما جايب لدنيا خبر كان ضارب ليه حبتين دخل نادي المريخ حوالي الساعة 11.30 مساء تلك الليلة لقي الجماعة الحزن على وجوههم قال ليهم يأخوانا زعلانين كده في شنوا ؟ واحد من المشجعين رد عليه قال ليه الصفاقسي غالبنا 4/2 .. المسطول قال ليهوا مافي مشكلة ناس الصفاقسي بجوا أم درمان وبنغلبهم 2/صفر الزعل في شنوا ..:21_16:


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 10-15-2013, 03:02 PM   #25




الصورة الرمزية ابو امجد
ابو امجد غير متواجد حالياً

بيانات اضافيه [ + ]
 رقم العضوية : 2034
 تاريخ التسجيل :  Aug 2008
 أخر زيارة : 01-13-2022 (03:43 PM)
 المشاركات : 4,955 [ + ]
 التقييم :  86
 الدولهـ
Sudan
 SMS ~
يا اغلى من نفسى

افضل انادى عليك

لامن يضيع حسى
لوني المفضل : Tomato
افتراضي



الجاهورى
راح معاك زمن الوسامه

علك طيب ؟


 
 توقيع : ابو امجد



رد مع اقتباس
قديم 10-15-2013, 03:38 PM   #26




الصورة الرمزية امين 1967
امين 1967 غير متواجد حالياً

بيانات اضافيه [ + ]
 رقم العضوية : 8262
 تاريخ التسجيل :  Jul 2011
 أخر زيارة : 05-10-2016 (08:34 PM)
 المشاركات : 1,401 [ + ]
 التقييم :  24
لوني المفضل : Brown
افتراضي



الاخ الجاهورى كل عام وانت بخير
البوست جميل ورائع
والمشاركات كلها مضحكة
ضحكت على كثير من المواقف حتى لفت نظر الذين كانو ا معى
لعل هذا البوست هو عدية العيد
اما عن الموقف الذى مر بى انشالله مرة اخرى لانى الان مستعجل
ولى رجعة انشالله


 
 توقيع : امين 1967



رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:52 AM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009