التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية |
|
أدوات الموضوع | انواع عرض الموضوع |
#1
|
|||||||
|
|||||||
فــــــش الــــغــبــيــــنه فــي بــيت البــــــكاء !
هذه القصه وصلتني عبر الايميل من أخ عزيز قررت أن تشاركوني متعة أحداثها
منقوله (كاتب القصه مجهول لدي إلا انه أبدع فليستميحنا عزراً علي هذا النقل) قرر حاج صديق وهو ' معاشــى ' من سكان أركويت بالخرطوم ، قرر أن يستثمر جزءآ من المكافأة ويفتح صالة للبكاء . يذهب إليه كل من يريد أن يبكى ويفش غبينتو. كتب فى دراسة الجدوى أن الممغوسين من الشعب السودانى رجالآ ونساءَ يحتاجون إلى صالات واسعة لكى يتنفس ويبكى ويتشفى ولندب الحظ السيىء... ولكى يلطموا ويجعروا .. قال له صديقه وجاره مأمون : إتوكل على الله يا حاج صديق وأعمل المشروع ده وأوعك تتردد .. والله تكسب دهب وكمان تفش غبينة الناس دول وتلقى أجر .. أول حاجة تعمل ليك قسم للناس الكبار فى السن ، غبينتهم شديدة بالحيل .. وقسم لى ناس الصالح العام .. وقسم لى ناس الركشات .. وأهم قسم فى غرفة خاصة للمغتربين وخليهم يدفعو بالدولار أو فى أسوأ الحالات بالريال السعودى .. الريالات التانية حقت ناس قطر وسلطنة عمان وأبوظبى ما تقبلها ... وما تنسى ناس الطيارات الوقعت .. وأهم حاجة ناس السدود بالذات ناس كجبار ودال يجوك من الكلاكلة ومناديل الورق كان جبتها بالدفار ما حتكفيهم .. حاج صديق مشى للفاضل السمسار فى شارع جوبا فى سبيل إيجاد مقرللمشروع ( بيت البكاء) : والله يا الفاضل أخوى أنا عايز لى بيت كبير .. كبير جدآ .. يا حاج صديق أنت ما ساكن فى ملكك عايز شنو بالبيت ؟ يا الفاضل أخوى أنا ما عايز البيت للسكن .. عاوزو تجارى !! قصدك مخزن يا عم صديق ؟؟ مخزن شنو يا الفاضل .. عاوز أعمل بيت بكاء !!! بكاء شنو !! المات ليكم منو !! ما تدق ليك صيوان فى الشارع وخلص نفسك .. وما أن أنتهى حاج صديق من شرح المشروع حتى بادره السمسار : والله دى فكرة بت ستين كلب . الشعب كلو عاوز يبكى ويتفشى وما لاقى ليهو طريقة .. والله أنا أول زول بجى بفش غبينتى .. ناس المحلية مغصونى جنس مغصة .. كل يوم رسوم وضرائب وزكاة .. المهم أنا عندى ليك بيت كبير ولقطة جنب البلابل .. ستة غرف وصالة كبيرة وصالون وحمامين .. بس يا الفاضل ما حيكون فى إزعاج للجيران وبعدين نخش فى إشكالات مع ناس النظام العام ويجو يكشونا .. إزعاج شنو يا حاج .. أنا حأعمل ليك عوازل ضد الصوت عشان الناس تبكى لامن تقول كفاية.. بعد أن عاين حاج صديق للبيت وأبدى إعجابه طلب من السمسار بإحضار سبَاك يعمل فى كل غرفة حوض غسيل وحنفية ويوصلو بالسايفون عشان الزول بعد الجعير والتفشى يقوم يستغفر الله ويغسل وشو .. دفع الحاج مقدم الإيجار للسمسار تلاته شهور ورجع البيت شايل ترخيص وعقد إيجار .. ' يا نفيسة ' !! نفييييســــا ... أيوة يا حاج ، فى شنو ؟؟ خلاص لقيت بيت البكاء ودفعت الإيجار !! أها يا حاج . كان كده ما فضل ليك إلا الزبائن .. والله يوم الإفتتاح حأجيب ليك نساوين الحلة كلهم يحرروا ليك البكاء جنس حرير .. أعمل ليك جنس إفتتاح يا حاج .. وووووب وأحييا ما تديك درب .. ناس كلتومة عندهم أتنين ماتو فى الجنوب .. حليمة راجلها عمرو 39 نزلوه الصالح العام .. ورقية بت التومه أختها زرعت الكلية فى الأردن وماتت فى الطيارة الأتحرقت!!! كفاية يا نفيسة .. إنتى عايزة تطرشقى لى المشروع من أول يوم .. إنتى ما عارفة الإختلاط ممنوع عايزة تجيب لى نسوان كمان يبكن ويتشخنفن قدام الرجال ؟؟؟ فى هذه اللحظات يستيقظ حمادة الطالب فى الجامعة من النوم ويتمطى ويذهب نحوهم : والله يا أبوى أجيب ليك كترة جكسويات ... شواكيش سااااااااكت ... وبالمناسبة يا أبوى عشان نحل إشكالية الإختلاط أحسن نعمل الغرف للرجال والحوش للنساوين !! تتدخل الحاجة نفيسة : لا . أنا رأى كل ناس ( غبينة ) نعمل ليهم قسم بى حالو .. يعنى ناس الصالح العام براهم وناس الحور العين براهم وناس الطيارة براهم ... طيب المغتربين ... المغتربين يكونو مع ناس الركشات .. وكمان يا أبوى فى ناس عندهم Double Gabina يعنى زول شالهو الصالح العام قام جاهو ضغط .. أو مغترب عندو ضغط وسكرى ... قبل الإفتتاح بيوم تم الإعلان فى الصحف المحلية لزوم الدعاية : يتم فى الساعة السابعة مساء بتاريخ 27/7/2008 إفتتاح محلات فش غبينك .. صالات مكيفة تحتوى على عوازل الصوت للبكاء الحار والسكلى والحى وووووب ... يوجد قسم خاص للنساء والمحل مزود بمناديل الورق وأحواض الغسيل والبراطيش والجزم والشباشب القديمة لزوم اللطم .. الأسعار فى متناول الغلابة .. السعر ألفين جنيه بالقديم .. البندول مجانى وكذلك البصل لزوم الإفاقة فى حالات الهستيريا !!! لم يصدق حاج صديق وهو يرى أفواج المواطنين تتداعى نحو المحل .. إضطر لطلب عدد من قوات حفظ النظام العام لتنظيم الصفوف . إنتابت بعض الواقفين خارج المحل حالات الإجهاش البكائى قبل وصول البوابة الرئيسية وغرف البكاء .. عندئذ طلب حاج صديق من رجال الأمن بالسماح للذين على ( الهبشة ) للدخول أولآ .. صار المتماسكين قليلآ يحتجون .. يا جماعة شوية .. ناس الطيارة يجو بى جاى .. ناس الصالح العام عشان عددكم كتار خليكم بى هناك فى الصف داك .. المغتربين تعالو بالباب الخلفى عشان ممكونين شديد .. المغتربين دورو شكلة .. ناس مشروع سندس بى جهة وناس المطاعم فى شارع غبيرة بى جهة .. الأمن يتدخل .. فى اليوم الأول إمتلأ المحل Full .. ألو حمادة ؟؟ أغشى السوق المركزى أشحن بصل زيادة .. حالات الإغماء فى إزدياد .. جلست الحاجة نفيسة فى كاونتر النساء بينما جلس زوجها فى كاونتر الرجال .. يدخل المواطن فى غرف فش الغبين ويخرج محمر الوجه متورم العينين مستريح الأعصاب بعد أن قام بفش غبينته .. بعد أن رأى حاج صديق الغباين المختلفة لكثير من الحالات وسمع الجعير والسكلى والنحيب لم يعد ينظر إلى الربح بقدر نظره إلى خلق جو بكائى مثالى مما جعله يحدد يومآ فى الأسبوع مجانآ وبكاء جماعى مره واحدة وذلك لغير القادرين على دفع الرسوم .. بعد ثلاثة أيام دخل عليهم شخصان يحمل أحدهما كاميرا والآخر دفترآ وقلم .. نحن من جريدة الإثارة وعاوزين نعمل لقاء .. تقدم حمادة إليهم ورحب بهم وجلس معهم فى الكاونتر .. طلب الصحفيان المرور فى الغرف والصالات المختلفة ليروا كيف أن المواطنين ( يفشو غبينهم ) .. هذه صالة الغبين الجماعى .. فى هذه الصالة أكثر من مائة شخص من مختلف الأعمار ينتحبون بطرق مختلفة منهم من يبكى بحرقة ومنهم من يتمتم ومنهم من يلطم وجهه ويصيح بهستيريا .. وقف الصحفى بعيدآ قرب المدخل وهو يتابع هذه الحالات التراجيدية وصار ينظر إلى أحد المواطنين يضرب رأسه مع الحيطة بحرقة وهو يجهش بالبكاء ويردد : أنا كان مالى ومال كده !!! أنا كان مالى ومال كده !!! سأل الصحفى حمادة ؟ الزول القاعد يضرب راسو مع الحيطة ده مالو ؟؟؟ رد حمادة : ده الوالد صاحب المحل ! حاج صديق !! أمبارح ناس الضرائب جابو ليهو ضرائب أكتر من رأسمالو .. عشان كده بيضرب راسو بالحيطة ... |
05-01-2009, 02:58 PM | #2 |
|
سلامات اخ الطيب
عن جد حاجة روعة ومضحكة شديد ربنا يديك العافية فكرة حلوة مافى طريقة ننفذها فى الحصاحيصا واللة الممغصين كتار وانا معاك فى التنفيذ واللة نغنى من اول يوم وتقبل مرورى |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 03:13 PM | #3 |
|
موضوع في غاية الروعة بس المغتربين ديل عاوزين ليهم خلا مساحة بتاعت مائة كيلومتر فاضية لانو غبينتهم صعبة شديد وبعدين اعمل حسابك من اقتراح اختنا ومضة بوديك في ستين الف داهية مع ناس الضرائب وصدقني ما بتلقي ليك حيطة تدق عليها راسك لو بقي علي جسدك من الاصل
تسلم يا غالي وتقبل المرور |
|
05-01-2009, 07:32 PM | #5 |
|
عارف مصطفى ازيك
قول خير على الاقتراح واوعدك دخولك بعدين مجانى واتفشى على كيفك وفضى كل الفى نفسك وتقبل سلامى |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 07:38 PM | #6 | |
|
اقتباس:
لكن بيني وبينك هو صاحب الفكرة بدق في راسو بالحيط عاوزة تلحقي ود عبده امات طه مع ناس الطرائب . وناس الضرائب في الحصاحيصا قالوا بقو يسوقوا كامريهات ورضي الوالدين ديل بنقدروا يا ومضة انا خائف عليكم بس . لو الفكرة مخمرة كويس الله يعينكم |
|
|
05-01-2009, 07:49 PM | #7 |
|
شكلك كدا ياعارف ما ممغص وماعندك زول مزعلك
لو ماكدا كان شجعتنا انا غايتو زعلانة وعاوزة اتفشى وماعندى حل غير الفكرة دى خليك معانا نحن بنتحمل النتيجة وكان على الضرايب الواسطة موجوووودة بنحلها بس انت وافق |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 07:52 PM | #8 |
|
الطيب عبدو
وين انت ماوريتنا رايك شنو فى الفكرة انا عجبتنى ومنتظراك تقول اوكى وتقبل سلامى ومرورى |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 07:54 PM | #9 |
|
والله يا ومضة ممغوووووووووووووووووووووووووووووص مغصة تشق وبيتكم العاوزين تعملوهوا ده مابكفيني وذي ما قلت ليكم نحن عاوزين خلا سهله كبيرة الواحد يقدر يتفشي فيها
وطالما عندكم الواسطة واكل الباسطة نحن من خلفكم نشد من ازركم بس الملح اهم شي ولا بخربها |
|
05-01-2009, 08:05 PM | #10 |
|
خليك عاقل ياعارف وماتخربها ومادام هددتنا تعال كل يوم فش غبينتك
ومابنسألك من (الضحاكات قصدى القروش) ملح سااااى واللة ما بيناتنا المهم تتفشى وتفك مغصتك |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 08:10 PM | #11 |
|
فكرة جميلة لكن البداية لازم تكون بالمغتربين غبينتهم بتكون غبينة كم سنة نفذوا الفكرة بسرعة |
القمر مصدر الضوء لكن له جانب مظلم
|
05-01-2009, 08:15 PM | #13 |
|
انتي يا كيمو الجاهز كاشير المغتربين عندنا هنا ( لا تقبل الشيكات لا يقبل التحويل من حساب لي حساب لا يقبل الدفع عبر النيت ) (( كاش 100 ريال للساعة ))
|
|
05-01-2009, 08:21 PM | #14 |
|
ياخوانا وأخواتنا أستهدوا بالله
بالله أخش المنتدي القي الفكرة اتسرقت ... تعرفوا طوالي علي الحمام وهاك يا دق في الحيطه بكيت بكاء لو ما المره والجيران ما كنت بمرق حي الحمد لله يعني ستين فتلة في الراس وارتجاج دماغي أها ....... انا كنت بقول في شنو ؟يا الطيب عبدو وللا منو .... ولا شنو ؟ |
|
05-01-2009, 08:25 PM | #15 | |
|
اقتباس:
ماعندك مشكلة |
|
القمر مصدر الضوء لكن له جانب مظلم
|
05-01-2009, 08:25 PM | #16 |
|
هووووى ياعارف بطل طمع خليناك تتفشى ملح كمان طمعان فى نسبة
يازول خلاص مامشكلة لكن بشرط تمسك الكاشير وتحفظ النظام وخلى بالك الممغصين كتار مايدقسوك فى الضحاكات وتضيع فى وسط الزحمة والموضوع يطلع خسران انا طوالى بتفكفك وخليك فى وش المدفع وشيل شيلت مع الطيب وناس الضرايب واللة الا تعمل ليك جناحين .....اللة يستر |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 08:26 PM | #17 | |
|
اقتباس:
|
|
|
05-01-2009, 08:29 PM | #18 | |
|
اقتباس:
الفكرة سجلتها وأي زول ما يفتح ليهو بيت بكا من دون إذني والببكي لي في جكسويه ساي من دون إذن مكتوب طوالي بفتح بلاغ وناس الملكيه الفكريه قاعديييين هه انا بدقس ؟ انا ابوك اااا مدين |
|
|
05-01-2009, 08:31 PM | #19 |
|
وينك يا الطيب الموضوع بقى جادى خلاص جهز الخزنة للقروش
خلاص حنبقى اغنياء خليك انت مستعد وناس الضرايب خليهم على وماتنسى عارف معانا |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 08:32 PM | #20 | |
|
اقتباس:
هو فضل فيها وش مدفع يا ومضة الاسعاف عامل جوطة في الحي الشرقي شايلين الحيطة بتاعت الحمام بتاع ناس الطيب قالوا كسرها بي راسو واسع بخيطوا فيها . |
|
|
05-01-2009, 08:35 PM | #21 | |
|
اقتباس:
تعرف يا عارف ناس ومضه ديل ممكن يكونن زوبونات مربحات جداً انا كنت ماشي أشتكيها بس عرفت إنها بكاااااااااايه بكاء بيني و بينك يا عارف أخوي دي شهرين بس بتطلع لي خساراتي والباقي كلووووو ربح |
|
|
05-01-2009, 08:39 PM | #22 |
|
فى داعى يا الطيب لى كشف الحال مع الجيران
اها احسن بيت البكاء ولا كشف الحال ابقى مارك وتعال ننفذ الفكرة وبدل حيطة الحمام الكسرتها دى تبنى ليك عمارة عديل |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 08:43 PM | #23 | |
|
اقتباس:
بالله ايووووووووووووووووووووا عشان كده عاملة فيها شريكة في الموضوع مفتحة لكن ما عاوزة تخسر عاوزة تبكي مجان وكمان شريكة في الارباح لكن بضمن ليك عارف عبد القادر وياسين عزالدين وائل يوسف وريري وست البنات ودي بالذات بتبكي بي سبب وبدونوا
|
|
|
05-01-2009, 08:45 PM | #24 |
|
الطيب ياخوى انا ما بكاية بس حنيت عليك وخفت على باقى بيتك
الليلة كسرت حيطة الحمام بكرة مامعروف تكسر شنو قلت الحق باقى البيت ما تلحقو امات طة وتخلى ناس البيت فى الشارع فكرت فى مصلحتك بس |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 08:49 PM | #26 |
|
شنو الحنية التلبت فجعتاً دي مافي مغصة جواك مافي آثار شاكوش سابق مافي زعلة طايرة ولا .............................
|
|
05-01-2009, 08:50 PM | #27 |
|
شوف ياعارف انا الدخلتك عاوز تصلح لى نفسك مع الطيب
واللة اخربها ومن هسة طوالى على ناس الضرايب وبعديها اتحمل انت مسئولية بيت الطيب بكرة بلقى مرمى فى الواطة بدل حيطة الحمام تلقى البيت كلو مدمر |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 08:52 PM | #28 |
|
بردك ليك عارف ياريرى صاحب الكاشير اعملى حسابك بس
مايغشك |
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
05-01-2009, 08:53 PM | #29 | |
|
اقتباس:
ناس الضرائب خلوهم علي عندي واسطة |
|
القمر مصدر الضوء لكن له جانب مظلم
|
05-01-2009, 08:55 PM | #30 |
|
حسب الساعات المستهلكة وكمية المناديل المستعملة وفاتورة المياه اثناء الساعات المتواجدة فيها + القيمة المضافة + دمغة الشهيد + دمغة الجريح + حصة النفايات + دعم التعليم + الضرائب ودي كوم براها
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طــــــه القـــــــرشى فــى المسـتـشـفـــــى | Osman Hamad | «۩۞۩-منتدى الحصاحيصا الحر-۩۞۩» | 4 | 01-07-2007 08:44 AM |