شذاذ افاق !!!!! لعناية د. احمد الماحى

جاك الليلة شعبا زي هدير دفاق
من نومو الطويل فوق رايو هب وفاق
شوفو الطاغية جاتو الخلعة صابو الفاق
جاب لنا هطرقات قال ديل " شذاذ آفاق "

... يا مهووس ..
بعد الدغمسة و جلد الكديس والفوس
ولحس الكوع وأمرك " للصغيير دوس "
وفنك فوق بحار الدم رقيص طاؤوس ؟؟!
دي آخر حاجة في القاموس ؟؟

شذاذ آفاق !!!؟؟؟
شذاذ شان غربة الأوطان
ملت جوف اليتيم غربة
معرب والبلد رطان
عشان يبست سواعد الناس
وجيب الطالب الورطان
صبح في عهدك انت مثال
أبيض من بياض أقطان
بعد عدم البلد قطنة
شنو البستر ضلع قطان
على قيفها العرق لانيل
نلومو إذن منو الغلطان
شذاذ شان انت خليتهم
غربا ف أوطن الأوطان
دي ناس لو تعرف آ الدغماس
أول حاجة ما كيزان
ودي تكفي براها للتشريف
إذا ختوها في ميزان
ناس من القرى البايتة
تساهر الليل على القيزان
من شرق البلد ظابطين
مزاج غرباوي بالفنجان
من تالا الجنوب جايين
يعيدو أيام وطنا زمان
وطن واحد تسامح فيه
عديد أعراق عديد اديان
ومن مدن الوسط طالين
ضراع فكرة وخيال فنان
شذاذ آفاق !!
دي ناس من طينة السودان
ناس من أشرف الإنسان
من كل الفئات أحرار
جواهم وطن أوطان
حشود شرفا وضميرهم حي
ماب تشويهو بالنيران
عيونهم في الضلام بتشوف
ما بتعميها بالبنبان
قلوبهم ماب تهاب الموت
فكيفن ترهبا السيطان
عقولهم توزنك آلاف
فكيف يستدرجا الشيطان
كلامهم عالي صوتو جهير
ما مكتوم ورا الحيطان
ولا مدسوس ولا بستحيوا من قولو
طريقهم للشمس واضح
مافينا البهاب من هولو
كل زول فينا مليان انو كيف هادا الوطن هولو
حالفين نحن لو في النجمة بنطولو
والظالم يقع في الحلبة من طولو

شذاذ آفاق !!
عشان كملنا صبر ايوب
عليك يمكن تؤوب وتتوب
ولو انو المعاهو عقل
عرف كيفن عليك مكتوب
من يوم جيتنا ناط بالليل
تلبس في النفاق كم توب
خيرا من وراك معدوم
ومنك أصلو ما مطلوب
انت وانت وانت وعيييييييييييك
وين حصر العليك محسوب
نمسك نسألك عن إيه
يا المسخرتا فينا شعوب
انت الخنت عهد الشعب
وجيت تلبت بالمقلوب
شردت اللي ماهو معاك
وقربت اللي ليك منسوب
أي كرامة منتهكة
ومالنا العام طلق منهوب
كم مسكين فقد رزقو
وامسى على الفقر مصلوب
كم بكيت عيون بالدم
وكم أدميت قلوب وقلوب
كم يتمت طفلة وكم
رملت العروس يا دووب
وكم عشعش علينا خيال
بيوت أشباح ودم مسكوب
كم هادي البلد بالخال
بعد سلمت مليتا حروب
أوسع حتة واطاتنا
وانت بترت أحلى جنوب
أخصب أرض أرضنا دي
ما نبتت عليها حبوب
وفي آخر مطاف الذل
بعتها لابعقال محقوب
أشرف عرض عرضنا دا
وانت الانتهكتو ذنوب
أكرم شعب شعبنا دا
وات خليتو قال الرووووووب
انت وانت وانت وعييييييييك
كيييف حصر العليك محسوب

شذاذ آفاق !!
ياخ بالله يا فاتك
قطر تضليلنا يا ترحل
يا ساعدنا بسكاتك
برانا بنجبرك ترحل
بعد ثورتنا دي الجاتك
حشود سلمية اصطفت
هتاف ضد كل سياساتك
واذا مافت تكون يا شاذ
براااااك جهجهتا باكاتك

وليد مرين

صح لسانك ودالمرين ....

[SIZE="5"][COLOR="Blue"]الحبيب راشد الجاك.
نسأل الله الكريم رب العرش العظيم ،لوليد المرين ـ
أن يجزيه الله بكل كلمة قالها فى الرئيس البشير حسنة إن كان صادقا .
وأن ينزع لسانه من فمه فى الدنيا قبل الاخرة إن كان كاذبا .

ـ قال صلى الله عليه وآله وسلم - : " ليس المؤمن بالطعان ، لا اللعان ، ولا الفاحش ، ولا البذي " .

المشاركة الأصلية كتبت بواسطة د/منصور

الحبيب راشد الجاك.
نسأل الله الكريم رب العرش العظيم ،لوليد المرين ـ
أن يجزيه الله بكل كلمة قالها فى الرئيس البشير حسنة إن كان صادقا .
وأن ينزع لسانه من فمه فى الدنيا قبل الاخرة إن كان كاذبا .

[size="5"][color="blue"]ـ قال صلى الله عليه وآله وسلم - : " ليس المؤمن بالطعان ، لا اللعان ، ولا الفاحش ، ولا البذي " .

صدق رسولنا الكريم صلى الله عليه وسلم

وعلى آله وصحبه أجمعين
ومن تبعهم ب إحسان
.......
جزاءك الله خيرا
يا دكتور

شكرا استاذ راشد شكرا ود المرين

يقول صناجة العرب المتنبي في امثال شاعركم هذا يا راشد:
رماني خساس الناس من صائب استة ...وآخر قطن من يديه الجنادل
ومن جاهل بي وهو يجهل جهله......... ويجهل علمي انه بي جاهل
ويجهل اني مالك الارض معسر..... واني على ظهر السماكين راجل
الا ليست الحاجات الا نفوسكم........... وليس لنا الا السيوف وسائل
غثاثة عيشي ان تغث كرامتي ........... وليس بغث ان تغث المآكل
وقال ايضا :-
يا افخر فإن الناس فيك ثلاثة ............ مستعظم أو حاسد أو جاهل
ولقد علوت فما تبالي بعد ما.............. عرفوا ايحمد أم يذم القائل
وإذا اتتك مذمتي من ناقص ............. فهي الشهادة لي باني كامل
واكتفي بهذا القدر....ولك ودي ومحبتي يا راشد.

المشاركة الأصلية كتبت بواسطة د/منصور

[size="5"][color="blue"]الحبيب راشد الجاك.
نسأل الله الكريم رب العرش العظيم ،لوليد المرين ـ
أن يجزيه الله بكل كلمة قالها فى الرئيس البشير حسنة إن كان صادقا .
وأن ينزع لسانه من فمه فى الدنيا قبل الاخرة إن كان كاذبا .

ـ قال صلى الله عليه وآله وسلم - : " ليس المؤمن بالطعان ، لا اللعان ، ولا الفاحش ، ولا البذي " .

دكتور منصور لك التحية
ومعك نردد الدعاء .....
سعدت بمرورك الكريم ...

المشاركة الأصلية كتبت بواسطة عماد بشير

صدق رسولنا الكريم صلى الله عليه وسلم

وعلى آله وصحبه أجمعين
ومن تبعهم ب إحسان
.......
جزاءك الله خيرا
يا دكتور

صلى الله عليه وسلم ...
سعدت بمرورك الكريم اخونا عماد ... وجزاك الله الف خير ...

المشاركة الأصلية كتبت بواسطة د. احمد الطيب الماحي

يقول صناجة العرب المتنبي في امثال شاعركم هذا يا راشد:
رماني خساس الناس من صائب استة ...وآخر قطن من يديه الجنادل
ومن جاهل بي وهو يجهل جهله......... ويجهل علمي انه بي جاهل
ويجهل اني مالك الارض معسر..... واني على ظهر السماكين راجل
الا ليست الحاجات الا نفوسكم........... وليس لنا الا السيوف وسائل
غثاثة عيشي ان تغث كرامتي ........... وليس بغث ان تغث المآكل
وقال ايضا :-
يا افخر فإن الناس فيك ثلاثة ............ مستعظم أو حاسد أو جاهل
ولقد علوت فما تبالي بعد ما.............. عرفوا ايحمد أم يذم القائل
وإذا اتتك مذمتي من ناقص ............. فهي الشهادة لي باني كامل
واكتفي بهذا القدر....ولك ودي ومحبتي يا راشد.

دكتور الماحى لك التحية ...
رميت بهذه الابيات عند بابك الكريم ولى فيها مقاصد ...
اولها ان تكون معنا ولا تنتظر حتى صباح السبت فوجودك يمثل ثقل الطرف الذى ننافح ضده هذا الايام تحديدا ...
ثانيها طيلة ثلاثة وعشرون عاما ارءيت وانت تقرض الشعر اجمل من هذه الابيات .... بعيدا عن العصبية الايدلوجية ...
واخيرا لا اتفق مع الشطر الاول ( باللون الاحمر ) فلا اظن ان فساد هذه الطغمة يجهله احد
واتفق مع الشطر الثانى ونستبدله بالسواطير هذه الايام ...
كل الود لك .....

تحياتي اخي راشد
وحقيقه ليس في الامر عجب فمالت الناس مع الريح
والريح زاااتا بقت تميل وتميل بالناس فالمصالح بقت
اسمي من المواطن والوطن
وصح لسانك ود المرين
وشكرا لابن المرين مرة تلو المرة اذا اتانا بصنانيج الشعر في المنبر الحر
والاحرار قليلوووووووووووووون