هدية بمناسبة الشاكوش

الي كل المشوكشين والادوهم شاكوش لمن الراس بقى صلعة وبالاخص الحبيب
خالد الشيخ

الاخ النصري تحياتي
المثل بيقول عينك في البطيخ تقطع في القرع
اسال كل من زامل العم خالدالشيخ في مشوارة الاكاديمي وانا وحد منهم ولا تسالني لان عند جهينة الخبر الاكيد واليقين وعندما قلت لك العم خالد لم اقصد شي الا التاكيد علي ذلك
ازكر وانا في مرحلة المتوسطة كان ياتي فانكي وهذا لقبة في تلك الحقبة من ذاك الزمن الجميل وفي معيتة الركب الميمون ومن الاصدقاء جمال الزينة الفاضل عمسيب مبارك كجوصلاح تية والتيمان اولاد العم بشري الطيب ساتي عمادشمبات وتبداء من بلاد الاشلاق مرورا بالمستشفي ومن ثما الي مراعي المشتل ومرورا بالفحامة وكل واحد منهم محمل من ثمار المسكيت ولم اعرف انة يؤكل لولاهم
هذة رحلة الاياب اما رحلة العودة اسال عنها الطيب عمسيب فهو ادري مني
هل كل تلك المشواير تبقي في الرؤس شى من تحصيل علمي فانظر الي اولادعمسيب كلهم صلع وسامي بدوي الفاتح حسن خليل حسين ادم ومشاوير الصلع يطول ولا اطيل عليك لنا لقاء قريب واواتيك بما لم ياتي به هدهد سليمان
ولك التحايا العطرة

صلات النبى على العندو صلعه

ات ماك سمعت البنوت بغنن للصلع بقولو

الموجه غطسنى اب صلعه امرقنى براحع

قلابه قلبي بي قلابه

المصلع زولن فهمان بالحيل والعجب اكان بسجر وبتعطر والساعه ديك لمان اشك القميص
واقدل وسط البنوت
وى وى من هيبتو

يا اخوانا ود الشيخ ده اظن اول مره اتشوكش
بس منو القال ليكم اتشوكش و قريب بتسمعوا خبرو السمح
ويوم اقول ليك ود الشيخ انا اخوك ابارميدو
يا حليلك يا ود الشيخ الجماعة شالوا حالك
كر عليييييييييييييييك

النصري السر يا زول كدا صنفتنى من ضمن البشرية البتحب وهذا وحده لفخر يعنى انا انسان عندي مشاعر واحاسيس صدق يا النصري اي زول ما مره بقصت حب حقو يراجع طبيب نفسانى. طبعا زمان كنت من ضمن المجموعة المحتاجة للدكتور وكنت بضحك عليكم لكن حرم وقعت وما سميت الله يستر بس.
الاخت غيمة شكرا ليك دي معنويات عالية جدا لكن صدقينى حتى الان لا اعرف الشاكوش وقع الواطة ولا ضرب الراس ولا لسة مرفوع.
الاخ ابوذر من ناحية الكبر مانى صغير والحمد لله وانت دفعة بس العم دي خلوها بقت جد عديل كده.
ودالجيران معز يوسف (عزو) يا اخوي انا ذاتى ما عارف النصري دا جاب الكلام دا وين غايتو جنس شمارات وما تسالنى عن العرس !!!
النصري السر يا دفعة الثانوي طبعا ما داير انبش الماضى بتاعك ولكن انت لسة معاي ومشاركنى العزوبية اها انا قربت انت احرسها براك ..
مودتى الاكيدة.

سلام للجميع بداءا بمعز ومرورا بالاخت غيمة ,ومشكورين على المرور
طبعا نحنا ما معترضين على الصلعة والصلع انواع فصلع العلم تختلف عن صلع الشواكيش وبعدين في ناس بياخدوا شواكيش بس يعملو ليهم فترة بيات حتى تنبت الصلعة من جديد وفي ناس شغالة طوالي من شاكوش لي شاكوش ما عايزين يدو نفسهم راحة لمن نحنا ذاتو شفقنا علي راسهم من انو وين يلقوا مكان لي شاكوش جديد