|
|
|
|
|
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
|
قريبا |
بقلم :  |
قريبا |
|
آخر 10 مواضيع
|
الإهداءات |
|
|
|||||||
| «۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
 |
|
|
أدوات الموضوع | انواع عرض الموضوع |
|
#1
08-24-2010, 09:02 PM
|
|||||||||
|
|||||||||
أكلوا فطورنا وقيمونا كمااااان ( جنس قوة عين )
|
|
08-24-2010, 09:14 PM
|
#2 | |
|
ههههه
المنصوري خوفي تكون اخر الحكاية المنصوري تطير عيشو منتظرنك ما تتاخر لكن اللبنانين ديل مابشوفوا نفسم ليه خلقة ساكت من غير لبس ما كفاية لكن جمال الطين والله احنا السوداني الاغبش دا الرجالة الفيه تكفي لبنان كلها ما شفتا العرض في لوري قدورة ..... تسلم يا غالي |
|
|
|
|
08-24-2010, 09:22 PM
|
#3 | |
 
|
هههه المنصوري انت معزوم ولا الله كريم كانت هههه
نحن كدا حلوين المظهر والبريستيج ما اهم حاجة المهم الدواخل ويمين في لبنان كلها غير نصر الله مافيها وبلا بدلة ولا شايف نفسو تعال افطر معانا رائيك شنو ومن اسه غبشة شديدة ههه |
|
|
ليـل الغمه هوّد والبروق اتّــــــــــــــالن دموع الوجعه جن زي السحابات شـــالن ملن قرب العيون لكنهن ماســــــــــــالـن مومن قلهن بس في العيون ماخــــــــالن
|
|
08-24-2010, 09:23 PM
|
#4 | |
|
عارف في مسالة الهندمة دي احنا شعب اكثر بداوة ومتاثرين بالعرق العربي رغم عدم اعتراف العرب بكده
وبشوفونا عبيد بس كل الشعوب العربيه على البحر المتوسط وخصوصا الشام ومصر كانو اكتر تاثر بالاحتلال واخدوا كتير من العادات الغربيه في اللبس والاكل لو لاحظت انو الخليجين وهو بمثلو العرب الاصليين باعتبارم ناس شبه الجزيرة العربيه بلبسوا الجلابيه نادرا ما تلاقي واحد لابس بدلة بياكلوا بايدم بقعدوا في الارض احنا فينا كتير من العادات العربيه وبالتالي مفهومنا للهندام بختلف عن مفهوم اخوانا ناس البحر الابيض المتوسط لما تكون قاعد في مكان ويجوا داخلين عليك اجناس مختلفة بتلاقي السودانين والخليجين لابسين جلاليب ..... بينما البقيه بدل يبقا اصلا احنا وهم ما حا نتلاقا في نقطة في الموضوع دا لانوا زاويه رؤيه كل مننا للاناقة ما واحدة |
|
|
|
|
08-24-2010, 09:36 PM
|
#5 | |
|
لكن يا حمودي السؤال بعد دا كلوا نحن شعب مبشتن
ولا لا وهل جمال الدواخل كفايه على كل حال انا بتذكر حديث للرسول صلى الله عليه وسلم في معناه انه جاء واحد اشعث فقال الرسول صلى الله عليه وسلم الم يجد هذا ما يسرح به شعره يعني المسالة ما مسالة برستيج الاسلام دايما دين جميل ويحث على كل ما يشرح النفس مالم يؤدي للضرر في مكان ما او حرمه الله فالكلمة الطيبه في الاسلام صدقة والنظافة من الايمان والرسول صلى الله عليه وسلم اامر الرجال بالتزين للنساءهم علشان كدا البشتنة مافي ليها داعي .... بس من غير ما تتحول الموضه هدف ومن غير ما نغير مفهومنا عن الاناقة علشان نماشي ناس تانيين تخريمة شفت البري دا يا منص 3 مشاركات وراء بعض |
|
|
|
|
08-24-2010, 09:49 PM
|
#6 | |||||||||||
|
|
|||||||||||
|
|
|
08-24-2010, 10:03 PM
|
#7 | ||
|
اقتباس:
الغريب الطيران ده حق اصحابك المعاك هناك ( جدة غير )
تعرف والله قبل كده جاء رئس بعثة المنتخب الوطني الدمام ورئيس البعثة لأبس سفنجه بالله دي ياغريب نسميها شنو بساطة ولا سذاجة ملعون ابو الغباش لو بتخلينا مبشتنين وللأسف ده حالنا أنا حأحكي ليك شي شخصي عملت لي فترة بتاعت ترينق في بنك الأدخار بعد الجامعه مباشرة الموضوع كله في الكرفته كنت بجي من البيت لأقيت ما ادخل البنك معتقد انه الشارع كله بعاين لي مع انه ممكن اكون مافي زول شغال بي اصلآ بس لاننا شعب بطبعه بسيط اي تغير في اي عادات بنشوفها حاجات صعبه شديد اتخيل الأن الوضع اتغير وبداءنا نهتم ولو نسبيآ . |
||
|
|
|
08-24-2010, 10:09 PM
|
#8 | |
|
اخوي المنصوري عندنا هنا الواحد لمن يقدم لشغل عن طريق وكاله اول حاجه بقولوها ليك انك تخت في بالك انت ماشي تبيع نفسك (sell u self) يعني زيك زي اي بضاعه لازم تكون نضيفه وشكلها انيق وحلو المذاق بعد كده تجي الخبره والشهادات ومدة الصلاحيه نصيحتي ليك اخوي المنصوري عزومات زي دي ابعد منها
|
|
|
|
08-24-2010, 10:56 PM
|
#9 | |
|
والله يا منصوري رديت على كلامك ده لكن راح مني على كل حال الدنيا رمضان أحسن نساهر ، أولاً أحييك على هذه الغيرة على الوطن وداير أقول ليك أنا وأعوذ بالله عشت مع معظم هذه الشعوب في الإمارات فترة 33 سنة وعايشتهم في بلدانهم وجدت أشياء كثيرة مشتركة بيننا والمتعلمين منهم يعرفون جيداً قيمة السوداني ، وفعلاً هناك أشياء كثيرة تغيرت ويمكن الكلام عنها وخلونا ننتقد أنفسنا قبل أن ينتقدنا الآخرين عالمياً الهندام أصبح يعكس الشخصية والنظافة من الإيمان كما أن المجتمع يصلح بصلا؛ الفرد حسب ما جاء في حديث رسولنا الكريم صلى الله عليه وسلم والسوداني مشهور كان بالقيافة في لبسه وخفة دمه وثقافته العاليه بين العرب والأفارقة وزمان قلنا المصريين بيحسدونا في لباس الجينز ورقيص الجاز واللغة الإنجليزية تعال اليوم شوف شبابنا ضيعوا تراثنا وكل موروثاتنا وحتي مظهر المدين في العاصمة حدث ولا حرج والأكل يباع في الشارع وسط الأوساخ وثقافتنا أصبحت من الشماشة وووووووو إلخ وهذا الموضوع كبير جداً ويحتاج لدعم الدولة والإعلام والطلبة وأئمة المساجد وأخيراً الرجوع للحق فضيلة والثقافة إلمام ومغرفة والحضارة سلوك أسأل الله يقوم سلوكنا وأن نهتم بهذا الوطن وأن نتمكن فقط من لإزالة الدعايات الإنتخابية ودعايات الشامبيون ... مع تحياتي وتقديري لكم جميعاً.
|
|
|
ومن يتهيب صعود الجبال يعيش أبد الدهر بين الحفر
|
|
08-25-2010, 06:13 AM
|
#10 | |
|
سلام اخ المنصوري..
حقيقة نحن شعب بسيط جداً ابسط من ما يتصور الخيال ، شعب مسالم وكريم ، شعب يحتفظ بخصال اندثرت منذ الاف السنين واصبحت طي النسيان ولم يعد لها وجود سوى في بين صفحات كتب التاريخ ، والبساطة التي اعنيها هنا تشمل كل شي يتعلق بحياة المجتمع من عادات وتقاليد وتعامل واخلاقيات وخصال...واتمني من الله ان يحفظ شعبنا هذا.. |
|
|
|
|
08-28-2010, 08:37 AM
|
#11 | |
|
الأخوان بكري ’ محمد المهدي ’ رانيا لكم التحايا علي المشاركة
اها أنا كان خليت العزومات دي كما قال بكري حالنا بنصلح ونظره الأخر لينا بتتغير بصراحه أنا طرحت مشكله وكنت متمني الناس تتدارس في الحلول . البيحصل عندناده سلوك وعــادات بأسم البساطه مع العلم أننا تطورنا في اشياء كثيره ولكنـــنا نتخلف في كيفيه تقديم أنفسنــا للأخر ودي بصراحه منقصه وظلم نظلم به نفوسنا . حتي علي مستوي النظـــافه كما طرح الأخ محمد المهدي والله شي مخجل جدآ وكأن وزارة الصحه مأخده اجازة مرضيه وتــــاركه الحــــابل علي النابل . أنا اتخيل لي العلاج النـاجع للمسأله ببدأ من المدارس اتخيل لي لو فرضنا علي الطـــلاب النظافه والتقيد بالمظهر الجميل من بدايه حياة الأنسان ممكن تخرج لينا جيل مهندم وانيق يســاعد في تزين صورتنا التي لاينقصها غير أن تقدم نفسها بصورة أجمل وحتي نبرز الخصال الذكرتها أختنا رانيا في مداخلتها |
|
|
|
|
08-28-2010, 09:06 AM
|
#12 | |
|
. شباب ازيكم احلام مسغانمي قالت في مقال ليها في الاهرام اليوم وهي بتوصف الشعب السوداني بانه طيب وبسيط ودا حقيقة الوصف الاي زول لما يجي يوصف السودانيين بصف بيه الشعب السوداني وماعارفة الوصف دا مدح او ذم لانه الطيبه عند بعض الشعوب نوع من العباطة والبساطة دي يعني تخلف بس انا بعتقد يا محمد قبل المدرسه لازم البيت هو اليعلم الطفل كيف يكون انيق لانه لما يمشي المدرسه بكون خلاص عمره7 سنين وشخصيتو اتكونت وانتهت يعني اخوانا المصريين مثلا النوم عندو لبس البجامة والواحد ما بطلع بلبس النوم ولا بقعد بيه في البيت يلبسوا لما ينوم ويطلعوا لما يصحا من النوم البيت عندو لبس معين النزهة للحديقه والفسحة لبس السهرة لبس الطفل مستحيل يطلع لو ماكان امه ملبساه (فل سوت ) الشراب (الشوز) بيكبر على كدا اها يا حمودي احنا في البيت السوداني بنلبس كيف ؟؟؟؟؟؟؟؟؟؟؟ المشكلة الواحد من شب علي شئ شاب عليه فلازم الطفل السوداني يشب على مفهوم الانافة علشان يشيب عليه . |
|
|
|
|
08-28-2010, 09:29 AM
|
#13 | ||
|
اقتباس:
ست البنات لك التحايا أنا اتفق معك أن البيت أول خطوات الأصلاح ولكني فرض مسأله المدرسة بأعتبارها عسكرية الصغار التي يمكن أن يتقيدوا بها دونما تمرد ’’’ البساطه الزائدة سذاجه ’’’’’ والهندام بلغة العصر إن كنا عايزين نواكب الأخر اصبح شي مهم جدآ ولك أن تتخيلي أن الفلبينين يمكن أن يكون راتب أحدهم 1000 ريال ويشتري جذمة ( اعزكم الله ) بمبلغ 450 ريال . طبعآ دي ليس دعوة أن نتجاوز واقعنا والذي بكل تأكيد فيه من الأولويات الأهم من ذلك ولكن هي دعوة الي الأهتمام بأمر اصبح يعكس شخصية الشعوب وتعامل الأخر معها . |
||
|
|
|
08-28-2010, 10:20 AM
|
#14 | |
|
التحية لك اخي محمد المنصوري وبقية المتداخلين والمتداخلات كام جميل وفعلا ي المنصوري نحن اكتر شعب ما بنهتم للمظهر العام ودي اكبر مصيبة ذكرتني مرة مشيت مع واحد لمستشفى كبير في الرياض وقابلت معاهو واحد بالصدفة لما مشى سالتو قلت ليهو دا منو قال لي دا دكتور كبير هنا بالمستشفي اتخيل لابس بنطلون وقميص عادي جدا واله زعلت شديد بالله شوف الحال دا كيف .
وكمان في حاجة تانية للاسف النظرة العالمية بقت للمظهر اولا بعدين الشهادات بعدين الخبرة !!! ممكن تلقى سوداني راسو مليان علم لكن لو جاء لمعيانة حيبتدو معاهو راتب 1500 ريال لكن اجيك مصري او لبناني اول حاجة راتبو فوق ال 5000 غير البدلات اها شفت المظهر العام بقيم الزول كيف . |
|
|
الليلة شوفو الغربه كيف بتسوي ...
وأنا البتضارا من عينيها ما تشوفني وتنادى على.. وأنا البتشابا فوق للغيمه كان الغيمه تشفع لي .. كان الغيمه تختفنى وتحلق فوق ديارنا العامرة تسرح بي ..
|
|
08-31-2010, 12:34 AM
|
#15 | |
|
تحياتي و الله أشعر بملل مفرط عندما يجالسني أحد الأعراب و يبدأ في الإطراء عن السودانيين و أنا أعلم مسبقاً أن هذه ليست رؤيته الحقيقية..!! حيث السوداني عندهم في خانة العبد الأسود الكسول و من أكلة (الكمونية) و راكبي الكورولا و زوج (الفحمة) الغوريلا و هلم سخف لا ينتهي حتي يبدأ ..؟؟و هم حسب إختلاف جنسياتهم الذين إرتبطوا في خلايا أذهاننا بفكرة الظالمين و ذوي الغباء المفرط و التخنث و البلطجة السلوكية و الكلامية و المتدهنسة و المتملقة و ذوي الروائح النتنة..!! و ذاكرتنا و تعاملهم معك يعضد ان ذلك المعتقد..!! لا يتعامل معك أحدهم بشكل جيد (من ورائه خبث و خداع) إلا لأنه تربطه بك مصلحة أو أنه يخشي سطوة غضبك و إنفعالك و قليل منهم غير ذلك.. و يكفي قول الحق سبحانه و تعالي (الأعراب أشد كُفراً و نفاقاً) و ركزوا في الأخيرة و هذه شهادة من الخالق و ليس مني.. و الله يا منصوري إن مجالستهم أفضل منها أن تغلق نفسك داخل دورة مياه طافحة (أعزك الله).. تمشي تأكل معاهم..!! و في رمضان كمان..!!؟؟ و بس و دمت |
|
|
|
|
09-23-2010, 07:17 AM
|
#16 | ||
|
اقتباس:
محمد لك التحــــايا علي مداخلتك الرائعة والتي تصف حال معظمنا في بلاد الغربة
للأسف حتي بمعايير سوق العمل أصبح موضوع الأهتمــام بالملبس شي اساسي لأبد منه وهو تكمله للعلم والمؤهل . زمــــــان كنا نقول أن الهندام نوع من انواع الترف والرفاهية ولكنه الأن ضرورة يفتقدها للأسف الكثير منا . لك التحايا والود |
||
|
|
|
09-23-2010, 07:35 AM
|
#17 | |
|
ود المنصوري الله يجازي محنك دايماً تأتي
بي مواضيع تخلي الواحد يزاحم في الصفوف عشان يرد عليك ومامهم لو اتنشل او شرط حتي جلابيته (عبدالواحد) يزول نحنه مالنا ومال الهندام الكذاب لنا امر رباني واحد فقط (خذو ذينتكم عند كل مسجد) وبعد داء احكي |
|
|
اللهم لا تجعل الدنيا اكبر همنا ولا مبلغ علمنا ولا الي النار مصيرنا
|
|
09-23-2010, 07:49 AM
|
#18 | ||
|
اقتباس:
يارشيد الي حد كبير أن اشاركك في هذا الشعور واقدر موقفك انت شخصيــآ وذلك
لأرتبــاطك الوثيق بالطلاب واولياء امورهم ولكن بعضهم يقدر السودانيين بسمعة قديمة بداءت تتزحزح بهذا الجيل . نظرة الأخر لنا يارشيد لا تعفينا من نقد أنفسـنا في مظهرنا وعــــادتنا التي تحتــاج الي الكثير من العمل حتي نعيد سيرة السوداني الأول وسمعته وشخصيتة . مثال بسيط الهنود في مطــاراتهم عندهم قسم يهتم بكل المغادرين الهنود ليراجعوا مظهرهم وانـــاقتهم فهم سفراء الهند في بــلاد المهجر هل يمكن أن نحلم بهذا في مطار الخرطوم يومآ ماء ؟ حقيقة نحن نحتاجه اكثر من غيرنا وهذه حقيقة دون مكابرة وماتراه في مطار جده شي يندي له الجبين . |
||
|
|
|
09-23-2010, 03:58 PM
|
#19 |
|
المنصوري انا بجيك من الآآآآآآخر كده
صحيح اللبناني ممكن يصرف راتبه كله في شراء بدلة لكن هناك حاجة مهمة جدا لاتذهب خارج السودان بل انظر إلى نقل خطبة وصلاة الجمعة في احد مساجدنا عبر الفضائيات السودانية تلاحظ بأن الجنسيات التي لبت دعوة إفطار صديقك المهندس تحضر صلاة الجمعة ببرمودة او بجامة (لانلبسها نحن في النوم )او جلابية ملونة نص كم نتعفف نحن لبسها ودائما مقترنة في ذاكرتنا (بالجنس الثالث) ولكن مانعيبه على السودانيين خارج البلد هو إرتداءهم للزي الوطني ناقصا ففي كثير من المقامات الطاقية فقط لاتكفي وفي بعضها يكفي ويكفي ان مايميزنا هو جلبابنا الناصع البياض ولو كان متواضع ويكفي انه لبس اهل الحج والعمرة والجنـــــة. |
|
العجب مليك زمانـــــــه
|
|
09-23-2010, 04:53 PM
|
#20 | ||
|
اقتباس:
ابوحميد مثلك لايزاحم انمــا تدخل دون استئذان
نعم لزينه المسجد ونعم لزينه المدرسه والعمل اظهارآ لنعمه الله ( الله جميل يحب الجمـــــال ) . مطالب بقصيدة رصينة كعهدنا بك تتلأم مع هذا الموضوع . ارجو الأ تتأأأأأخر . |
||
|
|
|
09-23-2010, 05:10 PM
|
#21 | ||
|
اقتباس:
اولآ تغيب فترات وفترات ثم تظهر كالشمس في رابعه النهار ( بالله ماتنقطع ) . بالنسبه للموضوع ومداخلتك لو لأحظت أنا قلت عايزين نعالج سلبيـــــاتنا لنصحح اعوجــاج رقبتنا وماتعرض للأخرين ولتخـلفهم او جهلـــــهم او كمـــا قلت البرمـودات البلبسوها في الصلاة ولو فتحنـــا باب ذي ده لأحصيت لك الالأف من عيوبهم . بالجد مــــايهمني نحن السودانيين لأن مايميزنا عن غيرنا كثير لذلك ننقد انفسنا ليس تصغيرآ لهـــــا انما سعي من أجل بلوغ الكمال البشري وهو طموح مشروع . كثيرون يبــــالغون في مدحنا وأنت في الخليج تسمع ذلك ولكن هذا لايعفينا من سد ثغرات اصبحت الأن اكثر ضرورة خــــــاصة في سوق العمل والتنافس بين مختلف الجنسيات . يعني بصراحة ياالطيب عايزين ننافسهم حتي في الأعمال التي تهتم بالمظهر وده برضو حق . المهم أنــا قصدت نقد الذات وصولآ للأحسن والأفــضل . تقبل مودتي . |
||
|
|
|
09-27-2010, 04:12 PM
|
#22 | |
|
اهل السديري والعمه
ودالمنصوري يا غالي ياعالي ياقمه سوداني اصيل داير اقول فوقك نمه شاشاي ومسدار او دوبت يزيل الغمه اهل الكرم توب و جلابيه سديري وعمه قول لي عروب كتر الحديث خليه امشي اتلمه كرفته تخنق الحلق وفي الصدر تعمل زمه برستيجكم ما هو نهار ضواي ليلاً ضلمه سماحت جمل الطين عند طفلاً ليه لمه نحنه الشرف اخوان مهيره وعوضيه وسلمي حباب اهلي القبش ناس الشهامه والعرض والهمه وحات ربي الشاره والوارده ان ختهم مها تب متلمه |
|
|
اللهم لا تجعل الدنيا اكبر همنا ولا مبلغ علمنا ولا الي النار مصيرنا
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
|
 |
العرض العادي
