القطر الشال معاوية ... اتكسر زاوية زاوية

بدون تاشيرة

وليد العشي

القطر الشال معاوية ... اتكسر زاوية زاوية

· بالمناسبة انا لا اعرف حتى الان من هو معاوية ولا تربطنى به اي صلة او علاقة وكل ما اعرفه بان القطر الشال معاوية اتكسر زاوية زاوية والقطر الشالك انت اتكسر حتة حتة ... ونسال الله السلامة
· ولا شك بان هذا المقطع من هذه الاغنية الشعبية هو لسان حال الكثيرين من الناس ولكل منا معاوية ((رجالى او نسائي )) فى حياته وله الكثير من ملامح وجداننا من تعب والم وعذاب ونجد فى هذه الاغنية شئ من حتى
· على سبيل المثال لا الحصر . هنالك الكثير من المعاويات فى حياتنا منها معاوية الجزار ومعاوية سيد اللبن ومعاوية زول الايجار ومعاوية المدير ومعاوية لاعب الكرة ومعاوية سيد الدكان .. وغيرهم من المعاويات التى ارهقتنا وعذبتنا ... عديييييل كده
· اما اخطر المعاويات خطورة على الرجل والزوج هما (المعاويات النسائية). معاوية الزوجة ومعاوية الحنانة ومعاوية بتاعة الصندوق ومعاوية ست الكسرة ومعاوية الدلالية .. والله يكفينا شر البيع بالتقسيط
· وهنالك معاويات الوسط الرياضى وهم الاكثر انتشارا هذه الايام منهم .معاوية الادارى ومعاوية كسار التلج ومعاوية ملك القيل والقال ومعاوية الصفاق والوناس ومعاوية شيال الحال ..وربنا يسترنا ويكضب الشينة
· اللهم كافينا ووقينا شر معاوية واخرين .. امين يا رب العاليمن ويسلم لى حسن ..وياكا علي الخلاك ابوى دخري .. ويسلم لى خال فاطمة ... وكيف يكون الحال لو ما كنت سودانى واهل الحاره ديل اهلى
· اشفق كثيرا على هلال 2015 ومن تصريحات وتطمينات رئيس النادى اشرف الكاردينال ..والحماس وحده ليس كافيا للنجاح الادارى وتحقيق الانتصارات ... ويا ساتر من يوم باكر
· الكرة الان فى ملعبك اخى وزير الشباب والرياضة بولاية الجزيرة الاخ نصر الدين بابكر وننتظر التصويب منك تجاه الاندية واحراز هدف الدعم والمعدات والمعينات . واعمل حسابك اخى الوزير من التهديفات الطائشة والاوف سايد .. ونغمة التحكيم فاشل
· بدون تاشيرة : وين انت
· حاجة خاصة : اذا انت نسيت ... انا ما نسيت
· قبل الخروج : اللهم نسالك الصحة والعافية للجميع ..والسلام ختام وفى امان الله

مجنون تاني في السكـّة ،،
العشي ،،

هههههههههههه وانتوا جنونى يا حلوين
تحياتى يا مين يا جميل

المشاركة الأصلية كتبت بواسطة العشي

هههههههههههه وانتوا جنونى يا حلوين
تحياتى يا أمين يا جميل

تحيات للعشي ،،
وليد العشي ،،
في إيدوا كبريتة دائماً ،،
يهدي بها سـُبـُل السلام ،،
بالضوء ،،
للتائهين ،،
في حضرتك يا عشي ،،
أنا في تمام ،،
كيف أشوف ،،

تحياتي :-