البرنس رسميا في كشوفات المريخ

وقع قائد الهلال السابق هيثم مصطفي لفريق المماحيق وكذلك علاء الدين يوسف لن نقول غير أن الممحوق كسب قائدا جديدا لفريقه ولاعبا لايشق له غبار وحتما هو إضافة حقيقة لوسط الممحوقاب وسيفتقد الهلال اللمسة السحرية وتتحول الي الند التقليدي الممحوق ولاعذاء لنا وللبرير هذا التصرف الغير مسئول من إدارة الهلال وشخصنة الامور شطب هيثم مصطفي ليس سهلا علينا ولاحتي تسجيله للممحوق ولكن سيخصم هذا التصرف من رصيده الكثير لعشاقه في القبيلة الزرقاء سيظل البرنس أفضل من لعب كرة القدم في السودان إن كان في الهلال أو المريخ ولكن هنا إنقطع تشجيعنا له بالفانله الحمراء فهي أبغض الألوان لدينا وسنكتفي بتاريخه الطويل مع الهلال والتي توقفت عند الرقم 17 وهي عدد السنين التي لعبها بالهلال ومبروك عليكم البرنس درة الملاعب يامماحيق .
لنا عودة لهذا الملف
فليستعد الممحوقاب لفتح ملف البرنس المريخي
حسبنا الله ونعم الوكيل
الله الوطن الهلال
مودتي

مسح بي ايدو تاريخو
خلي يفـــيدو مريخو
....
... ...
بدونك برضو نحن عزاز
ولعبك للهلال انجـاز
ويبقي هلالنا فوق الكل
والما عاجبو يمشي الضل
والضل الوقف ما زاد
وما ظنيتو يوم بيزيد
ومهما يسجل المريخ
يبقي وصيفنا للتاريخ
ولو سجل هياثم الكون
وسجل من علاء مليون
برضو هلالنا يبقي جميل
وبيهو الامة تتشرف
اسمك تب نسيتو عديل
ممكن ياخي نتعرف

نحن الفيكا فرطنا
ذاتو اللمبي ورطنا
خلاس تاريخو شرطنا
قفلنا الباب وقرطنا
براكا مسحت للتاريخ
توقع جادي للمريخ؟
كفانا الذله والتصريخ
هلال العزه للتفريح
نفررح وأصلو ما بنقيف
باكر يجونا ألف حريف
نجيب من برا ولا الريف
بعد ما نشطبو أبقي وصيف
ديدا و بشه كاريكا
لسه بعزفو مزيكا
تصررح ساي أتاريكا
جيوش النجمه باريكا
قبيلك قالو قاروره
هسه النجمه مسروره
جموعهم لسه مشروره
حقيقه كسبتو أسطوره
بريرنا إن شاء الله نام مرتاح
خربت هلالنا يا تمساح
ينوم يا ربي فيك سلاح
معاك البلوه داكا ملا65276;ح

ههههههههههههههههههههههههههههه
يا اخوانا اللاعب شطبتوهو وقلتو ما دايرنو تجو هسة تبكو عليه ؟
والله من شدة ما مبسوط امبارح انا جوة الاتحاد العام عشان استمتع بالاحمر والاصفر في البرنس وعشان اشوف النجمة فوق صدرو ,,,, مبروك للمريخ ومبروك لهيثم وان شاء الله تتحق امنية هيثم بالكاس الخارجي مع المريخ

حلاتو يا ناس

المشاركة الأصلية كتبت بواسطة عارف

ههههههههههههههههههههههههههههه
يا اخوانا اللاعب شطبتوهو وقلتو ما دايرنو تجو هسة تبكو عليه ؟
والله من شدة ما مبسوط امبارح انا جوة الاتحاد العام عشان استمتع بالاحمر والاصفر في البرنس وعشان اشوف النجمة فوق صدرو ,,,, مبروك للمريخ ومبروك لهيثم وان شاء الله تتحق امنية هيثم بالكاس الخارجي مع المريخ

ياخ أخجلوا نحنا لم نخفي حبنا للبرنس يوما ولن يكون ذلك حتي وهو مع المريخ
ولكن أنتم من شتمتموه وسميتوه قارورة أها الليلة بقي سيد الكورة وعلاء شلاليت
ماهو من زمان سيد الكورة وسيد أمها وأبها ولكن تبديل المواقف دا البخلينا نفتح ملفو هنا للمريخاب
وسيظل البرنس أفضل من لعب كرة القدم في السودان

تحياتي اخي البرنس وارجو ان تكون بخير
اول حاجة يا اخوي الاسم دة انا حاجزو ومافي مانع نعمل تبديل تاني حاجة البرنس (سيد الاسم) قائد الهلال السابق وقائد المنتخب لا يختلف اثنان في موهبته وهو مكسب كبير جداً للمريخ وخسارة لفريق الهلال لهذا كانت الفرحة كبيرة وهيثم مصطفى لم يبدل مواقفه ولكن هيثم لاعب محترف استغنى الهلال عن خدماته فهل كنتم تريدون لهيثم ان يبتعد عن ممارسة الكرة ؟ وهل اذا انتقل لفريق آخر غير المريخ هل سيكون حديثكم عن هيثم نفس الحديث الذي يدور الآن ؟ اما عن الاساءة فهي من فئة محسوبة على المريخ وهذه التصرفات في وقتها وجدت الاستنكار من الجميع والدليل على ذلك انها لم ولن تتكرر ,,,, عموماً البرنس الآن لاعب في كشوفات المريخ (فريق الكباتن) وسنقف بقوة مع البرنس ورفاقه من اجل التتويج بكاس خارجي في الموسم القادم باذن الله ,,,,

المشاركة الأصلية كتبت بواسطة عارف

تحياتي اخي البرنس وارجو ان تكون بخير
اول حاجة يا اخوي الاسم دة انا حاجزو ومافي مانع نعمل تبديل تاني حاجة البرنس (سيد الاسم) قائد الهلال السابق وقائد المنتخب لا يختلف اثنان في موهبته وهو مكسب كبير جداً للمريخ وخسارة لفريق الهلال لهذا كانت الفرحة كبيرة وهيثم مصطفى لم يبدل مواقفه ولكن هيثم لاعب محترف استغنى الهلال عن خدماته فهل كنتم تريدون لهيثم ان يبتعد عن ممارسة الكرة ؟ وهل اذا انتقل لفريق آخر غير المريخ هل سيكون حديثكم عن هيثم نفس الحديث الذي يدور الآن ؟ اما عن الاساءة فهي من فئة محسوبة على المريخ وهذه التصرفات في وقتها وجدت الاستنكار من الجميع والدليل على ذلك انها لم ولن تتكرر ,,,, عموماً البرنس الآن لاعب في كشوفات المريخ (فريق الكباتن) وسنقف بقوة مع البرنس ورفاقه من اجل التتويج بكاس خارجي في الموسم القادم باذن الله ,,,,

تحياتي عارف
انا قصدت بتبديل المواقف مواقفكم انتم وليس البرنس وهو لاعب كبير وسيظل كذلك راجع كل مداخلاتي تجدها كلها تقف مع البرنس وتحدثت ان البرنس تصرف التصرف الصحيح بعد شطبه رقم أننا هلالاب ولكن لانقف مع مصالح البرنس الشخصية بعد أن تركه الهلال بالعكس الآن جمهور الهلال سيستمتع بنجوم الهلال مع الهلال وبنجوم الهلال مع المريخ ضلنا وكل يوم تتأكد مقولة الصحافة اليوغندية والهلال هو الداعم الأول لفريق المريخ ومده باللاعبين معظم لعيبة الموسم السابق من الهلال والآن هذا الموسم الهلال فريق يعرف كيف يغير جلده ويدعم المريخ في نفس الوقت ونقول لكل المريخاب سيظل الدوري حكرا للهلال حتي وإن سجل المريخاب كل تيم الهلال ولن تستطيعوا فعل شيء إلا إذا بدل المريخ الفانله الحمراء بالزرقاء لن يمسح تسجيل البرنس في المريخ 17 سنة في الهلال لأن التاريخ والارقام لاتتجمل إنجازات البرنس واضحة ولن ينكرها إلا مكابر سيستفيد المريخ كثيرا من البرنس ولكن ليس بالمستوي الذي يجعله يقهر الهلال فتسجيلات الهلال قوية جدا وفي الخانات المطلوبة ومن لعيبة كلهم شباب فاعمار لعيبة الهلال الآن بعيده جدا عن أعمار لعيبة المريخ والميدان ياحميدان .

تحياتي يا حبيب وان شاء الله الصدمة تكون خفت شوية

اولاً مواقفنا ما اتبدلت ونحن همنا المريخ اولاً واخيراً حتى اذا افترضنا انو ما كنا بنقبل هيثم مصطفى الآن الوضع اتغير وهيثم مصطفى جا بكرعيه وبدون اي مزايدات وبدون الدخول في التفاصيل المالية وقال عاوز يلعب في المريخ وبرضو علاء الدين نفس الشي فهل في زول عاوز مصلحة المريخ برفض الحاجة دي ؟ والآن جمهور المريخ كلو مبسوط جداً وفي غاية السعادة باختيار هيثم للمريخ وحتى اذا كان في جفوة في وقت سابق فخلاص موضوع انتهى والآن هيثم يستعد بقوة لتقديم خدماته للمريخ اما تغيير الجلد فنحن في زمن الاحتراف يا سعادتك والنظرة لمصلحة الفريق وما يهمنا اللاعب كان بلعب وين بقدر ما يهمنا البقدمو اللاعب للمريخ وهلالك يا باشا سجل كمية من لعيبة المريخ السابقين منهم طارق جاديكا وادوارد جلدو وباكمبا وعلاء الدين يوسف نفسو وفي ناس بتكلمو عن شطب هيثم لسوء السلوك وافيدك بانو باكمبا اتشطب من المريخ لسوء السلوك وسجلو الهلال ,,,, عموماً هيثم مصطفى لاعب المريخ ونحن بنتوقع انو يقدم افضل ما عندو للمريخ ودة واقع حقو تتقبلوهو وحقو بصدر رحب اخي البرنس تتنازل لينا عن الاسم دة طوعاً واختياراً ونحن ح نساعدك في اختيار الاسم الجديد اها قلت شنو ؟؟؟؟

المشاركة الأصلية كتبت بواسطة عارف

عموماً هيثم مصطفى لاعب المريخ ونحن بنتوقع انو يقدم افضل ما عندو للمريخ ودة واقع حقو تتقبلوهو وحقو بصدر رحب اخي البرنس تتنازل لينا عن الاسم دة طوعاً واختياراً ونحن ح نساعدك في اختيار الاسم الجديد اها قلت شنو ؟؟؟؟

عارف
تحياتي
أولا البرنس لعب 17 عاما بالهلال
وهو عمر ليس بالسهل ولن يمسحة عام أو عامين بالمريخ
ثانيا البرنس كان يحبه جمهور الهلال فقط الآن يحبه كل السودان
ودي فعلا بتوري إنو فريد من نوعه
بعد تشجيع جمهور المريخ للبرنس والذي ظللت أشجعه 17 عام كدا يادوب بكون مستمتع بي الإسم
لأن الإسم الآن يحبه الجميع عشان كدا لمن تقولوا البرنس زمان كنتوا بتقولوها وإنتو زعلانيين الىن بتقولوها وإنتو مبسوطين
شفت الفرق وين ياعارف عشان هو البرنس

ابو إسراء لك التحية ولعائلتك الكبيرة والصغيرة ..
انا من المعارضين لتسجيل هيثم بالمريخ (أما علاء فنعم) لأنني اؤمن بأن اللاعب لا يجب عليه الخوض في الامور الادارية مهما كان وان يكتفي
باللعب فقط وإن كان كابتن للفريق وما كان لهيثم أن يتدخل لو وجد إداريين أفزاز يعرفون واجباتهم - وهيثم ليس لديه الكثير ليقدمه للمريخ فهو
في نهاية نهايته الكرويه - ونسال الله ان يبعد عنا مشاكله وقصصه التي لا تنتهي.

ذكرت بأن علاقتك به إنتهت فهل ستغير اسمك (اللقب) من البرنس الي شي آخر .......... تقبل مروري ...

المشاركة الأصلية كتبت بواسطة البرنس

عارف
تحياتي
أولا البرنس لعب 17 عاما بالهلال
وهو عمر ليس بالسهل ولن يمسحة عام أو عامين بالمريخ
ثانيا البرنس كان يحبه جمهور الهلال فقط الآن يحبه كل السودان
ودي فعلا بتوري إنو فريد من نوعه
بعد تشجيع جمهور المريخ للبرنس والذي ظللت أشجعه 17 عام كدا يادوب بكون مستمتع بي الإسم
لأن الإسم الآن يحبه الجميع عشان كدا لمن تقولوا البرنس زمان كنتوا بتقولوها وإنتو زعلانيين الىن بتقولوها وإنتو مبسوطين
شفت الفرق وين ياعارف عشان هو البرنس

كلام زي الورد
وبالله عاوزين اجابة صريحة وواضحة بما انك بتحب البرنس وبتشجع البرنس بالله شعورك بكون كيف والنجمة في صدرو وباصاتو بالمسطرة لنجوم الاحمر الوهاج ؟ وهل ح تشجع البرنس وهو لابس شعار المريخ ولا لا ؟ وكمان جاوب لينا على سؤال حبيبنا امجد وتقبل تحياتي

المشاركة الأصلية كتبت بواسطة امجدالشيخ

ابو إسراء لك التحية ولعائلتك الكبيرة والصغيرة ..
انا من المعارضين لتسجيل هيثم بالمريخ (أما علاء فنعم) لأنني اؤمن بأن اللاعب لا يجب عليه الخوض في الامور الادارية مهما كان وان يكتفي
باللعب فقط وإن كان كابتن للفريق وما كان لهيثم أن يتدخل لو وجد إداريين أفزاز يعرفون واجباتهم - وهيثم ليس لديه الكثير ليقدمه للمريخ فهو
في نهاية نهايته الكرويه - ونسال الله ان يبعد عنا مشاكله وقصصه التي لا تنتهي.

ذكرت بأن علاقتك به إنتهت فهل ستغير اسمك (اللقب) من البرنس الي شي آخر .......... تقبل مروري ...

أمجد تحياتي ياغالي
والتحية لك ولجميع الاهل
دايرك توريني وين انا قلت علاقتي انتهت بالبرنس
كل ماقلت انقطع تشجيعي له مادام يلبس الفانله الحمراء ولكن يوجد هناك المنتخب
وتظل كل كرة جميلة تخرج من رجله ستطربنا ولن يستمر البرنس كثيرا مع المريخ موسم او موسمين
الشيء الثاني البرنس تاريخ قبل أن يذهب إلي المريخ
والبرنس إسم له معني رافقني في كل رحلاتي الإسفرية وفي جميع المنتديات وفي كل مايرتبط بعالم النت
فالإسم باقي مابقي البرنس أو رحل إن تنكر له التاريخ أوذهب إلي المريخ وكان الناس قلبت تونة وخلت الفسيخ فيبقي الإسم واضح وصريح

عليك الله يا البرنس بتشجع البرنس دة حتى لو متعنا وهو لابس الاحمر ؟