اسهال في هيثرو

طائرة بريطانية أقلعت من مطار هيثرو متجه لدبي تطلب الإذن لتعود أدراجها بعد 30 دقيقة من تحليقها وذلك بسبب الرائحة الكريهة التي تسبب فيها لحد المسافرين ، جراء تعرضه لنوبة اسهال ما دعى لهبوطها بسبب انتشار الرائحة وحرصاً على سلامة المسافرين .
طبعا من يجيبوا سيرة هيثرو بنطلق فيني اسهال .
لكن الجماعة الاكلوا خط هيثروا ما سمعنا جاءهم اسهال اصلا ، برغم روائح فسادهم التي عمت القرى والحضر .
الناس عندنا تاكل كبري بحالة وظلط ، والحبه ما بتجيهم ، قال اسهال قال .

لكن بيني وبينكم يكون الزول ده اكل شنو ؟؟ ام فتفت اكيد
ياخي كان تلبس ليس بمبرز ، بدل الفضائح دي ، البلد والبلدين عرفوا بي اسهالك ده
طبعا في ناس ظريفين يقول ليك انا مسافر ما باكل اصلا ، ما زي صاحبنا ده يستفها لاخر نفس .
اذكر قبل سبع سنوات جئت الى الحصاحيصا باكرا ، وانا جالس في دكان الخال بله ، اذ بامراة يظهر عليها الاعياء تستفرغ عدة مرات ، تكاد مصارينها يخرجن مع هذا الاستفراغ .
خرج الخال بله ووجد مدخل المدخل قد امتلا بالاستفراغ ، وبعد ان طلب منها ان تستريح وجاء لها بكوب ماء ،وبعد ان ذهبت تلك الاخت وقمنا بنظافة المكان قال لي الخال ، الساعة كم الان قلت له الثامنة صباحا فقال لي متين اصبحت عشان المراة دي تاكل قدر الاكل ده ؟؟
الكمية دي دايره ليها طاحونة .
طماطم وروب وكسرة وشطة ودكوة وحاجات وحاجات لم نتعرف عليها ..... ما خلت حاجة وراها ..اظنها كانت قشاش عديل .
شترة خارج النص
واحد سالوه
اول امس انتصر المريخ بهدفين
وامس انتصر الهلال برباعية
علل
فاجاب قائلا للذكر مثل حظ الانثيين .

المشاركة الأصلية كتبت بواسطة لؤي الصادق

طائرة بريطانية أقلعت من مطار هيثرو متجه لدبي تطلب الإذن لتعود أدراجها بعد 30 دقيقة من تحليقها وذلك بسبب الرائحة الكريهة التي تسبب فيها لحد المسافرين ، جراء تعرضه لنوبة اسهال ما دعى لهبوطها بسبب انتشار الرائحة وحرصاً على سلامة المسافرين .
طبعا من يجيبوا سيرة هيثرو بنطلق فيني اسهال .
لكن الجماعة الاكلوا خط هيثروا ما سمعنا جاءهم اسهال اصلا ، برغم روائح فسادهم التي عمت القرى والحضر .
الناس عندنا تاكل كبري بحالة وظلط ، والحبه ما بتجيهم ، قال اسهال قال .

لكن بيني وبينكم يكون الزول ده اكل شنو ؟؟ ام فتفت اكيد
ياخي كان تلبس ليس بمبرز ، بدل الفضائح دي ، البلد والبلدين عرفوا بي اسهالك ده
طبعا في ناس ظريفين يقول ليك انا مسافر ما باكل اصلا ، ما زي صاحبنا ده يستفها لاخر نفس .
اذكر قبل سبع سنوات جئت الى الحصاحيصا باكرا ، وانا جالس في دكان الخال بله ، اذ بامراة يظهر عليها الاعياء تستفرغ عدة مرات ، تكاد مصارينها يخرجن مع هذا الاستفراغ .
خرج الخال بله ووجد مدخل المدخل قد امتلا بالاستفراغ ، وبعد ان طلب منها ان تستريح وجاء لها بكوب ماء ،وبعد ان ذهبت تلك الاخت وقمنا بنظافة المكان قال لي الخال ، الساعة كم الان قلت له الثامنة صباحا فقال لي متين اصبحت عشان المراة دي تاكل قدر الاكل ده ؟؟
الكمية دي دايره ليها طاحونة .
طماطم وروب وكسرة وشطة ودكوة وحاجات وحاجات لم نتعرف عليها ..... ما خلت حاجة وراها ..اظنها كانت قشاش عديل .
شترة خارج النص
واحد سالوه
اول امس انتصر المريخ بهدفين
وانس انتصر الهلال برباعية
علل
فاجاب قائلا للذكر مثل حظ الانثيين .

هههههههههههههههههههههه
لكن انثتكم ما عجيبة يا اخوى لؤى
حظها سمح شديد

تخريمة:
غايتو ناس الخطوط البريطانية ديل كان باروا الحاجات دى بتعبو تعب شديد خاصة مع اكلى اللحم النية الزينا ديل