فنان الشباب محود عبد العزيز

بحســـــــــــــــــــــــك فرحة في جواي

ست اللهيج السكري



ست اللهيج السكري
إنتي الجمال بتسكري
وجوه القلوب بتعسكري
صاحب الصبابة توكري
وليك بي رحالو تكركري
طاش نومي ياناس بنكري
ونام الحسود بالدكري
ببراءة تصطادي البريء
وترديه وإن سألوك بري
هيابة تهري الجوف هري
وفي قلوبنا إسمك تمهري
أمشي الهوينا اتمهلي
وهزي القوام السمهري
خلي العزول اتجاهلي
وهاك قلبي ليك تستاهلي
يا الرايقة حامد وتشكري
وفي الجبرة ما بتتشكري
كدا مرة أرسي وفكري
وإخلاصنا ليك ما تنكري
يالفقتي كل تصوري
وكيف حالي ما بتتصوري
المتلي لو كان بنطري
ما بس سطر بتسطري

تسلم يدك وزوقك يا راقي

والله انا من اكتر الفنانين البحبهم محمود عبد العزيز لانو مختلف وبشكركم علي الاغاني الحلوة دي

قول النصيحه كلمني ملك

بالهجر ما تلمني قول يا حبي
قول لي مين جاب ليك عتاب
بدور يفرق بين قراب
والقال هواي احلام سراب
نهايتو شقي ونهايتوا عزاب
**********************
مرسالي جاك بدون هيام
قال ليك حرام تنسي الغرام
لو بي القليل رسل سلام
في الريد خصامك ولا حرام
**********************
البينا الفه وغرام وريد
والبينا عشره وحنان بزيد
عشناهوا بهجه وعشناهو عيد
بس كيف تسيبوا تمشي بعيد
**********************
الحب حنان ما تقول عزاب
والريد امان لي ناس قراب
قول النصيحه وبلاش عتاب
ياليه ريدك للجنه باب

مشكورين عارف مصطفي وبكري
محمود فنان ممتاز فعلاً وله صوت مميز

معاكي
لا معدود حبيبك ولا عاشق سواكي

أجيكي بكل طيبة وأنا العايزك حبيبة
تجيني بكل ريبة ولاقي عيون غريبة
أجيكي بكل حناني واقول جنبك أماني
تجيني بشكل تاني تضيع مني الأماني
وافتش لي رضاكي

معاكي غلبت حيلة مسافتك مستحيلة
ولا الريدة النبيلة ولا العشرة الجميلة
ولا التحنان هداكي
بخاف من بكرة بعدك يالأخلفت وعدك
انا البشقيني بعدك يكون في بعدي سعدك
واعيش محروم هواكي

أكون يالله واهم وفاكر الخوة ريدة
وإنتي نهاكي فاهم ايه معني القصيدة
وأنا الحزنان وباكي

وهيب احمد

ياعمر خليني انسي والبينسي الريده سيبو
خلي عايش في خيالو بكره ما الايام تجيبو
لا العذر يشفع اليه ولا الندم في يوم بفيدو



ياعمر الفات ودع ماضي ابداً ما بعيده
الزمان ادي الفرح للقليب المابريدو
الزمان الداير يصيدنا الزمان باكر بصيدو
لما قسم للشقاوه اداها للناس البريدو



ياما نشقي عشان عيونو لا الفرح كان يوم بايدو
ياعيون حزنانه صبرك مافي زول فايت نصيبو
ياعمر خليها سيره دا الزمان حدد مصيرو

وهيب احمد

بعد الفراق ما عدت تاني تهمنا
أيه الحصل تكتب جواب مضمونو انت تزمنا
ما قلت في ساعة الوداع مافي أمل حيلمنا
اخترت انت طريق طويل سكتنا ما زي سكتك
نفس المظاهر والغرور في نص الطريق بنزلك
أيه الحصل تكتب جواب عايزنا نحن نقدرك
ما قلت في ساعة الوداع انت النجوم وايدينا ما بتحصلك
نحنا ما درنا الفراق البيهو جيت فاجأتنا
عايشين على ريدك سنين في لحظة جيت بس خنتنا
أيه الحصل تكتب جواب طالب نواصل ودنا
ماقلت في ساعة الوداع مافي أمل بيلمنا


وهيب احمد

شكرا تكفي
والحووووووووووووووت يغنيك عن البحر كلو

علي قدر الشوق ما يمد مديت
علي قدر غناوي الريد غنيت
مشيت عديت فوق للازمان
قابلني حنان فنان مرهف بقول دوبيت
يا احلي عيون يا احلي صباح زي الافراح
قابلني حنان فنان مرهف بقول دوبيت

النهايات التفتش في عيونك للبداية
البنيات البغنن في حضن حاضن الشكاية
والدريبات ماشة جاية ماشة منك ومرة جاية
بس غناء الوتر البيلهم حس نغيمات الغلابة
هو البياخد فينا منك نغمة من طبلة وربابة
اصنعوا اللحن البيدوي يجمعوا الارض والسحابة
نخلة تاخد من ملامحك فرحة النيل في التعابة
طفلة تلعب بين دموعها وكايسة لي حرف الكتاااااابة

لم تشتاق للمشاعر تملأ دنياك بي عبيرها
لم تشتاق للعواطف تنسجم تلبس حريرها
ابقي أسأل عن قلوبنا بتلقي فيها كنوز محبة
وتلقي فيها بحور حنان
وتلقي فيها الشوق يغني
تلقي فيها الريدة فاردة جناحها وتشتاق للربيع
يا ربــــــــيع يا ربــــــــــــيع
لم تقسو عليك ليالي الوحدة والليل يبقي ليك
والنجوم تلمع بعيد تسخر من السهران وحيد
ابقي اسأل عن قلوبنا بتلقي فيها كنوز محبة
وتلقي فيها بحور حنان
وتلقي فيها الشوق يغني
تلقي فيها الريدة فاردة جناحها تشتاق للربيع
يا ربـــــــــــيع يا ربــــــــــــيع
انت ما برضك حبيبنا والحنان الفي قلوبنا اصلوا نابع من عيونا
والمحبة الفيها لو ما إنت ما كانت محبة
وكل اشواقنا ومشاعرنا واحاسيسنا النبيلة
انت ما اهديتها لينا كيف تضيع احلي ما اهديت يا غالي

في ربيع الحب كنا نتساقي ونغني
نتناجي ونناجي الطير من غصن لغصن
ثم ضاع الامس مني وإنطوت في القلب حسرة
اننا طيفان في حلم سماوي سرينا واعتصرنا نشوة الحب ولكن ما ارتوينا
انه الحب فلا تسأل ولا تعتب علينا وكانت الجنة مسوانا فضاعت من يدينا
ثم ضاع الامس مني وإنطوت في القلب حسرة

نار البعد والغربة شوق لي اهلي والصحبة
شوق لكل جميل في الحي شوق للشينة لو صعبة
بين اليقظة والاحلام بين اجفان تقول للنام
اريت النوم يزورني اليوم انوم لو ليلة في كل عام
بين اجفان تقول للنام ...
آهه بتطلع بدمع العين وزفرة بتشعل انفاسي
وآآآهه بتداوي فينا حنين وين الزفرة بتجيب نااااااااسي
بين اليقظة والاحلام
آه لو عبرة تزيل قٌصة وآه لو زكري بتهدي حنان
لو إنسان صبح قِصة انا القِصة يا ام درمان
بين اليقظة والاحلام

راجع بعد كمل الحنان وطال السفر والشوق فتر
يا ريت رجوعك كان زمااااااااااااااااااان
ما كان زمان راهنت بي الحب النبيل لا برضي زلة ولا هوان
ووقفت قدام الخلق قطعت جد كان امتحان
لكن خلاص غلطان انا قلبي إنكسر خسر الرهان
يا ريت رجوعك كان زماااااااااااااااااااان
ما كان زمان انا قلت فيك اجمل غناي حضرت ليك اروع جمل
قايلك بتحن تاني وتعود وتصحي في نفسي الامل
لكن خلاص بعد الضياع الدمعة جفت في المقل
يا ريت رجوعك كان زمااااااااااااااااااااان
ما كان زمان الدنيا كانت بين ايديك والفرحة بانت في عينيك
لو قلت لي عاوز النجوم كل النجوم ح اجيبها ليك
لكن خلاص حصل الفراق اعلن نهاية ريدي ليك
يا ريت رجوعك كان زماااااااااااااااااااااااان


ــــــــــــــــــــــــــــــــــــــــــــــــــ ــ

آآآه الاهيف ابي ما يلين من بعدو صار قلبي ضريم يا ناس بي نار الفرقة
لي متين يا كريم الحظ يخدمني حبيبي يليم
وآراه الناعس والخاطروا كريم
يألفني ويترك لي طباع الريم
آآآآآآآآآآه الاهيف
هو جسمو سليم وانا جسمي معني وقلبي كليم
نور محيو البدري والليل هضليم
ليه راحة الدنيا ولي التأليم
آآآآآآآآآآآآه الاهيف
لو مره نسيم يتمايل غصنك منو مقيسيم
وقبال الحاظك ما رأيت يا وسيم
الاعين تفعل فعل المكسيم
آآآآآآآآآآآآه الاهيف

http://www.youtube.com/watch?NR=1&v=17mC1bwPLss

الخطوة من دونك الخطوة منك كيف
مهما الظروف تقسي ارسي ومعاك انسي
حلوة وسمح لونك احساسي معاك ما بقيف
الخطوة من دونك الخطوة منك كـــــــــــــــــيف
اقرب ضفاف لوحة اقدف واحسك في
اكتب حرف من نار الموج يهيج يطفي
والشوق صياح يصلك صوتك صداك مكفي
البي اوصوفوا كيف
الخطوة من دونك الخطوة منك كيف
حلم الفريق يصفو صدق الحبيب لطفوا
درب العميق اليم كاااااائس جزور صدفوا
مهما الزمن قدفوا من الرياح خطفوا
لابد يلاقي القيف

امي يا امي يا ست الكل ..
امي يا طير الجنة ونرجس وفل ..
يا الشقيانة فينا تربي ليك يا امي حناني وحبي ..
يا النورتي مشاعرك دربي ليك يا امي يخليك ربي ...
يـــــــــــــــــــــــــــــــــــــا امــــــــــــــــــــــي
سهرتي معاي الليل صباحي ديما عليك تتمني نجاحي
إنتي المرسي وتحسي جراحي فرحك امي بذيد افراحي
تحت قدميك يا امي الجنة يا المليانة حنان ومحنه
يا البتشيلي قوافي حلمنا ويا البي قلبك قلبنا حنه

روحك المرحة وصفاء قلبك وعطاؤك القيّم هو عنوان إبداعك واصل فنحن متابعين لك