التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
سلام ومحبة (الكاتـب : - مشاركات : 0 - المشاهدات : 1139 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 2337 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 2109 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 1122 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 1660 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 2371 - الوقت: 04:33 AM - التاريخ: 08-15-2021)           »          سلاااام (الكاتـب : - آخر مشاركة : - مشاركات : 1 - المشاهدات : 11797 - الوقت: 05:46 PM - التاريخ: 05-24-2021)           »          حتى لا يرتد الوهج سميكا (الكاتـب : - مشاركات : 0 - المشاهدات : 2315 - الوقت: 07:59 PM - التاريخ: 02-01-2021)           »          دا نا شَادِّي رحالي (الكاتـب : - مشاركات : 0 - المشاهدات : 3672 - الوقت: 06:15 PM - التاريخ: 01-03-2021)           »          تطوير الصمت (الكاتـب : - مشاركات : 0 - المشاهدات : 6073 - الوقت: 02:56 PM - التاريخ: 10-25-2020)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-قسم المكتبات والتوثيق -۩۞۩»

«۩۞۩-قسم المكتبات والتوثيق -۩۞۩» قسم للمكتبات يستضيف الكتاب والمبدعين من أبناء الحصاحيصا بصفة خاصة وكبار الكتاب والمبدعين السودانيين بصفة عامة

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 06-09-2010, 04:09 PM


ايهاب عبد القادر غير متواجد حالياً
لوني المفضل Brown
 رقم العضوية : 6326
 تاريخ التسجيل : Jun 2010
 فترة الأقامة : 4626 يوم
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم : 55
 معدل التقييم : ايهاب عبد القادر will become famous soon enough
بيانات اضافيه [ + ]
Thumbs up



نهلة ( زوجة فوق العادة )


سمعت نهلة رنت رسالة علي جوال زوجها معاذ الموضوع علي المنضدة الذي كان قد نساه قبل ذهابه الي العمل بعد ان رن عدة مرات و لم ترد عليه فاطلعت عليها فانزعجت جدا عندما قرأتها ( تعال سريع انا منتظراك في الصائغ ) فوجدت مصدر الرسالة ( وهبة المحاسب ) وراجعت رقمه علي جوال زوجها فوجدت عدد محادثته تحصي بالعشرات حفظت الرقم و اتصلت عليه من رقم اخر فرد عليها صوت حريمي فاخذت تحدث صاحبته و تعتذر لها بلطف علي اتصالها الخاطي فعرفتها بنفسها كذبا فعرفت انها وهيبة المحاسبة زميلة معاذ و عندها حضر معاذ منزعجا لاخذ جواله اعطته له و اوهمته بانها اغلقته لانه سبب لها الازعاج و انها تجاهلت المحادثات و الرسالة فارتاح معاذ جدا لهذا الامر و شكرها و خرج مسرعا .
وعند خروجه اتصلت بصديقتها العزيزة امال و طلبت حضورها فورا و روت لها قصة وهيبة المحاسبة و رسالتها فاجرت امال اتصالا بصديقة لها زميلة لمعاذ بالعمل لتتفاجأ بحقيقة الامر و قصة الخطوبة بين معاذ ووهيبة و اتفاقهم علي الزواج سرا لمفاجات نهلة زوجته الاولي .
عرفت امال من صديقتها ان معاذ اشتري لعروسته الجديدة لوازم العرس و الذهب تمهيدا لموعد العرس .
اتفقت نهلة التي كانت علاقتها بزوجها معاذ عادية جدا فهي تخفي عنه معرفتها بالامر اتفقت مع امال بزيارة لوهيبة التي تقضي فترة اجازتها تمهيدا للزواج و قد كان ان ذهبت الصديقتان الي منزلها و نهلة تظهر سعادة غير عادية و بعد الضيافة و الاستقبال الطيب من وهيبة و اسرتها عرفت نهلة نفسها ( انا مريم اخت معاذ و دي امال صحبتي و جيت اتعرف بيك لاني فرحان اصلو نهلة دي واحدة شرانية و تستاهل اطلقوها ) فقاطتعها امال ( كيتن علي نهلة لازم عرسك يا وهيبة اكون سمح و دا راي مريم دي و و و ) و تحت اصرار نهلة و صديقتها بضرورة اعلان الزواج و رفع تكاليفه نكاية بالزوجة الاولي الشريرة نهلة و التي يجب طلاقها فورا الامر الذي قابلته وهيبة و اسرتها بفرح و سرور فاقترحت و هيبة امرا ( والله يا مريم انا شايفة احسن تشيلوا الحاجات دي و تجيبوها لينا بسيرة و نكرمكم و نتعرف عليكم ) فوافقت نهلة و صديقتها فخرجت بصحبة شقيق وهيبة تحمل كل لوازم العرس .
و عند حضور معاذ استقبلته نهلة مبتسمه كعادتها و اخذت تحدثه ( سمعت بقصة الحرقت راجلها ) فرد معاذ و هو لايعلم شي ( لا ) نهلة ( ح احكي ليك هسه بعد ما اوريك حاجاتي الجداد و ح احكي ليك قصة القطعت زوجها و قصة الفرمت زوجها )
دخلت نهلة الي غرفتها و ارتدت اجمل ثوب من لوازم عرس و هيبة وخرجت الي معاذ و هي تمشي كعارضة ازياء و هي تقول ( اي راجل لازم اخلي باله في بيته و اولاده و اخلي طيارة العين رايك شنو في توبي الجديد ؟ ) لم ينتبه معاذ ان هناك شي غريب فرد ( رهيب ح ادفع تمنه طوالي ) فردت ( طيب انتظر دقيقة ) فرجعت هذه المرة و هي تتردي ثوبا كاملا مع ذهب و هيبة و هي تقول ( تعرف ياحبيبي مافي عرس ليك تاني الا الحور العين ) فتعرف علي لوازم عرسه من و هيبة و عرف ان بالامر شي غريب فارتبك وتعرق و اخذ يقول ( بس اديني فرصة اشرح ليك ) فقاطعته ( بدون ماتشرح دي اول واخر مره يا اهبل يا عبيط اي واحدة بايرة ضاربة وشها بدره تديك كلمتين معسولات تخلي اولادك و تباريها و عايز تعرسها كمان هو العرس لعب ولا لعب )

انتهت
نلتقي لو بعمرنا بقية باذن الله















طاحونة فضل ( المرتب و الحلم )


فضل موظف محترم و شامة زوجته شابه قليلة التعليم و التدبير غيورة تتفاخر بزوجها الموظف المحترم ( بوبارة ) تستخدم سلاح التبذير حتي لاتترك له مال ( خوفا من ان يتزوج باخرى ) يخاف فضل زوجته كثيرا و يشكو لاصدقائه عن جهلها و

اسرافها و مرتبه الذي ينتهي في اسبوع فيطلق عليها ( الطاحونة ) و هذا اللقب يذكره في غيابها فقط

سهير شابة عينت على وظيفة ( الصراف ) فى الشركة التى يعمل بها فضل يتذاحم علي شباكها الموظفون و الموظفات وقت استلام المرتب وفي ذلك اليوم تكون سهير في غاية الحذر و التوتر و الارتباك فتردد ( يا اخونا القلم الاحمر للصراف بس ) ( ياخي اكتب اسمك اول )

( ياجماعة اصبروا ) و الموظفون يتصاحيون ( ياسهير الخصومات دي بتاعة شنو!! ) ( ياسهير هاك انا مضيت من قبيل ) ( ياسهير شوفي لي اسمي )

وفي منتصف الشهر و فضل في قمة الافلاس فوجي بقائمة طلبات جديدة كتبتها شامة ( طاحونة المرتب ) و توجد لديها قائمة اخري بالانتظار لـــــــ( حاجات ضرورية محتاجة ليها شديد ) امسك فضل القائمة الاولي و طاطا راسه و ابدي السمع و

الطاعة و وعد بسرعة التوفير و اتكأ علي فراشه و وضع القائمة اسفل الوسادة وراح في غفوة جميلة و اخذ يحلم بيوم المرتب و وهو يقف علي شباك الصراف و ينادي علي الصرافة سهير ( ياسهير جيبي المرتب ) ( ياسهير ادينى

سريع )

( ياسهير انا اتاخرت ) فاستيقظ منزعجا

وهو لا يزال ينادي ( يا سهير ...... يا سهير ..... يا سهير ........) علي اهتزاز السرير بعنف ليجد شامة تضرب سريره و تمسك بعصا الطبيخ الضخمة ( الكنش ) تضغط على اسنانها و تسأله بغضب ووجها محمر ( اها كلو عرفناهو سهير

دي منو ؟؟ )

( ما تنطط لى عيوناتك ديل سهير دى منو ؟؟ ) ( احى انا منك ورينى سهير دى منو ؟؟ )

( انتهت )

( نلتقي لو بعمرنا بقية ان شاء الله )










دفتر يــا سمــــيـــن



تمسك نجوى بتلابيب زوجها وتجره بعنف وتحاول ان تصل الي سكين المطبخ وهو منهار تماما وتصيح في هستيريا
والدموع تملاءعينيها(ياكلب اناساكته ليك ساكت ياتافه اي حاجة عارفاها لكن ده الما كنته عامل حسابه ياهادي نهايتك مع
ياسمين ضيعتني واولادك وفضيحتنى لجني جناي )في الشارع الاخرناهد مع ساره داخل غرفة مغلقة ناهد تبكي بحرقة
واسي وتهمس لسارة(كنت عارفه قبل خطوبتي بس قلت اسحبه من ياسمين الكلبة دي بهدوء لكن ياسارة الاحداث جرت
سريعةوانا ما صدقته خالدخطبني بعدالعمر ده) تنتبه سارة فجاة و تقول( ناهد اوعي اكون) قبل ان تتم تقاطعها
ناهد(ماكان وانتهي مخطوبين من سنين ونتلاقي بالساعات تفتكري شنو) تحتضنها و تنتحبان وعلي قريب وفي ضل العصر
يجلس عم الفكي عجوز علي اعتاب المائة سنة يخاطب نفسه سرا(ياحليلك ياياسمين وحليل زمنك لما تجي بقدامي هنا كل يوم
زي الوقت ده وتذكريني بنياتى ) فجاءة يفوق
من حلمه ويحرك السبحة في يده اما في ميدان الكرة الكرة في وسط الملعب يتقاذفها الهواء و الشباب اللاعبين فكل منهم يجلس بعيدا او يقف بعيدا سارحا
وشارد الذهن الا مجتبي حضرمن صلاة العصر و يبتسم في شماته لمح من بعيد انوروجري نحوه قال له
(اناما حذرتك) في شارع اخرحاجة عشة تنادي عبلة بنتها سرا وتدخلان الغرفة و تغلقلان الباب حاجة
عشة(انت بنتي وسري اطمنك ابوكي ما بتجيه حاجة من ياسمين ولا غيرها وانا فاكه ليه الحبل و عارفة اى حاجة
ابوكى يا بتى راجل ضحك ونسة ساي) وتضحك في شماته
يدخل دكتورعبدالله منزله وتخلتي به زوجته وتسأله عما يدور وتخبره بحال
الحلة والحديث الدائر منذ الصباح سرا وجهرا والرسائل والمسكولات والمكالمات في هدوء يهمس لها قليلا وقبل ان يخرج
لصلاة المغرب ياخذ شي في يده و يقول لها(انا ح اتصرف) ويخرج بعد الصلاة يقف ويتحدث الي المصلين يلاحظ لاول مرة
اكتظاظ المسجد بهذا العدد الكبير علي غيرالعادة فيقول بعد ان يبدأ خطبته
كالعادة(يا جماعة امس بالليل جاتني في المستشفي ياسمين وانتو بتعرفوها كويس في حالة صعبة جدا وهي الان موجودة
هناك وصارحتني بانها مصابة بالايدز من عشرة سنة وسلمتني اوراقها الطبية ودفتر فيه اي شخص عملت معاه علاقة
مكتوب اسمه وعنوانه وتلفونه وتاريخ ومكان لقاءاتها معاه والدفترعباره عن عشرة كراسات كبيرة والبنت دي
سكنت الحلة من عشرة سنة وعدد رجال الحلة وشبابها اقل من العدد المذكور فى الدفتر دا بكتير من ده ارجو من
من يهمه الامروعارف انو اسمه مكتوب عليه التوجه لمركز الفحص فورا) ....!!!



صفحات دفتر ياسمين

بعدان ذبحت العجوزنجوي زوجهاالشاب كامل امام ابنهماالوحيد
نري سيرة كامل علي دفترياسمين كتبت ياسمين(حاولت مع كامل كثيرا وصدني اما عن شايعة علاقتي به فنشرتها فتحية صديقة نجوي وشلتها نكاية لنجوي العجوز التي خطفت منها كامل بالمكر و الدجل و الشعوذة)
و عن لاعب الكرة المراهق انور كتبت (الصغير ابواه مشغولان عنه وهو يقضي وقته مع شلة تكبره لاحقني ليظهر رجولته لشلته فوجدت عنده المال فقلت له مرحب)
و عن خالد خطيب ناهد كتبت(خالد سفيه وشبه عاطل اراد ان يعلب بناهد تحت اسم الخطوبه وفيما بعد يرمي لها الدبلة و ناهد اصلا قطار الزواج تجاوز محطتها وا رادت ان تحرك مجدي ابن خالتها الذى رفضته لفقره ومن ثم تتخلص من خالد وخالد الخبيث تحصل علي ما اراد منها ومجدي لم ولن يحضر لاني اخبرته بان ناهد اعطت خالد نفسها باسم الخطوبة)
وعن زوج حاجة عشة العجوز كتبت (اكره هذا العجوز المتصابي الذي يتناول المنشطات و يخدع زوجته الامية بانها حبوب الرطوبة و الضغط كان يعطيني المال والذهب وكل ما اريد و المسكين لايدري بانه مصاب عندما تبرع بدمه الملوث في غرفه الولاده لبنته الوحيدة )
ولعل اغرب علاقة مع عم الفكي فكانت ياسمين منجذبة للعجوز المخرف و وكان مرات في وعيه يتذكرها ويذكرها بكل حب وخير وياسمين لاتدري سر هذا الا ان ظهرت في خضم هذا الاحداث وبعد موت ياسمين احدي بنات الليل ومعها مايثبت ان ياسمين الابنة الغير شرعية لابن عم الفكي المنحرف المرحوم الذي توفي بمرض مجهول في غربته(الايدز)
انتهت



نلتقى لو بعمرنا بقية باذن الله











سلسل سلوى و زرارها




عادت سلوى الى منزلها بعد ان تم الصلح بينها وبين زوجها


تتحين سلوى الزوجة المدللة الكسولة الفرص لتمثل دور الضعيفة والمظلومة لتغادر المنزل

فى رحلة زعل مكررة المشاهد

عادت سلوى هذه المرة بهمة و روح جديدة بعد ان تاكد لها مقترح اصدقاء عمر له

بالزواج باخرى و ترك المدللة فى عصمته الى ان تعرف و اجباتها



دخلت سلوى المنزل و من فورها بداءت نظافة المنزل و غسله

و انتهت رحلة النظافة اخيرا و بعد جهد بالغرفة الخاصة

وجدت على باب حمام الغرفة زرار نسائي احمر كبير

لامع دققت النظر فى الزرار و

جلست تنظر اليه مندهشة تسال نفسها ( الزرارة دى ياربى حقت منو ؟؟ ) ( الجابها هى شنو ؟؟)

( ناس امى طولو ما جو تكون حقت منو يا الله ؟؟ )

اتصلت بشقيقتها و اخبرتها بقصة الزرار

ردت الشقيقة ( عمر راجل محترم لكن فعلا ممكن اكون عرس زى ما قالو ليهو اصحابو)

( باكون عايز الوقت المناسب عشان اصارحك بعرسه )

( ما تفوتى البيت اقعدى ليهو فى قلبو و اعملى روحك رايحة ما عارفة اى حاجة )

(خليك عادية انا بعد امشى باجيك ونشو ف نتصرف كيف )

عدت بقية النهار و هى تبكى بحرقة

حضر عمر فاستقبلته وهى تتصنع الدور و لكن تفضحها حركاتها و كلماتها و دموعها

فمعروف انها ثرثارة

عدى اليوم و عمر يسالها بين حين و اخر ( فى حاجة ؟؟ ) ( يازولة انت مالك حاسة بحاجة ؟؟)

( بتبكى مالك ؟؟ ) وهى تتهرب من الاجابة

عندما نام عمر دخلت فى نوبة بكاء جديدة صامتة و طويلة

حضرت اليها شقيقتها وامها بعد ان عاد عمر الى العمل

قالت الام ( فتشو معاى يا بنات مرتو الجديدة تكون نست حاجة تانية غير الزرارة )

( بعدين بنلقى فى دولابه حاجة تانية نمسكه بيها ) ( القسيمة بكون خاتيها مع الورق )

وجدت الام على الرف الاعلى لخزانة عمر سلسلة موضوعة على علبة فاخرة

اخذتها و هى تندب حظ ابنتها و انخرطت سلوى و شقيقتها بنوبة بكاء جماعى

اتصلت الام بالوالد الذى حضر و برفقته شقيق سلوى

اخذ الوالد يلوم ابنته و ينابها على تقصيرها فى حق زوجها

اصرت الام على طلاق ابنتها فهى لا ترضى لها بان تكون زوجة ثانية

حضر عمر ووجد التجمع الاسرى و فور دخوله هاجمته الام بغضب و عنف و وضعت امامه

الزرار و السلسلة سكت الرجل و دخل بهدوء الى حمام الغرفة و احضر خرقة قماش

قديم كانت سابقا قميصا احمرا لسلوى ووضع الزرار المقطوع منها بجوارها و اخرج فاتورة مشترى

السلسلة وهى معنونة باسم سلوى قائلا لها ( السلسل دا هدية منى ليك يا سلوى جيبتو امس لمان لقيتك تبكى قلت انتظرك

تهدى شوية )

و استاذن بذات الهدوء و دخل لينام




انتهت


التقيكم لو بعمرنا بقية باذن الله تعالى



مواضيع : ايهاب عبد القادر



آخر تعديل ود الحصاحيصا يوم 05-06-2015 في 09:35 AM.
رد مع اقتباس
قديم 06-09-2010, 04:09 PM   #2




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي اغرب حلم



اغرب حلم


 
مواضيع : ايهاب عبد القادر



رد مع اقتباس
قديم 06-09-2010, 05:32 PM   #3




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي حزن ليس بنبيل



حزن ليس بنبيل


اصرت زوجه على زوجها ترك المخدرات التى كان مدمنا لها

وطال الجدال و الحوار بينهم

تدخل الكبار و الاجاويد

طلب الزوج مهله و اخرى و اخرى و ............... واخيرا اخيرة

وعندها طلب منها راجيا تدخين اخر لفافه و اسماها ( سطلة الوداع ) و لكن اشترط عليها

ان يدخها و هو يبكى وهى تبكى

صار الرجل ينفس دخانه وهو يبكى و يحثها ان تبكى اكثر و بصوت اعلى

ولكن صارت كارثة كبرى

حيث اصيب الرجل بالجنون و لا زالت الزوجه تبكى و تنتحب


وهو هائم على وجهه مجنونا


انتهت


التقيكم لو بعمرنا بقية باذن الله


 
مواضيع : ايهاب عبد القادر



رد مع اقتباس
قديم 06-11-2010, 09:37 AM   #4




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي مكتبة ايهاب عبدالقادر تاج الدين



عروس مقلب



عبدالله شاب لطيف وظريف خلص الجامعةوكاس شغل مالقي خلص الماجستير برضومالقي شغل اشتغل في رقشة الامورظبت معاهو اشتري رقشته براه امه زنت ليه في راسه اشتغل بشهاداتك باع الرقشة وسافر بره البلدلقي شغل تمام في زمن قياسي بقي حاجةتانية من اكابرالقوم رسل لامه اناعايزاعرس واهم حاجةتكون جميلةجدايعني الناس هناعايز المظهرعروسهاتوزع الابتسامات تسلم بطرف اصابعهاتلبس انيق وكده المهم امه واخواته لم صوربنات العايلة مع السيرالذاتية ورسلوهاليه نظرفي الامرومع كل صورةوسيرة زاتيةرسل تعليق سخيف يعني دي خشمهاكبيردي تشبه القرد دي عيونهادقاق دي عيونهاكباردي شكلهاضارباهامجاعةدي مخلوعةدي وشهامظلت المهم الام وبناتهاارسل الصوروهواطول في لسانه ياخي بالغلط علق علي صورامه واخته واحدة قال تشبه داريكولاوالتانيةقال السمينةدي ح تتسبب في مجاعةامه واخواتهازعلن ورفعن يدهن من الموضوع عنده خالته لفيفة وخفيفةرسلت صورةواحدةجميلة تشبه الممثلات رفع السماعةوقال دي اعقدوالي عليهافوراخالته قالت لي البنت دي مافيهاعيب بس عندهاشويةعوارةقال ليهامامهم المهم الشكل والعوارةعاديةوماعيب وانا ذاتى عوير
تمواليهوالعرس ورسلواليهوالعروسةومشي فرحان المطارومعاهواصحابه وهواتبجح عليهو اقول لواحدانت مرتك قرويةوللثاني مرتك برايةوللتالت مرتك دي عايش معاهاكيف
وصلت العروسةوفعلاكانت جمليةومن اول كلمةقالتهااتضح انهافعلاعندهاعوارةلكن ماشوية وبعدالكلمةالتانيةاتضح انهاغبيةوبعدهااتضح انهادلاهةوبعدهااتضح انهامتخلفةوبعدهامنعهامن الكلام ومشواالبيت والعروسةالهبلةفرتقت ليه الموضوع فى راسه بعوارتهاصاحبنااتعقدوقعد ابكي ولازم بيته طلع دفتراحسب فيه مزاياعروسته كتب الاتي عوارةوغباءوهبالةولتاخةوتخلف وعباطةوسجم ورمادوخفةورشاقة وعاش في عذاب المشكلةبعدشهراتضح انه ح استقبل مولوده الاول قال امكن الحال اتصلح صبرجاءالمولودصفاته عوارةوغباءوهبالةولتاخةوتخلف وعباطةوخفةورشاقةوسجم ورماداتضح ان العروس تملك صفةحسنةوهي ولودوليس ودوداصبحت تنجب كل عام مولوديحمل صفاتهاعوارةوغباءوهبالةولتاخةوتخلف وعباطةوخفةورشاقةوسجم ورمادواصبح صاحبنايملك هذه الصفات عوارةوغباءوهبالةولتاخةوتخلف وعباطةوخفةورشاقةوسجم ورمادوسكري وضغط وجنون وخرف مبكروالله اكون في عونه المسكين لوقال عايزذات الدين ماكان اكون ده حاله.
انتهت
نلتقي لو بعمرنا بقية ان شاء الله


 
مواضيع : ايهاب عبد القادر



رد مع اقتباس
قديم 06-21-2010, 06:06 AM   #5




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي مكتبة ايهاب عبدالقادر تاج الدين



لازمة الحاج

الحاج ابوالبنيات موظف قديم رزقه الله خمسةبنيات في كبره فاحسن التربيةوالادب وكبرالرجل وبناته وهومطمئن لان بناته ماليات عينه مؤدبات وفاهمات ومحجبات بدون انتماءاماالبنات فرحانات بالاب الحنين والحبوب ولكن في حاجةماسارهن فيه اصلاكلاموكتيروبعدين عندولازمه في كلامه {اهاوبعدين}اكررهافي كل عشرةكلمات تسعةمرات وده الحاصل اجتمعن البنيات مع امهن قالن ليهاامي ساعديناعشان نعلم الوالدكلمات انيقةبدل{اهاوبعدين}فعلااختارت البنات عدةكلمات انيقة{ممتاز-رايع-مذهل-اتفق معك}
البنات وامهن شاغلات تحفيظ للسيدالوالدوالمسكين مخه تخن شديدشهورحفظ وتسميع وبعدالحفظ جاءت فترةالنتايج بالمراقبه وبعدالمتابعةاكتشف التغيرالي الاحسن اصبحت اللازمةللحاج{ممتاز-رايع-مزهل-اتفق معك-اهاوبعدين }زعلن البنات وقال لامهم الطين ذادبلةولكن اكتشفن البنات انهن وامهن اصحبت عندهم لازمة{اهاوبعدين}
انتهت
نلتقى لو بعمرنا بقية باذن الله


 
مواضيع : ايهاب عبد القادر



رد مع اقتباس
قديم 06-27-2010, 02:58 PM   #6




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي مكتبة ايهاب عبدالقادر تاج الدين



سطله.......!!!!


اربعه اولاد شباب سطلنجيه. اصلو ابو واحد فيهم لاحظ انه ولده ما طبيعى لانه ما عارفه بيسطل
اتصل الراجل باخوانه فى العاصمه قال ليهم :- سوقوا الولد ودوه المصحه وعالجوه وشوفوا ليهو
شغل .
كلم الراجل ولده السطلنجى وقال ليهو :- اعمامك لقوا ليك شغل سافر ليهم ....
الولد كلم اصحابه قال ليهم :- انا مسافر ...
فكر اصحابه اعملو ليه احتفال صغير جهزو الشراب والمزاج .. وفضل الضبيحه ... ومافى قروش
... فكرو فى سرقة عتود حاجه العافيه ..لكن حاجه العافيه مراة صعبه جداً ؛ واحد فيهم قال:-
انا بحلها اصلو عندنا كلب مكرهنى .. كل ما اجى انجررر واهوهو واعضى فينى وايطير المزاج
من راسى ( سوف اغتاله واجيب ليكم راسهو وكوارعه وجلده وانتو جهزو لحم العتود ...).
فعلاً سرقوا العتود وضبحوه وبدأو يجهزوا فى اللحم .. حاجه العافيه جات قاصه درب الحرامى
السرق العتود .. لقت الجماعه يجهزو فى اللحم .. كوركت وجاطت ولمت الجيران ..
ووووب على ووووب على سرقوا عتودى .. بسرعه شديده واحد من الجماعه جاب راس الكلب
وجلده وكوارعه والتانى جاب ليهم صحن لحم هديه .. الوليه دايره تجن .. تستغفر وتكورك
وتجرى والاولاد ساكنها براس الكلب واللحم .. قالت الاولاد اكلو لحم الكلب بقوا سحاحير..

انتهت

نلتقى لو بعمرنا بقية باذن الله


 
مواضيع : ايهاب عبد القادر



رد مع اقتباس
قديم 06-27-2010, 02:58 PM   #7




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي سطله.......!!!!






اربعه اولاد شباب سطلنجيه. اصلو ابو واحد فيهم لاحظ انه ولده ما طبيعى لانه ما عارفه بيسطل
اتصل الراجل باخوانه فى العاصمه قال ليهم :- سوقوا الولد ودوه المصحه وعالجوه وشوفوا ليهو
شغل .
كلم الراجل ولده السطلنجى وقال ليهو :- اعمامك لقوا ليك شغل سافر ليهم ....
الولد كلم اصحابه قال ليهم :- انا مسافر ...
فكر اصحابه اعملو ليه احتفال صغير جهزو الشراب والمزاج .. وفضل الضبيحه ... ومافى قروش
... فكرو فى سرقة عتود حاجه العافيه ..لكن حاجه العافيه مراة صعبه جداً ؛ واحد فيهم قال:-
انا بحلها اصلو عندنا كلب مكرهنى .. كل ما اجى انجررر واهوهو واعضى فينى وايطير المزاج
من راسى ( سوف اغتاله واجيب ليكم راسهو وكوارعه وجلده وانتو جهزو لحم العتود ...).
فعلاً سرقوا العتود وضبحوه وبدأو يجهزوا فى اللحم .. حاجه العافيه جات قاصه درب الحرامى
السرق العتود .. لقت الجماعه يجهزو فى اللحم .. كوركت وجاطت ولمت الجيران ..
ووووب على ووووب على سرقوا عتودى .. بسرعه شديده واحد من الجماعه جاب راس الكلب
وجلده وكوارعه والتانى جاب ليهم صحن لحم هديه .. الوليه دايره تجن .. تستغفر وتكورك
وتجرى والاولاد ساكنها براس الكلب واللحم .. قالت الاولاد اكلو لحم الكلب بقوا سحاحير..

انتهت

نلتقى لو بعمرنا بقية باذن الله
[/center][/u][/size][/font][/color][/b][/i][/u][/center][/center][/center]


 
مواضيع : ايهاب عبد القادر



رد مع اقتباس
قديم 06-28-2010, 07:59 PM   #8




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي مكتبة ايهاب عبدالقادر تاج الدين



اخر سطله


كتب احدهم:-

دلنى صديق سؤ الى طريق البنقو ولاننى كنت تايه ومحتار اشعل لى سجاره

فاخذت منها نفس اول فشعرت بان اذنى تكبران وتكبران حتى اصبحتا مثل

اجنحة الطائره فاخذت اطير فالهواء.

وجدت الهواء فوضى ... الطائرات تطير مع الطيور والدخان يملاء المكان

والصواريخ واجهزة البث فقلت فى نفسى :-

يجب ان اوقف هذه الفوضى .. وفعلاً صنعت صينية مرور وطبعت ايصالات

المخالفات وكتبت لائحة بالمخالفات وغراماتها..

الغرامه على الطيور الصغيره بيضه وبالعدم تغريده اما الطيور الكبيره فالغرامه

شوية ريش والطائرات الغرامه بالعمله الحره حتى لو يتقاسموها مع الركاب...

وفعلاً العمل مشى تمام والامور اخر باسطه.

وفى مره جات طيره صغيره وصفرت ليها ابت تقيف وطرت ليك وراها وقبضتها

وما احس ليك الا بخمشة منقار ماكن فى وركى ( اتارى عمك راجلها) وعينك ما

تشوف الا النور اطير لى فوق... لاحقنى... انزل تحت برضو خامشنى

لحدى ما كمل لحم وركينى وراح مقبل على اضنى ورحت عامل هبوط اضطرارى

سريع وانا ابكى واكورك كيف البس البنطلون تانى كيف اقشر وسط الجكس

وانا ما مالى بنطلونى؟؟؟!!

وجاء الحاج لقانى اهبش فى وركى وابكى واكورك.

بعد تلاته يوم قابلوا بى دكتور اقنعهم انها سطله من امها لكن براها بتفك...


انتهت


نلتقى لو بعمرنا بقية باذن الله


 
مواضيع : ايهاب عبد القادر



رد مع اقتباس
قديم 06-28-2010, 07:59 PM   #9




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي اول واخر سطله



سطــــــــــلـــــة انما ايه

احس بان اذنيه تكبران و لا يستطيع

السيطرة عليهما واخذ يطير بهما


و يحلق عاليا

تراى له العالم الواسع لوحة


صغيرة ينظر لها من علوه الشاهق

يتامل الطائرات و الطيور تاتى من


بعيد و تعبر جواره

و هو سعيد و فرح

لاحت له فكرة جميلة و غريبة

فقرر فى نفسه ان ينفذها

فورا

خط لنفسة ( صينية مرور )


واخذ ينظم المرور بين الطائرات و الطيور

و يفرض غرامات لاوجود لها

حتى على الطيور

وبلغت به الجراءة ليوقف اسراب طيور مهاجرة

و يعطل طائرات

الى ان اتى ذلك اليوم ليوقف صقرا مسرعا

و يفرض عليه غرامة مبالغا فيها

فغضب الصقر

و اخذ ينهش بمنقاره اذنيه الكبيرتان و اردافه

فاخذ بصيح و يرجوه ان لا يفعل لانه

سوف يهوى ارضا من هذا العلو الشاهق

فاخذ يهوى بشدة و الصقر ينهش لحمه

وهو يصيح ( يا الصقر لا يا الصقر روق ساى )

فسقط ارضا بعنف و هو ما زال يصيج و ينتفض

فارتطم بالارض و اخذ ينظر يمينا و شمالا ليجد

اهله يحيطون به ووالده غاضبا يصيح ( الولد دا

البنقو جننو لازم الليلة اودى المصحة )

انتهت

نلتقى لو بعمرنا بقية باذن الله


 
مواضيع : ايهاب عبد القادر



رد مع اقتباس
قديم 08-22-2010, 07:33 PM   #10




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي مكتبة ايهاب عبدالقادر تاج الدين



بركة الجيت عسل انت وبسكويت



التقي عدد من الاشخاص المعاقين حركيا في مركزلتاهيل وتركيب
الاطراف الصناعية فاخذ كل منهم يحكي قصته مع الاعاقة فحكي احدهم
قائلا :(اصلي كنت زول طرب وحفلات مرت كنت كاتل لي حفلة
في حلة بعيدة من حلتنا متفق مع جماعة نرجع سوا لكن الجماعة باعونى
قمت لقيت لوري ماشى حلتنا قلت اركب مع ناس اللوري اللوري كان
مستف نسوان واتاريهو العريس وعروسه راكبين مع السواق وانا ما جايب خبر
مالقيت مكان الا فوق للسيخ وكنكشته زي القرد انا الراجل الوحيد
واللوري مليان نسوان كله اللوري اتحرك والبنات والنسوان يسون
فى الزغاريدوالدلوكه رابه اول غنية كانت :(الجلابية بيضاء مكوية)
عاينت لجلابيتي لقيتها بيضاء ومكويه سيف قلت انا المعنى وانا ماعارف
الجماعة ديل قاصدين العريس الراكب قدام الاغنية التانية(راجل المراه)
قلت ديل اكيد قاصدنى ما فضل ليهن الااقولن اسمى عديل.
قعدت ابشر(ابشرن ابشرن ) بعد داك غنو :ا(بركةالجيت بركة الجيت
عسل انت وبسكويت)
طبعا انا عارف روحي عسل وبسكويت قعدت ابشر(ابشرن ابشرن)
انفعلت وقلت يا ود اديها عرضه وكمل الرجاله رحت فكيت ايدي
وكريعاتي لقيت روحي مكسر
ومقطع تحت اللوري والنسوان بدل الغناء قلبنها ثكلى.
اهه من ديك وتوبه
الغناء فى الاذاعة ما بسمعو وصيوان عرس وحتي كان بقى
صيوان بكاء ما بخشو
والعسل والبسكويت اكان كتبوهن لى دواء ما بوديهن على خشمى
انتهت

نلتقى لو بعمرنا بقية باذن الله


 
مواضيع : ايهاب عبد القادر



رد مع اقتباس
قديم 08-25-2010, 07:35 PM   #11




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي مكتبة ايهاب عبدالقادر تاج الدين



هيق...اناماسكران...هيق



سكن مع جماعة عزابه راجل مهذب ومودب عارفهم سكاره ومساطيل قال انامالي
يوم عزموه شاي مغرب رفض بشدة حلفوعليه طلاقات وحرامات...
مشي معاهم بيت عزابة تانين المهم ادوه صبارة شاي مظبط بس جنزبيله شوية كتير رفض اشرب
قال الجنزبيل بيعمل لى ابوشهيق
حلفوعلي طلاقات وحرامات المهم الزول شرب والجماعة ديل اشتغلواسطل وسكربعد شوية زولك جاهوابوالشهيق بقي شغال هيق هيق بعد شوية الجماعة استمخو ولكن جاء واحد جاري من بعيدكورك (كتمت كتمت)
جات الشرطة ارفع ارفع وزولك شغال هيق هيق اناوالله ماسكران هيق هيق

النقطةالاخيرة
واحد متعلم اسطل جديد يوم سطل وعايز اجيب علبة سجايرمن البقالة بالغلط
لبس بدل الجلابية فستان امه الحاجة حصل الظلط في ضوءالشارع شاف الفستان اللابسه
قال(زمن عجيب عالم عجيبة تطلع من بيتكم راجل بشنب ودقن تحصل شارع الزلط تلقي روحك حاجة)..

تذكرانهم مرضي بحاجة للعلاج

هيق هيق

انتهت

نلتقى لو بعمرنا بقية باذن الله


 
مواضيع : ايهاب عبد القادر



رد مع اقتباس
قديم 08-28-2010, 07:16 PM   #12




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي مكتبة ايهاب عبدالقادر تاج الدين







فاصلة بداية
دخل الجامعة برلوم جديد لنج يعني شي طبيعي بفتح وانبرش وانداح وعلي العليهو كبكابة مغشوش في واحدة سنيرعامله نظام قشرة تحرر بيهو سوقها صاحبنا عايش خلط وكمل كل قصصه في الحلة حتي الجداد والعتان في الحلة حكي عنهم..
طبعا هو كبكابة يوم في الكافتيريا شغال بري شديد قدرما
يبحث عن تعبيراطق اصبعه اواصلح زاررة رقبة القميص طق كل الاصابع بقي اقابض في قزازة البيبسى
اصبعه انحشرفي القزازة اتكبس وحلف ما اطلع هواحاول سرا وما قادرالاصبع مصرما اطلع المحاضرة بدت اخرحاجة نادي بتاع الكافتيريا بتاع الكافتيريا قال ليه انا ما شغلتي طلع اصبعك واديني قزازتي صاحبنا حاول اقنعه بانه الاصبع رافض اطلع بتاع الكافتيريا اصر ولكن وافق انه امشي اطلع اصبعه في محل تاني بعدما شال منه موبايله امنية صاحبنا بقزازته مشي المحاضرة والبنية السنيرالشفته زاغت منه شبعت ضحك دخل صاحبنا المحاضرالاستاذة مساعد تدريس جديدة لنج شافها نسي القزازة الداسيها تحت الدفاتر حب اعبرعن سعادته بمقابلتها طلع يده وهوناسي القزازة قال ليها السلام عليكم الطلاب انفجروا ضحك وبقي موضوع كيف تطلع القزازة من الاصبع ساقوا غلوالمويةدخلو فيها القزازة القزازة انفجرت والاصبع انجرح واتحرق والموبايل ضاع والقلب والكبرياء اصله ديمة
مجروحين...
نلقى لو بعمرنا بقية باذن الله


 
مواضيع : ايهاب عبد القادر



رد مع اقتباس
قديم 08-28-2010, 07:16 PM   #13




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي يعني كبكبكةفي قزازةوكدا



فاصلة بداية
دخل الجامعة برلوم جديد لنج يعني شي طبيعي بفتح وانبرش وانداح وعلي العليهو كبكابة مغشوش في واحدة سنيرعامله نظام قشرة تحرر بيهو سوقها صاحبنا عايش خلط وكمل كل قصصه في الحلة حتي الجداد والعتان في الحلة حكي عنهم..
طبعا هو كبكابة يوم في الكافتيريا شغال بري شديد قدرما
يبحث عن تعبيراطق اصبعه اواصلح زاررة رقبة القميص طق كل الاصابع بقي اقابض في قزازة البيبسى
اصبعه انحشرفي القزازة اتكبس وحلف ما اطلع هواحاول سرا وما قادرالاصبع مصرما اطلع المحاضرة بدت اخرحاجة نادي بتاع الكافتيريا بتاع الكافتيريا قال ليه انا ما شغلتي طلع اصبعك واديني قزازتي صاحبنا حاول اقنعه بانه الاصبع رافض اطلع بتاع الكافتيريا اصر ولكن وافق انه امشي اطلع اصبعه في محل تاني بعدما شال منه موبايله امنية صاحبنا بقزازته مشي المحاضرة والبنية السنيرالشفته زاغت منه شبعت ضحك دخل صاحبنا المحاضرالاستاذة مساعد تدريس جديدة لنج شافها نسي القزازة الداسيها تحت الدفاتر حب اعبرعن سعادته بمقابلتها طلع يده وهوناسي القزازة قال ليها السلام عليكم الطلاب انفجروا ضحك وبقي موضوع كيف تطلع القزازة من الاصبع ساقوا غلوالمويةدخلو فيها القزازة القزازة انفجرت والاصبع انجرح واتحرق والموبايل ضاع والقلب والكبرياء اصله ديمة
مجروحين...
نقطة طلاب مساكين متصورين ان الجامعة للانفتاح والغراميات احيانا لا استطيع ان افرق الطالب من الاستاذ
النقطة البعد الاخيرة اشكرك كل من اشاد بانتجانا المتواضع وكل من اقترح ان تكون هذه النصوص مفاتيح لحوارات
النقطة البعد البعد البعد الاخيرة سلام


 
مواضيع : ايهاب عبد القادر



رد مع اقتباس
قديم 09-22-2010, 02:28 PM   #14




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي مكتبة ايهاب عبدالقادر تاج الدين



الخطيبة زوجة أبوالخطيبة


فراغ بداية
عاصم صديقي بري برأءة الاطفال احبه كأخي تحدثت معه كثيرا ليتزوج لانه وحيد امه و والده متوفي علي رغم انني لم أتزوج وفي يوم صارحني بان ابنة جارنا تعجبه مع انني اعلم انها قبيحة جدا....
سالني فاجبته بانها وحيدة ابوها والدتها متوفية وتقيم مع ابيها وزوجته الجميلة وسالته ان كانت تعجبه فاكد لي انها تعجبه فاخبرته بان والدها رجل كريم ومتعلم ومتفهم والافضل دخول البيت من بابه فيمكن مقابلة والدها اولا واصريت علي ذلك حيث كنت اريد ان اضمن عدم تردده في الموضوع...
فعلا ذهبنا وطرقنا الباب واستقلبنا الاب...
نقطة (بعد كده الكلام دارجي) ...
المهم يازول سلامات وحالكم واحوالكم والخريف والمطر بعد داك قلت للحاج والله جيناك عايزين نشوف بنتك في موضوع خير الحاج قال جدا...
نادي زوجته جات زوجته الجميلة تسلم عاصم لكزني وقال لي في اضأني (هوي دي الجيت اخطبها طلعت زوجة عمك الحاج انا متخارج اتصرف براك)..
بعد داك استاذن واتخارج عمك الحاج رسل زوجته نادت البنت وعمك وزوجته اتخارجو والبنت الشينه قعدت لي ..
وانا افكر واتململ وساكت ساي قاطع صوت وصورة ....
وقامت البنت نادت ابوها وقالت ليه انا موافقة اعقد لي طوالي انا قعدت في واطات الله اديته بكية كاربة... الجماعة قالو فرحان
نقطة اخيرة
واحد زوجته شينة سالوه يا زول انت النصيبة دي ما شفتها من الاول قال قابلتني بضهرها
النقطة البعد البعد الاخيرة ..
اسف يوجد ركود واضح جدا في المنتدي وهذه مسوؤلية اعضاء وليس ادارة
شكرا مع السلامة


 
مواضيع : ايهاب عبد القادر



رد مع اقتباس
قديم 09-27-2010, 04:48 AM   #15




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي دفترياسمين مقتبسةمن قصةواقعيةوارقام حقيقيةلاتمرعليهاعابرا



[COLOR="Red"]
[SIZE="6"][align=center]عفوا اغير اوراقي وقلمي وانا خايف ومرعوب وانا اكتب عن هذاالدفتر ساعدني بقلمك لانه سوف يتنابك نفس احساسي
تمسك نجوى بتلابيب زوجها وتجره بعنف وتحاول ان تصل الي سكين المطبخ وهو منهار تماما وتصيح في هستيريا
والدموع تملاءعينيها(ياكلب اناساكته ليك ساكت ياتافه اي حاجة عارفاها لكن ده الما كنته عامل حسابه ياهادي نهايتك مع
ياسمين ضيعتني واولادك وفضيحة لجني الجني )في الشارع الاخرناهد مع ساره داخل غرفة مغلقة ناهد تبكي في حرقة
واسي وتهمس لسارة(كنت عارفه قبل خطوبتي بس قلت اسحبه من ياسمين الكلبة دي بهدوء لكن ياسارة الاحداث جرت
سريعةوانا ما صدقته خالدخطبني بعدالعمر ده) تنتبه سارة فجاة و تقول( ناهد اوعي اكون) قبل ان تتم تقاطعها
ناهد(ماكان وانتهي مخطوبين من سنين ونتلاقي بالساعات تفتكري شنو) تحتضنها و تنتحبان وعلي قريب وفي ضل العصر
يجلس عم الفكي عجوز علي اعتاب المائة سنة يخاطب نفسه سرا(ياحليلك ياياسمين وحليل ريحتك لما تجي بقدامي
زي الوقت واتذكر سنة خمستاشر) فيفوق
من حلمه ويحرك السبحة في يده

وفي ميدان الكورة الكورة في دائرة السنتروالاولاد كل منهم يجلس بعيدا او يقف بعيدا
وشارد الذهن الا مجتبي حضرمن صلاة العصر و يبتسم في شماته لمح من بعيد انوروجري نحوه ليخاطبه
(اناما حزرتك) في شارع اخرحاجة عشة تنادي عبلة بنتها سرا وتدخلان الغرفة و تغلقلان الباب حاجة
عشة(انت بنتي وسري اطمنك ابوكي ما بتجيه حاجة من ياسمين ولا غيرها وانا فاكه ليه الحبل لانه رجالته كملت من عشرة
سنة وبقي راجل ونسة ساي) وتضحك في شماته يدخل دكتورعبدالله منزله وتخلتي به زوجته وتسأله عما يدور وتخبره بحال
الحلة والحديث الدائر منذ الصباح سرا وجهرا والرسائل والمسكولات والمكالمات في هدوء يهمس لها قليلا وقبل ان يخرج
لصلاة المغرب ياخذ شي في يده و يقول لها(انا ح اتصرف) ويخرج وبعد الصلاة يقف ويتحدث الي المصلين يلاحظ لاول مرة
اكتظاظ المسجد بهذا العدد الكبير علي غيرالعادة فيقول بعد ان يبد أخطبته
كالعادة(يا جماعة امس بالليل جاتني في المستشفي ياسمين وانتو بتعرفوها كويس في حالة صعبة جدا وهي الان موجودة
هناك وصارحتني بانها مصابة بالايدز من عشرة سنة وسلمتني اوراقها الطبية ودفتر فيه اي شخص عملت معاه علاقة
مكتوب اسمه وعنوانه وتلفونه وتاريخ ومكان لقاءاتها معاه والدفترعباره عن عشرة كراسات كبيرة والبنت دي
سكنت الحلة من عشرة سنة وعدد رجال الحلة وشبابها اقل من خمسمائة الدفتر ده فيه عدد اكبر بكتير من ده ارجو من
من يهمه الامروعارف انه اسمه مكتوب التوجه لمركز الفحص) ....!!!
نقطة

انتهت
نلتقي لوبعمرنا بقية باذن الله


 
مواضيع : ايهاب عبد القادر



رد مع اقتباس
قديم 09-27-2010, 04:48 AM   #16




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي مكتبة ايهاب عبدالقادر تاج الدين



حكاية الموظفة البكاية


كتب مديراحدي المصالح بقلمه{جاتني شكوةمن كبيرالموظفين بخصوص موظفةمن احسن الموظفات بانهانشيطةومواظبةومنضبطة في عملهاولكنهالاتكف عن البكاء طوال اليوم واسواءمافي الامرعندنهاية العمل يشاركهاالجميع البكاءحتي المارةفي الشارع بمافيهم اناكبيرالموظفين شخصياانذرتهاو عاقبتها وعرضتهالطبيب نفسي حتي الطبيب النفسي بكي ولااجدحل الافصلها قرات خطاب كبيرالموظفين واستدعيت الموظفة فجأت الموظفةوهي تبكي واناابكي وهي تبكي واناابكي فسالتهاعن سربكائهافقالت-(خطبني ابن خالتي وتم زواجي منه وفي اول ايام شهرالعسل طلبت منه ان يترك شرب المخدرات فوافق لانه يحبني وكان يحب الرسم وطلب مني ان يتناول جرعةاخيرةفوافقت و وعدته ان افعل له كل مايطلبنه مني فاخرج ادوات الرسم وطلب ان يرسمني واناابكي وعدته ان لاأكف عن البكاءالي ان ينتهي من لوحته واخذيتناول اخرجرعةمخدرات وذاده شويةوذاده شويةوقامت بيه وفضه سطروجنه واللوحةماتمت اناعلي وعدني اواصل في بكاي) واصل المديربكيت معاهاوامرت بترقيتهاوحافز كمية مناديل}.بعدالنقطةالاخيرةكتب الشاعرجينغ شانغ قصيدته §ماعارف مناسبتها§منها(لنق كناف سنبف باف لن ساشففق سبنجبفطق كونق ناوبق رق مباقنج§نفسي انقطع تموهابراكم) .


 
مواضيع : ايهاب عبد القادر



رد مع اقتباس
قديم 09-27-2010, 11:20 AM   #17
أبو إسراء


الصورة الرمزية البرنس
البرنس غير متواجد حالياً

بيانات اضافيه [ + ]
 رقم العضوية : 1127
 تاريخ التسجيل :  Aug 2007
 أخر زيارة : 12-10-2014 (10:37 AM)
 المشاركات : 4,957 [ + ]
 التقييم :  31
 الدولهـ
Sudan
 MMS ~
MMS ~
لوني المفضل : Blue
افتراضي



ربنا يبعد مجتمعنا من امثال ياسمين وحقيقة القصة تمثل واقع حدث كثيرا مؤخرا وتمني من الجميع توعية كل من حوله ويجب ان ينتبه كل المجتمع لمثل هذه الممارسات السالبة فقد يجتر الي ماهو اعظم من ذلك وممكن بسبب نزوة او شهوة ان يروح ضحيتها اطفال واسر في خبر كان ربنا يعافينا ويغنينا بحلاله عن حرامه شكرا قدورة رسالة بليغة جدا اتمني ان تصل الي الجميق شكرا عميقا


 
 توقيع : البرنس

مواضيع : البرنس



رد مع اقتباس
قديم 09-27-2010, 03:23 PM   #18




الصورة الرمزية الطيب عبدو
الطيب عبدو غير متواجد حالياً

بيانات اضافيه [ + ]
 رقم العضوية : 1911
 تاريخ التسجيل :  Jul 2008
 أخر زيارة : 11-04-2015 (09:33 AM)
 المشاركات : 2,147 [ + ]
 التقييم :  40
 MMS ~
MMS ~
لوني المفضل : Brown
Angry



ايه القصه حقيقيه ؟ ؟؟؟؟ ياسمين متأكد!!!!!!!!!!!!!!! يعني نمشي نفحص ؟؟؟؟
نقرتين لعرض الصورة في صفحة مستقلة



 
 توقيع : الطيب عبدو



رد مع اقتباس
قديم 09-27-2010, 04:32 PM   #19


الصورة الرمزية rasty
rasty غير متواجد حالياً

بيانات اضافيه [ + ]
 رقم العضوية : 1320
 تاريخ التسجيل :  Sep 2007
 أخر زيارة : 10-10-2014 (09:11 PM)
 المشاركات : 89 [ + ]
 التقييم :  10
لوني المفضل : Brown
افتراضي



و اللييييييييييييييييييييييييييييييييييييييييييله !!!!!

نقرتين لعرض الصورة في صفحة مستقلة


نقرتين لعرض الصورة في صفحة مستقلة

تحذير :
كتمت !!!


 
 توقيع : rasty



رد مع اقتباس
قديم 09-27-2010, 07:29 PM   #20


الصورة الرمزية sit_albanat
sit_albanat غير متواجد حالياً

بيانات اضافيه [ + ]
 رقم العضوية : 2658
 تاريخ التسجيل :  Feb 2009
 أخر زيارة : 01-05-2012 (06:32 PM)
 المشاركات : 4,999 [ + ]
 التقييم :  14
لوني المفضل : Brown
افتراضي



في واحد من امتحان ( الاورال) الشفوي كان الدكتور بسال طلبه الطب سؤال عن طرق الوقايه من مرض الايدز

طالب واحد جاب النمرة الكاملة على السؤال دا ... رغم انه اجابته كانت من كلمتين ما اشتملت على اي مصطلح طبي

على عكس زملائه الابحروا في ذلك المجال بكل ما حفظوا من قريب او بعيد عن المرض

اجابته كانت

تقوى الله

ربنا يحمينا واولادنا واولاد المسلمين ويكفينا بحلالوا عن حراموا في سائر امورنا

وتحياتي


 

رد مع اقتباس
قديم 09-27-2010, 08:59 PM   #21


مونتي


الصورة الرمزية منتصر تاج الدين
منتصر تاج الدين غير متواجد حالياً

بيانات اضافيه [ + ]
 رقم العضوية : 82
 تاريخ التسجيل :  Aug 2005
 أخر زيارة : 08-21-2015 (03:11 PM)
 المشاركات : 3,175 [ + ]
 التقييم :  28
 MMS ~
MMS ~
 SMS ~
تعاين وتسأل
وماف جواب
بلاد نأئيه
وناس اغراب
عالم خالي
من الترحاب
وين ياسكة
بلا الاحباب
لوني المفضل : Coral
افتراضي



لا حول ولا قوة الا بالله العلي العظيم وحقا تقوي الله هي خير وقاية كما ورد في القصة التي سردتها الاخت
ست البنات ولنتذكر جميعا قوله تعالي { وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى


كُلُّ نَفْسٍ مَا كَسَبَتْ وَهُمْ لا يُظْلَمُونَ }


 
 توقيع : منتصر تاج الدين


اشهد ان لا اله الا الله محمد رسول الله


رد مع اقتباس
قديم 09-27-2010, 10:21 PM   #22


الصورة الرمزية محمدعلي الصيفي
محمدعلي الصيفي غير متواجد حالياً

بيانات اضافيه [ + ]
 رقم العضوية : 4303
 تاريخ التسجيل :  Feb 2010
 أخر زيارة : 09-10-2011 (04:20 PM)
 المشاركات : 130 [ + ]
 التقييم :  10
لوني المفضل : Brown
افتراضي



استغفر الله العظيم ياناس دي مصايب شنو انشاء الله ياسمين دي مافي منها كتير وحمانا الله واياكم


 
 توقيع : محمدعلي الصيفي

ربما غدا او بعد غد ربما بعد سنين لاتعد ربما ذات مساء نلتقي في طريق عابر دون قصد




رد مع اقتباس
قديم 09-28-2010, 07:18 PM   #23




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي



اقتباس:
ربنا يبعد مجتمعنا من امثال ياسمين وحقيقة القصة تمثل واقع حدث كثيرا مؤخرا وتمني من الجميع توعية كل من حوله ويجب ان ينتبه كل المجتمع لمثل هذه الممارسات السالبة فقد يجتر الي ماهو اعظم من ذلك وممكن بسبب نزوة او شهوة ان يروح ضحيتها اطفال واسر في خبر كان ربنا يعافينا ويغنينا بحلاله عن حرامه شكرا قدورة رسالة بليغة جدا اتمني ان تصل الي الجميق شكرا عميقا
تقبل شكر كل من وصلته الرسالة ومن ستصله لاحقا
اخي البرنس ليتك تمر مرة اخري وبقلمك مداد اضافى
لتسطر بعض الحروف
اطلاله مقدره
جزاك الله الف خير


 
مواضيع : ايهاب عبد القادر



رد مع اقتباس
قديم 09-28-2010, 07:29 PM   #24




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي



اقتباس:
المشاركة الأصلية كتبت بواسطة الطيب عبدو مشاهدة المشاركة
ايه القصه حقيقيه ؟ ؟؟؟؟ ياسمين متأكد!!!!!!!!!!!!!!! يعني نمشي نفحص ؟؟؟؟
نقرتين لعرض الصورة في صفحة مستقلة

مرورك طيب ياالطيب بس ياسمين يارجل ياطيب وان جات نتيجة الفحص نظيفة (وما اظنها )برضو بتخرب علي الزول دنيا واخرة
وطلقت رجال كتار ويتمت اولادهم في حياتهم
قدامك نجوي ضبحت راجلا بسبب ياسمين (بيني وبينك اسحب ردك المادام ما تقراه) انتظر منك مرور اخر يارايع


 
مواضيع : ايهاب عبد القادر



رد مع اقتباس
قديم 09-28-2010, 07:44 PM   #25




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي



اقتباس:
المشاركة الأصلية كتبت بواسطة rasty مشاهدة المشاركة
و اللييييييييييييييييييييييييييييييييييييييييييله !!!!!

نقرتين لعرض الصورة في صفحة مستقلة


نقرتين لعرض الصورة في صفحة مستقلة

تحذير :
كتمت !!!
مع الاسف ياراستي تجاوزنا حد الخوف والاندهاش لانها كتمت من زمان أتوقع مرورك مرة أخري لان مرورك خفيف ولطيف ياعملاق


 
مواضيع : ايهاب عبد القادر



رد مع اقتباس
قديم 09-28-2010, 07:56 PM   #26




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي



اقتباس:
المشاركة الأصلية كتبت بواسطة sit_albanat مشاهدة المشاركة
في واحد من امتحان ( الاورال) الشفوي كان الدكتور بسال طلبه الطب سؤال عن طرق الوقايه من مرض الايدز

طالب واحد جاب النمرة الكاملة على السؤال دا ... رغم انه اجابته كانت من كلمتين ما اشتملت على اي مصطلح طبي

على عكس زملائه الابحروا في ذلك المجال بكل ما حفظوا من قريب او بعيد عن المرض

اجابته كانت

تقوى الله

ربنا يحمينا واولادنا واولاد المسلمين ويكفينا بحلالوا عن حراموا في سائر امورنا

وتحياتي
تحاياك مقبولة ياستنا ولو وجدت التقوي لاصبح رجال الشرطة عاطلين
ولكن القرأن يقرأ ويحفظ علي اللسان والمصاحف تشكو الهجر
انظري الي المساجد يدخل المصلي سريعا ليخرج سريعا عندما انكشف امر ياسمين امتلاء المسجد بالمذنبين خوفا من المرض
اشكرك شخصيا لاني أحرص دوما علي قرأءت ردك فيما أكتب لكي ما أتمني يا ستنا


 
مواضيع : ايهاب عبد القادر



رد مع اقتباس
قديم 09-28-2010, 08:03 PM   #27




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي



اقتباس:
المشاركة الأصلية كتبت بواسطة منتصر تاج الدين مشاهدة المشاركة
لا حول ولا قوة الا بالله العلي العظيم وحقا تقوي الله هي خير وقاية كما ورد في القصة التي سردتها الاخت
ست البنات ولنتذكر جميعا قوله تعالي { وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى


كُلُّ نَفْسٍ مَا كَسَبَتْ وَهُمْ لا يُظْلَمُونَ }
ونعم بالله ياانيق دوما تستدل بالقرأن في ماتكتب طبعا لااستطيع ان اقول غير ماكتبه جزاك الله خير وفي ميزان حسناتك راجينك تاني ولك مني كل الطيب


 
مواضيع : ايهاب عبد القادر



رد مع اقتباس
قديم 09-28-2010, 08:09 PM   #28




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي



اقتباس:
المشاركة الأصلية كتبت بواسطة محمدعلي الصيفي مشاهدة المشاركة
استغفر الله العظيم ياناس دي مصايب شنو انشاء الله ياسمين دي مافي منها كتير وحمانا الله واياكم
شكرا مننا كلنا ليك يا استاذ
لا اطمنك طالما نحن نحن
توجد ياسمين بكثرة لانها صناعة واخشي ان تكون صناعة جيدة يااستاذ اكيد منتطرنك تاني


 
مواضيع : ايهاب عبد القادر



رد مع اقتباس
قديم 09-30-2010, 01:00 PM   #29


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي



اقتباس:
المشاركة الأصلية كتبت بواسطة rasty مشاهدة المشاركة
و اللييييييييييييييييييييييييييييييييييييييييييله !!!!!






تحذير :
كتمت !!!
هاهاها..
نسأل الله السلامه،ومشكور قدورة ونسال الله يحفظ كل المسلمين وحقيقه الفكره حلوه..تسلم اخوى..


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا



رد مع اقتباس
قديم 10-02-2010, 02:04 PM   #30




الصورة الرمزية ايهاب عبد القادر
ايهاب عبد القادر غير متواجد حالياً

بيانات اضافيه [ + ]
 رقم العضوية : 6326
 تاريخ التسجيل :  Jun 2010
 أخر زيارة : 10-27-2016 (10:04 AM)
 المشاركات : 1,441 [ + ]
 التقييم :  55
لوني المفضل : Brown
افتراضي



اقتباس:
المشاركة الأصلية كتبت بواسطة ود الحصاحيصا مشاهدة المشاركة
هاهاها..
نسأل الله السلامه،ومشكور قدورة ونسال الله يحفظ كل المسلمين وحقيقه الفكره حلوه..تسلم اخوى..
تسلم انت ياكبير انتظرنا طلتك كتير والبركة الجابك دفتر ياسمين ولازم نشوفك لانه عنده بقية منتظرنك في نفس المكان في زمن تاني انشاء الله


 
مواضيع : ايهاب عبد القادر



رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ألف سلامة والدنا عبدالقادر تاج الدين أبوهمام «۩۞۩-المنتدي الاجتماعى-۩۞۩» 15 06-26-2012 10:56 PM
التحية لعمنا عبدالقادر تاج الدين صديق قوزالرهيد «۩۞۩-منتدى الحصاحيصا الحر-۩۞۩» 12 06-01-2012 08:44 AM
ابناء عبدالقادر تاج الدين وهموم الحصاحيصا مهدي بكش «۩۞۩-منتدى الحصاحيصا الحر-۩۞۩» 9 11-21-2011 10:05 PM
16/10/2009م أسرة عبدالقادر تاج الدين المقدم تدعوكم ابو امجد «۩۞۩-المنتدي الاجتماعى-۩۞۩» 47 10-17-2009 08:41 AM
بالتوفيق عارف عبدالقادر تاج الدين عمادبندي «۩۞۩-منتدى الحصاحيصا الحر-۩۞۩» 12 08-12-2007 05:56 AM


الساعة الآن 12:32 AM.


Powered by vBulletin Version 3.8.7
Copyright ©2000 - 2023, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009