سودانية جميلة

كيف تكوني انيقة
المظهر الخارجي شيء ملفت للإنتباه عشان كدا عاوزين نشوف الحاجات البتناسبنا والبتشبهنا ودا أهم شيء .
وعشاني وعشانك وعشان كل سودانية جميلة وأنيقة قلت اعمل البست دا ونتعلم منك ومنها ومنهم كل شيء حلو وجميل .
اها ....البداية حتكون شنو ....
*الذوق العام ....دي حتكون البداية حقتنا
(اكل مايعجبك والبس مايعجب الناس) دا مثل طوالي بنسمعه
المثل دا قاصدين بيهو شنو انا بشوف انو بيحكي عن شكل اللبس المفروض يكون كيف والالوان المختارة مع مرعاة المكان والزمان
في فترة ماطويلة كان الشباب مابحتاجو لي توجيه في لبسهم بلبسو بمزاجهم والحاجة البتعجبهم من غير اي إرشادات ونصائح وبراعو في كدا العادات والتقاليد والاعراف المجتمعية ممكن نقول عنهم جيل ناضج مابحب يتعدى حدودو
جينا في فترة تانية اختلف اللبس ودخلت حاجات جديدة وتابعنا الموضة وهي حاجة حلوة ماكعبة بس ممكن نهذبها ونتبع منها الجميل ونخلي الشين المابشبهنا .
طيب ما المقصود بالذوق العام ؟
مثلا المعلمات لازم يلبسو حاجات بسيطة ماتكون مثيرة وملفته للإنتباه سواءً باللوان او الشكل في التصميم او الإكسسوارات المزعجة لأنو طبيعة العمل بتحتاج من الطلاب التركيز في الدرس مش التركيز في التنورة او البلوزة او الخاتم والساعة ....
وبكدا حاكون قدوة ليهم من لبسي لي دروسي البديهم ليها
والكلام دا برضو للمهندسة والدكتورة ..وكل الشرائح الفي المجتمع نلبس الحاجة المناسبة للعمل .تمام
والطالبات برضو ليه نحن نخلي إدارة الجامعة تعمل لينا مشرفات لمن اجي داخلة يوقفوني ويقولو لي البلوزة ضيقة والتنورة فيها خطوة وليه لابسة بنطلون ماتدخلي وجيبي بطاقتك وتتحسب عليك مخالفة ..انت من نفسك ماشة الجامعة لازم البس طويل ومحترم عشان نفسي اول قبال الفي الحرم
اها لمن اجي ماشة مناسبة والمناسبات نوعين اما حزن او فرح لو حزن بقوم البس لي عباية او توب يكون مافيهو زينة كتير طبعا هسا كلو اختلف بيت البكاء فيهو حاجات مبالغة بتخلع عديييل كدا ودا مامحلها بس بكاء يعني ماف مكياج ماف عطور ماف كشكشة ولا دهب .برضو لو تصمتي جوالك وتخليهو هزاز بكون أجمل .
ماشين لي مناسبة فرح دي حاجة حلوة جدا البسي مايحلو لك ومايحلو عليك ومايحليك في عيون الآخرين يعني كوني جميلة .
وبكدا ممكن نعرف الذوق العام على انه استجابة تأخذ شكل ارتياحنا لبعض الأشياء من حولنا او عدم الإرتياح نقابلها بإستحسان او استقباح واستنكار ملنا لها او نفرنا منها .
وقد يكون هذا الشيء الذي اقصده صورة في هذا المكان تسقط عليها انظارنا ويستقبلها عقلنا .وممكن ان نتعدى ذلك المقصد الى الأصوات والروائح فكلها مؤثرات يجب علينا مراعاتها وان نضعها في الإعتبار لانها دلالة على الرقي المجتمعي وتتعكس مباشرة على الأخلاق وأساليب التعامل مع الناس واشيائهم وأفكارهم ......
ونواصل ...

الخطوة التانية حابة اتكلم عن الالوان ...
الالوان هي مجموعة اطياف ضوئية تسر العين
وهي سبعة الوان اساسية ...
أسود ابيض احمر اصفر بنفسجي اخضر ازرق
وبقية الالوان التي نستمتع بها ماهي الا تدرج من هذه الاساسية

حنشوف تناسق الالوان مع بعضها وكيف ممكن تداخل وتطلع بشكل مقبول
وجميل ...
نبداء باللون الاسود بشوف انو هو ملك الالوان اي لون معاهو بكون
جميل وبيتعكس بشكل رائع جدا ..المشكلة في السودان
لمن تلبسي اسود بيقولو ليك حادة على منو
وكمان بحس انو بيجذب السخانة بتاعت الشمس دا بالنهار
بس في بعض الناس بتختار الاسود للمناسبات دلالة على الرقي عندهم
غايتو هو جميل ...
معلومة ...اللون الاسود بيبين انك نحيفة
يعني لو كنت سمينة يفضل تلبسي اسود
............

بكتفي بالقدر دا من الصور وحتلاقو في صالون راقية للأزياء نماذج جميلة جدا
للاخ بشرى عبد الله ....
دمتم طيبين وساعود مرة اخرى مع لون جديد وطبعا بعتذر اليوم لانو الشبكة سيئة .
ونواصل ...^_^

موضوع غاية في الاهمية ورائع في حد ذاته تسلمي عليه يا سبنا واسمحي لي بان اضيف ان للاسف كثير من السيدات والفتيات لا يعرفن اساسيات الاناقة وان لكل لون بشرة او جسم له مايناسبه فمثلاً اناقة المراة في العمل يجب ان تختلف عن اناقتها في الزيارات والمناسبات الإجتماعية واكثر شي يثير استغرابي تياب المذيعات الأغلبها ثياب سهرات يلبسوها في التلفزيون الا لو كانت برامج سهرات خارجية فلهم العذر وايضاً يجب على الفتاة عدم ارتداء اي ملابس تكون موضة سائدة بدون ن تعرف هل تناسبها ام لا ..
الف شكر لك غاليتي سبنا على الموضوع ودمتِ بألف خير

المشاركة الأصلية كتبت بواسطة واحة الراهب

موضوع غاية في الاهمية ورائع في حد ذاته تسلمي عليه يا سبنا واسمحي لي بان اضيف ان للاسف كثير من السيدات والفتيات لا يعرفن اساسيات الاناقة وان لكل لون بشرة او جسم له مايناسبه فمثلاً اناقة المراة في العمل يجب ان تختلف عن اناقتها في الزيارات والمناسبات الإجتماعية واكثر شي يثير استغرابي تياب المذيعات الأغلبها ثياب سهرات يلبسوها في التلفزيون الا لو كانت برامج سهرات خارجية فلهم العذر وايضاً يجب على الفتاة عدم ارتداء اي ملابس تكون موضة سائدة بدون ن تعرف هل تناسبها ام لا ..
الف شكر لك غاليتي سبنا على الموضوع ودمتِ بألف خير

..........
يامرحبا خطوة عزيزة
النقطة دي مهمة جدا بتاعت اني البس الحاجة البتناسب
مع لوني ومع جسمي ..
ودا من الذوق العام طبعا .
يلا بالنسبة للمقدمات في التلفزيون اغلب الاحيان
بيكون اللبس بتاعهم عبارة عن عرض لمكان معين
والمكياج كمان خبيرة مخصصة ..بس والله خطيرات
وجميلات .
الراقية واحة الراهب سعيدة بوجودك
وفي انتظارك دوما .
كوني بخير ياغالية ^_^

سبونة ازيك وليك وحشة يابت وينك لابده؟شكلك بنفسجية خالص الايام دى على قول إسراء هههههههههههه
موضوع جميل وشيق وهام جدا بالنسبة لاى انثى،ومعلوم انو اى انثى بهمها مظهرة علشان كده لازم تكون عندها نظرة موزونة للملابس البتلبسه،وحتى المكياج لازم يكون بسيط فى المناسبات ومافى داعى ليههو اصلا فى مكان العمل،واكيد اللبس بختلف من مناسبة للتانية فلكل مقام مقال.
طبيعة بشرتنا كسودانيات بتتطلب اننا نلتزم بنمط معين من الزى والمكياج،وكتير لاحظته لمكياج الاخوات فى الخليج وليبيا والسعودية واللى بتم مكياجهن عن طريق كوفيرات من الدول دى،وبالذات السعودية بستعملوا بدره وظلال كثيفة وحسب وجهة نظرى بتضيع كتير من ملامح السودانيات البتميزن بيها،فحتى بالنسبة للعروسات المكياج ابسيط اجمل وشان كده دايما العروسة البتتمكيج على يد سوداية شكلها بكون افضل من البتمكيجن عن طريق اجنبيات.اما اللبس فالتوب السودانى هو الاول والاجمل للسودانية فى المناسبات الاجتماعية اما فى العمل والزيارات فكل نوع زياره بتطلب لبس معين حسب تقدير البنت.تسلمى حبيبة وبجيك راجعة مرات ومرات انشاء الله.

المشاركة الأصلية كتبت بواسطة يوليسا

سبونة ازيك وليك وحشة يابت وينك لابده؟شكلك بنفسجية خالص الايام دى على قول إسراء هههههههههههه
موضوع جميل وشيق وهام جدا بالنسبة لاى انثى،ومعلوم انو اى انثى بهمها مظهرة علشان كده لازم تكون عندها نظرة موزونة للملابس البتلبسه،وحتى المكياج لازم يكون بسيط فى المناسبات ومافى داعى ليههو اصلا فى مكان العمل،واكيد اللبس بختلف من مناسبة للتانية فلكل مقام مقال.
طبيعة بشرتنا كسودانيات بتتطلب اننا نلتزم بنمط معين من الزى والمكياج،وكتير لاحظته لمكياج الاخوات فى الخليج وليبيا والسعودية واللى بتم مكياجهن عن طريق كوفيرات من الدول دى،وبالذات السعودية بستعملوا بدره وظلال كثيفة وحسب وجهة نظرى بتضيع كتير من ملامح السودانيات البتميزن بيها،فحتى بالنسبة للعروسات المكياج ابسيط اجمل وشان كده دايما العروسة البتتمكيج على يد سوداية شكلها بكون افضل من البتمكيجن عن طريق اجنبيات.اما اللبس فالتوب السودانى هو الاول والاجمل للسودانية فى المناسبات الاجتماعية اما فى العمل والزيارات فكل نوع زياره بتطلب لبس معين حسب تقدير البنت.تسلمى حبيبة وبجيك راجعة مرات ومرات انشاء الله.

...........
هلا بالغالية يوليسا
مداخلتك تاعت المكياج جميلة جدا والمكياج الكتير بشني
مابسمح مش دائما الحاجة البسيطة
بتكون جميلة خليك سمبل مع ابتسامة تطلع الصورة احلى
انا في انتظارك ياسكرة ادينا من خبرتك اكتر
شان نستفيد
كوني بخير غاليتي

اختيار جميل لهذا الموضوع تحديدا
فعلا هو موضوع مهم جدا لاي انثي فالاهتمام بالمظهر الخارجي شي جميل كما انه يعكس شخصيه الانثي ويضيف نوعا من الاناقه الخارجيه
مع تقدم اخر الصيحات والموضه لم تعد المراه كاالسابق اصبح كل شي في متناولها والاهم من هذا هو كيفيه اختيار ما يتناسبك معك وتناسق الالوان
يضيف للشخص ايضا نوعا من الراحه الداخليه والخارجيه ...
موضوع جميل اشكرك علي الطرح واشكر كل من يوليسا و واحه الراهب برضو النقاط الاتكلمو فيها مهم جدا للسيده السودانيه
دمتي بخير غاليتي
في انتظار المزيد