التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
|
أدوات الموضوع | انواع عرض الموضوع |
|
#1
|
|||||||
|
|||||||
الخطيبةزوجةأبوالخطيبة
فراغ بداية
عاصم صديقي بري برأءة الاطفال احبه كأخي تحدثت معه كثيرا ليتزوج لانه وحيد امه و والده متوفي علي رغم انني لم أتزوج وفي يوم صارحني بان ابنة جارنا تعجبه مع انني اعلم انها قبيحة جدا.... سالني فاجبته بانها وحيدة ابوها والدتها متوفية وتقيم مع ابيها وزوجته الجميلة وسالته ان كانت تعجبه فاكد لي انها تعجبه فاخبرته بان والدها رجل كريم ومتعلم ومتفهم والافضل دخول البيت من بابه فيمكن مقابلة والدها اولا واصريت علي ذلك حيث كنت اريد ان اضمن عدم تردده في الموضوع... فعلا ذهبنا وطرقنا الباب واستقلبنا الاب... نقطة (بعد كده الكلام دارجي) ... المهم يازول سلامات وحالكم واحوالكم والخريف والمطر بعد داك قلت للحاج والله جيناك عايزين نشوف بنتك في موضوع خير الحاج قال جدا... نادي زوجته جات زوجته الجميلة تسلم عاصم لكزني وقال لي في اضأني (هوي دي الجيت اخطبها طلعت زوجة عمك الحاج انا متخارج اتصرف براك).. بعد داك استاذن واتخارج عمك الحاج رسل زوجته نادت البنت وعمك وزوجته اتخارجو والبنت الشينه قعدت لي .. وانا افكر واتململ وساكت ساي قاطع صوت وصورة .... وقامت البنت نادت ابوها وقالت ليه انا موافقة اعقد لي طوالي انا قعدت في واطات الله اديته بكية كاربة... الجماعة قالو فرحان نقطة اخيرة واحد زوجته شينة سالوه يا زول انت النصيبة دي ما شفتها من الاول قال قابلتني بضهرها النقطة البعد البعد الاخيرة .. اسف يوجد ركود واضح جدا في المنتدي وهذه مسوؤلية اعضاء وليس ادارة شكرا مع السلامة |
09-22-2010, 02:52 PM | #2 |
|
هههههههههههههههههههههههههههههه
والله يا قدورة دة موقف بايخ جداً جداً صاحبك عملا فيك وزاغ ولا شنو ؟ تخريمة: اسلوبك جميل جداً وعندك افكار جميلة يا ريت ما تحرمنا من اطلالتك المميزة تحياتى |
حصاحيصا ياام المدائن والقرى
من روحى بقريها السلام كل مانسيم الليل سرا |
09-23-2010, 06:21 AM | #3 |
|
قصه لذيذه ....هسه انت مالك ومال زواج صاحبك
الجاتك في زواجك سامحتك نقطه ذي نقطتك ديك : المنتدي ما راكد بس بعد العيد اغلب الناس مسافره من والي البلد بعد الاستقرار انشاء الله تشوف النشاط شكرا للاهتمام |
واعمل لدار رضوان خازنها والجار احمد والرحمن بانيها قصوروها ذهب والمسك طينتها والزعفران حشيش نابت فيها .* .* .* .* .* .* .* .* http://www.quranflash.com/quranflash.html |
09-24-2010, 06:28 AM | #4 |
مونتي
|
انت ما سمعت المصريين يقولو امشي في جنازة ماتمشي في جوازة
مع انهم الاتنين فيهم ثواب ,وصاحبك دا طلع بكاي ساي |
اشهد ان لا اله الا الله محمد رسول الله |
09-24-2010, 08:07 PM | #5 |
|
شكرا عارف شكرا حبوبه شكرا منتصر قضية الزواج من غير دراسة ومعرفة سابقة ادت الي ارتفاع نسبة الطلاق مع الاسف شكرا وليس اخيرا ونلتقي في زمان ومكان اخر
|
|
09-26-2010, 09:34 AM | #6 | |
بيتحقق |
اقتباس:
سلامات قدورة×2
شنو يعنى قفلت البوست وشلت المفتاح ومشيت ... ما تدينا فرصة نقول راينا عملتها ظاهرة وانت البتشتكى من بعد الاعضاء امتنانى |
|
|
09-26-2010, 06:39 PM | #7 | |
أبو إسراء
|
اقتباس:
قدورة عجبني كلام منتصر عملت ليهو اقتباس وتذكرت موقف حصل معي شخصيا في اجازتي السابقة وربنا يعلم ورطة ورطة عمري ماشفتها ندخل في الموقف بدون ذكر اسماء او مناطق في اجازتي القبل الفاتت بالتحديد قبل اتزوج بشهر يعني انا معلن الزواج وكل شيء مرتب وعلي احسن حال اتي صاحبي (أ) ربنايطراه بالخير هو الآن متزوج ربنا يوفقو انشاء الله اها يازول جا وقال لي دايرك في موضوع قلت ليهو جدا قال لي والله انا بعرف لي بنت وماشفتها المهم رتبت معاها ومعي اهلها وبالتحديد اخوها ودايرك تمشي معاي ومعانا (ب) قلت ليهو خير ابشر اها البت دي وين وعرفتها من وين قال لي عرفتها بي التلفون ياراجل حرام عليك تلفون شنو وكلام شنو خلينا عليك الله من القصص الميته دي قال لي يازول انا ماشي ليهم في بيتهم وناوي زواج عديل المهم بعد تحانيس واضرب واطرح قلت ليهو ابشر يازول نحنا معاك وين ماتقبل طيب المكان وين قال لي واحدة من قري الحصاحيصا ودايرك تمشي معانا بي عربيتك دي قلت ليهو هوي ابعد بعيد والله انا عربيتي دي ترع وكنارات مابمشي بيها لكن تبرع مني بأجر ليك اتوس وتسوق انتا بس نأجر ونتوكل المهم انا المسكين اتوكلت وركبت خلفه وهم ركبوا قدام ونطلع ترعة وننزل ترعة لين وصلنا اها التلفونات اشتغلت انتا وين وانتي وين امشي يمين امشي شمال ونعاين هناك في توب جاي ماشي علينا المهم صاحبك شافها عمل ميت وسكت ماقال بقم طعبا عملت ليك فيها داير ألطف الاجواء لانهم اول مرة يتقابلوا بعض شبكتها ليك سلام وحق الله واخباركم نعل حواشتكم ماغرقت ومن الكلام دا صاحبي الشليق التاني قام قال والله ماعرفتونا طوالي سيد الموضع عرفنا علي اساس انو انا الكنت بتصل عليها وجايها خشمي بقي ملح ملح وماعرفتا وين امشي رماها ليك صاقعة يازول سكته ساكت واتلفت لين وصلنا البيت المهم البت مشت بي غادي وقعدنا نعاين لي بعض شبكونا ليك حلاوة وبيبسي وانا محرج من موقف الزول دا قلت ممكن يغير كلامو ويصلح الاشكال صاحبك قام طلع وخلانا ليك نحنا الاتنين المهم لمن ماعرفنا حاجة قلنا ليهم ياخ نحنا بنجيكم مرة تانية والواحد اتمني الواطة بس تبلعوا واتجرجرنا وهم شابكننا ليك ماعرفنا حاجة هسي بتجو متين وانا اقول ليهم بس نعمل مشاوراتنا وبنجي الحمد لله اتعرفنا وانشاء الله خير المهم طلعنا ودونا العربية وبي نمرة خمسة طرنا مشينا مسافة بعيد من الحلة ونزلنا ليك علي صاحبنا (أ) شي كوراك وجوطة ودا شنو السويتو دا قال والله ياجماعة البنت ماعجبتي طيب ماعجبتك تسوس فينا كدا قال والله اتلخبته وماعرفته اسوي شنو قمت عرفتكم وطلعت منها لا حول الله ربنا ماوقع زول في موقف ذي دا بالجد صعب شديد وممكن تنجلط فيهو وذي ماقال منتصر امشي في جنازة ماتمشي في جوازة فتكم عافية |
|
|
09-26-2010, 10:20 AM | #8 |
|
قدورة دبل
الزول السمح جد حاجات ممتازة حد الادهاش واصل ولا تكل ولا تمل اي نعم احيانا تجد المطالعات الف والردود اتنين ولكن لا تتوقف ومزيد من الزوجات الجميلات وتحياتي |
كيف اللحاق بركب نعيك والشوامخ لا تطال
|
09-26-2010, 06:59 PM | #9 |
|
ههههههه
والله يابرنس شلاقة ما بعدها ...صاحبك (أ) ده المفروض تعرف حركاته كويس بعدين تباريه الله لا ختاك في ضيقه ذي دي لا انت ولا قدوره قدوره |
واعمل لدار رضوان خازنها والجار احمد والرحمن بانيها قصوروها ذهب والمسك طينتها والزعفران حشيش نابت فيها .* .* .* .* .* .* .* .* http://www.quranflash.com/quranflash.html |
09-26-2010, 09:59 PM | #10 |
|
ماشاءالله سعيدبتواجدعمالقةالمنتدي عندي علي هذاالنص ومشكورين جداحبوبةومنتصروابوذروياسروعارف والبرنس وشكراليكم شرفوتني كتيرجدايابرنس انت ماغلطان ولاحاجةولكن صديقك زول قليل تجربةفي الحياةلايمكن باي حال ارسم صورةبناءعلي سماع صوت ناهيك عن قصةحياةيابرنس الناس ديل فاهمين قصةالحب دي غلط وغلط كبيرجداودايماالشخصية خلف سماعةالتلفون اكثرجراءةمن امام العين لانهامتحررةمن نظرات الطرف الاخروانفعالاته السالبةلي صديق كان علي وشك الزواج بهذه الصورةنصحته وملثناتمثليةمن غيرالفتاةماتعرفناوتحدثنامعهاوفي الأخرالامرماعجبه وانسحبنابلاضررولي صديق اخروصفت له طبيبةواخبرته بان لابدمن رويتهابهدوءوالحديث اليهامن غيرماتعرفناونحن الاثنين لانعاني من اي مرض والحمدلله ولكي نراهافحصت له الملارياوباتفاق مع مديرالمعمل حولت لهاالنتيجةوطبعاقابلناهالنجدان الاخ العريس يعاني من ملارياشديدةجداوهولايدري طبعاصرف نظرولكن لحين امامن الطرائف حضرصديقي من الجامعةبالبص وكانت تجلس جواره فتاة تعطل البص في الطريق وهولايعرفهاولم يتحدث اليهاابداوصل البص ليلافوجي بان الفتاة تبكي لان عمهاراجل صعب وماح تلقي مواصلات للحلة المهم منتصف الليل اجرتاكسي لحدي حلتهاوهواسمهامابعرفه ولكن شهامةمنه وفي الحلةلقي الوضع ملتهب تحقيقات معاه شديدةوشالهو اسمه وعنوانه وعنوان ابوه ومافضل الااعقدوالي في شنوالجابك مع بنتنابالليل شنووليه البص اتأخروالعطله شنولكم شكري ونلتقي مره ومرات
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|